haya ali

haya ali

عمان . منذ أبريل 2016
35 من المراجعات
من وجدوا مراجعتي مفيدة
13
مراجعاتي
35

مراجعاتي

  • Review by haya of كانتالوب
    قبل 3 سنوات
    مع انه الأسعار غالية بس الاكل بستاهل الاكل اكثر من رائع والخدمة متوسطة والمكان والقعدة مميزين
  • Review by haya of أوليفا
    قبل 3 سنوات
    أزكى بيتزا بالأردن عنده أسعاره رخيصة والقعدة حلوة وتعامل الموظفين ممتاز بنتمنى يكبرو مساحة المطعم لإنه دايما مافي وسع
  • Review by haya of سفرة
    قبل 3 سنوات
    كتير بحب هاد المطعم الأكل كتير زاكي ومميز والأسعار مناسبة والخدمة أكتر من رائعة من إحدى المطاعم المفضلة عندي وإلي بنصح الكل فيها
  • Review by haya of مطعم سارة للمأكولات البحرية
    قبل 3 سنوات
    الأكل متوسط بس الأسعار غالية نسبيا الخدمة جيدة
  • Review by haya of أمسيات عمان
    قبل 3 سنوات
    من أسوأ المطاعم إلي زرتها بحياتي الديكور سيئ وقديم والإضاءة خافتة الأكل مو زاكي بالمرة وبايت وبارد الخدمة بطيئة جدا وتعامل الموظفين سيئ الأسعار غالية بالنسبة لهيك اكل و هيك خدمة
  • Review by haya of قاعات فندق لاندمارك للاحتفالات
    قبل 4 سنوات
    أختي عملت عرسها فيها القاعة مرتبة التعامل جيد جداً البوفيه كان رهييب و كل إشي كان منظم الخدمة سريعة و منظمة يعني متل ما توقعناه و أكتر
  • Review by haya of انتركونتيننتال الأردن
    قبل 4 سنوات
    قبل 3 سنين و قبل ما ارجع استقر بالأردن إجيت أنا و عيليتي على عمّان و نزلنا بفندق انتركونتيننتال طبعاً هو كان أكثر من رائع موقعه و ديكوره و طبعاً الأكل زاكي خصوصاً في برج الحمام الأسعار جيدة في سلبية إنه ما في إنترنت مجاني لازم تدفع مبلغ من المال عشان يشبكولك بس صارت هناك مشكلة إنه أول ما وصلنا عالفندق و طبعاً كنا كتييير تعبانين من السفر قعدنا نستنى نص ساعة بالريسيبشن و السبب إنه إلي حجزلنا بالفندق و كان مفروض يجي معنا بس ما قدر يجي و هو بابا و صار في مشاكل ما فهمت شو هي بالزبط لإنه مش أنا إلي كنت احكي معهم بس برضو ما أظن إنه هاي المشاكل كفيلة بإنه تخلينا نص ساعة كاملة و احنا قاعدين بنستنى
  • Review by haya of تيرتيل جرين تي بار
    قبل 4 سنوات
    المكان كتيييير حلو و هادي و مناسب للعمل أو للدراسة و أهم إشي إنه في تنوع بالشاي يعني كل ما أروح عليه بطلب إشي جديد أسعارهم ممتازة و كتيير بحب إنهم بعرضو لوحات لرسامين مكان كتر من رائع
  • Review by haya of اكتوبر بلو
    قبل 4 سنوات
    الأكل كتييير زاكي و الديكور حلو بس تعامل الموظفين سيئ في غالب الوقت
  • Review by haya of شاي ونعنع
    قبل 4 سنوات
    ما بعرف شو السبب بس حسيت فرع عبدون أحسن من هاد الفرع رغم هيك القعدة عندهم مميزة و الأكل كتييير زاكي و الخدمة ممتازة
  • Review by haya of نستلة تول هاوس كافيه
    قبل 4 سنوات
    تقريباً جربت كل الأشياء إلي عندهم و كله زاكي و أسعارهم جيدة بنصح الكل فيه :)
  • Review by haya of ساقية الدراويش
    قبل 4 سنوات
    ساقية الدراويش من أكتر الأماكن إلي بفطر فيها القعدة هادية و مريحة و الأكل كتييير زاكي و الأسعار متوسطة
  • Review by haya of قرية النخيل
    قبل 4 سنوات
    مطعم قرية النخيل ما رحت عليه إلا مرة بحياتي و عنجد ندمت يومها رحنا أنا و عيلتي و كنا تقريباً 20 شخص وكل إشي كان دون المستوى الطاولات بلاستيك و فوقيهم شرشف مش نضيف و بضلو يهزو بتحسهم رح يقلبو عليك الخدمة متوسطة بس في مشكلة إنه في بعض الزلام إلي بشتغلو هناك بيلزقو بالطاولة و بالشخص و مصرين يضلهم واقفين يعني ما في احترام للخصوصية و كانو وقتها جايبين مغني بس أنا بفضل يشغله مسجل بكون أحسن بكتيير و يختارو موسيقى بتليق بالقعدة الأكل بشكل عام منيح قاعة الألعاب مش منظمة أبداً و الألعاب فيها سيئة و قليلة أما بالنسبة للديكور فهو حلو بس بده تعديلات بسيطة و بالنسبة للأسعار ف هي غالية جداً جداً
  • Review by haya of عفرا
    قبل 4 سنوات
    جربته مرة و كنت معزومة فما بعرف كيف أسعاره الأكل كتييير زاكي بس الموظفين تعاملهم سيئ و ما عندهم لباقة بالحكي
  • Review by haya of هاشم
    قبل 4 سنوات
    من زمان وأنا بسمع عن مطعم هاشم والكل بمدحه بس لما جربته ما حسيته بستاهل كل هالمدح الأكل عادي جداً و الخدمة عادية يعني مش مستاهل كل هالضجة في مطاعم كتييير أفضل منه
  • Review by haya of جبران
    قبل 4 سنوات
    جبران ما في إشي بوصف الأكل كتييير زاكي الخدمة ممتازة الموظفين كتيير محترمين و تعاملهم بجنن القعدة و الإطلالة كتييير حلوين بنصح الكل يجربه
  • Review by haya of مطعم و كافيه دهب
    قبل 4 سنوات
    أول مرة رحت عليه مع صحباتي عشان نفطر الأكل كان كتييير زاكي و أسعاره مناسبة و هاد الإشي إلي خلاني أضل أروح عليه المكان و الديكور و القعدة بجننو بنصح الكل فيه
  • Review by haya of قاعة الاحتفالات الكبرى فندق انتركونتننتال
    قبل 4 سنوات
    سيئ جداً بالنسبة لقاعة بفندق انتركونتننتال الموظفين مش محترمين . و القاعة دون المستوى
  • Review by haya of قاعات مؤتة
    قبل 4 سنوات
    من أحسن القاعات بالترتيب و النظام و النظافة الموظفين سريعين و منظمين تعتبر من أحسن القاعات بالنسبة للقاعات إلي بنفس مستواها و أسعارها
  • Review by haya of قصر خلدا للمناسبات
    قبل 4 سنوات
    ما بنصح حد يعمل عرسه فيها حضرت فيها عرس لصحبيتي القاعة مش حلوة التنظيم صفر الموظفين خدمتهم و تعاملهم سيئ جداً جداً و هاد غير إنه كان في ناس عالباب ما بعرف من وين (و أظن إنهم نصابين) طلبو منا مصاري عشان نصف السيارة باسم القاعة و ما بعرف إذا عنجد القاعة هي إلي حاطة هالناس و بعد العرس حكتلي العروس إنه ما صار إشي زي ما بدها و ما عجبها إشي و هي انصدمت إنهم لغو أغلب الفقرات إلي اتفقو عليها و غيروها و ما حكولها و هي ما كانت عارفة شو تساوي و حتى الصور إلي تصورتهم ما عجبوها
  • Review by haya of صالة اليوسفي للافراح
    قبل 4 سنوات
    حضرت فيه عرسين بالنسبة للديكور فهو ممتاز بس القاعة ضيقة كتيير الخدمة جيدة الدي جي متوسط و الحلو فيها إنه بسرعة بتلاقي مكان تصف فيه سيارتك
  • Review by haya of قاعة فندق حياة عمان
    قبل 4 سنوات
    حضرت فيها عرس لصاحبيتي القاعة كتيير مرتبة و الديكور بجنن و الإضاءة ممتازة الخدمة فوق الخيال كتيير سريعين و نضاف بنصح الكل فيها
  • Review by haya of صالات جبري للأفراح
    قبل 4 سنوات
    بالنسبة لقاعات جبري فهي من أحلى القاعات إلي رحت عليها بحياتي طبعاً أسعارها ما بعرف كيف لإني لما رحتها كنت معزومة القاعة كتير مرتبه و نضيفة الخدمة ممتازة الأكل بشهي كل إشي بجنن
  • Review by haya of ستك هاوس
    قبل 4 سنوات
    جربته مرة وحدة الصراحة مش متل ما توقعته البوزة عادية جداً و مش مستاهلة السعر الغالي
  • Review by haya of صب واي
    قبل 4 سنوات
    من أزكى مطاعم الوجبات السريعة أسعاره ممتازة و المكونات دائماً بتكون فريش تعامل الموطفين محترم و راقي
Next