huda jo

huda jo

عمان . منذ يناير 2011
Social studies
17 من المراجعات
الأماكن المضافة
6
من وجدوا مراجعتي مفيدة
1
مراجعتي كانت الأولى
9
مراجعاتي
17
أماكن فضّلتها
6

مراجعاتي

  • Review by huda of القاعة الملوكية فندق القدس
    قبل 7 سنوات
    قاعة كثير هادية وديزاين بسيط والوان بتجنن, بتتسع لأكثر من 200 شخص بتكون بالطابق الثامن للفندق بتخدمها اكثر من 3 مصاعد لتوصل الها .. بتصلح لإعداد حفلات الخطوبة والمؤتمرات وورش العمل للمؤسسات الحكومية والخاصة..كنت هناك بورشة عمل لأسبوع..تجربة تستحق*
  • Review by huda of شوفان للألبسة الأوروبيه
    قبل 7 سنوات
    محل كثير بيوفر انواع واصناف من الأبسة الأوروبية بكل الأحجام واسع ومريح لتوخدوا جوله فيه على راحتكم مكون من طابقين ..لكن لأسعار السنة كثير فرقت عن اول بحكم النوعية اغلى شوي يمكن من المصدر..! المهم المفاصلة ما عنها :)
  • Review by huda of مطبخ المعتمد
    قبل 8 سنوات
    مطبخ مع انه ظهر من فترة قليلة الا ان استطاع ان يثبت جدارته بخدمات التواصي الممميزة وحسب الطلب لما تكون مشغول وفجأ يزورك ضيوف ما عليك الا ترن موبايل وتوصف طلبك واي اضافات وبالتمام صار معنا لما طلبنا منسف بلدي قدملنا ياه بفترة مناسبة وبألذ طعم مثل البيت و أكثر...بتمنى انكم تجربوه -طبعا خدمة التوصيل لباب البيت مجاني ورح ترتاح للخدمة ونظافة المحل..
  • Review by huda of فندق بتونيا
    قبل 8 سنوات
    كان مسا مبارح كثير غير لما دخلنا الفندق بدعوة لحفل تخرج لصديقتي كثير بهرني اشيا كثير اولها حسن الإستقبال والنظافة والنظام وبعد ما دخلنا المصعد لنوصل الطابق السادس كثير كان الجو اكثر من رائع صاله واسعة مناسبة واضاءه غير شكل والتهويه كمان جدار كامل بحرف الزجاجي بيطل ع عمان وتوفر مرفقات للصالة والخدمه شعرنا جد كأنا ببيتنا ما كان الأشي فقط بسبب حفاوة اللي دعونا لكن برضوا كانت ادارة الفندق متابعة 100% بالنسبة للأسعار ما بعرف لكن صاحبيتي السنة الماضيه عملت خطوبتها هناك بتحكي انها كلفت 2000دينار! وفي استراحات شرحة اما خدمة النت هناك بفلوس... بنصح في كثير للي حابب لكافه انواع الحفلات في متسع لتصف السيارات لكن بنصح بعمل مكان خاص اكثر من هيك بالنسبة للمصفات كونه ع شارع رئيسي سريع جدا...
  • Review by huda of مخابز ومطاعم برادايس
    قبل 8 سنوات
    دخلناها اليوم عز الشتا... وكنا قبل هيك نمر عليها بغية الخبز وبعض البسكويت الشهي من عندهم الجميل انها حوت جمال الخارج والداخل ارتحنا لوجود مصف برتابة عالية للسيارات أمن وسرعة تلبية الطلبية ودقة المحاسبة وهناك انواع متنوعة من الكعك والبسكويت موقعهم المتميز وفر علينا مرات كثير وعلى الناس اكيد والأسعار كما هي معتادة بحدود الطبيعي...
  • Review by huda of صالون ربيع العمر
    قبل 8 سنوات
    صالون ربيع العمر صارلو بالمنطقة عمر يعني اشي 10 سنين
    العاملات في ماهرات جدا مواعيدهم دقيقه ولكن مافي عندهم اسلوب لجذب الزبون او اتيكيت التعامل " للأسف غير هيك ديكور المحل بيوحي بضيقه اتمنى انو بيتحسن وبدخل المنافسه لاسمو وخبرة العاملين فيه خاصة مع افتتاح اكثر من صالون بنفس المنطقة...
  • Review by huda of شركة لوزان لمستحضرات التجميل
    قبل 9 سنوات
    لما كنت محتار بخصوص كريمات تقشير البشرة والوقت ضيق نصحتني صديقة بزيارة الفرع الجديد لشركة لوزان في المقابلين
    ما تعذبت كثير بالشراء خصوصا لأن في اكثر من متخصص بالمحل ومنهم خبيرة بشرة بتعاين نوع البشرة قبل ما بتبيعنا المنتج مهما كان سعروا ..غير ان المحل سهل علي كثير طلعات لمحلات ثانية لأنوا في تجهيز الصالونات كاملة من لوازم مكياج لأكسسوارات وعناية بالبشرة والشعر الأسعار منافسه كونوا بالأصل بالجمله وحسب الدولة المنتجة للمستحضر...بنصح بزيارتوا .
  • Review by huda of أضواء التيار للإنارة
    قبل 9 سنوات
    بعد الأسبوع الأول من رمضان خطر ببالنا نشتري زينة مميزة لنحس بأجوار رمضان وبهجتها اكثر وفي جولة بالمرج لفت نظري اضواء التيار...محل ع الشارع الرئيسي مقابل مخابز آشتي وحي المدارس واجهة المحل جذابة جدا للزبون ولما بتدخل ما رح تغمض عينك لأنك رح تستمتع بتشكيلات الإضاء المختلفة خاصة المعدة للشهر من الفانووس للهلالات اشي رائع فعلا وبيزيد ارتياحك تعامل اصحاب المحل وديكوراته واسعاره ضمن المعقول...بضاعة سعرها فيها صراحة...
  • Review by huda of مكة مول
    قبل 9 سنوات
    بعد الفطور تحلى الطلعة لمكان عصري وهادي وهيك كانت طلعتنا من يومين لمكة مول اسلوب مضياف جدا وأسعار مبيعاتها بمستوى المعقول والصغار ما نهكل همهم لأن في مكان لينبسطوا بأمان فيه ...
    كنا بالعادة نطلع للمولات للتسوق لكن بأجواء مثل مكة مول رح تكون النية لنغير جو بجو تسوق لا يعلى عليه اتمنى انا نعيد الزيارة ...
  • Review by huda of مركز الجملة للمواد الغذائية سيفوي
    قبل 9 سنوات
    سوق حافظ على تنافسيتوا من انشاؤو لليوم اول ما بتدخل رح تأمن سيارتك بمصف فيه تشكيلة واسعة من المنتجات من غذائية الى قرطاسية وكثير سهل على الناس لما افتتح قسم الكهربائيات معظم اهاي المنطقة بيتمتعوا التسوق فيه كونه مكان هادئ ومساحة مناسبة لكن جلساتوا لما بتحب توخذ بريك فطور او كوفي مفتوحة على الزبائن في السوق بحاجة لشوي تكون مضبوبة لو كانت في الطابق الثاني بتكون اشرح واريح...
  • Review by huda of مطاعم ترانيم
    قبل 9 سنوات
    مطعم بتلاقي في طلباتك ور ح يبهرك الأشكال المتعددة مش بس للأكلات لكن حتى الأطباق المستخدمه خدمة متميزة وجلسات هادية بتمنى اني بجربوا برمضان المرة هاي خاصة الزنجر الأوزي طعمة ما تتنسى بيغريك لتجربتوا مرة تانية وتالثة واعتمادوا ع طول لتعزم صحابك اما اسعاروا حسب كلفة الطبق بضن مناسبة
  • Review by huda of قرية النخيل
    قبل 9 سنوات
    مطعم مكانوا مناسب مشرف وهوا نقي واجواء خلابة من مناظر طبيعية ومن نظافة ومعاملة اسعارهم فيها غلا لكن قريبة للبيت ... جربتوا السنة الماضية في مصاف للسيارات آمنة :)
  • Review by huda of بيتزا القيصر
    قبل 9 سنوات
    رغم انوا مافي مصفات آمنة للمحل لكن الخدمة تفرق
    والطلب بيجهز بأقل من نصف ساعة وهناك دايما عروض والنظافة جيدة جدا والجو هادي ورايئ ع طول مع هيك بحب نشتريها ونتوجه ع حدائق الحسين ع طول :)
  • Review by huda of كافيتيريا الهنيني الربيع
    قبل 9 سنوات
    من بداية الدراسة كانت محطة استراحتي مع زميلاتي
    وعصيري المفضل الخروب وتمر هندي بيمر اخوي كل مسا بعد الدوام بيشتري من هناك طعمة ونظافة واضحة من الأوعية والمعاملة بتدوم ع طول ما تنسى
  • Review by huda of مخابز المدناوي الدولية
    قبل 9 سنوات
    مخبز ما دخلتوا لكن أكلت من انتاجوا بيحكوا بتأسرك نظافة المحل وبتتطمن لما بتشوف العجينة بتنخبر ع مرأى من نظرك اما القطايف من عندوا كثير متماسكة وطرية غير عن محلات ثانية جربناها وسرعة تلبية الطب بيتميز فيه
  • Review by huda of مطاعم الساخن
    قبل 9 سنوات
    معطم متميز بنظافتوا وعامليه ومبناه بيسر النظر غير الشرفات ع الرصيف ومظلات في الصيف
    والأكثر من هيك خدمة التوصيل المجانية خيالية ترتيب الوجبة بتشهي وصدق المثل العين اللي بتوكل
  • Review by huda of قاعة فندق حياة عمان
    قبل 9 سنوات
    قاعات وصالات مريحة خدمة ممتازة هادئة إضاءة مناسبة وديكور ممتاز
    حضرت فيه مرة بوفيه مفتوح كان منظم وعملاء ولا احسن من هيك بشوشين وما بتدخلوا ولا بيحكو كثير
  • Review by huda of ستوديو الهندي
    قبل 9 سنوات
    ستوديوا كثير رائع متفور فيه جميع اجهزة التصوير الحديثة بأفضل التقنيات -لجميع المناسبات بالإضافة الى الطباعة على التي شيرت و المجات - بإدارة وجوه شابة اجتماعية مهذبة وبيئة هادية بتمنى تشاركونا التجربة ....
Next

أماكن أفضلها