Sameera 123

Sameera 123

عمان . منذ نوفمبر 2010
8 من المراجعات
الأماكن المضافة
1
مراجعتي كانت الأولى
1
مراجعاتي
8
أماكن فضّلتها
1

مراجعاتي

  • Review by Sameera of الصراف الالي البنك العربي
    قبل 9 سنوات
    البنك العربي بكفي انه اسمه عربي.
    انا زبونة دائمة للبنك العربي فهو يقدم باقة من خدمات الحسابات والتي تتضمن حسابات التوفير، الحسابات الجارية والودائع المربوطة. وبالإمكان ادارة حساباتنا على مدار الساعة وطوال الأسبوع من خلال الخدمات المصرفية المباشرة وهي عبر الهاتف وعبر الإنترنت والصراف الآلي وخدمة الرسائل القصيرة يعني البنك العربي بقدم دور مفتخر الا وهو تقديم مجموعة متكاملة من خدمات تحويل الأموال التي تلبي احتياجات العملاء الكرام . فهو بنك آمن ويعمل بطريقة آمنة للحوالات الفورية وسريعة لإرسال الأموال إلى الأهل والأحبة في الوطن ، فهو يعمل على مستوى فعّال في التوصيل وما عليك سوى اختيار ما يناسبك من الوسائل التي تريدها في البنك.
  • Review by Sameera of انتركونتيننتال الأردن
    قبل 9 سنوات
    انا جربت فندق الانتركونتيننتال في شهر رمضان المبارك ومعظم افطاري مع العائلة كان في اجواء هذا الفندق . فهو واحد من أرقى الأسماء في عالم الفنادق – أفخم المرافق والخدمات المصممة خصيصاً لتلبي كافة متطلبات المسافرين من رجال الأعمال، كما تتميز بالفخامة، الخصوصية وأصالة المكان، مما يعزز متعة الإقامة والاستجمام.
    وإذا أردت أن تدلل نفسك أو رغبت بالراحة والاستجمام في أجواء فخمة ومميزة، فإن مجموعة فنادق ومنتجعات إنتركونتيننتال تُقدم لك باقة كبيرة من الخيارات مما تشتهي نفسك. ما رح تكون ندمان بالعكس رح تكسب زيادة فوق راحتك انت وعائلتك ومما تحب بما لذ وطاب من اشهى المأكولات. السيرفيس من ارقى البشر وعندهم فن الاتيكيت لم أراه في مكان ما.
  • Review by Sameera of حلويات السهل الأخضر
    قبل 10 سنوات
    انا ساكنة في شرق عمان ، وبضطر اقطع المسافة من منطقة حي نزال الى الجاردنز حتى اكل كنافة السهل الأخضر . دار عمي وبعض قرايبنا ساكنين في غرب عمان وكل ما نيجي نزورهم لازم نمر على السهل الأخضر ونوخد كنافتنا معنا ، وما بنستغني عن السهل الأخضر ، وازكى ايشي الكنافة التواصي بنحكي معه قبل بوقت وبنوخدها سخنة نار .. وبصراحة انا ما جربت الا فرع الجاردنز
  • Review by Sameera of ايرين
    قبل 10 سنوات
    انا جربته واختي وبنت خالتي وزوجة اخوي
    بالنسبة الي جربته لما تخرجت من الجامعة واشتريت من عنده فستان للتخرج بجنن . بالنسبة لأختي كان جهازها من عنده وخاصة فساتين السهرات . بالنسبة لبنت خالتي اشترت من عنده فستان حفلة وداع لانها عملت الحفلة قبل ما تسافر على كندا وطلعت بتجنن وفستانها كان بسطل والكل تركوا الحفلة وصاروا يحكوا عن الفستان ومن وين جابته وكيف فصلته والكل صار يحكي اكيد جابته من كندا وهو بالأصل من ايرين . بالنسبة لزوجة اخوي عندها بنات صبايا مقبلات على زواج راحت واشترت لكل بنت من بناتها فستان وكل فستان كان موديله شكل والأحلى من هيك انه ايرين هو السبب لانه بنات اخوي انخطبن وحدة ورا التانية . بنصح كل عروس تشتري فستان زفافها من ايرين بنصح كل فتاة مقبلة على زواج ومش جاي نصيبها تروح تشتري من ايرين وتلبسه في اي مناسبة وانا متأكدة انها رح تنخطب على طوووول.
  • Review by Sameera of اوبتكس شامي
    قبل 10 سنوات
    اوبتكس شامي وما ارداك ما اوبتكوس !!
    بدون مجاملة انا بتعامل مع اوبتكوس من لما بلشت البس نضارة لما كنت بالتوجيهي كان عندي مشاكل في النضر وماما اخدتني عليه وعملت فص نضر وكان اول مرة بعمل فحص نضر في حياتي وكان على ايد توبتكوس شامي ، وهلأ انا بستعمل عدسات لاصقة في غاية الروعة وصرت زبونة محل وكل افراد عائلتي بتتعامل مع ومع هيك في النا خصم خاص من اوبتكوس شامي . وانا بنصح الجميع يتعاملوا مع اوبتكوس شامي من حيث الجودة العالية للمنتج ومن حيث الاسعار ومن حيث المعاملة الاتيكيتية الراقية للزبون . يعني لو ما كنت بتلبس نضارة بتصير تلبسها غصب عنك .
  • Review by Sameera of محمص شاهين
    قبل 10 سنوات
    صباح الخير للجميع وصباح خاص لأهل جيران الأحباب.
    محمص شاهين اشهر من النار على العلم ، ما بدها اتنين يحكوا فيها ، احنا تسالينا وسهراتنا ما بتحلى الا من مكسرات محمص شاهين ، وغير هيك ما بنعرف محمص غيره. اسأل مجرب ولا تسأل حكيم وانا بعترف من خلال تجربتي انه مكسرات وبن وسكاكر محمص شاهين من ارقى والذ الطعم وخاصة الكاجو يا الله شو لزيييييييييزززززززز. محمص شاهين عالراس والعين !!!!
  • Review by Sameera of ماكدونالدز
    قبل 10 سنوات
    تالت ايام العيد اجه على بالنا بوزة كنا ناوين نروح ناكلها في جبري ، اجت ماما وحكت شو رأيكم نروح نجربها في ماكدونالدز ؟؟ طبعا ترددنا شوي وضيعنا الوئت واحنا بنفكر وين بدنا نروح وآخر شي طلع معنا نروح ناكل البوزة في مكدونالدز وطبعا الزعلان اكتر من الراضي وفعلا رحنا واكلناها شوووو كانت لزيزة والسيرفس من اجمل وارقى ناس في تقديم الخدمات واتهنينا وانبسطنا واحنا مروحين عملنا ضجة أد ما كانت البوزة زااااكية واقترحنا نيجي دايما على مكدونالز منشان ناكل البوزة ... وطبعا طلعنا كلياتنا رضيانين كل الرضا واليوم رح نعزم اصحابنا على بوزة واكيد رح ناخدهم على مكدونالدز ..... مكدونالدز وبس
  • Review by Sameera of قاعة فندق حياة عمان
    قبل 10 سنوات
    بصراحة قاعة فندق حياة عمان من اجمل قاعات فنادق عمان . حضرت فيها مؤخرا حفلة عرس لأحدى قريباتي تزوجت رجل اعمال اردني ، وكانت الحفلة شيقة وممتعة جدا والأحلى من هيك القاعة رومانسية وتعطي طابع جميل لمن يدخلها اول مرة واتمنى ان يكون زواجي في نفس القاعة . مع الشكر لكم لانكم اعطيتونا فرصة حتى نحكي عن آرائنا . ميرسي
Next

أماكن أفضلها