Amman Ask Jeeran Help?

فرص العمل بالأردن

Ahmad0
From: Ahmad Alzghool |Before: over 4 years ago Within: General Issues
Add an Answer

بالنسبة لوضع البلد إنتوا شايفين إنه الأمور كل ما فيها بتتجه للأسوأ ، من بطالة وقلة فرص بالعمل ، وطلب معظم الشركات لشخص معه خبرة بمجال عمله لحتى ينصهر بجو الشغل بأسرع وقت ، والمنافسة الشرسة اللي بتكون بمعظم الأحيان غير شريفة كونها بدخل فيها فيتامين واو ، بالإضاف للغلاء الكاسح وإرتفاع الأسعار وزيادة الفقر عنا بالبلد ، وبالتالي راح يطول المشوار الخاص بكل شاب لحتى إنه يكون نفسه ويتزوج ، فلو الواحد كان على إعتبار نشيط جدا وبقدم طلبات شغل عالنت لفترة طويلة وشاف إنه الأمور مسكرة بوجهه وصار يحس إنه قعدته بالبيت وطلب مصروفه من أهله ثقيلة عليه كونه الأهل أدوا اللي عليهم ووصلوه للمرحلة اللي صار لازم يستقل فيها ماديا وبالعكس يرد ولو جزء بسيط من اللي دفعوه عليه أهله بدراسته ، فالآن الشاب صار قدام خيارين ما إلهم ثالث ، إما إنه يظل نايم بالبيت ويستنى لحد ما شركة أو مؤسسة تحكي معه إنه في عنده مقابلة ، وهوه والمقومات اللي عنده من نوعية الشهادة + درجة التحصيل العلمي + العامل الأقوى وهو الواسطة ومش أي واسطة ، لازم تكون واسطتك أقوى من من كل الواسطات المستقدمة مع كل متقدم للشغل أو الخيار الثاني وهو إنك تروح تشتغل متدرب بشركة ضمن مجال تخصصك بأجر رمزي أو بدون مقابل من باب تكسب خبرة بشركة مرموقة ، وراح يكون قدامك نتيجتين إما إنه تثبت حالك بفترة التدريب للمسؤول المباشر عنك من سرعة بالتعلم لآلية الشغل وسياسات ونظام الشركة وبالتالي عند أول فرصة لإستقطاب ناس جدد للشركة راح تكون على رأس القائمة كونك أخذت عالشغل وصرت من اكثر العارفين لآلية وجو الشغل العام ونظام الشركة وهيك بتكون وصلت لمبتغاك ، والنتيجة الثانية على أسوأ الإحتمالات تكون كسبت خبرة سنة عل الأقل بشركة مرموقة راح تدعم السيفي الخاصة فيك عند التقدم لشركات ثانية وتدعمها بدورات وتعتبر هالسنة وكإنها سنة خامسة إلك بالجامعة

mohammad19
From: mohammad Elayan |  over 2 years ago
Add an Answer

والله كلامك منطقي جدا صديقي بس المشكلة الحال مش في الاردن فقط و انما في مختلف الدول العربية , فالحل برأيي انك تحاول تشتغل بمجالك و تحاول تكتسب خبرة و لو كانت عن طريق الإنترنت فيه كثير معاهد بتعطي دورات و بتقدم عليها امتحانات و بدون مقابل ففرصة انك تفكر في هيك موضوع , و الجانب الثاني اللي بشوفه مهم كتير انك تقوي لغتك الإنجليزية لأنه ممكن من خلالها تقدم لشغل خارج الوطن العربي فبيكون عندك ميزة انك بتتحدث اللة بطلاقة على الأقل

و اذا مازبطت معك تدور على شغل في مجالك ضلك متابع جديد تخصصك و لا تهملة و شوفلك شغلة ثانوية ممكن تشتغل عليها هاد اللي بقدر افيدك فيه بصراحة


Answer this question
(you must enter at least 20 characters)
The number of remaining characters (250) character