فراس الرمحي

فراس الرمحي

عمان . منذ أكتوبر 2010
73 من المراجعات
من وجدوا مراجعتي مفيدة
6
مراجعتي كانت الأولى
5
مراجعاتي
73
صوري
1

مراجعاتي

  • Review by فراس of مريم كافيه - زيروفور
    قبل 4 سنوات
    مكان رائع جدا...القعدة اللي فيه حلوة والجو كتير مريح......تعامل الموظفين كتير زوق....كنا شخصين بس وشربنا واخدنا ارجيله مش بطاله.....المشكله انه سعرو كتير غالي بالمقارنه مع غيرو.
  • Review by فراس of برجر ميكرز
    قبل 5 سنوات
    طبعا انا انبسطت لافتتاح فرع تاني اكبر من فرع المدينة المنوره. -طبعا بتقدر تصف براحتك وتروح تطلب وتلاقي طاولات داخليه وخارجيه والمكان نظيف وازمة التاس عليه. -استقبال الموظف كتير ممتاز وبتطلب بكل اريحية بس المشكلة طلبك بتاخر شوي بس الموظف بيشوي البرغر قدامك وبتكون طازة وازا بدك تاكل برغر زاكي طبيعي بدك تستنى شوي تقريبا عشر دقايق. -طبعا اكلت وانبسطت وشبعت لانه برغر حجمه كتير كبير بالمقارنه مع هارديز والماك وبرغر كينغ. وحتى بالنسبة للسعر سعره ممتاز كتير بالمقارنه مع غيره -عنده عدة اصناف من البرغر وكل صنف ازكى من التاني والاحجام مختلفة كمان. -بنصح اي واحد ما افطر ولا اتغدا يروح عليه لانه فعلا بيشبع كتيـــــــــــــــــر. -
  • Review by فراس of فيفد بوليفارد
    قبل 5 سنوات
    بصراحة كنت متحمس كتير اروح عليه بس المشكلة اني نسيت اتصل عليه واحجز مقعد مناسب الي في الترس الخارجي,,لقينا استقبال مميز واخدنا طاولة حلوة خارجية مطلة على البوليفارد. -واجهنا عدم اهتمام من الموظفين وما اجى اي حدا يشوف طلباتنا. -كان في عجقه عندهم وكان في حجز كامل لكل الترس اللي بالطابق التاني,,,يعني المرة الجاي ضروري تحجز عشان ماتواجه مشكلة معهم -اجى الموظف وشاف طلباتنا وكان زوق كتير وجابلنا الطلبات بسرعه وماتاخر علينا -المكان حلو كتير وديكوراته بتجنن وقد مافي ناس بتحس انه هادي لانه طبيعة العالم اللي في مرتبين والموسيقى عنده هادية. -القعدة كانت بتجنن وماكنت حابب اترك المكان بسبب الراحة اللي فيه وراحة الطاولة والكراسي والمنظر الخارجي الجميل -طلبنا ارجيله واربعه ميلك شيك اوريو وفيريرو روشيه وكانت طعم الارجيلة كتير زاكي والمشروبات بتجنن وناوي المرة الجاي اجرب الاكل عنده. -اجت الفاتوره وبصراحة ماكانت غاليه على الطلبات اللي طلبناها. -بنصح الكل يروح عليه حتى بدون ما انصح ماشاء الله الناس امم مليانه عليه لانه فعلا كوفي يستحق الزيارة.
  • Review by فراس of جبران
    قبل 5 سنوات
    بصراحة كنت طالع على البوليفارد في رمضان ومش عامل حسابي اني اروح على كوفي شوب,,كنت بشوف اعلانات كوفي جبران عل الفيس بوك وكانت اعلاناتهم ممتازة وكنت ناوي ازورهم شي يوم. -بعد ماتمشينا في البوليفارد لقينا يافطة جبران مميزة وطلعنا على الدور السابع ولقينا استقبال مميز جدا. -طبعا في قعدة داخلية وقعدة بره في الطابق التاني وحبينا نقعد بره عشان القعدة جوة مليانه اراجيل. القعدة بره كانت رائعه جدا وديكورات المحل بتجنن وخصوصا اللي بميز هاد المحل انه في اعلى طابق بالعبدلي يعني بتقدر تشوف عمان وانت بتشرب قهوة مع نفس ارجيلة. -الخدمة ممتازة وتقديم الطلبات سريعه ومافي اي ملاحظات على الموظفين لانهم كانو كتير مزوقين معنا -طلبنا بس ارجيلة وقهوة وشاي وقهوة فرنسية بسسسس وقعدنا قعدة جميلة ولمى اجت الفاتورة بصراحة اجت كتير غالية وماتوقعنا تكون هيك لاني زرت كتير قهاوي مرتبة بعمان وكانت ارخص بكتير. -المكان حلو وقعدته هادية وخدمته مميزة بس عيبه انو اسعاره غاليه.
  • Review by فراس of مطعم زهر اللوز
    قبل 5 سنوات
    مكان جديد حبيت اروح عليه على عيد الفطر السعيد وانا والاهل -اول شي استقبالهم كان كتير رائع واخدنا طاوله موقعها كتير مميز كانت من الطاولات الخارجية ومطلة على شارع المدينه المنوره -اجى الجرسون وحكالنا انو نتفضل في بوفيه سلطات مفتوح وكان البوفيه كتير حلو بس اصنافه قليلة كتير بالمقارنة مع مطاعم اخرى. - بعد ما اكلنا المقبلات عجبني بالمطعم انو مجهزين طلب المشاوي بدون مانوصي وكان طلب المشاوي مناسب النا بس بصراحة عادة بنطلب من كيلو لكيلو ونص مشاوي,,,,طلع الطلب نص كيلو فقط واكتفينا واشبعنا من المقبلات مش من المشاوي. -طلبنا ارجيلة وحدة فقط مع المشروبات (بيبسي +ماء) وقعدنا وكانت قعدة كتير حلوة مع الهويات المنعشه واستخدمنا النت المجاني. -طلبنا الفاتورة وبصراحة اتفاجئنا من قيمتها لانه رحنا على مطعم مشاوي فخمة متله وكانت اقل من قيمة هاد المطعم. -المطعم مشابه لمطعم ورد كتير بس مطعم ورد اكبر وارخص منه بكتير. -بصراحة انا حاب اروح عليه مرة تانيه بسبب اني رحت عليه عل العيد ويمكن اسعار العيد اغلى,,,,ازا طلعت الفاتورة غاليه كمان مره عمري ماراح اروح عليه مره تانيه.
  • Review by فراس of برجر ميكرز
    قبل 5 سنوات
    هذا المكان حجمه صغير ومافي قعده جوه المطعم -ماعنده خدمة انترنت -المكان خالي جدا من التدخين لانه ريحة البرغر محتلة المنطقه كليا -عنده خدمة توصيل عن طريق شركة توصيل بتدفعك مبلغ زيادة ثلاث دنانير -لايوجد مجال للاصطفاف لانه في اكثر منطقة ازدحاما في شارع المدينه المنوره -وجبته دسمه ولايوجد عنده وجبات نباتيه -لايوجد عنده مقاعد للاطفال -نصيحة وبصراحه اللي بيكون جوعان كتير وحاب يشبع لايروح عند اي مطعم برغر تاني فقط يروح عنده ويقعد ياكل ويستمتع بطعم ازكى سندويشة برغر.
  • Review by فراس of Vega Fitness Clubs
    قبل 7 سنوات
    -للاسف لولا اني كنت مضطر اشترك فيه بسبب وجع ضهري ومحتاج الين جسمي بالسباحه ومحتاج لمسبح اكتر من صالة الحديد ماكنت راح اشترك فيه... -نادي كبير كتير ومدخله حلو والاستقبال فيه جميل جدا لهون منيح؟ -طبعا الاصطفاف اللي فيه ازمه من بره ومن جوه. -الشغله الغريبه اللي فيه وبعتبرها تخلف من هاد النادي الخزاين وهون بدي اطول بالحكي على هاي النقطه..... -موظف الاستقبال بيعطيني مفتاح عشان اختار الخزانه المناسبه الي....لمى اروح اختار الخزانه بلاقي شباب كتير حولين خزانتي اللي اخترتها...طيب لو انا اختار خزانتي بنفسي واحط القفل عليها مش احسن ليش هل الكركبه؟ بعدين عندهم خزانه وسط وصغيره ومستطيله مش فاهم فكرة مين هاي,,,غبيه كتير الخزاين صراحة. ومنطقة تغيير الملابس وسخه كتير ومليانه مي ومافي حدا بيستحي من حدا الكل عريان وبيغيروا اواعيهم قدام بعض. -المسبح واخ من هل المسبح اللي كله مسخره,,,,انا جاي اسبح عشر دقايق بس,,,من كتر الازمه مابعرف اخد عشر اشواط على بعض,,,,الناس جاية تطرطش الدنيا واتدايق الناس اللي حوليها وكمان جايه تحكي جوه المسبح,,,بحكي للامن يا اخي اللي جاي يحكي يروح بره النادي يحكي مش جوه المسبح!! -المسبح كبير بس من كتر المشتركين والمسخره اللي بتصير بتنسد نفسك على السباحه. والجاكوزي مليان ومافي مجال تقعد تسترخي فيه,,,,النادي اغلبه من جنسيات عربيه واحيانا بسال نفسي وين اهل البلد؟ -الطابق اللي فوق لازم تطلعوا بالدرج لانه المصعد ازمه. قسم اللياقه واجهزة الركض منيحه بس عددهم مش كافي بالمره لانه عدد المشتركين كتار ومش كل الاجهزة فيها شاشات تلفزيون. -قسم الحديد احسن قسم بالنادي لانه كبير ومتوفر فيه كل انواع الحديد ومرتب صراحة. -المطعم اللي فيه بيجنن واكله لزيز ورخيص صراحة. -بصراحة انا ندمان اني اشتركت فيه تلات شهور كان لازم اجربه شهر واحد وصراحة انا اشتراكي بيخلص بعد رمضان ومش راح اجدد عنده بالمره.
  • Review by فراس of المستشفى الاستشاري
    قبل 7 سنوات
    بكلمة وحدة,,,المعاملة منيحة والنظافة مميزة لكن وركزوا على كلمة لكن وشوفوا شو صار معي!!!! -دخلت والدتي تعمل عملية جار غدة الدرقية والحمد الله تمت العملية بنجاح من شطارة الدكتور مش المستشفى -الجوده ممتازة ونظافة الغرف جيدة مش كتير فئة الدرجة الاولى لانها كتير صغيره . -كفاءة الكادر الطبي ممتازة. -موجود فيه قسم للطوارئ . -مستوى الاسعار اللي فيه نااااااااااااااااااااااااااااااااااااااااااااااااااااااااااااااااااااااااااااااااااااااااااااااررر -متابعة المرضى بعد العلاج جيدة ويمكن صفر كمان,,,,,والدتي بعد ماعملت العملية صار معها موقف وكانت تعبانه ولولا وجودي معها كان قلبت من التخت واتصلت على الممرضات وصراحة كان اسعافم بطيئ. -يتعامل مع كل شركات التامين -موجود فيه صيدليه وفيها كل الادويه بس مش زي كفاءة فارمسي ون -لا انصح اي حدا يروح يتعالج عنده -اخيرا كنا قاعدين عند والدتي,,,اجى الامن وحكالنا ازا في اي حدا بدو ينام مع الوالده لازم يدفع رسوم اضافيه,,,,رسوم مبيت مرافق معها,,,,واحنا دافعين حق غرفه كاملة,,,,من وين جابوا هاي الرسوم؟؟؟....نصب عيني عينك,,,,بعد مع حكينا مع خدمة المرضى والمدير وبعد طلوع الروح,,,,ولا فكروا يتنازلوا عن هاي الرسوم,,,,,بالاخر جابو مرافقه تقعد معها,,,,الشغلة مش عشان فلوس بس المبدأ غلط ونصب,,,,,,,,ياشباب وصبايا هاد المستشفى اسعاره نار وبيحط بنود غريبه عشان ينصبوا عل الواحد.
  • Review by فراس of الوحدة للسيارات - مركز الخدمات هيونداي
    قبل 7 سنوات
    معرض اكثر من رائع وعنده تشكيلة واسعه من اجمل السيارات بالاردن: -عندهم مجموعه كبيرة من السيارات الصغيرة والفئه الكبيرة والوسط -السيارات المتوفره عندهم هيي السوناتا والالنترا والاي 20,,30,,40 والاكسنت والتوسان والسانتافيه والفيوليستر -سياراتهم جديده كلها وماشفت اي سيارة قديمة -عندهم سيارة سوناتا جديده موديل 2013 هايبرد الجديده كليا وكاملة الاضافات -تعامل البائعين كان ممتاز وزوق كتير -اسعارهم ممتازة ونظام التقسيط عندهم عن طريق بنك الاسكان -كفالتهم خمس سنين او 100.000 كم ايهما اسبق -موقع المعرض كتير مناسب,,,بس عيب المعرض انه عنده تشكيلة واسعه من السيارات ومعرضه كتير صغير بالمقارنه مع غيره -بنصح اي واحد بيحب سيارات كاملة الاضافات مع الاسعار المميزة يزور هاد المعرض المميز.
  • Review by فراس of ووكس اند كومباني
    قبل 7 سنوات
    بصراحة المطعم راقي جدا وبعتبره من المطاعم الفخمة اللي بيتقدم اشهى الماكولات السوشي والاكل الهندي. -طبعا زرت هاد المطعم مع جروب جيران عمان وكانت تجربة رائعه جدا خلتني اعرف اكتر عن هاد المطعم الراقي -اول شي اكلنا سمبوسك بالخضار وسمبوسك باللحمة بعدين اكلنا سلطة كراب يابانية وكانت زاكية كتير بعدين اكلنا رز مع صوص بالدجاج اسمها تشيكن تيكا ماسالا وكان في اكتر من صنف زاكي وكمان اكلنا خبز بوري بيجنن وخبز من نوع تاني بس بشكل عام كان الاكل رائع جدا. -طبعا المكان مصنف من فئة خمس نجوم اقل شي لانه الخدمة كانت اكتر من ممتازة ونظافة المحل والاكل كانت رائعه ومميزة -قائمة الطعام كانت متنوعه من اكل ياباني وهندي وتنوع بالمشروبات والايس كريم كمان -ديكوره حلو كتير والجو العام هادي جدا ومافي اي عجقة او ازعاج -مابيقدم مشروبات روحيه -مسموح فيه التدخين -بصراحه بدي اروح عليه مره تانيه واجربه عشان احكم بالسعر -خدمة الزباين كانت سريعه وممتازة ومميزة -الاكل اللي بيقدموه كتير صحي وفي منه اكل عادي والك الاختيار . -مافي عنده مكان للاطفال وهاد احلى شي فيه -بنصح الكل يروح عليه لانه مطعم هادي واكله فخم جدا وعنده مكان للاصطفاف.
  • Review by فراس of فاير فلاي برغر
    قبل 7 سنوات
    طبعا هاد المطعم سمعت عنه كتير وهو حاليا اشهر مطعم برغر بشارع الرينبو حاليا: -طلبت من عنده اربعة برغر كاميكازي وفعلا كانت من اكبر احجام البرغر بالاردن -المحل صغير جدا وجودة نظافة الاكل ممتازة وزاكيه وكبيــــــــــــــــــــــــــــــــــــره بس المحل اقل من عادي وهاد بحد زاته انه محل اثبت انه مطعم فخم جدا باكله بس محله جدا صغير والازمه عليه كتير. -الاكل اللي عنده اختصاص برغر بس ,,,بس متنوع جدا بالاحجام والبطاطا والمشروبات -بصراحه قعدت بره ومقدرت اشوف ديكوره ولا موسيقى وبصراحه الازمه ما بتخليك تشوف شي ويادوب بتاكل وبتمشي,,,بس عموما المطعم بيجنن من ناحية الاكل -المطعم صغير جدا ومافي مجال انك تدخن والافضل انك تدخن بره بالشارع. -اسعاره ممتازة جدا بالمقارنه مع ماكدونالدز وهارديز,,,بس هاد المطعم بتدفع وبتشبع بنفس الوقت يعني لمى تقارن البرغر اللي بيعمله مع الماك زي لمى تقارن جيب شيروكي بكيا بيكانتو. -خدمة الزبائن ممتازة بس بطيـــــــــــــــــــــــــــــــــــــــــــــــــــــــــــــئه. -النادل كان زوق كتير والله يعينه على هل الزباين والازمه -الطعام اللي بيقدمه ابدا مش صحي. -مابيقدم طلبات خارجيه وعلى ما اتوقع بس لشارع الرينبو -لايوجد مكان للاصطفاف ابدا,,,حاول تصف باي مكان بره الرينبو وروح عليه مشي -بنصح الكل اللي بيكون جوعان مزبوط وما اكل اي وجبه من الصبح لحتى الغدا يروح عليه,,,وطبعا اللي بيحب يتعشى عشا دسم ومشبع كمان. -
  • Review by فراس of الشركة الوطنية العربية للسيارات - كيا
    قبل 7 سنوات
    كانت زيارة مميزة وتجربة رائعه من زيارتي لهاد المعرض بس اهم ملاحظاتي من خلال هاي الزيارة -عندهم مجموعه كبيرة من السيارات من فئات السيارة الصغيرة والكبيرة -السيارت المتوفرة عندهم كيا بيكانتو وربو وسيراتو واوبتيما وكادينزا وسبورتج وسيرانتو واحدث موديل كيا K9 -السيارات اللي عندهم كلها وكاله وحاليا مش متوفر عندهم سيارات مستعملة - السيارات اللي عندهم بنزين ومش متوفر عندهم هايبرد,,,سيارات الهايبرد متوفرة اكتر شي بنيسان وتويوتا وموديلات تانيه -تعامل البائعين ممتاز لكن استقبالهم كان سيئ,,,,يعني لمى يدخل الزبون مافي حدا بيستقبل الزبون ويكون معه, الا لمى انتى تطلب الخدمه منه,,,,كمان ملاحظه مافي حدا بيرد عل الهاتف نهائيا,,,على حسب كلامهم المعرض مليان زباين. -اسعارهم بالنسبة للمواصفات والاضافات والموديلات ممتازة,,,,يعني بتلاقي كل الاضافات وسعر السياره ارخص من سيارة يابانية مافيها اضافات -الكفاله خمس سنين او 100.000 كيلو -موقع المعرض ممتاز وفي اماكن للاصطفاف -بنصح الناس انهم يزوروا كيا الاردن ,,,بس اللي بدو اضافات بس كقوة ومتانه مش احسن من الياباني -بصراحة انا شريت كيا وكانت مغرية بالاضافات بس للاسف اكتشفت انه الاضافات مش مهمه زي سيارة تكون قوية ومتينه وثابته على الارض. -
  • Review by فراس of شركة بسطامي وصاحب التجارية - نيسان
    قبل 7 سنوات
    وكالة عالمية صاحبة افخم انواع السيارات اليابانية في الاردن,, -عندهم مجموعه كبيرة من كل فئات السيارات الصغيره والكبيرة,,,الرخيصة والغاليه. -عندهم سيارات نيسان صني شكلين,,مايكرا وهي اصغر انواع السيارات ونيسان جوك والتيما وماكسيما وقاشقاي -كل سياراتهم جديده وماعندهم حاليا سيارات مستعملة -سياراتهم كلها بنزين وما عندهم سيارات هايبرد الا مستعمل. -تعامل البائعين ممتاز كتير وبيضلوا واقف مع الزبون يجاوب على كل الاسئلة والاقترحات وعروض الدفع الكاش او عن طريق البنك. -الاسعار صراحة غاليه بالمقارنه مع السيارات الكورية لكن مع السيارات اليابانية فهي مناسبة نوعا ما -كفالتهم تلات سنين او 100.000 كيلو ايهما اسبق -موقع المعرض ممتاز وموجود بشارع مكة وهاد الشارع بيمتاز بوجود وكالات سيارات تانية ومنافسه -بنصح الناس كلها اللي بدو سيارة متينه واقتصادية يشتري نيسان ومايشتري سيارات كورية -المعرض خدمته ممتازة بس السيارات فيها عيب واحد انه مش كامل الاضافات,,,,بس اللي بدو سيارة العمر يشتري نيسان.
  • Review by فراس of مقهى ومطعم 56
    قبل 7 سنوات
    بصراحة هاد الكافيه كان الروحة عليه كتير حلوة وتجربته كانت رائعه,,المكان اكتر من رائع وخصوصا انه كان بيت قديم واتحول لاشهر كافيه بعمان صراحة -جودة الطعام كانت عادية جدا زييه زي غيره ما كان في شي مميز بس عموما كان زاكي -قائمة الطعام متنوعه من مشروبات واكل وحلويات واراجيل -بيقدم افخم انواع الاراجيل وبيقدم كل انواع المعسل -ديكوره اكتر من رائع وعجبني الترس وصالته الداخليه وصوره المعلقه الحلوة وقائمة الطعام كانت مكتوب عن تاريخ هاد المنزل قبل مايتحول لكافيه -مابيقدم مشروبات روحيه وهاد احسن شي فيه -منطقته كلها اراجيل ومسموح التدخين فيه كمان -اسعاره صراحة غاليه كتير,,,والمشكلة كل كافيهات عمان بتتنافس على اغلى شي -خدمة الزبائن كانت بطيـــــــــــــــــــــــــــــــــــــــــــــــــــــــــــــــــــئه صراحة -موجود فيه اماكن للاصطفاف وبصراحة عمرك ماراح تلاقي مصف فاحسنلك تخلي موظف المحل يصفلك السياره -تجربة حلوة صراحة والمكان نظيف بس اسعاره غاليه بس ازا بدك قعدة حلوة وفريدة من نوعها بنصحكم تروحوا عليه.
  • Review by فراس of صوفا لاونج
    قبل 7 سنوات
    هاد المكان يصنف من ارقى المقاهي اللي بعمان الي بتميزه الجلسات الهادية الراقيه وخدماته الخمس نجوم -المقهى من انظف الاماكن وجودة الاكل فيه ممتازة ومميزة واكله زاكي كتير. -قائمة الطلبات متنوعه واكله غربي وشرقي واراجيل وجميع انواع المشروبات -خدمته ممتازة وبيقدم اراجيل ,,و جميع انواع المعسل. -ديكوره راقي جدا وهادي وجلساته رومانسيه والناس الي فيه من ارقى فئة بالمجتمع. -مابيقدم مشروبات كحوليه -المكان مخصص للتدخين والاراجيل كمان -خدمة الزبائن خمس نجوم وعمري ماشفت خدمة مميزة زي هاد المحل -اسعاره غاليه شوي نوعا ما,, بس بيستاهل -موجود عنده خدمة اصطفاف للسيارات -الي بدو قعده بعيده عن الازعاج وبدو جلسات هاديه ورومانسيه يروح عليه.
  • Review by فراس of باب شرقي
    قبل 8 سنوات
    بصراحه مطعم بيجنن وزاكي كتير وراقي ورايق كتير -طلبنا وجبة فطور مشكله من جميع انواع المعجنات الشاميه مع كاسة شاي -المحل جميل جدا ورايق وحلو ونظيف وبتحس حالك قاعد بمطعم بالشام -قائمة الطعام ومتنوعه ومتوفره جميع اصناف الماكولات من غدا وفطور وعشا واراجيل -الديكور رائع وبيزكرك بمطعم بالشام واغاني فيروز والقعده روئان كتير -مابيقدم مشروبات روحيه -مسموح التدخين والاراجيل فيه -اسعاره ممتازه بس بيعتمد على عدد الاشخاص لانه كل مازاد العدد زادت حجم الفاتوره -خدمة الزبائن خمس نجوم -خدمة الجرسون ممتازة وسريعه وزوق كتير -الطعام الموجود لزيز جدا ومتوفر عنده اكل صحي زي السلطات بانواعها -ماعندي اي فكره ازا بيقدم خدمة ديليفري بس ما اظن -المكان رايق ولايوجد فيه مكان للاطفال وينصح بعدم وجودهم -متوفره اماكن للاصطفاف طبعا -المكان رائع وجميل وبعيد عن الازعاج وبنصح الكل يزوره.
  • Review by فراس of دايناميك جيم
    قبل 8 سنوات
    هذا النادي من اعرف الانديه حاليا بعمان حسب ما رايت بقية النوادي من موقع واسعار ومدربين ومالك النادي وبيع الادويه الرياضيه والنظافه،،،،،عيبه وما بعتبره عيب انه مافيه مسبح. -نوعية الاجهزة حديثه جدا ومن افخم الماركات ومتعدده ونظيفه. -الحمامات نظيفه جدا وغرف الغيار خزنتها كبيره وممتازة بس لازم تجيب قفل معك. -النادي جاي باعلى طابق من مبنى في الرابيه وفيه شبابيك كبيره ومش محتاج لتهويه،،،اضاءاته حلوة،،،ديكوره من احلى مايكون،،،الموسيقى فيك تسمع الي بدك اياه،،،،اختار او جيب فلاش اغاني معك. -كل المدربين على كفاءه عاليه وعندهم خبرة واسعه عن خبرة التغذيه -اسعار الاشتراكات ممتازة ومرنه بطريقة الدفع،،،متوفر عروض عندهم مغريه جدا بتصير كل فتره او مناسبه -مافيه مسبح ويوجد ساونا وستيم فقط -يلا وجد فيه قسم تجميل وعناية بالبشرة. -النادي مش مختلط والافضل انه يضل هيك عشان بعرف الواحد يركز. -مابنصح الاطفال انهم يسجلو لانه اجسامهم لاتسمح بممارسة الرياضه البدنيه الثقيله الا باشراف مدرب خصوصي. -ساعات العمل كل يوم من 6 الى 11 ما عدا الجمعه والعطل من 2 الى 9. -واخيرا يوجد مصفات للسيارات كبير جدا،،،،النادي عليه اقبال كثيف ولازم تعرف متى بدك تروح عشان تعرف تلعب يعني من 5-7 ازمه كتير. -يوجد فيه كافتريا بتيع مي ومشروبات بروتينيه وعصير برتقال ويوجد صاله استقبال مع تصفح المجلات الرياضيه والمتنوعه.
  • Review by فراس of مطعم ورد
    قبل 9 سنوات
    هاد المطعم رائع جدا وفخم وكبير وما بعتقد انه في اكبر منه الا مطعم القلعه في الاقصر بمصر ومش قده بالزبط
    -طلبت مشاوي مشكل واخوي طلب جاج مع فريكه ومرته طلبت صحن منسف صغير وشوية مقبلات وبيبسي -الجوده والنظافه والخدمة مية نجمة والموظف بيضله حوليك وميستني اشاره منك -قائمة الطعام متنوعه ومختصة بالاكلات اللبنانية -ديكور راقي جدا والاغاني فيروز وبس وجو حلو كتير -ما بقدم مشروبات كحولية -المنطقة كلها مخصصة للتدخين والارجيلة بس الصراحه المحل كبير وما بتشعر باي ريحه دخان -اسعاره رائعه ورخيصة نوعا ما -خدمة الزبائن ممتازة ومش مجاملة والله كانو محاصرينا من كل جهة ومستنين اشاره بس للخدمة -النادل لبسه حلو وخدمته احلى -الطعام اللي بيقدمه صحي وزاكي ومتنوع -ماعنده خدمة توصيل -لايوجد اماكن للاطفال المحل شغل روئان -متوفره اماكن للاصطفاف بصراحه المطعم فخم والاحلى انك تروح بالليل حولين البركه لانه فعلا قعدته حلوة
  • Review by فراس of كوزمو
    قبل 9 سنوات
    من ارقى واحلى الاسواق والمنافسة ايضا في عمان من حيث النظافه وتنوع الشراء وتنوع البضائع عنده
    -بضائعه متنوعه من حيث السلع والخدمات وعنده جميع الاقسام ومتوفر عنده ملابس من موديلات عالمية وعنده كمان صيدلية فارمسي ون وقرطاسية وجميع مايلزم -اسعاره نار بالمقارنه مع كارفور واسواق الاستهلاكية وسامح مول -مابيقدم خدمة توصيل للهدايا او شئ اخر -يوجد بالطابق العلوي محل للادوات الكهربائية وغني عن التعريف اسمه سمارت باي ومتوفر عنده جميه الادوات من تلفزيونات وكاميرات والضمان اكيد متوفر -متوفر عنده ماركات عالمية ممتازة وجميلة -الشئ الوحيد اللي عنده انه مميز عن غيره وببيع بقسم اللحوم،،لحوم خنازير وببيع ايضا مشروبات روحيه وطبعا كل واحد وزوقه وعنده مخبز ببيع خبز زاكي كتير والمحل لايعلى عليه وبنصح الكل يشتري من عنده
  • Review by فراس of سالاد هاوس
    قبل 9 سنوات
    من افضل المطاعم اللي بتقدم سلطات وازكى سلطات بالاردن
    -اكلت من عنده صحن سلطة متنوعه وفيتوتشيني وبيبسي -خدمته ممتازة ورائعه والموظفين رائعين -متوفر عنده خدمة للاصطفاف للسيارات -لايتوفر عنده مشروبات كحوليه -اسعاره غاليه بصراحه يعني اتنين بكلفهم 34 دينار -بنصح الكل يروح عليه وما يطلب الا سلطه
  • Review by فراس of ميجنا
    قبل 9 سنوات
    كوفي شوب حلو والاجواء الرمضانيه عنده كتير حلوة
    -مابقدم مشروبات كحوليه -متوفر عنده جميع انواع الاكلات العربيه والحلويات الاجنبية والاراجيل بكل اصنافها -قعداته حلوة وديكوره تحفه من ايام زمان -مش متوفر عنده خدمات توصيل للمنازل -متوفر عنده خدمة اصطفاف للسيارات -اسعاره غاليه بس كل شي حلو غالي والغالي يرخصلو
  • Review by فراس of مايلز سوبرماركت
    قبل 9 سنوات
    هاد سوبر ماركت كل ما ادخله بحس حالي مش بعمان قد ماهو راقي وهادي واغلب بضاعته من بره من حليب ولبن ومشروبات غازية وعصائر ومش متوفر عنده مشروبات كحوليه
    -عنده قسم خاص حاليا لمشروبات رمضانيه وباسعار رخيصة جدا وزاكي كتير -متوفر عنده كل شي من انظف اللحوم والسمك والخضار والفواكه نظيفة كتير -عنده خدمة اصطفاف للسيارات -الموظفين لبسهم الرسمي زوق وتعاملهم خمس نجوم -اسعاره غاليه شوي بس الناس بترتاح عنده
  • Review by فراس of كارفور
    قبل 9 سنوات
    اكبر هايبر ماركت في الاردن والافضل من ناحية التسوق
    -موجود داخل السيتي مول ومتكون من ثلاث طوابق فخمه وضخمه وموجود فيه كل شي من كهربئيات ولحوم وطعام وفواكه وخضار -محل رائع جدا والاضاءه عنده عاليه جدا وديكوراته كبيره وفخمه والمحل واسع جدا -الموظفين رائعين وخدومين جدا وخدمتهم زوق كتير -لايتوفر عنده خدمة توصيل للمنازل بالعكس الروحه عنده والتسوق عنده احسن -اسعاره ممتازه ومنافسه جدا للاسواق الاخرى -متوفر عنده مكان للاصطفاف واكبر مكان بلا منافس
  • Review by فراس of قاعة جراند عشتار الرويال
    قبل 9 سنوات
    من افخم الفنادق الحاليه بعمان وهو معلم مهم في عمان بسبب الفن الرائع بتصميم
    -فندق خمس نجوم من اروع الفنادق -متوفر فيه كل شي من مطاعم وسينمات وكوفي شوبس ومحل بدلات وصالات افراح هيي الافخم حاليا -ديكورات رائعه وفخمه والنظافه هي الاروع والانظف -متوفر فيه شركات وبنوك -الطعم اللي رحنا عنده بالحجز وسعره مش بطال بوفيه مفتوح عل السعر بصراحه رخيص -البوفيه كان متوفر فيه كل شي من طعام وحلويات وحتى متوفر ارجيله -خدمة الموظفين ممتازة -المكان كان موجود على الترس والهوا كان بيجنن وحلو كتير -بنصح الكل يروح يفطر عند فندق الرويال
  • Review by فراس of سيفوي
    قبل 9 سنوات
    من افضل الاسواق الحاليه عندي وهو صرلو زمان فاتح وغني عن التعريف
    -لازمه شوية ديكورات من كل النواحي ومستوى النظافه جيد -متوفر عنده كل شي من اللحوم والخضار والفواكه والفرطاسيه والجرايد والمجلات والعاب الاطفال -لا يتوفر عنده خدمة توصيل للمنازل -المحل كبير وحلو وبتاخد راحتك بالتسوق -اسعاره بصراحه في نوع من الغلا شوي مقارنة مع كارفور وسامح مول -الموظفين عندهم والموظفات من احسن مايكون في الخدمة.
Next

صور أضفتها