RaniaElkattan

RaniaElkattan

عمان . منذ أبريل 2015
Working @ kelmtna magazine
10 من المراجعات
الأماكن المضافة
4
من وجدوا مراجعتي مفيدة
1
مراجعتي كانت الأولى
7
مراجعاتي
10
صوري
7
أماكن فضّلتها
3

مراجعاتي

  • Review by RaniaElkattan of مينس
    قبل 5 سنوات
    Mince burger مش زي أي برجر رجعت تاني الفترة الآخيرة موضة انتشار محلات البرجر فى مصر، ومن أكتر الأماكن اللي اتردد اسمها الفترة اللي فاتت هو mince burger فقررت أجربه. روحت فرع الزمالك وأول حاجة لاحظتها إن المكان صغير أوي حوالي ٤ ترابيزات بس. طلبت smoked burger الحجم الصغير 170 جرام ب38 جنيه وكان عبارة عن برجر عليه بصل ومربي التوت البري وجبنه مدخنة و waffle potato bites ب18 جنيه وكانت عبارة عن بطاطس بصوص الجبنة الشيدر والزبادي بالنعناع وعليه باكون وقطع صغيرة من المخللات. وكان الأكل طعمه حلو جداً. أحسن حاجة: طعم الأكل حلو والنكهات مختلفة ومميزة .. مش زي أى برجر هتكله. أسوأ حاجة: المكان صغير، وسعر الأكل غالي بالنسبة لحجمه.
  • Review by RaniaElkattan of تشيليز
    قبل 5 سنوات
    اللي مش "حلو" قوي في chili's Chili's من أحسن وأشهر المطاعم في مصر، بس لازم يحافظ علي جودة وطعم أكله عشان يفضل محافظ علي مكانته، وبالرغم من انه من الأماكن المفضلة بالنسبة لي وكان بالنسبة لي من أحسن الأماكن اللي بتقدم "المولتن كيك" إلا إنه أتحول من وجهة لنظري لأسوأ الأماكن اللي بتقدمها. روحت فرع chili's المعادي-البندر، وطلبت "المولتن كيك" ب ٣٩ جنيه، ومكنش أول مرة تبقي بالمستوي ده، هى المفروض عبارة عن تشوكليت كيك بتقدم سخنة مع آيس كريم فانيليا والأهم حاجة واللي بيميزها عن غيرها الحشو وهو عبارة عن تشوكليت صوص. لكن فى الفترة الأخيرة بقيت بحس إنها براونيز بالآيس كريم مبقاش فيها تشوكليت صوص لإن تسويتها مبقتش مظبوطة.
  • Review by RaniaElkattan of ألبان المدينة المنورة
    قبل 5 سنوات
    ليه لازم تجرب المدينة المنورة؟! _المدينة المنورة: شارع اللاسلكي تقاطع شارع النصر- المعادي. _كل لما هتعدي من جنب المدينة المنورة مش هتقدر تقاوم ريحة الكريب والوافل بتاعته بالرغم من إنه مش مكان كبير قوي بس هو فعلاً مكان مميز، حاجة كده حلوة ورخيصة. _بيقدم حاجات كتير الألبان بكل منتجاتها غير الرز بلبن وآيس كريم، البليلة، الكسكسي وكمان أم علي وفطاير وعصاير. _من أكتر الحاجات اللي بحب عنده "جاميكا كريب" وده عبارة عن كريب بشوكولاته النوتلا وقطع الموز وطعمه تُحفة وب١٠ جنيه، والستيك وافل بالشوكولاته ب3.5 جنيه وفريش وكمية الشوكولاته فيه كتيرة. _العاملين هناك من أحسن الناس اللي تحب تتعامل معاهم. _أكتر حاجة بحبها فى المكان: حاجته دايماً فريش وريحها وطعمها حلو جداً _أسوأ حاجة فى المكان: دايماً زحمة خصوصاً بالليل فى الويك اند. وأحياناً الطلب بيتأخر.
  • Review by RaniaElkattan of كرامبس كبكيكس اند مور
    قبل 5 سنوات
    كترت أوي محلات الكب كيكس فى مصر الفترة الآخيرة وأغلبهم بيقدمها بجودة متقاربة مع غيره من الأماكن، لكن كل مكان منهم تحسه متميز عن غيره فى نكهات معينة. ومن الأماكن ديه Crumbs. _منيو Crumbs عبارة عن: Cup cakes: بنكهات مختلفة ومتوفرة بحجمين صغير ب4.5 جنيه، والحجم العادي ب12 جنيه. whoopie pies-Cookies: متوفرين بنكهات مختلفة وسعرهم حوالي 5.5 جنيه. Cakes: الكيكة الكاملة بحوالي ١٣٠ جنيه أكتر حاجة بحس crumbs متميز بيها: red velvet cupcakes: وهى عبارة عن كيكة الريد فالفيت مغطاة بكريمة الفانيليا وفروستنج من الكريمي تشيز. Pumpkin cupcake: عبارة عن كيكة الpumpkin مغطاة بكريمة القرفة وتشيز فروستنج. أحسن حاجة: لو فيه مناسبة ممكن تعمل special order للشكل والطعم اللي أنت عايزة.
  • Review by RaniaElkattan of ذا بيكري شوب
    قبل 5 سنوات
    لو أنت من عشاق المخبوزات بكل أنواعها يبقي لازم تجرب TBS مش عارفة أقولك عشان طعمه ولا ريحته ولا سعره بس هو كل حاجة فيه فعلاً حلوة. المنيو: _هبدأ بالسندوتشات وأحلي حاجة فيها أنك هتختار مكوناته بنفسك سواء نوع العيش نفسه أو محتويات السندويش. وبتختلف أسعار السنوتشات على حسب المكونات اللي أنت مختارها بس بيدأ من ١٦ جنيه. _غير أن فيه كمان جزء للمخبوزات الصحية أو قليلة السعرات عشان لو حد عامل دايت زي "كيكة دقيق القمح الكامل، كوكيز الشوفان وغيرهم". _ولو حابب تشرب حاجة مع الأكل ممكن تختار بين القهوة بأنواعها المختلفة أو العصاير الفريش. _وأخيراً الدوناتس بالرغم إن مفيش حاجة أكلتها فى tbs معجبتنيش إلا أنه بالنسبة لي Tbs أحلي مكان بيعمل دوناتس، و أكتر طعم بحبه أطلبه دايماً هو "الوايت شوكولات دونات ب١١ جنيه" الجودة: _الطعم: تحفة والمخبوزات دايماً فريش _ الرائحة: حلوة جداً لدرجة أنت مش هتبقي عايز تخرج من المكان. أسوأ حاجة: _ من الأماكن القليلة اللي صعب تلاقي فيه عيوب غير إنه بيبقي زحمة فى أغلب الوقت. أحسن حاجة: _ أسعاره مختلف، الحاجة دايماً فريش، غير إنك تقدر سندوتش علي مزاجك غير طبعاً الطعم الفشيخ.
  • Review by RaniaElkattan of محمص أبو عوف
    قبل 5 سنوات
    لما بفكر فى سناك مختلف وصحي أول حاجة بتيجي فى دماغي هى المكسرات جربت أماكن كتير بس من أحسن الأماكن اللي بتقدمها هو "أبو عوف House of nuts" من الحاجات اللي تساعدك تتعرف أكتر على أبو عوف المكان: أبو عوف_ شارع ٩، المعادي. الوصف: محل بيقدم المكسرات بمختلف أنواعها وبنكهات مختلفة، وحبوب القهوة بأنواعها. الطلب: ١٠٠ جرام لوز بالباربيكيو ب١٩ جنيه. الجودة: جيدة جداً. أسوأ حاجة: السعر بيتغير على حسب تغير سعر المكسرات. أحسن حاجة: النكهات المختلفة للمكسرات. التقييم الكلي: 5/5
  • Review by RaniaElkattan of مطعم ميرميد
    قبل 5 سنوات
    Mermaid أفضل مطعم علي الإطلاق: ديكوراته القديمة البسيطة تجعله مميزاً عن غيره من باقي المطاعم خصوصاً وإنه محتفظ بنفس ديكوراته من أكتر من ٢٠ سنة، مش بس ديكوراته اللي بتميزه لأ كمان طعم الأكل، والجو العام للمكان، والخدمة المميزة. عشان كده بتبقي أمتع لحظات حياتي لما بروح آكل فى ميرميد. ليه ميرميد من أفضل المطاعم: المكان: mermaid _ شارع ٩، المعادي. الوصف: مطعم إيطالي الطلب: "تشيكين استراجانوف" ب61 جنيه"، عبارة عن قطع من الفراخ مع المشروم وصوص الكريمة وبيتقدم معاها الرز كطبق جانبي وممكن تبدله ببطاطس لو عايز. "وسطلة السيزر"ب36 جنيه" عبارة عن خس وقطع الخبز المحمص وجبن شيدر وصوص السيزر". الجودة: الطعم: ممتاز، الأكل غني بالنكهات. طريقة التقديم: طبق كبير، مُزين بطريقة جيدة. الرائحة: جيدة جداً. وقت التحضير: جيد جداً حوالي ٢٠ دقيقة. الخدمة: ممتازة. أسوأ حاجة: السعر غالي شوية بس الأكل يستاهل. أحسن حاجة: الطعم، وجو المكان. التقييم الكلي: 4.5/5 الملاحظات: من أقدم مطاعم المعادي، ولازال يحتفظ بنفس ديكوراته القديمة البسيطة.
  • Review by RaniaElkattan of سبكترا
    قبل 5 سنوات
    _بالرغم من الشهرة الكبيرة اللي بيتمتع بيها مطعم سبكترا "spectra" إلا إن تجاربى معاه دايماً مش ناجحة. لكن قررت إني أعيد التجربة تاني وأروح فرع سبكترا اللي على الكورنيش أمام فندق كونراد أو "سبكترا الشجرة" كما هو متداول لما سمعت ناس كتيرة بتتكلم عليه على أمل إنه يكون أفضل لكن غالباً هتكون آخر مرة أروحه فيها. أول ما دخلت عجبنى الموقع والديكور سواء داخل أو خارج المطعم وخصوصاً المنظر الخارجي للمطعم اللي بيطل على النيل مباشرة، قعدت وطلبت جريلد تشكين بالمشروم وكان الطبق عن قطعتين من الدجاج المشوي مع المشروم والخضار والرز، الطبق كبير جداً ويشبع لكن الطعم للأسف كان سيئ جداً الفراخ مش متبلة كويسة ولا مشوية حلو حسيت إنها فراخ مسلوقة وحطها على الجريل شوية وخلاص وطبعاً مكمتلش الأكل. تقيمي الكلي: 2/5
  • Review by RaniaElkattan of دان جوس بار
    قبل 5 سنوات
    ليه لازم تجرب Dan ؟! ١- المكان: Dan _ شارع ٩، المعادي. ٢- الوصف: محل لبيع جميع أنواع العصائر الفريش والعصائر المصرية زي "القصب، العناب، التمر الهندي". ٣- الطلب: فراولة سموزي صغير "ب٨ جنيه"، ليمون بالنعناع سموزي "ب١١ جنيه" . ٤- الجودة: الطعم: حلو جداً وفريش. طريقة التقديم: كوب العصائر البلاستيك الرائحة: جيدة جداً. ٥-وقت التحضير: حوالى ٧ دقائق ٦- الخدمة: ممتازة. والعاملين فى المكان بيتعاملوا بمتهى اللطف. ٧- أسوأ حاجة: عدم توافر أماكن للقعدة غير ترابيزة واحدة. ٨- أحسن حاجة: تقدر تحضر الكوكتيل اللي تحبه بأى مزيج من أنواع الفاكهة، أسعاره رخيصة جداً. ٩- التقييم الكلي: 4/5 ١٠- ملاحظات: علي الرغم من أن المكان صغير بس العصاير اللي بيقدمها جودتها عالية جداً وحلوة وفريش.
  • Review by RaniaElkattan of جاكيت بوتيتو
    قبل 5 سنوات
    أهم ١٠ حاجات لازم تعرفها قبل ما تختار المكان اللي هتقعد فيه. ١- المكان: Jacket potato _ شارع ٩، المعادي. ٢- الوصف: مطعم بيقدم بطاطس مخبوزة بطريقة وإضافات غير تقليدية. ٣- الطلب: "تشكين بابريكاش" ب39 جنية. _!عبارة عن بطاطس كبيرة مخبوزة فى الفرن مفتوحة من النص وعليها قطع من صدور الفراخ بصوص الباربيكا مع ساور كريم ومشروم وكمية كبيرة من الجبنة الشيدر. ٤- الجودة: الطعم: حلو جداً. طريقة التقديم: جيدة جداً وعملية " العلبة تقدر تستخدمها للتيك أوت" الرائحة: جيدة جداً. ٥-وقت التحضير: متوسط حوالى ٣٠ دقيقة ٦- الخدمة: ممتازة، وسألونا لو عندنا أى ملاحظات على الأكل. ٧- أسوأ حاجة: صوص الساور كريم كان محتاج يبقي أكتر شوية. ٨- أحسن حاجة: الأكل بيشبع جداً، وكمان تقدر تحضر طبقك على مزاجك من خارج المنيو الثابتة بمكوناتك المفضلة. ٩- التقييم الكلي: 4/5 ١٠- ملاحظات: اترددت كتير قبل ما أجرب المكان لكن ندمت أكتر بعد ما جربته.
Next

أماكن أفضلها

صور أضفتها

Looking for the perfectly balanced meal? Got a serious need for Comfort Food? Seeking sheer goodness? Well, we do it in a hundred different ways.
Juice-bar
Restaurant & Café