Sahar

Sahar

عمان . منذ نوفمبر 2019
1 من المراجعات
مراجعاتي
1

مراجعاتي

  • Review by Sahar of السبيل للسياحة والسفر والحج والعمرة
    قبل 11 شهرا
    تجربتنا مع السبيل على رحل اسطنبول ٨ أيام و٧ ليالي شامل ٥ رحلات داخل وخارج اسطنبول، بيتعاونوا معك بتفاصيل مثل تغيير الفندق وتغيير عدد الرحل وكله بفرق السعر طبعا، استقبالهم داخل الشركة وتعاملهم جيد جدا، وبوفرولك استقبال من المطار وللمطار ممتاز،،، ولكن للأسف بكون الت trick في التفاصيل الأخرى: ١- بحكولك بالعرض فندق ٣ نجوم وبس تروح بحكولك انه فندق سيء وبفرجوك صور الصراصير فيه!! فتلقائي بتحجز فندق ثاني عأساس انه ٣ نجوم و(بنصحوك فيه وكل زبايننا بنحطهم فيه وبحكوا عنه ممتاز) فبتدفع فرقية السعر وهذا اول مقلب.... ٢- الفندق اللي تفهمت انه كويس بطلع مخزي ومقرف ولا يستحق نجمة ونص... وهون انت صرت دافع وبعيد عنهم ببلد ثانية فيبدأ التطنيش :) واكتشفنا انها صايرة مع اكثر من حدا غيرنا... ثاني يوم تركونا لل١٢ بالليل انا وزوجي وبنتي مع انه مخبرينهم من ال٨ الصبح انا بدنا نبدل الاوتيل وانا عملنا check out. ٣- الفندق الجديد... بتدفع فرقية مخخخختلفة تمااااما عن الفرقية اللي متفقين عليها بالأردن... تقريبا الضعف! وانت مزنوق وبالليل اكيد بدك تاكل المقلب وانت ساكت مع العلم انها مسؤوليتهم. ٤- مندوبهم باسطنبول نسينا بجزيرة وما رجعلنا.. انتو متخيلين!!! جوازاتنا بالفندق لانه صورها معهم وما معنا تيكيت مواصلات طيب بلكي ضعنا بلكي انخطفنا!... ونسيونا وما رجعولنا.. احنا دبرنا حالنا ولحقنا فيهم وحتى حطوا الحق علينا ما اعتذرولنا ولجبنالهم الشرطة لاعترفوا بغلطهم وانهم آسفين :) ٥- هم ومندوبهم ببعتولك بالبرنامج فقرات كتيرة... اذا ما ركزت بروح عليك نصها.. مثال بسيط: موعودين نروح سوق بورصة القديم، وانت عارف انك رايح سوق بورصة المتميز بكل اشي جودة وأسعار فأكيد مستعد منيح وتارك كتير شغلات لهالسوق..هوووب ولا هم بضيعوا بالوقت تلاهي وراح اليوم وبرضه أكلناها واحنا ساكتين :) ٦- وجبة غداء فقيرة جدا وهي هي رغم اختلاف المناطق وثقافاتها وأكلاتها.. بعدوا عليك الوجبة باللقمة! ٧- كل التطنيش اللي شفناه منهم ومن مندوبهم اضطرنا انه لما تسسمنا بالأكل آخر يوم رحنا لحالنا بالمستشفى انا وزوجي وبنتي وتكلفنا وعرفنا لاحقا انه برضه في ناس باقيين متسممين ومتواصلين معهم.... ومطنشينهم :) ٨- فاجأونا بتغيير موعد رحلتنا العودة بدون ما يرجعولنا.. أخذوا منا نص يوم (٧ ساعات كاملين) ولما سألناهم كيف يحجزوا بدون ما يرجعولنا ... طبعا كالعادة طنشونا :) ٩- الدروس المستفادة: حقك تطلع مع شركة عروضها أسعارها مناسبة.. بس حط بالعقد كل شروطك وأولها تفاهم انه الفندق اذا مش زي المتفق عليه اللي هم مفهمينك اياه بغيروه عمسؤوليتهم او هم بلاقولك حل... ويضمنولك مندوب ما يضحك عليك ويحترمك لأنه اللي صار معنا ومع غيرنا ما إله إلا اسم واحد : مسخرة !
Next