Sawsan Alkhdair

Sawsan Alkhdair

عمان . منذ أكتوبر 2010
46 من المراجعات
الأماكن المضافة
28
من وجدوا مراجعتي مفيدة
10
مراجعاتي
46
صوري
36
أماكن فضّلتها
2

مراجعاتي

  • Review by Sawsan of حلويات العنبتاوي
    قبل 6 سنوات
    الكنافة زاكية عنده كتير والاسعار جيدة جدا
  • Review by Sawsan of منقوشة
    قبل 6 سنوات
    مكان جيد مكان جيد جدا
  • Review by Sawsan of الهنيني سناك
    قبل 7 سنوات
    من افضل الاماكن وانظفها بالقويسمة .. الشاورما والجاج من اطيب ما يمكن
  • Review by Sawsan of هولو هولو كافيه
    قبل 7 سنوات
    Not recommended cafe ..
  • Review by Sawsan of مخبز الرملة البيضاء
    قبل 7 سنوات
    اشتريت من عنده كعك العيد وكان كتير زاكي . كمان البيتي فور والبرازق زاكين
  • Review by Sawsan of المحيط للماكولات البحرية
    قبل 8 سنوات
    السمك من اكلاتي المفضلة .. الاكل بهادا المحل بقيمه ان جيد يعني انا جربت السمك بمحلات تانية كانوا ازكى من هادا المحل بالاخص هادا الفرع .. جربت فيش اند شيبس وكمان جربت فيش بانيه .. فيش بانيه عادية جدا اما ال فيش اند شيبس كانت شهية .. البقونسية خرافية عندهم :) باللنسبة للبطاطا اللي بتيجي مع السمك كانت ناشفة وعادي طعمها المحل نضيف جدا جدا والنادلين كانوا جدا راقيين ولطيفين اسعارهم تصنف انها غالية عندهم اماكن للاصطفاف ... ديكور المحل جدا جميل
  • Review by Sawsan of لبناني سناك
    قبل 8 سنوات
    يعتبر هادا المطعم من الاماكن اللي ازورها باستمرار وكل يوم عن يوم بتطور هالمحل ... بالنسبة للبوظة رهيبة وخاصة العربية والعصائر اروع وأروع جربت البرتقال والكيوي والأناناس وفروتي فروتي وغيرها كتير وكلها رائعة صار طلبي للعصائر عندهم بشكل يومي وكمان ساندويش الحلوم ووجبة التشكن كرسيي
  • Review by Sawsan of مردكوش
    قبل 8 سنوات
    اليوم انا وزملائي بالعمل جربنا هادا المحل .. بالنسبة للطعام كان متنوع متل الكبة و البيتزا و التبولة و السبانخ وغيرها كتير التجربة كانت ممتازة ورح ارجع اطلب من عنده دايما . جودة الطعام بعطيه 8/10 نظافة الطعام 10/10 بالنسبة للسويتس كانت اكتر من رائعة .. زاكية وخفيفة عالمعدة يعني كان مذاقها متل مذاق الحلويات في مكاني المفضل لورين بنصحكم تجربوه
  • Review by Sawsan of هوت جريلز
    قبل 8 سنوات
    انا جربت من عنده بافالو تشكن و سوبر مكس برغر . بالنسبة للبافالو تشكن كانت خرافية ورح اضلني اطلبها من عندهم كل فترة وفترة . اسعاره تعتبر مناسبة جدا يعني انا الوجبة طلعت علي بدينارين و70 هيا فعليا سعرها 3 دنانير بس المحل بعمل خصم 10% على الوجبات للشركات والموظفين من الساعة 1 لل 5 م ما عنده اماكن خاصة للاصطفاف بس بتقدر تدبر حالك حولين المحل الديليفري عنده مجانا للاماكن القريبة في عندي ملاحظة على الديليفري .. اول مرة تخربط بالعنوان اخد معه 1.30 وتاني مره اخد ساعه لحد ما وصل وتالت مرة كمان ساعة انا طبعا انهريت من الجوع :( بس يستحق التجربة ورح اضل اطلب من عنده دايما وبنصحكم تجربوه
  • Review by Sawsan of تشاباتي
    قبل 8 سنوات
    انا اليوم اول مرة بجرب هالمطعم ..طلبت من عنده وجبة شاورما ... الوجبة كانت زاكية مع اني حسيت لونها غريب "اول مرة بشوف شاورما حمرا" يمكن السبب لانها هندية بس مع هيك كانت تجربة جيدة وحبيتها وبصراحة رح ارجع اطلب من عندهم .. كان فيها ساندويشتين ومخلللات وخضرا وبطاطا وكاتشب ومايونيز بالنسبة للسعر يعتير متوسط يعني الوجبة ب 2.5 بالنسبة للي جواتها بعتبر سعر مناسب انا طلبت ديليفري اخد معهم ربع ساعة لحد ما وصله عندي "نشيطين ما شالله عنهم" .. والديليفري مجانا لاننا بنفس المنطقة
  • Review by Sawsan of تريو
    قبل 8 سنوات
    رحنا أنا و زميلاتي لحتى نتغدى عند تريو .. أولاً المحل مرتب و نضيف وعندهم فاليه طلبنا قائمة متنوعة من الاكل : دجاج بليمون و دجاج بمشروم و ستيك و سلطات مش كل الاكل كان زاكي . أنا أكلت الدجاج بليمون الصحن كبير و بشبع وفيه كوسة مقلية و جزر مقلي و بطاطا مقلية و أربع صدور دجاج و سوس .. البطاطا بالمرة طعمها كأنها خضرة و الدجاج ناشف من جوا بس السوس بجنن .. السلطة زاكية كتير و البطاطا وجز كمان صاحبتي اللي جربو الدجاج بمشروم حكو عنو زاكي اسعارهم متوسطة إلى غالية يعني الصحن اللي أنا طلبته طلع 5 دنانير و نص و مع السرفيس 8 دنانير كانو ينضفولنة الطاولات كل شوي
  • Review by Sawsan of بابا جونز
    قبل 8 سنوات
    اكلت من عند بابا جونز كتير شغلات بيتزا و باستا الفريدو وباستا عادي ومقبلات ، بالنسبة للبيتزا انا ما حبيتها كتير يعني محلات البيتزا التانين بزبطوها اكتر ، اما الباستا فطعمها كتير طيب ودايما بطلبها من عندهم في باستا الفريدو وهي عبارة عن معكرونة مع لحم الديك الرومي وحسب الطلب بيجي معها دجاج وخضرة اسعارهم تعتبر مناسبة نوعا ما .. يعني صحن الباستا 3.50 دنانير ومع الضريبة 4 دنانير بس الصحن بشبع باخدو بتجهيز الطلب من 15 الى 20 دقيقة بالنسبة لصحن المقبلات بعتبره غالي بالسعر يعني الصحن ب 5 دنانير المحل كتير نظيف ومرتب وديكوره حلو وعادة بكون حاط موسيقى اجنبية من السبعينيات :) ..
  • Review by Sawsan of فروجنا
    قبل 8 سنوات
    اليوم جربت اكل من عنده دجاج بالاعشاب بالنسبة للطعم كتير زاكي والاكل نظيف بس حسيت انه الدجاج لازم يكون اطرى شوي الوجبة اللي طلبتها عبارة عن نص جاجة بيجي معها مخلل ومتومة وكاتشب و3 رغفان خبز من صنع المحل بالنسبة للخبز كتير كتير زاكي متل ما هوا بالصورة انا طلبت من عندهم ديليفري كان سرعة التوصيل جيدة نوعا ما يعني اخد من 25 ل 35 دقيقة لحد ما وصل عندي وانا بنفس المنطقة بالنسبة لاسعارهم تعتبر غالية ... يعني نص جاجة ب 3 دنانير وستين والديليفيري دينارين والضريبة 85 قرش يعني طلع المجموع تقريبا 6 دنانير ونص بنصح بتجربته ازا ما بهمك السعر
  • Review by Sawsan of ميلو عنا
    قبل 8 سنوات
    هادا المطعم جيد لكن مش افضل مطعم بنظري .. جربت من عنده كبسة وكفتة بطحينية وسلطة يونانية .. بالنسبة للكبسة كان طعمها عادي جدا اللي من عند ايمن لبناني ازكي بكتييييييير , اما السلطة اليونانية يا سلام شو بتشهي الاسعار جيدة يعني معظم الوجبات عندهم 2.5 دينارين ونص عندي ملحوظة عن خدمة التوصيل .. كتير بطيئين يعني بدك تطلب قبل موعد اكلك بساعة ونص تقريبا
  • Review by Sawsan of محمية غابة عجلون
    قبل 8 سنوات
    محمية عجلون من اروع الاماكن اللي زرتها بالاردن ... مكان ملئ بالاشجار المناظر خلابة .. في اماكن متوفرة كتير للقعدة بين الاشجار بامكاناك تمشي لساعتين .. تتوافر الحمامات العامة اذا بدك مكان هادي ورايق بنصح بتجربته المحمية نظيفة وفي دلائل عالطريق بتدلك انت وين رايح .. فيها كتير اماكن مميزة متل بيت الصابون وبيت الخط العربي
  • Review by Sawsan of فينيو 403
    قبل 9 سنوات
    انا رحت عليه لحتى اقضي يوم شغل خارج الشركه مع الزملاء .. المكان كتير منظم والقعده رايقه كتير والديكور حلو بقدمو سناكس وعصائر ومشروبات ساخنة .. اعشاب وشاي وعصير برتقال وتفاح واشياء تانيه المكان عباره عن غرفتين كبار .. وحده متل غرفة الاجتماعات والتانيه فيها كنب وشاشه .. بس للاسف ما في الا حمام واحد .. يعني مش حاسبين حساب اذا اجى شباب وبنات مع بعض بالنسبه للانترنت .. كانت الشبكه كتير ضعيفة وكتير بتفصل ...ما قدرت اشتغل منها .. يمكن لانه كان عددنا كتير وهيا مش مجهزه لعدد كبير من المستخدمين
  • Review by Sawsan of مطعم الطابون
    قبل 9 سنوات
    البيتزا بهادا المحل كتير مميزه وخفيفه عالمعده .. جربت من عندهم سبريم و مارغريتا اسعارهم بعتبرها مناسبه ومتوسطه .. يعني البيتزا حجم وسط عندهم ب4.5 دينار بتوفر عندهم كمان العصائر الطبيعية وبعتقد انه سعره مناسب ... يعني كاسة عصير البرتقال بدينارين المحل نظيف والخدمة سريعة .. بس في شغله كتير بعاني منها وهي انه بكون في كتير زيت عالبيتزا فلازم اضلني دايره بالي بنصح بتجربته
  • Review by Sawsan of شاورما عربي افرنجي
    قبل 9 سنوات
    المطعم يقدم اصناف عديدة متل الشاورما دجاج تركي زنجر ... اسعاره مقبولة جدا جدا الاكل زاكي ونظيف جدا بالنسبة للمنطقة القويسمة ... انا دايما بشتري من عندهم وجبة شاورما ... سعرها اقل من دينارين والوجبة مشبعة جدا فيها بطاطا كتير
    عندهم صالات خاصة للعائلات وفي عندهم خدمة التوصيل لمنطقة القويسمة بس مش مجاني اماكن الاصطفاف محدودة جدا ... ولانه المنطقة مزدحمة نادرا ما بتلاقي مكان تصف فيه
  • Review by Sawsan of مطعم باش طاووق
    قبل 9 سنوات
    انا جربت من عند باش طاووق وجبة
    angry birds هي عبارة عن سندويش دجاج كبير بنكهة خاصة وعلبة بطاطا وعلبة بيبسى وصلصة .الوجبة طعمها رائع و البطاطا الها نكهتها المميزة مارحت عندهم عالمحل طلبت ديلفيري اخدو 1.75 عالديلفيري وطلعت الوجبة تقريبا اربع دنانير الاكل نظيف وبنصح الكل يجربو من عندهم
  • Review by Sawsan of محطة العرموطي
    قبل 9 سنوات
    الكازية جيدة جدا من ناحية توافر مضخات البنزين في 3 مضخات بنزين 95 و3 مضخات بنزين 90 وديزل وسولار وفي عندهم عدد منييح من العمال وكمان في عندهم مكان لغسيل وتصليح السيارات
    بس في مرة لما رحت عندهم اجي واحد من الشباب اللي بشتغلو هناك حكتلو بدي ب10 دنانير واعطيتو 10 بدون ما انزل من السيارة وكنت اطلع عالعداد وصل لحد 7 دنانير ووقف ..... صار يحكيلي الشب يعطيكي العافية وسكرلي غطاية البنزين حكتلو العداد بس 7 دنانير صار وجهو اصفر وما عرف يرد علي حكالي انت طلبتي 7 دنانير جكتلو كم اعطيتك حكي 10 حكتلو لو انا طلبتك 7 ليش ما رجعتلي 3 دنانير ولا بدك تنصب علي ... ما عرف شو يحكي اجى الشب التاني انه شو في حكتلو شو صار ، حكى خلص افتحلها عداد جديد ب 3 دنانير وحكالي مش مشكلة هادا شب جديد عنا .... طلع الشب التاني اكزب منو ما في ... انا صارلي 5 سنين بشوف هادا الشب .. كيف يعني جديد
  • Review by Sawsan of هاف آ غرين داي
    قبل 9 سنوات
    انا جربت هادا المحل بطلعة جيران السادسة.
    شربت من عنده نسكافيه وليمون كتير كان الليمون زاكي بس النسكافيه كان خفيف شوي ... المحل من حيث النظافة نظيف جدا ... مسؤول المحل كتير كان لطيف ومتعاون والموظفيين كانو كتير مهتمين بنظافة المحل ... الديكور حلو والكراسي مريحة والقعده كتير هادية ... ما عنده اماكن للاصطفاف واروع شي بالمحل انه بمنع التدخين واللي بده يدخن بروح على غرفة صغيرة خاصة للتدخين :) ما بعرف عن اسعاره شي لاني كنت معزومة ؛)
  • Review by Sawsan of مطعم ورد
    قبل 9 سنوات
    انا رحت عمطعم ورد مع الشركة اللي بشتغل فيها. المكان كتير جميل ورائع من ناحية الديكور والشجر والنوافير والجلسات. كان في كتير ناس بس المكان من كتر ما هوا كبير وسعهم :).
    بالنسبة للاكل كان بوفيهه مفتوح وكان في جميع اصناف الاكل .. مناسف خرفان معجنات كبسة سمك وصواني دجاج وحلويات وفواكه وعصائر و و و ..... يعني الاصناف كانت كتير متنوعة و90 % من الاكل كان طعمه كتير كتير زاكي . وكمان ما بدي انسى احكيلكم عن الشوربة بتشهي .. بالنسبة للموظفيين كتير محترمين ونظفيين وسريعيين بالخدمة وكانو منتشرين بكل مكان بالمحل . بالنسبة للاسعار بتعتبر مرتفعة ... عالشخص 24 دينار في فنادق تانية عالشخص 15 دينار . في عندهم مصلى للنساء وللرجال. بنصحكم تجربوه ..
  • Review by Sawsan of الجامعة الأردنية
    قبل 9 سنوات
    من أفضل الجامعات بالاردن، جامعة متميزة جدا بالكادر التعليمي فيها. انا درست علم حاسوب فيها بتحتاج لتطوير من الناحية التكنولوجية وفي عندهم نقص بعدد الدكاترة وعدد القاعات التدريسية. بتضم معظم التخصصات وفيها تنظيم كتيير والامن فيها جيد جدا وبتتوفر عندهم اماكن للاصطفاف وسكن للطالبات
  • Review by Sawsan of الدكتور شعبان التكروري
    قبل 9 سنوات
    هادا الدكتور دكتور ماما الاول وكل النساء اللي بحارتنا ما بروحو الا عنده بحكو ايده بركة ؛) .
    العيادة نظيفة والدكتور فهمان شغله منيح مش يعني دكتور بالاسم . اسعاره مناسبة بس بالنسبة للمنطقة اللي هوا فيها تصنف انها مرتفعة نوعا ما . اذا صار معكم اشي لا سمح الله بنصح بمراجعته
  • Review by Sawsan of صيدلية الجلاد
    قبل 9 سنوات
    انا مرة اشتريت من عنده دواء للحروق . الصيدلية نظيفة ومرتبة والصيدلاني اللي فيها لطيف و فهمان يعني بعطيك المعلومات اللي بدك اياها وزيادة كمان. اسعارهم عادية زيو زي الصيدليات التانية. بنصح بمراجعته
Next

أماكن أفضلها

صور أضفتها

صحن رز Rizo
وجبة اكستريم extreme
سلطة يونانية ب 1.75 دينار