dojana all elhsaan

dojana all elhsaan

عمان . منذ نوفمبر 2010
dojana alhsaan
121 من المراجعات
الأماكن المضافة
15
مراجعتي كانت الأولى
33
مراجعاتي
121
أماكن فضّلتها
10

مراجعاتي

  • Review by dojana of عيادات فينوس
    قبل 9 سنوات
    اول شي عيادات فينوس يلي هي مقابل مخابز براديس...عيادات ممتازة جداً..وما بتتشبه بصالون عزيزتي سما يلي كاتبه اسفلي تعليق..
    العيادات هاي مو بس لازالة الشعر بالليزر.. ممكن تعملي هناك اي شي تجميلي.. أولاً الاطباء على مستوى رفيع من المهارة.فهمانين شغلهم الاستقبال غايه بالرقي والترحيب بالمريض شي رفيع المستوى. الاسعار غاليه ما إختلفنا بس أكيد إنتي عم تاخدي خدمه لنفسك ما بدك حيالا شي خصيصاً انو الطب ما فيو لعب.. بدك تتطمن لما تدخل عيادات فينوس انك عند أمهر الأطباء وأفضلهم وكلهم إسم الله مشهورين وغنين عن التعريف.. المكان واسع ومرتب وراقي والديكورات غاية بالترتيب والأناااقه
  • Review by dojana of جراند حياة عمان
    قبل 9 سنوات
    لأكون صادقة أنا فقط جربت الطعام يلي هناك ما جربت الغرف وخدمتها..
    لكن رح اتحدث عن الطعام كوني جربتها.. أولا المكان كتير هادي وزوق وراقي.. تانياً طريقة المعامله كلاس وراقيه.. النضافه يلي هي اهم شي فوق الممتازة.. يعني كول من هناك وإنت مغمض... نيجي للطعم..كونه هناك بيشتغل طباخين جد انهم فنانين..فأكيد إنت ما رح تاكل شي مو زاكي.. إزا بدك تبيض وشك بماكن تعمل فيو عشاء عمل أو بوفيه مفتوح.. أو حتى برمضان روح لجراند لأنه هاد المكان للأمانه من الأماكن المتميزة بعمان..
  • Review by dojana of كيو دونات اند كوفي
    قبل 9 سنوات
    هاد المكان اللي بتقدر تاكل عنده اطيب دنوتس،
    بس بصراحه قهوتوا ما بتعجبني .. يعني ما بزبطها كتير.... ياريت ياخدوا هالنقطه بعين الاعتبار ويطورا نفسهم.. لأنو مرة رح انا ورفيقتي طلبتها كانت كتير خفيفه.. السعر متوسط..والمحل نضيف وخدمة الزباين ماشي حالها.. بس جد الدونتس رووعه
  • Review by dojana of فرندز كيك
    قبل 9 سنوات
    هاد المحل راااااااااااااااائع بكل معنى الكلمه..
    الكيك تاعه جد بشهي..وخدمة الزبائن عنده ممتازة يلي بيعجبني بالكيك تاعه انه الكريما بحسها خفيفه على الواحد..والكيك نفسه كتييييير زاكي.. اي شكل بتطلبوا رح يعملولكم إياه.. ورح يكون تماما متل ما تخيلتوا،، هاد المحل من أحسن تلات محلات للكيك في عمان عشان نكون صادقين صحيح اسعاره شوي غاليه بس بصراحه بيستااااااااااااااهل
  • Review by dojana of مايلز سوبرماركت
    قبل 9 سنوات
    هاد السوبر ماركت جد انه سوبر..
    جودت المنتجات عنده فريده من نوعها.. النضافه فوق العادة..والشباب يلي بشتغلوا هناك جد قمه بالزوق بضلوا يساعدوك ويستوعبوا الزبون.. وممكن يعطوك خيرات وقت تكون محتار بشي.. كل شي هناك ممكن تحتاجه نوعيته رح تكون ممتازة..لأنهم بينتقوا بضاعتهم لتناسب الناس اللي بتهتم بالجودة.. أكيد رح تكون مبسوط إزا رحت هناك لأنك ما رح تطلع وإيدك فاضيه..^_^
  • Review by dojana of مطاعم نضال الكلحه
    قبل 9 سنوات
    هاد الفرع أقل فرع عليه ضغط..
    طبعاً المطعم زاكي..والفلافل تاعته كتير زاكيه.. بس أسعاره صارت أخر فترة كتير غاليه.. وزياده عن اللزوم..
  • Review by dojana of محمص النتشة
    قبل 9 سنوات
    جد يا جماعه هاد المحمص مهضوم حقه
    يعني ما في كتير اس بتعرف عه مع انكم لو تجربوه بتعرفوا أديش البهارات تاعته بعملها بطريقه غير شكل.. ولا حوايج المسف..جد فنان بيعرف كيف يخلطها بصراحه والله من واحنا صغار ما بنجيب غير من عد النتشه... محله نضيف والله وبضاعته نخب اول...
  • Review by dojana of كارفور
    قبل 9 سنوات
    كارفور عبارة عن قلعه من المحلات يلي شو مابدك بتلاقي فيها..
    الناس ماخدة فكرة عنه إنه أسعارة غاليه.. يلي راح عليه بيعرف قديش أسعاره مناسبه وأحياناً بتكون أرخص من السوق.. كل شي في.. بيعملوا عروض حقيقيه دايماً.. جد المشي فيو متعه أصلاً بتسلي العين بحب اروحه مع ماما..دايماً في عنده عروض ودايماً بضاعته جديدة... ها المكان رقم 1 للتسوق بالاردن اللي ما راحله راحت عليه... كمان المكان نضيف لدرجه عاليه..ومكيف وأنيق البضاعه كل شوي بتترتب.. الكاشيريه محترمين للغايه.. والإدارة لطيفه.. ها المكا بنصح تروحولو وبقوة..
  • Review by dojana of عبدون مول
    قبل 9 سنوات
    المول هادي كتير نضيف ومرتب وكل الناس يلي بروحوا عليه كتير لطيفين..
    صحيح مو معجوق بس هاد يلي بميزوا.. في مصف سيارات كمان.. أسعاره من متوسطه لغاليه،، يعي متلاً محلات الملابس غاليه شوي.. بس كنظام كير هادي... بالأخر انت بتقرر بتشتري راحتك..إزا بتحب العجقه ما رح تحبه ..
  • Review by dojana of استقلال مول
    قبل 9 سنوات
    هاد المول من ناحية التركيبه فهو اكبر مول بعمان الشرقيه كلها تخيلو قديش بيخدم شريحه من الناس...
    يعني حقهم يكونو مكركبين.. بتلاقي الام جايبه كل العيله وجاي تقول رايحه على عرس.. 4 مرات رحت عليه بحياتي وإنشاء الله ما بكررهم.. مول صحيح خدم شريحه كبيرة من السكان.. لكن انا بصراحه ما بحب أروحله.. اللي متعود على الفوضى يتفضل عليه في واحد بمحلات الملابس جد يفتقر الى الزوق والأدب.. أنا بصراحه ما بحبه أبداً بس جد المول مو كلاااس.. ولا راقي..
  • Review by dojana of سامح مول
    قبل 9 سنوات
    هاد المول بيخدم شريحه كبيرة من الناس..
    دايماً عندهم عروض ودايماً عنده ازمه في مصف بس مشكلته صغير ..بس إزا كنت سواق او سواقه شاطر بدبروا حالكم ^_^ أنا بحب الطابق التاني عشان فيو اقسام ممكن تهمني الكريمات والاكسسوار.. اسعاره حسب المنتج بس غالباً في خصم... الكاشيريه كتير زوق حتى الساكر يكون لطيف الله يعطيهم العافيه.. دايماً قبل ما أطلع بيعطوني ورقه بأهم العروض.. وأحياناً بيعطوني دعايه لمنتج.. أخر مرة اعطوني كتاب وصفات ماجي *_^
  • Review by dojana of جي 2000
    قبل 9 سنوات
    كل ما أمر على مكه مول لازم أمر عليه...
    عنده قطع حلوة ومرتبه..بس بصراحه عمري ما شريت من عنده،،، بروح ألقي نظرة وأطلع.. بس فضول بس الحق يقال عنده قطع رهيبه بس لازم تقوي قلبك من ناحية الفلوس
  • Review by dojana of فور ايفر 21
    قبل 9 سنوات
    يالله المحل شو حلوووو،،،
    يعني بدخل بسير بدي أشتري كل شي... بس لأنه غالي شوي بطلع بقطعه.. جد عجقه حلوة وترتيبه بجنن بخليكي بدك تشتري... هاد المكان جد لازم تمري كل شهر أقل شي مرة لأنو بتلاقي في شي لازم تشري.. هو صحيح غالي كتير بس ما عليه دامه ماركه بتهون.. بتعرفي رح تاخدي القطعه ورح ضاين عندك.. بس لو يعملو عروض حقيقيه كان شوي هانت والواحد قوى قلبه شوي ..
  • Review by dojana of جبل القلعة
    قبل 9 سنوات
    أقدم الجبال في عمان يجتمع فيه عبق التاريخ والاصالة من أكثر الأماكن المفضلة لدي
    فيو متحف الاثار الاردني،،و القصر الاموي المكان مميز،،زمان ما كانو مهتمين في بس هلأ من جديد بلشوا اهتمام وهاد الشي مهم كتير لأنه جد طلة المكان رااااااااااااائعه بكل معنى الكلمه ...،،لازم يكون في صور أكتر حتى توروا العالم قديش هاد المكان ساااااااااااااحر وقت تكون مدايق او زعلان روح عليه وشوف قديه بترتاح نفسياً..
  • Review by dojana of مدى للإتصالات
    قبل 9 سنوات
    أنا مشتركه نت بالبيت ويرلس..بس أخدت هاي القطعه عشان الجامعه ..
    بصراحه النت فيها كتير سرريع وخدماتهم دايماً سريعه وبحلولك مشاكلك بسرعه مع النت وكتير لطيفه معاملتهم..
  • Review by dojana of جيران
    قبل 9 سنوات
    أحسن موقع بعمان كلها..والعواصم الي مشتركه فيو..
    أول ما اشتركت ب 2010 حسيت انه الموقع غير شكل وبالفعل متل ما توقعت.. بصراحه والله وبدون مجامله انا كتييييير استفدت منه يعني حتى كمان ازا بدك تطلع على احد المدن يلي مشتركه بجيران رح تكون على درايه بالمطاعم والأماكن يلي هناك حابه أشكركم من قلبي وأهنيكم.. وحابه أحكيلكم إستمروا وخليكم بتطور مستمر إنشالله.. بس في إستفسار صاحب فكرة جيران أردني ولا من دوله عربيه شقيقه؟؟ ياريت تعملوا قصه للموقع
  • Review by dojana of أڤنيو
    قبل 9 سنوات
    هاد الكافيه كتيييييييييير بحبه واله معزة خاصه انا من زباينه من اول ما فتح
    الحلو بالموضوع انه ما بتوه عى دوار عبدون بالزبط... أكله دايما متقن.. ونضيف .. المحل كديكور ممتاز.. بس في مشكله إنو بشرطوا عليك إزا بدك تقعد على الطواله رقم كزا بدك تطلب ب 30 دينار.. وهديك الطاوله ب 40 دينار وهيك يعني هاد العيب الوحيد... يلي برتادوا هاد اكافيه ناس كتير راقيه .. صحيح الكافيه غالي بس والله بيستاهل.. أنا بحب أقعد دايما بره عشان الجو بكون رووعه... طبعاً في مصف سيارات ما بتحتار وين تصفها بس ما حدا يتوه لأنو المصف ورى الكافيه..
  • Review by dojana of جراند كافيه
    قبل 9 سنوات
    أول شي هاد المكان موقعه خطأ لأنو مو بشارع الملكه رانيا
    هاد الكافيه بعد اشارات الدوريات على اليمين جنب السيفويه جبيهه.. اول شي المحل راااااااااااااااااااااااايق جداً الطابق الارضي بيقعد فيه بالعادة شباب بيتفرجوا على المباراة اما الطابق التاني بكون فيو الصبايا سعره كتير عادي بسيط .. بس في شغله الطابق التاني جد واسع وفيوا دي جى بتقدر تعمل فيو حفله وبارتي بيوسع 50 شخص عى حد علمي.. الديكور بجنن والقعدة جد راااااااايقه وأهم شي فيها خصوصيه يعني المقاعد كنبايات ومريحه لدرجه بنصح فيوا لأنو جد كافيه مرتب.. طبعا في مصف لسيارات واسع
  • Review by dojana of مقهى دورز
    قبل 9 سنوات
    يعني المحل دايماً عجقه عجقه كتيييييييييييييير
    بس الحق يقال اكهم زاكي ورخيص كتير وبراعوا في طلاب الجامعه الديكور بسط طبعا الطلاب إستهلكوا قد ما استعملوا المحل بتحسه نص على نص نضيف... وذلك بسبب الأزمه
  • Review by dojana of مطعم الدار دارك
    قبل 9 سنوات
    جد محل مميز فيو قعده حلوة...
    مختص بالأكل الخليجي والكبسات قعدة العائلات الطابق التاني الأكل كتير طيب وفيو خدمة التوصيل المجاني.. رقم تلفونهم 065052218 جد اللي بجرب اكلهم بيعرف قديش همي ناس نضاف وطباخين محترفين..
  • Review by dojana of طلة الفحيص
    قبل 9 سنوات
    مش عارفه بكون رايحه على مطعم ومتأكدة من الشي يلي شفته بس أشوف التعليقات بشك بحالي...
    مطعم طلة الفحيص للأسف الشديد..ديكوروا دون الصفر..يعني جد حرام الموقع ممتاز ليه هيك مو مهتمين بالديكور يعني الثريا نصها خربان.. الطاولات ايله للسقوط ولا الشراشف شي مؤسف.. ما اله علاقه لا بأثر ولا بثقافه ولا بشي،،، الاكل زاكي بس مو نظيف كاسة المي يلي بصبوا فيها المي وسخه جد مش عارفه يا ريت نكتب التعليقات بصراحه ومصداقيه.. هاد لأنه في ناس جد بتحب تستفيد حرام ما نكتب شي واقعي كل كلمه احنا محاسبين عليها.. وحابه أحكي إنو جد الصور غير احقيقه بالصور مختلف تماماً يا ريت ما نعتمد بتقيمنا على الصور خلينا ننصح حسب ما شفنا.. تحياتي
  • Review by dojana of مطعم طواحين الهوا
    قبل 9 سنوات
    المطعم كتير راقي و واسع وحلو..
    أكله نضيف وزاكي كتير .. والحلو بالموضوع خدمتهم كتير لطيفه يعني بضلوا حواليك حتى يشوفوا شو ناقصك.. السعر من متوسط لغالي..بس بالنهايه بيستحق كل بنس إندفعله.. بنصح فيه وبقوة صراحة..
  • Review by dojana of الأفغاني
    قبل 9 سنوات
    هاد المكان بترجم الشرق بلمساته الفنيه...
    أي قطعه رح تاخدها من عنده رح تكون إنت الكسبان..جد كل شي عنده حلو... بعدين الخدمه هناك كتير لطيفه.. إزا حابب تاخد هديه لناس بره الأردن أو لسياح ما إلك غير هاد المكان .. شي ببيض الوش...
  • Review by dojana of مجدي مول
    قبل 9 سنوات
    مجدي مول مكان كتير حلو حتى تتسوق فيو..
    في الطابق الارضي الملابس ومحلات الأزياء.. الطابق التاني ممكن تلاقي كل شي بيخطر على بالك من إكسسوارات ..لأجهزة إلكترونيه..لحيوانات اليفه وغير اليفه.. حتى الآلات الموسيقيه موجودة هناك... هاد المكان جد رائع وهمي هلأ بصدد يكون الطابق الي فوق كارفور.. يعي رح يكو المول كامل مكمل.. بتمنالكم زيارة حلوة متل ما إستمتعت فيه..^_^
  • Review by dojana of ريم البوادي
    قبل 9 سنوات
    مطعم ريم البوادي مكان كتير حلو وكلاس..
    في مكان دايماً لتصف سيارتك حتى وقت العجقه.. المحل مرتب..نضيف .. والموظفين زوق كتير.. المطعم أكله جد طيب.. انا كتير بحب المشاوي يلي بيعملوها.. أسعاره مابين متوسطه لغاليه.. بس ما بعرف أنا ما بقدر أطول في كتير بحس بشوية ملل.. بس بضل ريم البوادي من الأماكن العريقه بمدينتا عمان..
Next

أماكن أفضلها