Moad Zabin

Moad Zabin

عمان . منذ نوفمبر 2010
Bachelor Degree in Management Information System... Employee in Hammoudeh food Industries Co... Amman in My Blood
44 من المراجعات
الأماكن المضافة
5
من وجدوا مراجعتي مفيدة
10
مراجعتي كانت الأولى
8
مراجعاتي
44
أماكن فضّلتها
4

مراجعاتي

  • Review by Moad of أوبتيمال أكاديمي
    قبل 8 سنوات
    انا بوخد دورة هلا عندهم،،،،بصراحة اكثر مركز ثقافي و تدريب....مميز من عدة نواحي...اهمها طرق التدريس و التعاون مع الطلاب و المتدربين طرق تسديد و دفع مريحة.....بعد ما شاركت بالدورة شعرت انها تستحق في استراحة بقدمو فيها مشروبات باردة و ساخنة و حلويات...بنصح بالتعامل معهم
  • Review by Moad of امنية
    قبل 8 سنوات
    رحت مرتين ادفع فاتورة تالفوني عندهم...واطلب فاتورة تفصيلية...كان الرد انهم ما بيقدرو لانهم غير مخولين..غير بوجود مدير الفرع...في المرة الثالثة...اعطوني اياها....بس كويس انتشار مكاتب خدمة امنية في كافة انحاء المملكة
  • Review by Moad of مطعم التصبيحة
    قبل 9 سنوات
    مطعم للحمص والفول والفلافل...بسوي ساندويشات بتجنن...محل للفلافل اذا اكيد رخيص...كثير بنجيب ساندويش من عندو خصوصاً واحنا في الشغل..بيجي على الشارع الرئيسي في ماركا مقابل البنك العربي...المحل نظيف ومعاملتو كويسة...و الاكل زاكي..وعندو سلطات متنوعة..
  • Review by Moad of ماكس
    قبل 9 سنوات
    لا مجال للنقاش في ماكس...كل اشي عندو من ملابس و احذية وكثير من الادوات المنزلية واسعارو كثير مناسبة للجميع مقارنة بجودة المنتجات الي بقدمها..انا زرت فرعو في الاستقلال مول وفي المكة مول..بس بحب فرع مكة مول اكثر...بعملو عروض كثير وتنزيلات اكثر...
  • Review by Moad of مقهى باب الحارة
    قبل 9 سنوات
    القعدة فية كويسة خصوصاً في البرد والشتوية الارجيلة و بيزبطوها خصوصاً مع كاسة زهورات ولا فنجان قهوه..بحب لعب الشدة ليلة الخميس بعد الساعة 11 في الليل مع الاصحاب ...الاسعار عندو رخيصة مقارنة مع كثير من المقاهي بفئتة...الي بيحب الارجيلة و لعب ورق الشدة بنصحو بتجربتو
  • Review by Moad of صاج ما صاج
    قبل 9 سنوات
    محل كثير مرتب وحلو ونظيف احلى ما في الموضوع بيشتغلو خبز الصاج قدام الزبون...المحل صغير بس زاكـــي كثير الساندويش عندو..صاحبين المحل كثير زوووؤ في التعامل مع الزباين حكلتهم عن فكرة الموقع كثير انبسطو ووعدوني راح يوثقو المحل بنصح كل الجيران بتجربتة.الاسعار كثير مناسبة للجميع..قريب من جبل القلعة بجانب اشارة جامعة البلقاء للادارة و للعلوم المالية .
  • Review by Moad of مايلز سوبرماركت
    قبل 9 سنوات
    سوبر ماركت بكل معنى الكلمة كل اشي متواجد عندهم ديكوراتو بتختلف عن اي محل زرتو من قبل وعلى الاكيد ما في زيوووو....احلى ما في الموضوع انو السوبر ماركت الاول و الوحيد في مكه مول...الباركينج اكيد موجود ما بيتغلب الواحد .الموظفين كثير بيحبو يساعدو الزباين وما في عجقة زباين اغلب الاوقات..قسم اللحوم والاسماك متنوعه بشكل كبير...النظافة ما في مجال نحكي عنها..بس المشكلة الوحيده انو صغير بالحجم مقارنة بكثير من الاسواق بفئتة..
  • Review by Moad of باب اليمن السعيد
    قبل 9 سنوات
    كنت من زوارة الدائمين خلال ايام الجامعة ...كل ما يجي في بالي الاكل الخليجي بالوقت الحالي بروح علية..الاكل عندهم خيال بحب القعدات الارضية الاسعار عندوا رخيصة بالنسبة لكمية الطعام الي بيقدموها ...جربت غيروا ما عجبوني زيو...المشكلة الوحيدة ما في مكان لاصطفاف السيارات....بنصح بتجربتو
  • Review by Moad of عصرونية الكعكة اللبنانية
    قبل 9 سنوات
    مطعم كثير مرتب و نظيف الخدمة روعة ولا احسن من هيك استقبال و ترحاب ..الاسعار مناسبة للجميع والاهم من هيك الكعكة العصرونية بتشبع جربت الحلوم و العكاوي و نوتيلا و مكس اجبان و هوت دوج كلهم ازكا من بعض ...بقدمو تحلاية زاكية ما اكلت زيها بحياتي سرعة في تقديم الطلب ....نقلة نوعية في الكعك انا حبيتو وراح اصير زبون دائم عندهم..انبسطت كثير لما شفت عندهم رائيك بهمنا ستكرز جيران عمان......بتمنالهم دوام التقدم والتوفيق
  • Review by Moad of مقهى اسوار القلعة
    قبل 9 سنوات
    محل مرتب وحلو وديكوراتة زووووق تعاملهم رائع مع الزبائن والاهم من هيك اطلالتة حلوة على وسط البلد من عند جبل القلعة ما في عندو عجقة بالزباين بيوخد الزبون راحتو بيسو حفلات من وقت لاخر بيقدم مشروبات ساخنة وباردة والاراجيل....اسعارة مناسبة للجميع بحب اروح على المحل من وقت لاخر...بنصح بتجربتة
  • Review by Moad of مطعم بخار و نار سناك
    قبل 9 سنوات
    بيقدم المشروبات الرمضانية بانواعها خلال الشهر الفضيل اسعارة كثير مناسبة للجميع و موقعة ما بضيع وما بيغلب على الشارع الرئيسي بالحسين بنصح بتجربتة
  • Review by Moad of مطعم الفردوس
    قبل 9 سنوات
    مطعم كثير كويس وحلو بيقدم مشاوي وخلال رمضان بيقدم كثير وجبات يومية للافطار...في مكان مناسب للاصفاف ووسيع امام المطعم..اسعارة مش غالية كثير...بنصح بتجربتة
  • Review by Moad of سيفوي
    قبل 9 سنوات
    من اول المحلات من نوعة في عمان والاردن والو فروع في مختلف مدن الاردن وكثير من ضواحي عمان..بتلاقي فية كل اشي بدك اياه...قسم اللحوم و الخضار ممتاز..والاصناف الي عندو مميزة....اكيد في امكان للاصطفاف...وبيسوي عروض من وقت للأخر
  • Review by Moad of حدائق الحسين
    قبل 9 سنوات
    من اجمل و اروع الحدائق العامة في عمان بحب اروحها بعد الفطور الواحد بيغير جو وبيقدر الواحد يصلي التراويح هناك بجامع الملك الحسين الكبير
  • Review by Moad of هاشم
    قبل 9 سنوات
    مطعم قديم وبوسط البلد بحب اروحو في رمضان للسحور...لانو الواحد بيعيش و بحس رمضان .... كيف الناس بتكون هناك خصوصاً الطاولات لما تكون مفرودة على الرصيف...شعور رائع السحور في هاشم وسط البلد
  • Review by Moad of مخابز جواد
    قبل 9 سنوات
    مخبز كبير بيقدم مختلف انواع الخبز والكعك وفي عندو كيك والبوظة الي عندو روعة...و بشهر رمضان بيقدم القطايف..موقعة مميز على اتوستراد عمان الزرقاء وفي كراج واسع للاصطفاف
  • Review by Moad of كافيه ديز ارتيست
    قبل 9 سنوات
    حلو كثير المحل وصغير وقديم والقعدة فية زي القعدة في البيت...التقيت فية بجيرانا الاعزاء والاهم ما في ارجيلة ولا مشروبات كحولية....ان شاء الله راح اصير ازورهم من فترة لفترة
  • Review by Moad of حلويات زلاطيمو
    قبل 9 سنوات
    يمكن ازكى معمول في العالم...ولا أزكى وأطيب وآشهى من هيك..الي حابب يبيض وجهوا في العيد....أو يوخد هدايا للأقارب في البلد أو في المهجر بس من عند زلاطيمو.شغلهم عنجد كثير نظيف فروعة منتشرة بعمان حتى في المطار الاسعار غالية بس بيستاهل.
  • Review by Moad of ماكرونيز
    قبل 9 سنوات
    المحل الوحيد الي بروح اكل عندو المعكرونة بكافة اصنافها بروحو مرة كل شهرين او اكثر متذكر اول مرة زرتو فيها كانت للتجربة قبل 4 سنين تقريباً و فعلاً تجربة جرت زيارات اخرى ...و نصحت كثير من اصحابي بتجربتة..وبنصح الي بحبوا المآكولات الايطالية بزيارتة
  • Review by Moad of هاشم
    قبل 9 سنوات
    مطعم كثير قديم وعريق كل اهل عمان بحبو وخصوصاً انا بحب اروح اتعشى بعد نص الليل دايما في عندو زباين في اي ساعة من اليوم صحصح النظافة مو كثير ومش ملحقين على الزباين بس بحبو كثير و اسعارو بمتناول الجميع الناس بيجو من كثير بلاد بس حتى يعيشو تجربة حمص وفول هاشم.بالرغم من صعوبة تواجد مكان للاصطفاف وطول الوقت حتى تقعدو...بنصح بزيارتو
  • Review by Moad of مخازن البشيتي للتجهيزات العامة
    قبل 9 سنوات
    البشيتي واحد من اكبر المحلات المتخصصة في المعدات وادوات البناء بشكل عام....و عندو اكبر تشكيلة للادوات في عمان...بتواجد عندو خدمة التوصيل وفي كراج للاصطفاف...بنصح بزيارتوا بتلاقو عندو كل اشي بدكم اياه
  • Review by Moad of اي مارت للالكترونيات
    قبل 9 سنوات
    كثير المحل حلو وبنقدر نلاقي في كثير من الالكترونيات من تجهيزات مطابخ تلفزيونات لابتوب كل اشي بخص الالكترونيات متواجد الموظفين كثير حبوبين ومحترمين ومعاملتهم ممتازة مع الزوار و مع الزبائن...يعني ان كنت رايح تشتري او تتفرج بيساعدوك و بعرفوك على البضائع الي عندهم خصوصاً الجديدة...بتمنالهم التوفيق و الازدهار
  • Review by Moad of فدركرز
    قبل 9 سنوات
    يمكن ازكا برجر اكلتو عندهم كثير زاكي و الستايك بشهي والسلطات زاكية كمان الجو عندو حلو وفي مكان للاصطفاف وسيع مكانو استراتيجي ما بضيع الواحد ليوصلو...سعروا اعلى من اغلب المحلات بس الاكل زاكي وبشبع بنصح بزيارتو
  • Review by Moad of تشيه تشيه
    قبل 9 سنوات
    مرحبا ...وانا كمان كانت اول زيارة الي لهاد الفرع في نفس اليوم مع عبير 28-05-2011 يعني القعدة كانت حلوة ورائعة بالموجودين و بالجيران....كثير انبسطت فية وسع وشرح وخصوصاً القعدة بره شكلها بتعقد بتـطل على شارع مكة....استيائي الوحيد كان عدم تلبية طلب الي بتمنى الهم التوفيق والعمل على تقديم خدمة احسن ...الاكل زاكي تعدد في المشروبات و الاراجيل والمحل نظيف ..بنصح بتجربتة
  • Review by Moad of لبناني سناك
    قبل 9 سنوات
    بالمرة سيء للغاية...رحتو مرة وحدة وبس بحياتي ومش راح اعيدها...رحت انا وصحاب الي كانت جايبهم المطار جايين من امريكا يا حرام و الا بدهم يوكلو شورما و يدخنو اريجلة...رحنا على فرعهم مقابل الوكلات واكثر من 45 دقيقة واحنا بنستنا في الاكل و قعدو معنا بنات على نفس الطاولة ..و كانو جايين تبادل ثقافي على الاردن و استغربوا كيف بصير هيك يشاركو الناس بالطاولات...المهم روحنا بدون مصارينا و بدون ما نتعشى ولا تجملو يسالونا وين رايحين..مع اني رجعت للكاشير ورقة الدور و الاوردر... وسألتهم اكثر من مرة شو صار بخصوص الوجبات ...حرووووومة
Next

أماكن أفضلها