Omar MK

Omar MK

عمان . منذ يناير 2011
59 من المراجعات
من وجدوا مراجعتي مفيدة
2
مراجعاتي
59
صوري
70

مراجعاتي

  • Review by Omar of مطعم غيث
    قبل 8 سنوات
    من أقدم المحلات بالحسين .. عملو تجديد فيه بالديكورات من فتره .. فيو صالة تحت و في صالة بتجي بنفس البناية بس بغير طابق .. القعدة الفوق أحلى لأنو يلي تحت مضغوطه دايما .. المنيو عندو مشكل و فيها كل أنواع الاكل تقريبا .. الشاورما عندو رهييييبة .. عنجد أزكى شاروما بالمنطقة .. المطعم نظيف و مرتب بس بالنسبة للاسعار بحسها أغلى من باقي المطاعم في نفس المنطفة نفسها .. بس صراحه بستاهل :) .. أنصح بشدة الشاورما يلي عنده جربوها و ما رح تندمو :)
  • Review by Omar of بيري بيري
    قبل 8 سنوات
    هدا المطعم عنجد رهييب .. أكلو كتير زاكي .. أنا بحب البهارات الغريبة و هدا المحل بحط بهارات رهيبه بالأكل .. بقدم أكل غريب كمان كأنو برتغالي .. طلبت من عندو وجبة بجي فيها نص جاجه مع بطاطا و ببسي و خبزه بتجي زي التوست و أشي بطاطا مهروسة سعرها كان 4 دنانير .. الاكل كان رهيب كتير زاكي و سعرو منيح بالنسبة لمحلات المول .. عنجد أي حدا بمكه مول و مو عارف شو ياكل لازم يجرب هدا المحل
  • Review by Omar of الصويفية بولينج
    قبل 8 سنوات
    جديد صار هدا المحل أكتر محل بروحو .. يعني لازم أروح عليه كل أسبوع مره على الاقل .. فيو بلياردو و بولنج و بلاي ستيشن .. الديكور كتير حلو و كبير .. بالنسبه للبولنج الألآت عندو منيحه و ما بتعلق مو متل كتير محلات كل ما بترمي رميه بتعلق .. عندو 3 طاولات بلياردو و عندو غرفة كبيره فيها تقريبا 6 بلاي ستيشن .. أسعارو غاليه شوي بحسها بس مناسبه للخدمه يلي بقدموها كتير عائلي المحل و فيو طاولات مشان المواحد يقعد و فيو كفتريا بتقدم بوشار و عصائر و هيك
  • Review by Omar of ملبوسات الغول
    قبل 8 سنوات
    محل منيح ببيع ملابس رجالي فقط .. عندو تشكيله جميله .. بس المشكله أنو ما بتلافي دايما عندو مقاسات كبيره أسعارو عاديه ترتيب المحل و الديكور مرتب ، الموظفين متعاونين
  • Review by Omar of إيتينث سينتشري برجر
    قبل 8 سنوات
    جربت المطعم من فتره .. صراحه ديكور المحل مرت و ما عليه حكي بس حسيت أنو مخنوق شوي يعني لما طلعنا على الصاله فوق عشان نقعد كان ريحة البرغر و الاكل معبي المحل بالنسبه للخدمه ما عجبتني كتير يعني قعدنا حوالي الربع ساعه حتى حدا عبرنا و أخد طلبنا بالنسبه للأكل أنا ما شفت فيه أي شيء مميز يعني متل غيرو وكان كتير غالي بالنسبه لغيرو من محلات البرغر .. صراحه أنا ما رح أرجع أجربو
  • Review by Omar of هوت آند كرسبي
    قبل 8 سنوات
    كنت أروح على هدا المحل من فتره كنت أحب من عندو بطاطا الوجز :) عندو ياها كتير رهيبه .. بس الفتره الاخيره حسيت أنو المطعم تغير الشي يلي بقدمو يمكن حتى الاداره تغيرت .. بس بعمل كمان بيتزا بالنسبه لمكسيم مول عندو أزكى بيتزا بالمول ... و بحسو من المطاعم النظيفه بالمول بنصح فيه بالنسبه لباقي محلات المول
  • Review by Omar of اولد فيو كافيه
    قبل 8 سنوات
    رحت على هدا المحل من فتره كتير حبيتو :) القعده فيه كتير حلوه و مطله على عمان .. جربت من عندو الارجيله و جربت هوت شوكلت .. كتيير زاكي كان صراحه و الارجيله كانت مناسبه . المشكله أنو القعده الحلوه يعني الطولات المطله لازم تحجز عليها قبل ما تروح :( بس يعني حتى ديكور المحل من جوا بتحسو معتق و قديم ... فكره حلوه :) يعني يلي بكون في الرينبو مو غلط يروح عليه بس في أحسن منو صراحه في الرينبو
  • Review by Omar of بلانيت دوناتس
    قبل 8 سنوات
    اليوم أول مره بقعد بالمكان هدا مع أني مو أول مره بجربو القعده فيه رايقه ماشي حالها .. المحل بقدم دوناتس و عصائر و ملك شيك تقريبا كلشي المشروبات الباره أو الساخنه ممكن أنو تلاقيها عندو .. كمان فيو أرجيله الخدمه منيحه و القعده حلوه .. بالنسبه للأسعار فهي طبيعيه و مناسبه بالنسبه للمحلات يلي بتقدم نفس الأشي أنا بنصح فيه للفطور .. و ممكن المسا أنو في ارجيله و قعده مناسبه :)
  • Review by Omar of ميديا كافيه
    قبل 8 سنوات
    المحل كتير حلو القعده فيو مريحه أحلى شي بالموضوع الكراسي حسيت حالي قاعد بصالون البيت و ديكور المحل مرت ماشي حالو فيو قعده بره و فيو قعده داخليه .. صراحه أنا ما جربت عندو غير الارجيله كانت زاكيه ماشي حالها .. الخدمه هناك منيحه .. أسعارو عاديه متل باقي الكوفي شوب يلي بالمنطقه.. المحل بتوقع أنو جديد فبحسهم بهتمو بالزباين
  • Review by Omar of ماكياتو  كافيه
    قبل 8 سنوات
    كتيير رايق هدا المحل و كتير بحب أقعد فيه، موجود بالصويفيه أفنيو مول الطابق التاني و في ألو كورنر بنفس المول بالطابق الارضي .. المحل ما بقدم أراجيل ، معاملت الموظفين كتير رائعه ، جربت من عندو white Chocolate late كانت كتييير زاكيه كتير حبيتها :) .. المحل بزبط تروح تدرس فيه أو تشتقل فيه لأنو كتير رايق و هادي .. بنصحكم تجربوه :)
  • Review by Omar of الدكتور سفيان حدادين
    قبل 8 سنوات
    رائع بكل معنى الكلمه :) أنا ما بحب دكاترة الأسنان و الحمدلله ما عمري دخلت دكتور أسنان بس من فتره أنكسر سني و صار لازم أروح على دكتور ، نصحوني الناس بالدكتور سفيان و فعلا رحت عندو .. العياده حلوه و نظيفه تعامل الدكتور كتير حلو و كتير دقيق بمواعيدو و بترتاح معو شغلو كتير حلو و عشان ما تحس بأشي دايما ببنج قبل ما يشتغل و بعمل يلي لازم يعملو :) بنصح أي حدا عندو مشكله بأسنانو أنو يزور الدكتور سفيان :)
  • Review by Omar of مستشفى فيلادلفيا
    قبل 8 سنوات
    المستشفى صغير نسبيا و صراحه ما حسيتو نظيف كتير يعني دخلت على غرفه الطوارئ حسيتها مو مرتبه و مو نظيفه ما بعرف ليش !!! الدكتوره يلي كانت مداومه بالطوارئ عراقيه و كتيير شاطره .. الممرضات كتير كويسين و تعاملهم حلو بس الشي يلي ما حبيتو أنو عاملين الصيدليه فوق بالطابق الاول و المحاسبه تحت يعني أزا بدك تجيبي دوا عشان يعطوك ياه بالطوارئ لازم تروح على المحاسبه بعدين تطلع على الصيدله بعدين ترجع تنزل و الواحد أصلا بجي على الطوارئ و بكوت مو قادر يمشي !! كيف أزا الموضوع فيو أنو يطلع درج !! ، يعني أنا بشوف أنو في كتير مستشفيات أكبر بالاردن و أحسن من هي المستشفى بس يعني أزا الواحد مستعجل أو أزا كانت قريبه عليه مو غلط أنو يروح عليها بس في الاحسن منها
  • Review by Omar of فروت سالاد
    قبل 8 سنوات
    بعتبرو أحسن محل بقدم العصائر الطبيعيه :) المحل حلو فيو قعده داخليه المحل نظيف و الموظفين أغلبهم سوريين و كتير تعاملهم حلو مع الزباين .. جربت من عندو عصير الافوكادو مع القشطه و العسل و الكاجو :) كتيير كان زاكي بنصحكم تجربو لهدا العصير :) ، أسعار المحل عاديه ، فيو مصفات خارجيه بس دايما بشارع المدينه عجقه شوي بس أكيد بتلاقي مصف :) أنا بحب بالمحل الالوان تبعو الديكور كتير حلو :)
  • Review by Omar of روان كيك
    قبل 8 سنوات
    كتيير رهيب هدا المحل و كلشي عندو زاكي :) مبارح أخدت من عندو سنكرز كيك كان كتير طيبو بشهي :) أسعارو عاجيه يمكن أغلى شوي صغيره من باقي محلات الكيك بس بستاهل الخدمه عندو ممتازه أول ما بتدخل بستقبلك الموظف و بساعدك على قد ما بيقدر .. ما عندو مصفات خارجيه خاصه بس ممكن تلاقي محل تصف بنصحكم فيه
  • Review by Omar of مركز اللياقة البدنية والمنتجع صحي ماكس فيتنيس
    قبل 8 سنوات
    نادي ممتاز موجود داخل فندق توليدو .. مساحة النادي ممتازه و فيو صالتين كل صاله منفصله عن التانيه و كل وحده فيهم فيها جميع الاجهزه و ساونا و بخار و جاكوزي وحده من الصالات فيها مسبح مغلق .. الاجهزه الموجوده في الصالتين كتير مرتبه و جديده .. دايما في مدربين بساعدوك و بعملولك جدول بناسبك حسب وضعك .. بالنسبه لسعر الاشتراك عندهم كتير عادي يعني عندهم الشهر ب 40 دينار طبعا الاشتراك مع مسبح و كل شيء تابع للنادي بس كل ما بتاخد مده أطول بصير الك خصم يعني لما بتشترك 3 شهور 100 دينار و السنه ب 350 دينار ..كل فتره بعملو عروض و أحيانا بعملو خصم 20 % .. النادي كتير نظيف و المسبح كمان كتير نظيف :)
  • Review by Omar of الانتصار دراي كلين
    قبل 8 سنوات
    محل ممتاز .. تعامل الموظفين فيه كتير منيح الحلو فيهم أنهم كتيير ملتزمين بالموعد يعني لما بحكيلك أنو الأشي بخلص خلال ساعه فعلا بترجع بعد ساعه بكون جاهز .. أسعارهم عاديه جدا زي أي دراي كلين عادي .. المحل جاي داخل حارات يعني ممكن تلاقي مصف للسياره عادي .. كمان عندو خدمه أنو بوصل للبيت أزا بتحب :)
  • Review by Omar of البكري لينك
    قبل 8 سنوات
    لما بدي أشتري موبايل أو أكسسوارات للموبايل ما بروح الا عند البكري لأنو أسعارو كتير ممتازه و دايما عندو أسعار الاجهزه أرخص من باقي السوق .. عندو جميع أنواع الاكسسوارات للموبايل و بعمل صيانه و سوفت ويير لجميع الاجهزه .. تعامل الموظفين هناك كتير ممتاز .. أزا لازمك موبايل أو بدك تصلح موبايل ما ألك غير هدا المحل :)
  • Review by Omar of سكند كب
    قبل 8 سنوات
    جربت سكند كب من كم يوم .. هدا الفرع أول مره بقعد فيه قعدتو حلوه و رايقه تعامل الموظفين منيح أسعارو معقوله .. كتير حبيت القعده عندو رايقه و حلوه .. مسموح التدخين داخل المحل عادي .. أنا طلبت من عندو ليزي كيك و أسبرسو الكيك كتيير زاكي كان :) الكيك و الاسبرسو طلعو ب دينارين تقريبا :) .. المحل مو الاقوى بالمول يعني في داخل الستي مول محلات أحلى بس لا يعني قعدتو مرتبه هدا كمان .. أنا أكيد رح ارجع عليه .. بنصحكم تجربوه
  • Review by Omar of شركة زيزان للأدوات الصحية
    قبل 8 سنوات
    صراحه أنا تعاملت معهم أكتر من مره .. المحل ببيع أدوات صحيه و مستلزمات بناء من مواسير و خزانات تدفئه و كواع حديد و بلاستك و هيك شغلات .... أنا أشتريت من عندهم بربيش عشان المغسله .. أسعارهم ممتازه مناسبه للسوق و تعاملهم منيح
  • Review by Omar of ونز للبيتزا والمعجنات اللبنانية
    قبل 8 سنوات
    المحل هدا كتير رهيب ديكوراتو كتير حلوه و بعمل معجمات و مناقيش رهيبه جربتو من عندو منافيش زعتر و جبه بحط جواتها بندوره و زيتون و بلفها و بقطعها و كوول يا معلم عنجد رهيبه و جربت من عندو تيركي مع حلوم كمان كتير رهيبه ... العجينه عندو كتير طريه و هدا شي كتير مهم بالمعجنات ... بالنسبه لأسعارو فيه جدا عاديه و بتستاهل .. تعامل الموظفين كتير منيح .. مشالله أغلب الوقت عندو أزمه لأنو قريب من الجامعه بنصح أي حدا جاي على بالو فطور مرتب يجرب هدا المحل
  • Review by Omar of مقهى بلاط الرشيد
    قبل 8 سنوات
    أنا رحت على هدا المقهى مرتين تقريبا و رحت مع أصحابي و أنو محل خرافي و حلو و قديم ... بس صراحه أنصدمت لما شفتو !! كتيييير وسخ و الطاولات وسخه و حتى الارجيله مو زاكيه بالمره .. يعني المقهى بجو عليه أجانب و فيو قعده بره على البرنده حلوه !! بس ما بعرف ليش مافي أعتناء بالنظافه !!! صراحه ما برجع أجربو لأنو أهم شي بهيك محلات النظافه
  • Review by Omar of كافيه جفرا
    قبل 8 سنوات
    جفرا من المحلات القديمه و الحلوه .. لما بتدخل على المحل بتحس أنو كلشي حوليك أنتيك القعده فيه حلوه بس الدايما عجقه خاصه المسا .. في مشكله كبيره بالمصفات لأنو بالبلد صعب تلاقي مصف للسياره .. بس بشكل عام مرتب و تغير جو عن باقي الأماكن :) بنصحكم تجربوه
  • Review by Omar of فندق دبل تري هيلتون العقبة 
    قبل 8 سنوات
    جربت هدا الفندق من فتره الفندق كتير مرتب و مريح و بنصح أي حدا بدو يروح على العقبه ينزل فيه .. هوه مو على الشط بس ممكن يودوع على شط تابع للفندق بأمنولك باصات بتاخدك على الشط و بترجعك على الفندق .. داخل الفندق في مسبح كمان :) تعامل الموظفين كتير ممتاز .. بنصحكم فيه
  • Review by Omar of كانتينا
    قبل 8 سنوات
    جربت هدا المحل أكتر من مره .. المحل لا بأس به منيح و قعدتو حلوه بس دايما عجقه و خاصه يوم الخميس لازم تحجز قبل ما تروح .. المحل فيه قعده داخليه و خارجيه بقدم أكل عندو البرغر كتير زاكيه و طبعا فيه أراجيل المحل .. بنصحكم تجربوه بس مو يوم الخميس :)
  • Review by Omar of كبة وبستوني كافيه
    قبل 8 سنوات
    من الاماكن المفضله لدي .. فيو قعده بره و جوه الديكورات من جوه رهيبه طبعا المحل عباره عن كافيه و مطعم .. الارجيله السبشل من عندو رهيبه .. بعدين الحلو بالموضوع أنو بتقدر تلعب شده و طاولة زهر :) و أسعارو جدا عاديه .. و كأنو بعملو كل خميس مسابقات أو ألعاب كتير الجو بكون حلو :)
Next

صور أضفتها

أخدت من عندهم هدا المج ... حلو صح ؟!
:)
Nice