Alaa Aloush

Alaa Aloush

عمان . منذ مارس 2015
23 من المراجعات
مراجعتي كانت الأولى
3
مراجعاتي
23

مراجعاتي

  • Review by Alaa of شاورما باشكا
    قبل 5 سنوات
    بالنسبة للسندويشات كجودة وترتيب جيدة جداً, لكن الخضار بالوجبة قديمة, وما في مكان للجلوس نهائياً, ومرات بتكون اللحوم بايتة من قبل بيوم أو معرضة للغبار طول اليوم وواضح هاد الحكي على سيخ الدجاج اكثر. اتمنى يحرصوا على جودة اللحوم والخضار اكثر
  • Review by Alaa of مخبز أبو عبدالله للكعك القدسي والبيض الحميم
    قبل 5 سنوات
    من اروع اماكن السندويشات التقليدية (مثل سندويشات البيت) , سندويشاتهم نظيفة ودائماً الخبز ساخن وبيعبوا السندويشة من قلب وحجمهما ممتاز, سعرهم مناسب جداً اتمنى يبقوا على هذا الموال. والكعك القدسي رائع خاصة اذا كان من الفرن مباشرة.
  • Review by Alaa of نادي الجسم المثالي
    قبل 5 سنوات
    اشتركت معهم بداية السنة, اسعار اشتراكاتهم مناسبة جداً, والنادي للسيدات فقط, مدربات الحصص (الايروبكس والبيليتس والستبس... الخ) تعاملهم ممتاز وحصصهم ممتازة وبيتابعوا المشتركات خلال الحصص وبيوجهوهم وبينتقدوهم ايضاً وهاد شي عجبني صراحة. ملاحظاتي على المكان: 1- الإجهزة لا تعمل كلها, 80% منها يعمل, ال 20% الباقية لازم يشغلوها خاصة وقت ما يكون النادي مليان. وفي أجهزة من أول ما اشتركت موجودة ولا تعمل اطلاقاً. 2- اتمنى يعملوا على تعقيم الاجهزة كاملةأول بأول بعد استخدامها من المشتركات. 3- الكوندشين دائماً بينقط مياه بمنتصف قاعة الحصص, والقاعة ارضيتها بتزحلق مع التمارين.
  • Review by Alaa of مطعم السروات
    قبل 5 سنوات
    من افضل المطاعم المتخصصة بالشاورما في عمان, اسعارهم جيدة ومأكولاتهم ممتازة, الحمدلله إنهم فتحوا توسعة للعائلات, المكان اصبح ارتب بالطابق الثاني, تعامل الموظفين جيد جداً, ملاحظتي الوحيدة هي تأخرهم بتقديم الطلب, ممكن تجلس وتنتظر وجبتك لحد 30 دقيقة.
  • Review by Alaa of زين للاتصالات
    قبل 5 سنوات
    من وقت ما حولنا لتعرفة تيربو والانترنت صار بالتقطير يشتغل, على مستوى رسائل تطبيقات بتوصل متأخرة, غير الصفحات الي ما بترضى تفتح, اكبر خطأ تحويلنا لهالتعرفة, اذا استمر الموضوع عالاكيد رح نوقف التعامل معهم حتى يلحقوا بأمنية ونكتفي بأورانج للأسف, غير إنه اشتراكاتهم نوعاً ما غالية, خاصة مقارنة بالشركتين اورانج وامنية. واذا بتطرح الموضوع بمركز عملاء بيحكيلي الموظف إنه هم بياخذوا الانترنت من المزود الرئيسي اورانج.
  • Review by Alaa of شركة أمنية
    قبل 5 سنوات
    إن شاء الله أخر شهر بنشترك معهم, الأماكن الي مذكورة على خريطة التغطية ( ايفو) مو كلها صحيحة ومنهم منطقتنا, ما فيها أنترنت اطلاقا حتى 2g ما بتشتغل الشبكة, اتصلت معهم اكثر من مرة بخصوص الموضوع وهم كل شهر بيحكولي رح نرسل فريق لتحسين الشبكة بالمنطقة, هذا الكلام من السنة الماضية, لهلأ طبعاً الشبكة ما تغير عليها شيء. اتوقع إنه اكتفينا من الكلام تبعهم وما حد رح يرجع بالعيلة يشترك معهم.
  • Review by Alaa of سرينيتي سبا
    قبل 5 سنوات
    مكان رائع ابتداءاً من الصالون وحتى الادارة, الحمام التركي مميز عندهم وسعرهم معقول, مهتمين بالزائرات وبراحتهم, الغرف مدفئة والادوات نظيفة, تعاملهم ممتاز وموقعهم ممتاز بعيد عن الشوارع الرئيسية, ويوجد مكان مخصص للاصطفاف , وحتى اشتراكات النادي السنوية عندهم مشجعة جداً.
  • Review by Alaa of برايم سينما
    قبل 5 سنوات
    بالنسبة لي برايم أفضل سينما بالاردن, الصالات رايقة وهادئة, الافلام المعروضة متجددة أول بأول, جودة ممتازة للشاشات والقاعات, حتى الناس الي بتروح عليها رايقة وهادئة, ما عمرنا واجهنا أي مشاكل, مناسبة للأطفال والعائلات. بالنسبة لقاعة ال VIP , حسيت إنه السعر مبالغ فيه بالبوفيه المقدم عندهم. ترتيب وتنظيم الأكل جداً رائع, القاعة ممتازة ونظيفة, تعامل الموظفين رائع جداً, لكن الأكل كتنوع عادي جداً وهو عبارة عن مقبلات خفيفة. كنت أتوقع يقدموا شيء أفضل بالنسبة لسعر التذكرة. لكن إجمالاُ السينما كلها ممتازة.
  • Review by Alaa of المختار مول
    قبل 5 سنوات
    نصيحتي هذه خاصة بكارفور فرع المختار مول, مو عن المختار مول كله. كارفور هذا الفرع بيسعروا الأغراض عالأرفف غير عن وقت الدفع عالكاش, بتتفاجئ إنه حسابك بيطلع زيادة عدة دنانير ومرات عشرات الدنانير ( حسب الأغراض والكمية) , راجعنهم بالوضوع اكثر من 4 مرات, بيطلع حد من الكاش يشيك بيلاقي السعر الي أنا اعطيتهم اياه صحيح ومكتوب عالرف, لكن عندهم عالكاش نازل أكثر من السعر المعروض, هاي المشكلة من أكثر من سنة لهلأ, يا ريت الكل ينتبه لفواتيره وقت الدفع, إما إنهم بيعملوا هيك عمداً حتى ياخذوا فلوس زيادة, وإما هاد الفرع عندهم مشكلة و لهلأ مهملين بالموضوع.
  • Review by Alaa of حلويات نفيسة
    قبل 5 سنوات
    الحلويات عندهم رائعة والكنافة برضه رهيبة, لكن حسيت طعم القشطة غالب فيها عالجبن, لكن هذا ما بيعني إنها مو طيبة, بس طعمها أخف من الكنافة النابلسية واسعارهم جيدة جداً. تعامل الموظفين ممتاز ونفوسهم طيبة.
  • Review by Alaa of مركز طب الحيوان
    قبل 5 سنوات
    ما ارتحت بالتعامل معهم واسعارهم جداً غالية مقارنة بغيرهم من البيطريين, سواء داخل او خارج عمان, وخاصة الدكتور علاء!! الوحيد الي مريح التعامل معه هو دكتور انس لأنه إنساني اكثر وما بيتعامل بفوقية. دكتور علاء اسلوبه جاف وفوقي جداً خاصة اذا يومك اسود وحكيت معه عالتلفون! اخذت القط الي عندي يعطوه مطاعيم, ودفعت اكثر من 80 دينار مطاعيم خلال 3 شهورعلى اساس ما تصيبه امراض, وكله عالفاضي! بيحكولك سوء تغذية للحيوان وعدم نظافة المكان المخصص له بالبيت وهاد ابداً مو صحيح لأني صرفت عالقط اكثر من نفسي وكنت اعتني فيه قمة العناية وما كان يطلع من البيت اطلاقاً خوفاً من الامراض وما كنت اطعميه لحوم نية ولا سكريات, كل الحجج الي قدموها واهية! مطاعيمهم غالية عالفاضي, نفس المطعوم للقط عند طبيب بيطري ثاني كلفني بفت زون 30 دينار وعند البيطري الثاني 7 دنانير!!! ما رح اتعامل معهم مرة ثانية, اريح لهم و لي...
  • Review by Alaa of فتنيس فيرست
    قبل 5 سنوات
    ما بنصح حد يسجل معهم, غااالي جداً!! المرافق مقبولة بالرغم من وجود اندية محلية ارخص بكثير ومرافقهم اقل لكن بيكون النادي مريح اكثر منه! الموظفات همهم تسجل وتدفع, التسويق للإشتراك بالنادي وكأنه مفروض عليك, خصومات وهمية, الشيء الوحيد الايجابي هو إنهم بيفتحوا لوقت متأخر مناسب للموظفات.
  • Review by Alaa of سوق الجمعة الشعبي
    قبل 5 سنوات
    بعد انتقال السوق لرأس العين اصبح مرتع للمريضين نفسياً كونه مغلق مثل المعسكر مو مفتوح مثل ما كان بالعبدلي, اختاروا منطقة ضيقة كثير بالنسبة لسوق شعبي مثل هاد السوق, ولازم الشرطة تصير تتجول داخل السوق ما يضلوا بس عالباب لأن جد الذكور الي بتروح هناك تشتري عندها امراض نفسية وعقلية! الله يكون بعون اصحاب البسطات على هيك موقع! بضاعتهم جيدة جداً وسعرهم ممتاز اغلب الاوقات, في منهم بيرفعوا الاسعار عالمزاج, لكن الغالبية ممتازين. يا ريت تلاقوا حل للتحرش والمعاكسات داخل السوق لأنه جد البنت لازم تنزل ومعها سكين حتى تقدر تشتري من هناك. لولا الموقع والمعاكسات بالسوق ولا بعطيه تقدير 5/5 كونه بفضل اشتري منه اكثر من أي مكان ثاني.
  • Review by Alaa of شكسبير اند كو
    قبل 5 سنوات
    الديكور رائع, لكن الأكل عادي جداً ومو مميز, السعر غااالي جداً مقارنة بالأكل العادي.
  • Review by Alaa of شاورما الكرم
    قبل 5 سنوات
    سندويشات الشاورما رهيبة عندهم, الدجاج نظيف ومتبل بعناية وسعرهم جيد جداً
  • Review by Alaa of الدكتورة هناء أبو العدس
    قبل 5 سنوات
    دكتورة هناء لا بأس فيها, طبيبة فهمانة ورايقة, لكن كطبيبة عامة كشفيتها بالنسبة لي غالية, و بالنسبة للعلاج بتحاسب غالي على الإبر.
  • Review by Alaa of فروت سالاد
    قبل 5 سنوات
    السلطات طيبة جداً لكن مرات الفواكه ما بتكون متنوعة مثل كل مرة, القشطة رائعة, لكن اكثر شي مزعج إنه الطلب بيتأخر, مدة الإنتظار المتوقعة لأي حد بده يطلب ما بتقل عن 20 دقيقة. لكن ترتيب السلطة وجودتها بيخلي الواحد يسكت :P
  • Review by Alaa of مطعم كيوي
    قبل 5 سنوات
    المنيو متنوعة, الكوكتيل رهيييب, البرجر الكبير طيب ومرتب, المحل نظيف واسعارهم معقولة جداً لحجم الوجبة.
  • Review by Alaa of الدكتور جمال سامي العلي
    قبل 5 سنوات
    ما بنسى تجرتي مع هذا الدكتور قبل سنة, اول ما فتت العيادة ( بتوصية زيارته من احد اقاربنا) وبدأت اشرحله عن حالتي والاشعة ونصائح وتشخيصات اطباء غير حضرته وصار يسألني عن نظري, مجرد ما جبت اسم دكتور غيره بالموضوع صاريتكلم بعصبية وحدية, وصار يحكيلي إنتي ليه جاي على عيادتي اذا بتروحي دكتور ثاني ارجعيله! وكأني مو رايحة للعيادة بفلوسي! اذا الطبيب عنده خلاف, أو مسألة شخصية مع طبيب ثاني أتوقع المريض ما له علاقة بالموضوع اساساً, وأي مريض عنده كامل الحق يراجع مين ما بده من دون ما الطبيب يحتكر هذا المريض لنفسه! طبعاً اخذته العزة بالإثم الطبيب الي حالف اليمين الطبي يداوي الناس وما رضي يسمع كلامي بعد ذكر اسم الطبيب امامه!
  • Review by Alaa of تشيه تشيه
    قبل 5 سنوات
    كان اكثر مكان مفضل عندي وللأسف ما بعرف شو تغير عنهم, خاصة الموظفين بالفترة المسائية, ما بينتبهوا للطلبات, تكرر معي 4 مرات نفس الموقف, اطلب شي من المنيو وبيجيبولي شي ثاني, خاصة بالمشروبات الساخنة, بتطلب كابوتشينو بيجيبولك لاتيه أو العكس, ووصلت فيهم إني اطلب ساندويش ستيك وجابولي ساندويش فرنسي فيها قطع برغر! الانترنت ضعيف وقت ما بيكون ناس كثير بالكافيه.
  • Review by Alaa of مسبح و نادي عمان الرياضي
    قبل 5 سنوات
    اشتركت بالمسبح لمدة شهر وكانت تجربتي سيئة جداً, لكن اللوم مو فقط على ادارة النادي, اكبر لوم على معظم السيدات المشتركات بالمسبح لأن النظافة سيئة للغااااية! وبتقدروا تحكموا على النظافة ابتداءاً من غرف الغيار وحتى البركة. قليلات جداً المشتركات الي كانوا يعتنوا بنظافة انفسهم والنادي صراحة , رح ينقص عددهم اكثر اذا بقي الوضع على هالحال. سعره مقبول لكن فترة السيدات كأوقات ما كانت مناسية لي بسبب الوظيفة. بكل حال للأسف ما رح اشترك مرة ثانية معهم.
  • Review by Alaa of وزاب دوغ
    قبل 5 سنوات
    من افضل محلات الهوت دوغ بعمان صراحة, ملاحظتي الوحيدة إنه المكان لو يتوسع شوي لأن ما شاء الله اغلب الأوقات بنروح ما في اماكن حتى نطلب. السندويشة طيبة, ومرتبة, وسعرها ممتاز.
  • Review by Alaa of مركز ديكارت الاستشاري للعيون
    قبل 5 سنوات
    مركز عيون مختص, خدماتهم جيدة واستقبالهم جيد, الدكتورة رشا رائعة وطبيب الاشعة انسان فهمان, لكن ما قدروا يحلولي مشكلتي بالنظر, اتوقع لأنه حالتي غريبة شوي.لكن المركز بيحاول يروج لعمليات الليزك عندهم وبصراحة ما جربت اعمل الا فحوصات واشعة عينية عادية وما بحب كمريضة ازور اي طبيب يحاول يروج لشيء آخر غير موضوع مرضي, هذا الموضوع الوحيد الي ازعجني. ويا ريت يخفووا شوي من اجورهم خاصة للمراجعين المستمرين عندهم.
Next