محمد جيلاني

محمد جيلاني

عمان . منذ أغسطس 2010
بحب التصوير و موضوعي المفضل عمان و طرازها المعماري
36 من المراجعات
الأماكن المضافة
8
مراجعتي كانت الأولى
12
مراجعاتي
36
أماكن فضّلتها
3

مراجعاتي

  • Review by محمد of بيتزا القيصر
    قبل 9 سنوات
    يمكن كل فروع القيصر بتقدم مستوى ثابت من حيث الجودة لكن هذ الفرع متميز بالتصميم
    عجبتني قعدة الطابق الثاني مش كل انواعل البيتز عنده زاكية لكن الحارة ( بتجنن) اللزانيا مش مميزة و خبز الثومة ملوش محل من الاعراب (بيستاهلش حقه) النظافة مقبولة المواقف مزعجة بس في موقف خلف المجمع تعامل الموظفين اجمالا منيح خدمة التوصيل عندهم الها مصداقية من حيث الوقت او كون البيتزا بتوصل سخنة و دقة تنفيذ الطلبات
  • Review by محمد of دارة الفنون
    قبل 9 سنوات
    هو عبارة عن مجموعة من مباني عمان المميزة قامت مؤسسة شومان باعادة تأهيلها لتصبح ملائمة لاقامة احداث ثقافية و معارض فنية و ندوات و ما الى ذلك
    موقعها في جبل اللويبدة مع اطلالتها الرائعة و حديقتها البسيطة و المحببة لي يوفر مساحة من السكينة لدى زائرها بنصح كل واحد انو يزورها سواءاً لحضور فعالية و لمجرد الاستمتاع باحد مباني عمان التراثية
  • Review by محمد of سيتي ستار مول
    قبل 9 سنوات
    يتميز ركن التسوق باسعاره المنطقية و موقعه الاستراتيجي اول مدخل ابو نصير
    يقدم بضائع ذات جودة عالية و باسعار منافسة و يسهل عليك عملية التسوق حيث يوفر اغلب الاحتياجات المنزلية في مكان واحد يتميز ايضاً بتوفر مواقق و ان كانت صعبة لوجود ازمة سيارات مستمرة في المنطقة يقسم الى ثلاث طوبق الارضي سوبرماركت مختص بالمواد التموينية و التسوية منظفات و مواد تجميل و الاول ادوات منزلية و اثاث بسيط لا يتوفر قسم للخضار و لكن بحكم موقعه قرب سوق ابو نصير تستطيع ان تشتري احتياجاتك من الخضار بدون ان تحتاج للانتقال لمكان اخر خدمة العملاء ممتازة و عادة ما يكون هناك اكثر من موظف او موظفة يعرضون خدماتهم عليك و يجيبون على استفساراتك
  • Review by محمد of مطعم الأسرة
    قبل 9 سنوات
    بدك قلاية صح، كبدة ، او قدرة فول من الاخر ؟؟
    من احسن المطاعم الشعبية في عمان على الرغم من تواجده في عبدون بس اسعاره منطقية مناسب جداً تاخد عيلتك عليه و بالصيف القعدة الخارجية بالليل او الصبح بكير شيء رائع النظافة مقبولة الخلاصة شعبي و زاكي و مميز
  • Review by محمد of تشيه تشيه
    قبل 9 سنوات
    مقارنة بباقي المقاهي اللي زرتها المكان رائع اطلالة رهيبة بتشوف كل نشاطات النادي و انت قاعد
    تعمل الموظفين كان ممتاز بتخيل المشروبات و الاراجيل ستاندرد في كل الفروع بس هاد الفرع بيتميز بهدوء مريح للاعصاب بعد يوم عمل حافل النظافة ممتازة
  • Review by محمد of كارفور اكسبرس
    قبل 9 سنوات
    الفرع قريب من بيتي فوجوده سهل علي حياتي
    عندو عروض مميزة دائماً الخضار اعارها معقول جداً تشكيلة ممتازة من المود الغذائية اوقات دوامه روعه يعني 11 بالليل بلاقي شو ما بدي النظافة ممتازة تعامل الموظفين متميز و بعطيهم 7 نجوم مش خمسة المواقف متوفرة
  • Review by محمد of تشيه تشيه
    قبل 9 سنوات
    جربت هاد الفرع بس اكتر فرع حبيته هو فرع نادي الجواد العربي قعدة بتجنن و المشروبات ستاندرد
    كراسي مش مريحة كتير النضافة خمس نجوم تعامل الجرسونات كان منيح بفرع نادي الجواد الضوضاء و المسجل ما حبيتهم بالمرة يعني (مبالغة) مش سامع حالي ما حبيت فرع شارع مكة بس بنصح بفرع نادي الجواد
  • Review by محمد of هارديز
    قبل 9 سنوات
    البرغر بجنن خصوصاً bigstar & fivestars
    جربتو في السعودية نفس الطعم يعني ثبات الجودة تشكيلته واسعة بس مرة جربت ستيك و فطر و كانت بصراحة مخيبة للآمال الفرايز تشكيلته حلوة عندهم وبحب شغلة انك بتقدر تعبي ببسي قد مابدك ( بصراحة مش متأكد هو بيبسي ولا كوكاكولا) الديكور حلو و النضافة معقولة و المواقف ممتازة و طبعاً اكل مش صحي لانو برغر بضلو وجهتي الاولى اذا بدي اكل برغر
  • Review by محمد of الملكية الأردنية
    قبل 9 سنوات
    انا رحت رحلة ذهاب بشركة "س" و اياب بالملكية و بصراحة حسيت بالفرق من فخامة الطيارة لفنجان القهوة
    و الموظفين دارو بالهم على امي كانها امهم بالنسبة للاسعار بعرفش لاني رحت جروب المضيفين في الشركتين ممتازين مشكلة الوحيدة هي توزيع المقاعد ما تم حسب التذكرة يعني حسيت حالي في باص مش طيارة الاكل في الملكية مميز و نضيف فوق ما توقعت بنصح الكل يسافر على متن الملكية بس يتأكد من المقعد
  • Review by محمد of البنك العربي الإسلامي الدولي
    قبل 9 سنوات
    انا فعلياً جربت فرعي الجبيهة و جبل الحسين
    البنك بوفر حلول مالية بطريقة شرعية البنك مرتب من الداخل و الموظفين رائعين بالتعامل لكن عندي مأخذ كبير و هو انو الدور لساتو زي زمان يعي وقف و استنى دورك " ليش ما في ماكينة دور اليكتروني" و مشكلة اخرى عند استخداك لصراف غير صراف العربي ( الاسلامي او العادي ) بيتقاضو عمولة دينارين + نسبة و هو اشي مزعج جداً بالنسبة الي " عدا عن ذلك خدمة العملاء جيدة و بيفرو كافة الحلول المصرفية بشكل اكثر من كافي
  • Review by محمد of فرندز كيك
    قبل 9 سنوات
    عندهم كيكة الفراولة رائعة و حجمها كبير
    التنوع في الاصناف يثير العصارة المعدية يعني لما تدخل عندهم ما بتطلع بدون ما تشتري من عندهم بس متل باقي محلات الكيك في عمان اسعار قوالب الكيك مرتفعة نسبياً موقعه ممكن الاصطفاف كونه داخل سوق و سهل تندل عليه بتمنى يعملو تشيز كيك على اصوله ( مشوي ) فش عندهم قهوة على ما اذكر و هو جزء مهم عندي للاستمتاع بالحلويات مع فنجان قهوة سادة
  • Review by محمد of مكتبة العمارة والفنون
    قبل 9 سنوات
    عجبني احترافيتهم بالتعامل و اسعارهم المنطقية و المكتبة من برا بتوحيلك انها صغيرة المساحة و لكن مساحتها كبيرة نسبياً
    موقعها مميز و اختياره موفق لكن صعب تصف بباب المحل لانو على شارع ضيق نسبياً
  • Review by محمد of مكتبة الاستقلال
    قبل 9 سنوات
    مكتبة بتتميز بجودة المنجات و تفردها باصناف نادرة جداً جرب و شوف مستلزمات الحفلات
    انا بشتري اقلام حبر عملية و رخيصة و بيعطوني اياها في كيس ورقي مميز بخليني احس بعراقة المكتبة المستلزمات الفنية رائعة بتستاهل تعطوها زيارة من وقت لآخر بقارنها بمكتبة جرير بالسعودية و لو كانت مكتبة جرير اقوى ماديا لكن كتبة الاستقلال بتتفوق بعراقتها
  • Review by محمد of سالاد هاوس
    قبل 10 سنوات
    الاكل مش واو زي سعره
    النظافة مقبولة ذكروني بعادل امام لما طلبنا خبز (انا عيز عيش اكله مش احلف عليه ) السعر غالي في خدمة اصطفاف ممتازة فطيرة التفاح مع البوظة لا تجربوها و العصير مش فرش
  • Review by محمد of مطعم القدس الاصلي
    قبل 10 سنوات
    المقلوبة عنده اشي خرافي
    المقبلات مقبولة المرافق الصحية مش ولا بد الاسعار جيدة الجرسونات محترفين و بتحسهم الهم زمان في المطعم يعني اهل كمية اللبن و اللحمة في المنسف اكثر ما يقال عنها (مجهرية)
  • Review by محمد of لوجانوس
    قبل 10 سنوات
    قعدته حلوة اسعاره كثير منطقية
    المشروبات ممتازة بنصحكم ب كافيه لاتيه من عندو الخدمة ممتازة
  • Review by محمد of هوم سنتر
    قبل 10 سنوات
    بضاعة حلوة بس اسعار غير منطقية
    الموظفين خدومين و بيساعدوك لتصل للبضاعة المطلوبة بس بسبب التنزيلات اختط الامر علي بسبب عدم وضوح نسب الخصم على المعروضات في بعض الاماكن قسم المفروشات جميل جداً و يشتمل على تشكية راقية و ان كانت مرتفعة السعر بشكل لا يلائم الجميع
  • Review by محمد of لا ميرابيل
    قبل 10 سنوات
    اكل زاكي . السعر مرتفع لكن بيستاهل مع مستوى الخدمة
    اطيب فنجان قهوة شربتو في عمان كان هناك التحلايه بتجنن تشيزكيك صح الجرسونات اقل ما يقال عنهم انهم محترفين النظافة ممتازة
  • Review by محمد of شاورماما
    قبل 10 سنوات
    زعلت من حجم السندويش مقارنة بالسعر
    بعدين اذا طلبت طحينة بقلك 35 قرش طيب ليش مش مستاهلة الطعم ماشي حاله الكمية قليلة و السعر مرتفع بس طريقة التقديم مبتكرة
Next

أماكن أفضلها