Alaa Mazen

Alaa Mazen

عمان . منذ أبريل 2019
1 من المراجعات
مراجعاتي
1

مراجعاتي

  • Review by Alaa of الجود للسياحة والسفر والحج والعمرة
    قبل سنة واحدة
    مكتب فااااشل ما في مصداقية، ما في وضوح، ما في تنسيق حجزنا رحلة لإسطنبول وقررنا معاهم نقعد بفندق بعينه وقلناهم بتقدروا؟ قالوا أكيد وما في مشكلة وبعتنالهم لينك الفندق عشان يتأكدوا منه ويتأكدوا من موقعه وحكولنا تمام والأمور سهلة.. جينا ندفع وناخد التذاكر ولا ننتبه إنهم حاجزين لإلنا بنفندق آخر تماااامًا فراحعناهم بالموضوع، فحكتلنا موظفة عندهم اسمها ليندا بأنه خطأ وسوف يتم إصلاحه وحلفت برحمة إمها إنه كلشي حيكون تمام.. بعد ساعتين اتصلنا عليهم لنتأكد فردوا علينا بأنه أول يوم حنقعد بفندق وتاني يوم رح ينقلونا ع الفندق اللي بدنا إياه ع حسابهم وبإشرافهم.. مع العلم بأنه الموظفة ليندا صارت تألف وتحكي معلومات خاطئة عن الفندق اللي غلطوا فيه بأنه خمس نجوم وبأنه بمكان راقي وأنه رح يدفعوا فرقية الليلة لأنه الخطأ خطأهم.. بالأخير بيطلع الفندق أقل من عادي بمنطقة ع نزول قوي حوليها كراجات وميكانيكا سيارات!! تاني يوم رجعنا رننينا عليهم وقلنالهم يا أولاد الحلال صارت الساعة 10 لا رنيتوا علينا ولا بعتولنا حدا ياخدنا ع الفندق المطلوب ونحن رنينا ع الفندق وطلع ما في ححز باسمنا!! بالأخير بتسكر السماعة بوجهنا ليندا وبتقول أنا ما دخلني مع العلم إنه معنا بيبي عمره 4 أشهر!! روحنا من الفندق بتكسي ع حسابنا وبدون الدليل تبعهم باسطنبول واكتشفنا إنهم ضاحكين علينا وحاجزينلنا بفندق باسم مشابه للفندق اللي نحن طلبناه لكن بمنطقة أخرى فتبهدلنا لنعرف وين الفندق ومكانه مع الشركة والتكاسي والفندق نفسه، وهيك بنكون ضيعنا بقية أول يوم والنص التاني من تاني يوم بدون أي نشاطات سياحية كنا مخططين نعملها بهالخمس أيام واضذرينا نقعد بفندق لا نحن بدنا اياه ولا هو يستحق بس عشان نستر حالنا ونبلش بالرحلة وندخل أجواءها تفاديًا لمخاسر أخرى.. فما بنصح أي حدا فيه لأنه أسعارهم أرخص شوي عن بقية المكاتب لكن ع حساب أمانتهم ومصداقيتهم..
Next