عمان . منذ يونيو 2010
7 من المراجعات
مراجعتي كانت الأولى
3
مراجعاتي
7

مراجعاتي

  • Review by of المميز للاحذية الايطالية
    قبل 10 سنوات
    أعتقد أن أحذية الحذاء الإيطالي كان لها مكانة كبيرة في السنوات الخمس الماضية خاصةً أنه كأن أول من أدخل الأحذية الإيطالية إلى الأردن، ولكن مع اكتساح البضاعة الصينية للسوق المحلي أثرت سلباً على انتاجه وأصبح يستورد بضاعة من جميع الأصناف لتلبية جميع الأذواق....
    أكثر ما يميز الحذاء الإيطالي هو التصفية التي يقوم بها عقب نهاية كل موسم حيث يقوم بعد نهاية الشتاء بعرض جميل "أي بوت برقبة بمبلغ 10 دنانير" وهو الأمر الذي نستغله نحن فئة الشباب أحسن استغلال على اعتبار أن الحذاء كان يباع في فصل الشتاء بـ 30 دينار.... ما يعيب الحذاء الإيطالي حالياً الخدمة الذاتية التي يعتمدعها موظفي المحل، إذ دائماً ما يحتار الزيون داخل المحل دون إيجاد من يدله على الصنف الذي يريده.... يحتاج الحذاء الإيطالي إلى فتح فروع جديدة داخل العاصمة عمّان حيث أن المركز الرئيسي له والذي يتواجد في جبل الحسين ما زال مخفياً بحكم أنه داخل مجمع تجاري وليس على الشارع الرئيسي....
  • Review by of الطازج
    قبل 10 سنوات
    مع احترامي الشديد لهذا المطعم عمري ما اقتنعت فيه ،،، بحس أنو للأطفال مش للكبار يعني بهتم في الألعاب أكثر من الخدمة أو توفير مكان هادي للعائلات وهذا الشي اللي بخفف عقلي منو ...
  • Review by of مطعم فخر الدين
    قبل 10 سنوات
    يا حبيبي على هيك مطعم ... يعني اللي معاه مصاري بعاني من من أسعاره كيف الأشخاص اللي على قد حالهم ... أكله طيب وخدمته حلوة بس أشعارة ولعة نااااااااااااااااااااااار
  • Review by of بيتزا القيصر
    قبل 10 سنوات
    انا بصراحة من أشد المعجبين بهذا المطعم لعد أسباب أبرزها أنو سعره معقول يعني بنكون أربعة أشخاص وبننسطح بيتزا وما بتطلع الفاتورة أكثر من 25 دينار يعني حكي فاضي ..
    والسبب الثاني أنو موجود في أكثر من مكان في عمان وهيك ما في داعي أقعد ساعة أدور عليه ... والسبب الثالث أنو الخدمة عندو سريعة بس زي بعض المطاعم ؟؟؟
  • Review by of شاورما باشكا
    قبل 10 سنوات
    بصراحة هو المطعم الوحيد إللي باكل عندو وبشبع، يعني الوجبة كبيرة وزاكية وفيها كل شي بحبه، وبنصح كل واحد يجرب عندو وجبة "باشكا"، عنجد رهييييييييييبة.
  • Review by of باستيش كافيه
    قبل 10 سنوات
    يا شباب اللي حابب يبيض وجه قدام صاحبتو ياخدها على هذا الكوفي شوب، عنجد أشي فخم ومرتب والخدمة عندو كثير حلوة وخصوصاً الأراجيل يعني ما يتقعد تنادي على الفحم أربع ساعات، هو لحالو بيجي عندك كل شوي، إلكو مصلحة يا شباب وصبايا
  • Review by of مطعم ديوان السلطان ابراهيم
    قبل 10 سنوات
    بالفعل مطعم أنيق ومحترم ... وبصراحة أخدت خطيبتي عليه يوم جاهتنا وكان اشي فاخر على الأخر ... وأحلى شي فيه الخدمة يعني فايف ستار، وكمان الشباب اللي بيشتغلوا فيه كثير محترمين وفاهمين شغلهم صح....
Next