اسامة حدادين

اسامة حدادين

عمان . منذ أغسطس 2010
38 من المراجعات
الأماكن المضافة
1
مراجعاتي
38
أماكن فضّلتها
1

مراجعاتي

  • Review by اسامة of المونكي جريلز
    قبل 5 سنوات
    اطيب burger بعمان كلها ،،، وبحكي لكل الناس الي بتحكي وبس بدها تنتقد جد خافو الله ،، بتحكو على مصفات السيارات !!! اعطوني محل بشارع المدينه في قدامو مصف فاضي!!! بعدين الي متعود على لحمة الانجيس طول عمره يروح يسأل المحلات الي بتحكي عن حالها بتبيع انجيس من وين بتجيب هاي اللحمة بعدين ييجي يحكي !!! لحمة محل المنكي انجيس 100% ويلي مو مصدق هاي رقم الشركة فوق يحكي ويتأكد !!! و بعدين اذا في زبون جاي منرفز او متهاويش مع صاحبتو وجاي بدو يفش غلو بالمحل و بس بدو ينتقد ، يروح يلاقيلو محل ثاني بكون احسن !!!انا لا صاحب محل ولا نايبني اشي من كل هلحكي بس جد انا ما بوكل burger الا من عند المونكي لانو جد ازكى المحلات بعمان ،،،وكلشي في مرتب و نضيف
  • Review by اسامة of بوفالو وينجز اند رينجز
    قبل 8 سنوات
    مطعم ماشي حالو بس مو كتير زاكي .....اكلت من عندو بفلو ونجز و ما طلعت زاكية .....السعر عندو مقبول .،عندو تنوع بالصناف ،،،،بالنسبه للنظافه نظيف المطعم ،،،
  • Review by اسامة of تشكن هاوس
    قبل 8 سنوات
    انا اكلت من عندو اليوم سندويش رول تشكن و برغر،،،بس حسيت انو الدجاج مو كتير مستوي و ما حبيت البطاطا عندو ،،،،،،و بطولو شوي لمو يعملو الوجبة ،،،،،،،،،المحل نظيف و كتير بهتمو بالنظافة .
  • Review by اسامة of مركز حسام السيد للسيارات
    قبل 9 سنوات
    هاد المحل متخصص بسيارات المتسوبيشي وبس، وأنا ما بعتمد غيره، شامل لكل اشي بخص السيارة من كهربا وميكانيك، والمحل كبير وواسع، الاسعار عندهم معقولة جدا ووالنتائج ممتازة ،
    تعامل الموظفين كثير منيح وخاصة حسام صاحب المحل لطيف جدا وشاطر بشغله، كل سنة بسوي عندهم صيانة دورية لسيارتي ودايما بطلع مبسوط، بنصح فيه لكل اللي عندهم متسوبيشي :)
  • Review by اسامة of مطعم و كافيه طلة الجبل
    قبل 9 سنوات
    طلة الجبل كوفي شوب حلو وقعدتو رايقة ومرتبة ومريحة وأراجيلو كويسة واسعاروا منيحة والخدمة في كويسة والشباب إلي بشتغلوا في كويسين و الديكور حلو.
  • Review by اسامة of مكتبة الاستقلال
    قبل 9 سنوات
    مكتبة ضخمة فيها جميع أنواع القرطاسية و المستلزمات المكتبية . وكثير اشياء ممكن ما تلاقيها إلا عند مكتبة الاستقلال وأسعارهم كويسة بس المشكلة بالوقع يعتي ممكن ما تلاقي محل تصف في السيارة والخدمة كويسة .
  • Review by اسامة of سيتي مول
    قبل 9 سنوات
    سيتي مول مكان رائع للشباب والعائلات وهو كثير مرتب و نظيف و اجواءه كويسة وفي كل اشي والاسعار منيحة والجودة ممتازه و كراج السيارات منظم و مرتب ...صح ممكن اتصف السيارة وبس بدك تروح ممكن تنسا وين حطيتها !!! بس بشكل عام منيح في مكان تصف على الاقل.
  • Review by اسامة of قاعة الرواق
    قبل 9 سنوات
    فنق الانتر رائع وحلو كثير و بالنسبة للقاعات فهي كبيرة ومنظمة بشكل ممتاز وحضرت في حفلة وكانت الخدمة رهيبة و الاكل طيب كثير يعني بالمختصر من افضل الفنادق في الاردن بس معروف انو الفندق على الاغلب للشخصيات المهمة.
  • Review by اسامة of متحف السيارات الملكي
    قبل 9 سنوات
    متحف السيارات الملكي رائع وأشي فخم من حيث الترتيب والتنظيم وانا من المعجبين بالمتحف الملكي لسببين : 1- لأني عندي هواية بالسيارات . 2- لان المتحف الذي يحمل أسم الملك الخالد في قلوبنا الملك الحسين بن طلال طيب الله ثراه فهو يعطيك نبذة عن هواية الملك الحسين في هذا المجال و قديش كان رياضي من الدرجة الأولى
  • Review by اسامة of سبورتس
    قبل 9 سنوات
    كوفي شوب منيح وقعدتوا مريحة والاسعار احسن من منافسينوا وكلشي عندوا كويس وانا من الرواد الدائمين وبحضر دائما عندوا المباريات والموظفين رائعين وخاصة رضا و اشرف...وفي طاولة دائما محجوزة إلنا يعني ما حدا بقعد عليها حتى لو اتأخرنا
  • Review by اسامة of الشركة التجارية الأردنية - ميتسوبيشي
    قبل 9 سنوات
    شركة متسوبيشي منيحة وعندي سيارة متسوبيشي واخترتها لأنها شركة ممتازة وخاصة خدمة الزبائن وانا شخصيا بتعامل معهم وعامل معهم كونتراكت وبعملوا إلي خصم على الاسعار وفحص مجاني
  • Review by اسامة of أبو شيخة للصرافة
    قبل 9 سنوات
    ابو شيخة محل صرافة كثير كويس وخدمته رائة وانا دائما بتعامل معوا وسرعة التحويل كويسة و إلو فروع كثير وهلا فتح فرع جديد في خلدا و الموظفين خدومين
  • Review by اسامة of فرندز كيك
    قبل 9 سنوات
    فريندز كيك محل حلويات رائع و طيب كثير و عندوا تشكيلة كبيرة من الكيك وخدمته ممتازه و سريعة وشو ما قلتلو يعملك بالكيك ما بقلك لأ .... وبالنسبة لأسعاروا كويسة كثير وانا دائما بشتري من عندوا لأنوا زوووووووووق
  • Review by اسامة of بي سي زون
    قبل 9 سنوات
    بي سي زون محل مرتب وعندو تشكيلة كبيرة من الالكترونيات وخاصة اجهزة الكمبيوتر الشخصي واللابتوب وان اشتريت من عندوا جهاز لابتوب وكانت خدمة مابعد البيع والكفالة كويسة ومشان الاسعار إلو فرع بالعقبة يعني بتقدر توخذ الجهاز بسعر ارخص
  • Review by اسامة of بوسيني
    قبل 9 سنوات
    محل بوسيني كويس والبضاعة إلي عندو جودتها منيحة وانا من الناس إلي اشتريت من عندوا قميص وكان كثير ممتاز وبالنسبة لأسعاروا منيحة وخاصة بعد التنزيلات
  • Review by اسامة of شركة سفريات الشام
    قبل 9 سنوات
    سفريات الشام من افضل مكاتب السفريات في عمان والمكتب والسائقين محترمين و السيارات عندو كويسة كثير ومريحة وانا من الاشخاص إلي سافرت معهم وكانت رحلة ممتازة وما بسرعوا مش عشان المخالفات..مشان راحت الراكب .
  • Review by اسامة of المحيط للماكولات البحرية
    قبل 9 سنوات
    محل اسماك رائع و صارلو زمان فاتح و السمك عندو دايما طازج والدليل على هذا الأشي انو ماشالا فروعه عم بتزيد سنة بعد سنة وهذا إن دل فهو يدل على الطلب المتزايد عليه وما صرلو زمان فاتح فرع عند اشارة العساف واهلي دائما بشتري من عندو
  • Review by اسامة of ميداس للأثاث
    قبل 9 سنوات
    لما تحكي مفروشات ميداس يعني اكبر المعارض في هذا المجال و أجمل المفروشات والتحف والثريات واحسن جودة من حيث نوع الخشب بس المشكلة انو غالي بس كل فترة بعمل تنزيلات وهلا هو عامل تنزيلات مخيفة يعني الواحد لازم يلحق حالو
  • Review by اسامة of بلانيت دوناتس
    قبل 9 سنوات
    الدونات كتير زاكيه بأنواعها،،،و المحل نظيف و الدونات طازة وأسعارو رخيصة بالنسبة لغيرو.. القعده حلوه عنده،،ديكوره مش بطال،،لايوجد مكان للسيارات وازا بتصف قدامه بتتخالف
  • Review by اسامة of هاشم
    قبل 9 سنوات
    مطعم عادي اللي بميزه تاريخه والشخصيات اللي زارته،،مستحيل تلاقيه فاضي ،،مشكلته المصفات ، يعني كل ما انزل عليه بتخالف ،،والمصريين العاملين فيه محترمين ودمهم خفيف،،
  • Review by اسامة of الأفغاني
    قبل 9 سنوات
    محل كتير مرتب،،، فيو اشياء و فضيات و هدايا و تشكيله كتير حلوه،،،،بحب عندهم خدمة الكتابة على الهدية،،،و اسعاره منيحه كتير ،،و فرع مكة مول مستحيل تلاقيه فاضي ،،،،،
  • Review by اسامة of مركز تالا للموسيقى
    قبل 9 سنوات
    كتيييير بيجنن و مفيييد .... الاساتذه كتير حبوبين ... بيعلم كل الآلات الموسيقية .......... كتير قريب على سكان الصويفية و عبدووون
    و كتير المحل مرتب
  • Review by اسامة of مطعم برج الحمام
    قبل 9 سنوات
    هو مطعم لبناني والشيف لبناني وبرأي هو افضل مطعم في عمان للمأكولات اللبنانية وسعره مناسب والمطعم موجود بداخل فندق الانتركونتيننتال الأردن
    مكان رائع، يعني أنا كل ما يجي عندي صحابي من برى البلد بحب أوديهم عليه.. لأنو أكلو رائع والخدمه سريعة و دائماً بساعدو بأي وقت.. كمان بحب أروحلو بالأعياد.. أي حدا بيجي على بالو أكل لبناني أصلي يروح ركض :)
  • Review by اسامة of مركز توتال الصحي
    قبل 9 سنوات
    بصراحة نادي رائع وأهم إشي فيه إنو واسع وفيه الكثير من الأدوات الرياضية اللي صعب إنك تشوفها بنوادي لياقة أخرى بالأردن.. وعجبني فيه أكثر إشي المسبح لأنو معمول على مواصفات عالمية.. ودرجة حرارة الماء مناسبة في الصيف والشتاء.
  • Review by اسامة of الشالاتي المركزي
    قبل 9 سنوات
    مكتبة الشالاتي من أفضل الاماكن اللي بحب اشتري من عندها و خاصة الادوات المكتبية ، فيها كل شي غريب بتلاقيه و بأنواع مختلفة . اهم شي ان اسمها مكتبة بس الحقيقة ان فيها كل ما بخطر ببالك من العاب للاطفال و هدايا ، و كل ما يلزم من احتياجات الطلاب و الشركات و المهندسين و الموسيقيين و حتى ستات البيوت من تحف و مناظر :) و ما بتحتار لما تكون ازمة بشارع الوكلات لان في عندهم مصافات . بس صراحة انا بحسها أغلى من المكتبات التانية بس بتستاهل .
Next

أماكن أفضلها