nadim farah

nadim farah

عمان . منذ يوليو 2011
طالب هندسة حاسوب , 21 سنة , بحب اجرب كل اشي جديد , بحب عمان , الكتابة والقراة والسباحة والاكل و اعداده والموسيقى والفن والكمبيوتر هي هواياتي .
134 من المراجعات
الأماكن المضافة
43
مراجعاتي
134
أماكن فضّلتها
11

مراجعاتي

  • Review by nadim of مخابز السفراء
    قبل 9 سنوات
    من افضل المخابز بعمان ، واله ذكريات مميزة عندي ، كل ايام الاحد و الجمعة الصبح لما كنت اروحله مشي لحتى نجيب الخبز الساخن مع فطور جدتي المميز ! عنده شيء متل الخبز العربي الناشف ما بعرف شو اسمه بس هو بيجي هيك مقرمش كثير و عليه سمسم و مطيبات من فوق في منه مالح و في منه حلو ، الاتنين زاكيين ، الكيك عنده بس مو بزيادة لكن بيضل بالاخر مو محل كيك ، سعاره جيدة يمكن اغلى شوي من غيره بس بيستاهل فعلا ، المحل معظم الاوقات ازمة بدكم اتطولو بالكم يعني ، خدمتهم جيدة . زوروه .
  • Review by nadim of الطازج
    قبل 9 سنوات
    بصراحة انا دخلت هالمطعم مرتين ، مرة كزبون و مرة اول ما فتح بالعطلة الصيفية بالمدرسة كنت مع صديق عم ندور على شغل بالصيف ، خلوني احكي عن تجربتي كزبون بالاول ، الصالة نظيفة والمحل واسع ، في عليه اقبال جيد ، لكن الخدمة مو جيدة ، كمان بدك تستنى كتييير و المشكلة الاكبر انه الاكل ما كان زاكي ، يلي نصحونا فيه قالو انه بالخليج ازكى لكن قلنا بنجربه وندمنا ، على كل حال اسعاره مو كتير غالية لكن ما بيستاهلها ابدا ، اما عن دخولي وراء الكواليس لما قدمنا للشغل و على فكرة اتصلوا فينا و ما رحنا من الي شفناه ، احنا دخلنا منطقة كانها بيدخلو منها العمل و البضاعة ، شيء قذر و الريحة قاتلة ، الارض مدهونة بمادة وكانها دهنية او زيتية يمكن زيوت القلي وو دهون الدجاج ما بعرف شو بس اشي اكيد بيسد النفس ، الناس بتروحله وبتفكر من اسمه الطازج انه اشي كتير صحي لكن الي شفته ما بيوحي بهيك حكي بالمرة ، للامانة هالحكي صارله سنين وما بعرف هلا كيف وضعه لكن لحد هلا بسمع من ناس بيجربوه انه اكله مو متل ما متوقعين وانه مرات اسوأ من مرات
  • Review by nadim of أزكدنيا
    قبل 9 سنوات
    محل جديد بشارع مكة ، داخل المجمع الي فيه كازاريتشيو و ليمون بيستو ولنفس لشركة ، المحل حلو ومرتب وديكوره مميز بيرجعك لحارة عربية بالستينات ، بوستررات لافلام و نجوم عرب قدام ، اكله طيب و نظيف ، اكله شرقي بشكل عام ، الخدمة جيدة جدا ، حبيت انهم بيجيبو الشاي ببريق و بيصبوه عالطاولة ،ما بيقدم مشروبات كحولية . بيستاهل التجربة ، اسعاره مرتفعة شوي بس بيستاهل . عنده مواقف و فاليه ، جربوه :)
  • Review by nadim of سي تاون سوبرماركت
    قبل 9 سنوات
    احد اقدم مراكز التسوق بالاردن هو السي تاون ، له افرع منتشرة في عمان ، دائما يوجد مواقف بجميع فروعه ، و الاسعار بينهم موحدة ، عروضه جيدة لكن ليست منافسة جدا ، خاصة بالقرطاسية و الالكترونيات وما شابه ، بالنسبة للبقالة فبضائعه جيدة و كل اسبوع عنده عروض مميزة ، الخدمة به جيدة لكن ليست مميزة كما ان الكثير من البضائع المستوردة لا تتوفر به ، بشكل عام سي تاون مكن جيد للتسوق .لكن لا تتوفر عنده بعض ممنتجات منافسه كوزمو ، مثل البضائع المستوردة و الاسماك الطازجة و المشروبات الكحولية و الملابس الفاخرة ، وليس مكان للتوفير بقدر كارفور ، لكنه منتشر اكثر من الاثنين بفروعه ، جربوه :)
  • Review by nadim of حدائق الحسين
    قبل 9 سنوات
    الحدائق متنفس حلو للمنطقة ، تقريبا كل يوم بمر بجانبها ، و اكيد كل صيفية بنقضي ساعات فيها ، فيها شوية نواقص و في ممارسات كتيرة من الناس مزعجة نظرا لقلة تنظيمها ، لكن بشكل عام الحديقة جيدة ، فيها متحف السيارات الملكي و كمان عندها يوجد مسجد اتوقع اسمه مسجد الملك حسين الله يرحمه ، بيضفي للحديقة جمالية خاصة ، مشكلتي مع الحديقة متل ما قلت قلة التنظيم خلت الناس تعمل ممارسات غير لائقة و مثل بتلاقي عائلات بتطلع بتاكل مثلا وبتكب الزبالة على الارض و شباب كمان ، بتسمع الشباب باعلى صوتهم بالالفاظ الوسخة وهاد بيخليك ما تاخد عائلتك عليها و ما بدي احكي عن وضع دورات المياه ، يعني الحديقة لازمها مموظفين يسهروا على تنظيمها ، فيها ملاعب يمكن حجزها مسبقا للعب فيها و فيها العاب للاطفال. و المواقف فيها متوفرة لكن كتير من الاحيان بعيد عن المحل الي انت بدك اياه بالحديقة ، زوروها :)
  • Review by nadim of ازياء سيفين هل
    قبل 9 سنوات
    المحل حلو و مرتب ، مو كتير كبير ، المواقف متوفرة بطبيعة الحال لانه بالمول ، اسعاره شوي مرتفعة بس بضاعته فيها جودة و تصاميمه حلوة ، يعني ما بتشتري قطعة و بتلاقي كل البلد لابسة متلها ، كمان عنده قياسات متنوعة ، نزل من جديد مجموعة الخريف و الشتاء و كان عامل تنزيلات حلوة على مجموعة الصيف و الربيع ، جربوه :)
  • Review by nadim of سلنترو
    قبل 9 سنوات
    كل مرة كنت اروح على شومرز كنت اشوف هالمحل ، فقررت اجربه ، بصراحة المحل ديكوره حلو وموقعه كمان ، عنده اصطفاف و ما بيتوه ، الخدمة فيه جيدة جدا ، وكمان الاكل عنده جيد ، س المشكلة انه اغلى مما بيستاهل ، و هاد الي خلاني ما ارجعله ، عنده خيارات صحية بس برضو ما شفته كتير مميز او بيستاهل هيك اسعار ، ما عنده مشروبات كحولية ، عنده قعدة برا و جوا ، نظافته جيدة جدا ، جربت الشاي الاخضر بليمون عنده طيب ، يعني لو حابين تجربو شي جديد ومعكم فائض بالميزانية ، جربوه .
  • Review by nadim of بلو فيج
    قبل 9 سنوات
    انا سمعت عن المحل كتير قبل ما اروح ، وبصراحة من كتر ما سمعت انه غالي كنت متوقعه اغلى مما طلع الحساب فعلا ، مع انه كان فعلا غالي بس يعني مو خيالي ، خاصة انه بيقدم اكل زاكي ومميز و عنده مشروبات روحية ، حبيت الحركة الي عاملينها بالنسبة للشغلات الفنية يعني بيكونو عارضين لوحات لفنانين داخل المطعم ، كمان الخدمة جيدة ولو انها ممكن تكون اسرع شوي ، بالنسبة للمواقف لا تقلقوا عنده فاليه ، هو مش مكان لحتى تروحه كل يوم للناس العادية الي مثلي ، بس لقعدة حلوة و مميزة او لمناسبة خاصة هو اختيار مناسب ، بتخيل المحل بيكون وجهة حلوة للفالنتاين ، بس اكيد بالويك اند و الايام الي بيكون فيها عجقة لازم حجز و في بال ويك اند مينيمام تشارج ، جربوه بس مو باخر الشهر !
  • Review by nadim of مقهى السلطان
    قبل 9 سنوات
    كوفي شوب حلو بشميساني ، المنطقة بشكل عام حلوة بس شوي ازمة ، المقهى جاي على زاوية فما بيتوه ، بس صعب تلاقي عنده موقف ، وما شفت عندع خدمة اصطفاف .
    القعدة عنده حلوة ، في قعدة خارجية وداخلية بس الخارجية احلى خاصة بالصيف ، اراجيله و عصائره طيبين ، وخدمته جيدة كمان ، اسعاره متوسطة مو غالي ابدا ، المحل بتحسه حتى لو فيو كتير ناس بيضل رايق نوعا ما ، يعني مو مكتظ من ناحية ترتيب الطاولات ، والنظافة فيه جيدة كمان . جربوه :)
  • Review by nadim of كوستا كوفي
    قبل 9 سنوات
    زرت هالمحل اليوم في فترة الصبح ، وهالمحل الي بيفتح تقريبا 12 ساعة باليوم ، بيكون اغلب شغله اما الصبح او المسا ، ديكور المحل واسمه المعروف لفتوني خلال جولة بالطابق التاني بالسيتي مول ، فدخلته لاجربه.
    موقعه مناسب وهادي بالمول وطبعا المول بيوفر مواقف . ديكور المحل المليء بالتفاصيل و الصور من ايطاليا وتقسيمته وتوزيع الطاولات و الموسيقى الي فيه بتحسسك وانت جالس على ترسه المطل على منطقة المدينة الطبية انك طلعت من المول و عجقته لمكان رايق . بيتميز المحل بتشكيلة حلوة من المشروبات الساخنة و الباردة ابرزها اصناف القهوة و خاصة اللاتيه و الاسبريسو و الكابوتشينو الي كلها ايطالية بامتياز وبيقدم بعض المخبوزات و الحلويات و السندويشات . جربنا عنده الاميريكانو و الكابوتشينو و المافن وكلها طيبة كانت . لكن ما لقيت شيء مميز جدا ، فقط الجودة . بطبيعة الحال هالمحل ما بيقدم مشروبات كحولية. الخدمة بالمحل جيدة و النظافة كمان ، القهوة فعلا طيبة وبفناجين حقيقية مو كاسات كرتون او بلاستيك متل بعض المقاهي في عمان . اسعاره متوسطة ومناسبة جدا للخدمة و الجودة الي عنده . يعني مشروب ساخن و قعدة حلوة بتكلف للشخص حوالي ال3 دنانير . بنصح اي شخص بيزور سيتي مول يجربه ، والهم فرع تاني كمان ، ما اتوقع انه بحاجة للحجز .
  • Review by nadim of مركز التعليم المبكر
    قبل 9 سنوات
    محل متميز و فريد من نوعه بالاردن ، فكرته كتير حلوة للاطفال باعمار ضغيرة ، فيه كتير من الكتب و القصص و الالعاب التعليمية ، اسعاره معتدله مقارنة بالخدمة و النوعية الممتازة الي فعلا بتفيد اطفالكم ، وفي كتيبات لتعليم الاهل ايضا كيفية تعليم اطفالهم بسن مبكر ، مالكة المحل ودودة جدا ، المحل بالطابق التاني بالسيتي مول ،انا شخصيا رايحله اليوم كمان مرة ، زوروه .
  • Review by nadim of شاورما الفارس
    قبل 9 سنوات
    شاورما الفارس محل صغير وناجح بصويفية بالشارع الي ورا شارع البوسطن , المحل قديم وكتير ناس بتحبه , وجباته زاكية و السندويشات كمان وخاصة وجبة الفارس , بحب المثومة الي بيعملها ونكهة السندويشة عنده طيبة , مشكلته ما عنده قعدة و كمان باب المحل مرات وسخ مع انو من جوا نظيف , اسعاره معقولة جدا , المواقف بالشارع كتير صعبة وليلة الخميس بدك ساعة لتصف وساعة ليصحلك دور ويجي طلبك بس بيستاهل بالنسبة الي اطيب شورما بعمان ا ريت لو يوسغ محله بس , جربوه
  • Review by nadim of بيلاريفا
    قبل 9 سنوات
    nice place in dabouq , al bachaloria school street , great decore , pizza and beer , wine and cheese , high priced , on busy nights families and couples only
  • Review by nadim of ماكدونالدز
    قبل 9 سنوات
    one of life's guilty pleasures , it's new honey mustard checking sandwish is amazing , classical fries done at there best , and the sunday icecreams OMG !! , It's clean and really quick services , has drive through and parkings , fair prices , but dont eat there every day !
  • Review by nadim of سكند كب
    قبل 9 سنوات
    المحل حلو ، واسع واطابقين ، قهوته زاكية ، واسعاره متوسطة مو غالي ، ما بيقدم مشروبات روحية ، ما عنده كتير مواقف ، موقعه جيد قبل شومرز بشوي ، لكن المشكلة لما زرته جابولنا الكباتشينو بكاسات مو مغسولة!!! لا وكمان النادل هنالك لما قلتله ما اعتذر وحاول يشككني بالي انا شايفه ويقلي الفنجان نظيف ما ماله اشي ، و لما غير الفنجان دار فيه نفس الكاباتشينو فخرب شكله وبرد ، يعني صراحة ممكن تجربوه بس لا تعزموا ناس عليه احسن تنخزوا .
  • Review by nadim of كازاريتشو
    قبل 9 سنوات
    المحل حلو جدا ، موقعه مناسب ، يتوفر فيه خدمة فاليه ، الديكور رائع ، والقعدة واسعة وحلوة والاطلالة حلوة ، الخدمة متميزة ، الاكل طيب جدا ، البيتزا الدجاج طيبة بس الفورماجي عليها شيدر زيادة عن اللزوم ، العجينة القمح الاسمر ازكى ، سلطة السيزر مع دجاج عنده طيبة جدا ، بس الاسعار مبالغ فيها بطريقة غير متوقعة ، لكنه مكان مميز لطلعة مميزة ، ما بيتفوت وقت العصر هالايام . جربوه :)
  • Review by nadim of مكتبة العمارة والفنون
    قبل 9 سنوات
    اليوم رحتها اول شيء تهت للقيتها ههههههه ، المكتبة فعلا من برا مبينة صغيرة تقسيمتها من جوا غريبة ومش مريحة وكانها بيت قديم وعاملينه مكتبة ، لكن الخدمة منيحة والجودة ممتازة بس اسعارهم شوي غالية .
  • Review by nadim of المغطس
    قبل 9 سنوات
    عند زيارة المغطس لاول مرة ، تتملكك هيبة المكان ، فلهاذا المكان روح خاصة به ، تشعر بالقدسية ، تشعر بالتاريخ الذي غير مجرى العالم ، كما وتشعر بعظمة الاردن بمحبة اناسه الطيبين لبعض ، حينما ترى هنا الكنيسة بجانب المسجد ، مزار للمسيح او النبي عيسى عليه السلام للمسيحيين والمسلمين ، عندما ترى شابة محجبة ، تضيء شمعة امام تمثال مريم العذراء ، يضحي المشهد يختصر روح الاردن ، اردن المحبة والقدسية .
  • Review by nadim of مايلز سوبرماركت
    قبل 9 سنوات
    المحل حلو ، بضاعته في منها شغلات مميزة وحصرية ، عروضه قليلة مو محل للتوفير ، لكن المحل مرتب وخدمته ممتازة ، ديكوره مميزة وطريقة العرض حلوة ، ما فيه مشروبات كحولية ، محل ممتع للتسوق اكيد جربوه :)
  • Review by nadim of شومرز
    قبل 9 سنوات
    المحل حلو بس صغير ، قعدته خارجية ما عنده قعدة داخلية نهائيا ، عنده سندويشات وسلطات طيبة وعصير فريش شغلو مرتب ونظيف واسعاره مناسبة جدا . بس مشكلته بالقعدة انو بلشوب او بالشتى ما بينفع ، بس المسا بالصيف الجو عندو حلو وقعدته حلوة واكله طيب ، ما عنده مشروبات كحولية طبعا ... جربوه :)
  • Review by nadim of تشيلي وايز
    قبل 9 سنوات
    المحل حلو و مرتب ونظيف خدمته منيحة واسعاره مناسبة واكله زاكي بكل فروعه ، هالفرع عنده المواقف صعبة ، اخدت من عنده اكل ، حضروه بسرعه ، وضيفونا حتى شوكلاتة واحنا طالعين ، كتير تعامل محترم . جربوه :)
  • Review by nadim of شاورما موال
    قبل 9 سنوات
    الشاورما عنده عادية يعني جيدة ، بس مو مميزة ، اسعاره عادية ، محل اشبه بكشك صغير ما فيو قعدة ابدا ، بس خدمتهم سريعة واسعارهم معقولة ..........جربوه :)
  • Review by nadim of كوفي شوب الموسيقار
    قبل 9 سنوات
    كوفي شوب مرتب ، حلو ، شبابي ، اراجيله و عصيره زاكي ، اسعاره متوسطة او غالية شوي ، خدمته منيحة ، مكتظ وقت المباريات :) جربوه جووه حلو .....................
  • Review by nadim of الدكتورة ليديا عمارين‎
    قبل 9 سنوات
    ماشاء الله عليها دكتورة منيحة وتعاملها راقي جدا ، عيادتها مرتبة ، مغطية من تامين النسر العربي ، اسعارها معقولة بس غالية شوي ، الدكتورة شاطرة خاصة بامور التجميلية وهيك شغلات انا هيك حسيت من الي شفته بالعيادة ، زوروها :)
  • Review by nadim of المركز العربي الطبي
    قبل 9 سنوات
    يعني التجربة مع المركز العربي متفاوتة ، اطبائه شاطرين وكوادره كمان ، خدمتهم منيحة وتعاملهم ، مختبراته منيحة وتعاملهم مريح ، حتى الكافيتيريا زاكية هههه ... بس غير عن ارتفاع اسعاره ، في عندهم طاقم غير محترف ابدا في مكتب التامينات الصحية ، وتعاملهم وخدمتهم ما كانت منيحة بهالمكتب ، عدا عن هيك كل شي تمام :)
Next

أماكن أفضلها