عمان . منذ يونيو 2010
6 من المراجعات
مراجعتي كانت الأولى
1
مراجعاتي
6

مراجعاتي

  • Review by of شاورما باشكا
    قبل 10 سنوات
    تجربتي مع مطعم بشكا للأسف مش ايجابيه.
    أول ما فتح المطعم جربته، وبتذكر إنو العاميلن فالمطعم كلهم نصحوني أجرب شاورمة بشكا. فطلبت هذا الصحن وكتير حبيت طعمت البهار والصلصات إلي بستعملولها في شاورمتهم. ولكن كل مرة جربتو بعد أول مرة جودة وطعم ال شاورمة كان عم بينأص وبسوء كل مرة. فآخر مرة جربته كانت السندويشه مدهنه جداً جداً وألطعمه الأساسيه للسندويشه انعدمت كلياً. وبالاضافه، كان الشخص إلي عم بحاسب كتير إمعصب وغير لطيف وكان عم بتجادل مع بقيت الموظفين فالمطعم. (حصلت هذه الحادثة في فرع صويفيه) بنسبه إلي شخصياً، كتير مهم إنو أية مطعم أيكون عندو جوده ممتازه ومتواصله، يعني كل مرة بروح على أية مطعم أنا كزبون بتوقع نفس الخدمه والجوده. لكن للأسف مع مطعم بشكا كانت مع كل زيارة الجوده بتقل.
  • Review by of نوديجيا
    قبل 10 سنوات
    بلا شك، نوديجيا من الأماكن المفضلة لدي في عمان. فلجميع محبي الأكل الياباني والأسيوي هذا المطعم هو الأفضل في عمان علأطلق.
    الخدمه ممتازه، المكان واسع وشرح، والمضيفين كتير لطيفين وخدومين. وخاصةً واحد منهم اسمو جيمس، كتير بعتني فينا كل مرة منروح علمطعم. أطباقي مفضله عندهم، أذكى وأطيب كاني سلطة عمري دقتها (سلطة السلطعون) بس فبعض الأحيان بجي فيها كتير ميونايز فإذا مبتحبو اطلبوها مع مايونيز أقل. وسلطة الجمبري رائعة جداً. لازم يتجربو، وخاصةً إذا إبتخلطو هدول السلطتين مع بعض. وإذا بتحبو ال سوشي والماكي فأنا شخصياً أظن إنو نودجيا عندهم أطيب الأنواع (كريزي كاليفورنيا وسلمون سكن ماكي). ونصيحة إذا كنتو شخصين فقط، لما تطلبوا الماكي أو السوشي اطلبوا منهم يقطعوا 4 قطع بدال 3 قطع (هو عادةً بجي 3 قطع). هذا المطعم مناسب لوقت الغادا والعشاء كمان. وعندهم مساحا خاصة يمنع فيها التدخين. سلبيات هذا المكان هي أولاً الموقع، عبدون. فعادةً ما يكون دوار عبدون عجئة فبدطر أعطي السياره للفاله. والسلبيه الثانيه هيه إنو كل مرة بروح علمطعم بطلع منو وبتكون رائحة ملابسي كلها قلي. أنا شخصياً كتير بنصح في هذا المكان وبتمنى إنو إيضل بنفس الجوده.
  • Review by of ووكس اند كومباني
    قبل 10 سنوات
    أنا شخصياً من رواد مطعم هندي وخاصةً في فصل الشتاء (بما إنو الأكل الهندي حار وبدفي)
    الأكل كتير طيب، وفي كتير أنواع وأصناف إبتئدر إتنئي منها. شخصياً أنا بنصح بالبيف كاري والباتر تشكن والخبز الهندي المتوم، بصراحة كتير زاكي. القعده فالمطعم مش ولا بد، يعني الواحد ما بحس حالو بمطعم هندي، بس الحلو إنو كل مرة رحت علمطعم ما كان كتير عجئة ووجدت مكان بدون ما احجز. أسعاره كتير منطقيه وكميات الأطباق ممتازه (مش كتيره ومش قليله). حسب ذاكرتي إنو كل ثلاثاء بكون في بوفيه، بس بصراحة أنا ما بنصح في، سعره كان كتير أكتر من ما الواحد بأدر ياكل. خدمة المطعم عاديه وفي بعد الأحيان مش ولابد. بس بشكل عام إنو ماشي حالها. موقع المطعم كتير معجوء فممتاز كتير إنو عندهم فاليه، بتسهل عل واحد. أنا بنصح بهندي لأن ببساطة أكلو كتير طيب.
  • Review by of فدركرز
    قبل 10 سنوات
    أنا شخصياً ما حبيت هذا المكان إطلاقاً. فجميع الوجبات والمأكولات عندهم مليئة بالزيوت ومشبعة بالدهون، فلم استطع من تذوق طعم البرجر الذي طلبته. وكميات الوجبات كبيرة جداً بحيث أن المعظم لا يستطيع أكلها كلها فيذهب الكثير منها سدا. وأسعار الوجبات غاليه بعض الشيء.
  • Review by of زعتر و زيت
    قبل 10 سنوات
    كتير بحب هذا المكان، القعده رهيبه، التصميم رائع و الجو رائع!
    الأقل طيب جداً. بس بصراحة أنا بحس إنو الأسعار شوي غاليه خاصةً للأطباق مثل اللبنه والجبنه. الخدمه ممتازه كتير. أطباقي المفضله هيه "مش فلافل" والدجاج مع ال جبنه! وأحلى اشي إنو بسكر المحل كتير متأخر.
  • Review by of جافا يو
    قبل 10 سنوات
    أنا شخصياً ما بحب اعدت المكان، الصوت والصدى كتير بكون عالي فبسير زي الكافتيريا.
    بس مع اني أنا ما بحب الأعده إلا إنو عندهم ازكى قهوه، كبشينو. كتير طيبه و كتير زكيه وخاصةً لأنه عندهم حليب خلي من الدسم. الخدمه ممتازه وصرلهم محافظين عليها من أول ما فتح المحل. إذا كان بدكم قهوه طيبه كتير بنصح في كتير.
Next