هدى العقرباوي

هدى العقرباوي

عمان . منذ فبراير 2011
موظفة بشركة ملاحه
303 من المراجعات
الأماكن المضافة
18
من وجدوا مراجعتي مفيدة
3
مراجعاتي
303
صوري
14
أماكن فضّلتها
12

مراجعاتي

  • Review by هدى of لا كاسا للتصفية
    قبل 9 سنوات
    لاكاسا من المحلات المميزه الموجووووده بشارع التصفيه ............. لانو في عنده تشكيله كتير حلوه من الاواعي خصوصا لالنا احنا الصبايا وانا كتير بشتري من عندهم بالزات الفساتين لانو كتير حلوين والخامه ممتازه واسعارهم كتير منيحه أحيانا في ئطع بتكووووووون أرخص من اماكن تانيه
    والمحل واسع وبكون مرتاحه وانا بدور لانو كل شي معلق بمكانه الشباب يلي بالمحل كتير بساعدوا وطويليين بالزات بفترة الاعياد لانو الناس بكونوا فوق بعض غرف القياس متوفره المصفات متوفره
  • Review by هدى of فاتو
    قبل 9 سنوات
    محل فاتو روحنا عليه بس انا واختي لانها حامل وبتدور على اواعي بتناسب للحمل بس ما روحنا عالفرع يلي بالافنيو مول روحنا عالفرع التاني بنفس الصويفيه بشارع الحمرا
    ......... ولئينا عنده تشكيله مميزه من كل شي متل فساتين الحمل كانت مميزه وموديلاتها منوعه وكان فيه بلايز وبلاطين وافرهولات للحمل كمان شغل طلعه وكتير حلوووين وفي كمان بيجامات + ئمصان نوم كمان خصوصي للحمل واسعاره كتير منيحه والخامات ممتاره
  • Review by هدى of امبارح كافيه
    قبل 9 سنوات
    امبارح كافيه من الاماكن المدهشه والمفضله عندي اول شي بسبب المبنى المميز ويعتبر بالنسبه الي من احلى الاماكن بعمان وتاني شي اطلالته على جبل القلعه يلي بتضيف سحر للمكان والئعدات بهالمكان هاديه ورايئه كتيرررررر وفي نخبه كبيره من الفنانيين والمثقفين بزوره هالمكان المييز .
    وفي تراسات خارجيه والمكان فيه شاشات عرض وبيئدم البيتزا والساندويشات المنوعه والاراجيل وأزكى شي عندهم الئهوه الخدمة جيده لانو الموظفين كتير خدومين المصفات متوفره والاسعار مناسبه جدا
  • Review by هدى of عقل فقيه
    قبل 9 سنوات
    محل يوجد فيه اكبر واحلى تشكيله من الفساتين ((الخطبة والعرس والسهره)) ...... طبعا صاحب المحل هو عقل فقيه مصمم لبناني عالمي ومعروف وبتميززززز بتصاميم الفساتين يلي بيعملها بألوانها وموديلاتها المنوعه طبعا الاسعار كلها غاليه بما انها لمصمم عالمي بس بتستاهل
    المحل ديكوره رائع والموظفين كتير محترمين انا فوتت عالمحل اتفرج واخد فكره وحكتلهم هالحكي ومع هيك اتعاملوا معي باحترام زي كأني زبونه وجايه اشتري ورجوني موديلات كتيررررررر وجد انبهررررت
  • Review by هدى of هارديز
    قبل 9 سنوات
    هارديز من حسن المطاعم يلي بئدموا وجبات سريعه ..... انا دايما بروح عافرع يلي بالمدينه المنورة بس مبارح كانت اول تجربه الي مع فرع الصويفيه ومستواه رائع متل الفرع التاني وحبيت أجرب من عندهم وجبة ((الفايمس ستار مع البطاطا كيرلي )) كتير زاكيه والحجم مشبع وأهم شي انو كمية البطاطا كانت كتيرررررررررررر لاني بحبها كتير
    وأختي اخدت وجبة ((فريسكو)) كمان حكتلي انها كتير زاكيه وبعد هالعشا المميز طلبت فطيرة القرفه والزبيب طعمها بيشهي خدمة المطعم كتير ممتازه والاسعار رخيصه النظافه ممتازة بس خلصنا على طول مسحوا ونضفوا ومبينيين الموظفين كتير نشيطيين
  • Review by هدى of محمية الازرق المائية
    قبل 9 سنوات
    محمية الازرق المائيه روحت عليها مع اهلي رحله بشهر خمسة ........اول شي طريقها طويله بس سهله لانو كلها صحرا وطريق مستويه
    احنا كنا ناويين اول شي نروح على محمية الشومر بعدين عالمائيه بس اوصلنا الشومر حكولنا انها مغلقه من سنين بحجة الصيانه وراح مشوارنا الها عالفاضي وبعدها روحنا على المحمية المائيه دخلنا كان في مصفات للسياره وبعدها لئينا مبتى صغير وكان في الشخص المسؤول انسان لطيف كتير وشافناه مجموعه كبيره ما اخد دخوليه وبعدها خلانا ندخل على المتحف الصغير عشان نشوف تاريخ المكان بالصور والشرح وبعدها اطلعنا وارشدنا الشخص عالطريق وحكالنا في مبنى بنئدر نئعد فيه نتفرج عالطيور وبالفعل كان المكان كتير حلو بس صغير وشوووب والمشكله انو بس معانا للساعه 6 وبعدها لازم نرجع طبعا البرك فيها طحالب واسماك صغيره منظرها بجنن بس الغريب انو في ئارمه بتحكي انو المياه ئبل فترة زمنيه معينه كانت تئريبا تصل طوووول الانسان بس سبحان الله على دورنا جفت ... وكمان شفت كتير من حيوان اظن اسمو الجاموسه وانا اتصورت بالمكان جد رائع للتصوير و في حمامات نظيفه بس لازم يكون معك ماي وشوية اشياء تاكلها لانو ما في اي شي ينشرى جوه هالمكان ويا ريت انهم يحسنوا الخدمات ويهتموا بالمكان اكتر
  • Review by هدى of روبي تيوزداي
    قبل 9 سنوات

    -انا زرت هالمطعم ئبل فتره وكانت تجربه كتير ناجحه لانه استمتعت بالاكل عندهم انا وصديئتي وكانت الاطباق عباره عن (( انا ستيك مع الخضار + وصاحبتي همبرجر )) واخدنا معهم طبق اجنحة الجاج مع الصوص كان كتير زاكي _ المنيو كانت منوعه -ديكور المحل كتير حلو وهادي والئعده مريحه والموسيقى كتير رايئه ومناسبه للاجواء -اسعاره يعني عالشخصين بتدفع 40 دينار وحسب الاطباق يلي بتطلبها -الخدمة كانت رائعه والموظفين نشيطيين -موجود اماكن للسيارات
  • Review by هدى of مطعم السمك
    قبل 9 سنوات
    بلو باي يعتبر من أزكى المحلات بعمان
    عندهم كل اصناق السمك السمك والمأكولات البحرية الطازه وبيعملها بطرق مختلفه عالميه متل ((الفرنسيه - اليابانيه -الخليجيه)) وكلها طرق فنية ومتقنه كتير عندهم الصاله حلوة وهاديه ومكيفه عندهم خدمة بيع كل أنواع السمك و المأكولات البحرية منظفة و جاهزة الخدمه ممتازه وسريعه وعندهم خدمة التوصيل
  • Review by هدى of مطعم ورد
    قبل 9 سنوات
    اليوم كانت اول تحربة الي مع مطعم ورد الرائع المميز باكلاته وباجوائه
    طلبت مشاوي كان الطعم خرافي وكل شي مستوي وفي نكهه مميزه بتخليك تاكل وانت مستمتع كتير وطلبت مقبلات كانت عباره عن بابا غنوج ومتبل وتبوله كمان كان طعم ولا أزكى من هيك خدمة الموظفين كانت اكتر من رائعه لانو الابتسامه ما فارئت وجوههم وكانوا حوالينا ومهتمين ازا بدنا منهم اي خدمة الئعده كتير مميزه وبترد الروح سواء بالديكورات او بصوت النوافير والمكان واسع خدمة الفاليه موجوده هالمكان بستحق انو اكرر زيارته وبنصح الكل يروح عليه خصوصا العائلات
  • Review by هدى of كونكورد
    قبل 9 سنوات
    كونكورد من المحلات المعروفه والئديمة بمجال الاحذيه عندهم الخامات رائعه وأحلى شي اني بلائي كل الالوان الغريبه خصوصا للحفلات وبالشتا بحب اشتري من عندهم الجزم لانها ما بتخرب بسرعه والجلد بحافظ على لمعته فتره طويله
    وبحب ديكور المحل لانه كتير كبير وكل شي ئدامي بكون معروض والموظفين بساعده كتير مع انو المحل بكون معجوء دايما بس الكل بساعد
  • Review by هدى of مطاعم اجياد
    قبل 9 سنوات
    أجياد بيئدم مشاوي كتير زاكيه + المنسف +الاوزي ....
    الئعده عاديه والحلو انو الصاله واسعه وشغل عائلات وبشوف كتير اجانب بيجو كمان عليه وكتير بستمتعوا بالاكل اسعاره رخيصه ومناسبه الموظفين خدمتهم منيحه كتير وماشالله دايما الناس بتاخد من عنده تواصي منسف للعزايم او للمناسبات او ازا حد عنده عزا ....لانه زاكي وببيض الوجه موقعه حلو لانو باول جبل الحسين بعيد عن الازمه وممكن تلائي مصفات ئدامو
  • Review by هدى of روتانا كافيه
    قبل 9 سنوات
    كافيه روتانا من الكافيهات الحلوه يلي ممكن الواحد يروحها بوئت فترة المسا لانو الجو كتير حلوووو وبكووون عجئه والئعده حلوه كتيررررررررر .............وبيئدم منيو زاكي انا جربت الحلويات متل التشيز كيك والتيرامسو كتير زاكيين وكنت اشوف الطلبات يلي الناس بيلبوها منظرها كتير زاكي ومرتب بس ما بعرف كيف النكهه
    والمكان طبعا بجيب فنانيين وبيعمل فعاليات حلوه خدمة الفاليه موجوده الاسعار غاليه كتيرررررررررررر الخدمة منيحة والموظفين كتير بشوشيين
  • Review by هدى of باب شرقي
    قبل 9 سنوات
    اول شي هالمطعم بيتميز بحسن الاستقبال وبيئدم ااكلات بتشهي وجد بحس اني بسوريا من ناحية الاكل او الاواني يلي بستخدموها وحتى اواعي الموظفين وديكور المكان
    في وجبات عالفطور بيئدموا (( حمص -لبنه ومكدوس ........وغيرها )) يعني شي بيشهي اما وجبات الغداء يا عيني عالفتات الشاميه والكبه والمقبلات والفتوش والتبوله واليلانجي والسمك والخدمه المميزه واحترام الزبون بشكل رائع وحتى برمضان اجوائه رائعه وكانت السهرات مميزه عندهم
  • Review by هدى of شاورما وُك
    قبل 9 سنوات
    من ازكى مطاعم الشاورما الموجوده بعمان .... انا جربت من عندهم الباربكيو والتشاينا تاون يعني جد كتير بستمتع بوجباته والبطاطا وانواع الصوص الغريبه عندهم كمان كتير مميزززززززززززز بس اسعاره غاليه كتير بشكل مبالغ
    الموظفين جدا رائعين واحلى شي انهم بيلبسوا طائيه وكفوف وهالشي كتير ممتاز ونظافة المحل رائعه ما فيو ئعده وبيئدم خدمة التوصيل والمصفات انت وحظك
  • Review by هدى of ون مينت
    قبل 9 سنوات
    ون منت من المحلات يلي فتحت جديد بشارع التصفيه وهاد المحل موجود مقابل مستودع امين شقير للادويه
    طبعا المحل عباره عن طابقين الطابق الاول فيو تشكيله كتير كبيرة ومميزه من الاواعي البناتي واسعاره كتير منافسه ومشجعه للشراء وفي كمان اواعي رجالي اما الطابق التاني فيو كمان تشكيله اواعي للاطفال بتجننننن والخامات كتير منيحة بالنسبه للاسعار لانها ارخص من غيرها المحل كبير كتير والحلو انو كل شي معلق وبتئدر اتدور بسهوله وغرف الئياس كبيره ومريحه ما بنتغلب واحنا بنئيس المصفات شبه مستحيله لانو المحل دايما ازمه
  • Review by هدى of كنوز الشرق
    قبل 9 سنوات
    كنوز من محلاث الاثاث المرتبه وعندهم تشكيله رائعه من كل انواع الاثاث .......... امي اشترت من عندهم غرفة نوم كانت مميزه والخشب تبعها تئيل وكانت سعرها كتير منيح تئريبا 1100 دينار
    والمعرض كتير مرتب والموظفين بساعدوا كتير وبولوا بالهم عالزباين المصفات متوفره
  • Review by هدى of حمام خان زمان
    قبل 9 سنوات
    مكان مميز باجوائه وديكوراته وبساعد عالاسترخاء واحلى شي انو مكان محترم والناس يلي بشتغلوا فيه كلهم رائعين ومحترمين ...انا بروح عندهم كتير عشان الراحه واحس بالاسترخاء طبعا الفترة تبعت السيدات دايما بتكون من 9 - 4 وفي عندهم اشياء مميزه متل لقاعات الكبيره والمفصوله وفي عندهم خيارات كتير متل الساونا وبركة السباحه والحمام التركي والمغربي
    وللعرايس ممكن تعمل حمام عندهم وتعزم صحباتها هناك جد اجواء بتجنن واهم شي بهالمكان هو النظافة والتعقيم المستمرررررررررررر وجد بيفتح النفس الاسعار منيحة وبيعملوا عروض انا روحت ئيل شهرين تئريبا كانوا عاملين عرررض ب 15 دينار
  • Review by هدى of مطعم إشتي
    قبل 9 سنوات
    مطعم اشتي من ازكى المطاعم يلي بيعملوا سمك انا جربت من عندهم السمك المسقوف على الفحم كان الطعم خيالي وكتير عجبني اولا لانو ما فيه زنخه والبهارات والنكهه كتير مميزين
    طبعا المحل نظيف والتعامل كتير رائع بس مشكلته ما في ئعده خدمة التوصيل متوفره
  • Review by هدى of تشيلي هاوس
    قبل 9 سنوات
    تشيلي هاوس اكله كتير زاكي واكتر شي بطلبه عنده تشيز كوني ثري واي والبطاطا ودجز مع الصوص والجبنه
    جودة الاكل ممتازه وكتير بستمتع بالاكل عندهم طبعا الئعده بسيطه وكتير حلوه خصوصا اخر شي في زاويه بتطل عالجامعه الاردنيه كتير حلوه اسعاره مناسبه جدا والكميات معئوله الاصطفاف صعب شوي بس في دخله جنبه بتلائي مصفات فيها الموظفين كتير بشوشين وكتير بنضفوا وما بطولوا ليجيبوا الطلب
  • Review by هدى of دريم بارك
    قبل 9 سنوات
    دريم بارك من احلى الاماكن المغلقه والممتعه للاطفال اولا بسبب مساحتها الكبيره وترتيبها ووجود العاب منوعه للاطفال لاعمار مختلفه ... وفي كمان سينما 3 د
    بس المشكله الوحيده انو كتيرررررررررررررررر احيانا بتكون ازمه بشكل مبالغ وبكون الازعاج فوق الحد وفي اماكن لعمل حفلات عيد ميلاد للافال واحنا عملنا عيد ميلاد بنت اختي فيه وكانت اجواء رائعه بالنسبه للاطفال المصفات متوفره لانه بالمول
  • Review by هدى of زعتر و زيت
    قبل 9 سنوات
    الاكلات المفضله عند زعتر وزيت (( اللحمة بعجين+الجبنه المتبله + السبايزي تشكن )) وفي عندهم سلطة الروكا والسيزر كتير زاكيين
    وفي عندهم حلويات زاكيه متل البراونيز والتشيز كيك الاسعار كتييرررررررررررررررررررررررررررر غاليه الئعده مرتبه ومريحه والنظافه وخدمة الموظفين كتير ممتازه وفي عنده خدمة التوصيل الاصطفاف متوفر
  • Review by هدى of مطعم أبو جانتي
    قبل 9 سنوات
    مطعم بيئدم مجموعه من الساندويشات المنوعه والزاكيه وبيعملها بتوعين من الخبز اما حمام او فرنسي
    جربت من عنده التيركي المدخن والكوردون بلو والفاهيتا كتير زاكييييييييييييين ........ واسعاره مناسبه جدا خصوصا الساندويشات والحلو انو بيعمل الساندويشات ئدامي يعني النظافه كتير منيحة والموظف بيلبس كفوف المصفات متوفره بهالمكان
  • Review by هدى of تشيلي وايز
    قبل 9 سنوات
    تشيلي وايزز من المطاعم المفضله عندي بشكل كبير وبحب ازور هالمطعم بشكل مستمر لانو بحب كتير اشياء بيعملها متل :
    وجبة التشيز كوني - والمشروم برجر - الودجز مع الصلصة والجبنه ((بتشهي)) - واجنحة الجاج الاسعار مناسبه تقريبا الوجبه 3.75 قرش والكميه ممتازه الئعدة مرتبه كتير بهاد الفرع النظافة جدا ممتازه والموظفين كتير خدومين والاصطفاف متوفر
  • Review by هدى of تيك بيتزا
    قبل 9 سنوات
    محل هالبيتزا هاد موجود مقابل السفوي فرع الجبيهه وهاد رقم تليفونه ((5346604))
    البيتزا بيعملوها بطريئه كتير زاكيه خصوصا بيتزا الخضار + وبيتزا الببروني +بيتزا مارغريتا وفب عندهم الازانيا كتير زاكيه واجنحة الجاج وفي عندهم تشكبله ساندويشات متل الاسكالوب والزنجر وفيليه السمك السعر بالنسبه الي غالي يعني البيتزا اكبر نوع بتطلع تئريبا ب 11 دينار المحل ما فيه ئعده وبيئدم خدمة التوصيل والاصطفاف سهل
  • Review by هدى of باب اليمن السعيد
    قبل 9 سنوات
    مطعم باب اليمن من المطاعم المميزه يلي عندها اطباق منوعه وزاكيه كتير وانا من عشاق الاكل الخليجي وهالمطعم بيعمل الاكل بطريئه زاكيه كتيرر وانا جربت ((زربيان اللحمه + مظبي الجاج +البرياني)) كتير بستمتع بالاكل من عند هالمطعم
    الأسعار متناسبة مع حجم الطلب والكميه مشبعه كتيررررررررررررررررر الخدمة سريعه كتير الاصطفاف شبه مستحيل وبالعزايم كتير ببيض الوجه وخدمة التوصيل ما بعرف ازا متوفره
Next

أماكن أفضلها

صور أضفتها

Corn soup taste very delicious  ymeeeeeeeeee
صوره لمتحف السيارات الملكي بعدسة المصوره هدى العقرباوي
صوره للاطعمه البحريه المعلبه الموجوده الكارفور