Maram Abbasi

Maram Abbasi

عمان . منذ يناير 2015
59 من المراجعات
الأماكن المضافة
417
من وجدوا مراجعتي مفيدة
64
مراجعاتي
59
صوري
6748
أماكن فضّلتها
391

مراجعاتي

  • Review by Maram of مطعم رويال سناك
    قبل سنتين
    الشاورما عندهم لذيذة ورخيصة الوجبه فقط 1 ونص الخدمة سريعه
  • Review by Maram of لبناني سناك
    قبل سنتين
    كانت تجربتي سيئة جدا بآخر مرة وصيت من عندهم الخدمة ممتازة بس الاكل كان سيئ، وجبة الزنجر للاسف ما كانت مستوية واضطريت اكبها متل ما هي. ما بنصحكم تجربو الزنجر من عندهم
  • Review by Maram of شاورما الحناين
    قبل سنتين
    جربت من عندهم ساندويشات الشيش طاووق، كانت كتير زاكية بس الملح كان زيادة شوي ، تفاجأت انو حاطين بصل بالساندويش بس ما خرب طعمها الكوكتيل ممتاز بس كمان السكر فيه كان زيادة عن اللزوم بستاهلو 8/10
  • Review by Maram of شاورميكر
    قبل سنتين
    الشاورما عندو جيدة بتتميز انو فيها جبنة مدخنة، حجم الوجبه ممتاز والسعر مو غالي، بقدمو بطاطا مع الوجبه بكون عليها جبنة شدر الخدمة مميزة والطعم لذيذ
  • Review by Maram of لبناني أم خليل
    قبل سنتين
    المكان ضيق نوعاً ما ما في مجال كتير بين الطاولات، الخدمة كانت جيدة بس بطيئة كان في وقت كبير بين المقبلات والطبق الرئيسي السلطات والمشاوي كانو كتير زاكيين التجربة جيدة بس في أماكن أفضل
  • Review by Maram of حريم سبا - حمام تركي
    قبل سنتين
    الموقع والخدمة والنظافة ممتازة والاجواء مريحة جدا مكان مميز بجدارة
  • Review by Maram of وينيز كوفي
    قبل سنتين
    الخدمه ممتازة ، المكان مضغوط شوي ، جربت عصير فراوله ما كان مميز ، بشكل عام مكان جيد بس في خيارات افضل
  • Review by Maram of شاورما جدو ناجي
    قبل سنتين
    جربت شاورما الجاج كتير زاكيه والي بميزهم انو بخبز التورتيلا اسعارهم مش غاليه بستاهلو التجربه
  • Review by Maram of الضيعة
    قبل سنتين
    زمان كان اسم الضيعه اشي مهم وكبير بعالم المطاعم بس للاسف هلا كل ما تقدمنا المطعم برجع لورا من ناحيه الخدمه والجودة اخر فترة جربت وجبه جديدة عندهم نسيت اسمها كانت عبارة عن 6 حبات ما بتشبع وغاليه وطعمها مش زاكي مع كل هاد وصفت تجربتي ع صفحتهم عالفيس بوك بدل ما يفكرو بتحسين الخدمه راحو عملو بلوك وهاد اعلى درجات الفشل
  • Review by Maram of مخابز على كيفك
    قبل 3 سنوات
    من احسن المخابز بالزرقا خبزهم طري وحتى لو ضل لتاني يوم بضل كانو جديد
  • Review by Maram of مطعم الدار دارك
    قبل 3 سنوات
    اكلاتهم كتير زاكيه خصوصا الكبسة والمندي اسعارهم ضمن المعقول والخدمة ممتازة
  • Review by Maram of مطعم زوار
    قبل 3 سنوات
    جربت افطار رمضان من عندهم , الاجواء والقعدة حلوة كتير والمكان مرتب بالنسبه للاكل كان كتير مميز وزاكي مش ناقصو ولا اي اشي والجاج مستوي مزبوط كان في كتير اصناف منوعه بالبوفيه خاروف محشي , مقبلات ,سلطات ,صيني , رز , سمك و منسف , بالنسبة للحلويات ما كانت كتير مميزة متل الاكل الخدمة 10/10, بنصحكم تجربوه فعلا بستحق التجربة اكتر من مرة
  • Review by Maram of انتي هناديز تشيز كيك اند كوكيز
    قبل 3 سنوات
    جرت الكوكيز من عندهم زاكيين ومميزين بستاهلو 10 نجوم
  • Review by Maram of جايا كوكون
    قبل 3 سنوات
    من افضل الاماكن الموجودة بعمان , جربت عندهم بدكير ومنكير البنات الي بيشتغلو محترفات ولطيفات لابعد الحدود فعلا الخدمة 7 نجوم من بداية الزيارة لاخرها , كنت حاجزة اكتر من خدمة وبكل خدمة اكدو انو كل الي بيشتغلو هناك محترفين .. بنصح الكل يجربهم مع انو الاسعار اعلى من الاماكن التانيه بس مقارنه مع الخدمة بيستاهلو
  • Review by Maram of شاورما الكرم
    قبل 3 سنوات
    جربت الزنجر عندهم لاول مرة كتير كان رائع ومستوي مزبوط وسعر الساندويش بس دينار يعني كتير رخيص مقارنه مع كواليتي الاكل عندهم بستحقو 10 نجوم
  • Review by Maram of د. فراس جحاوشة - مركز الأشعة التشخيصية
    قبل 3 سنوات
    عملت صورة طبقية بالمركز المعاملة فوق الممتاز ابتداء من الصبايا الي على الاستقبال ونهاية باستلام التقرير طبعا النظافة والترتيب والهدوء ملفتين .. والسرعه بالخدمة موجودة
  • Review by Maram of الدكتور عماد أبو رمح
    قبل 3 سنوات
    زرت الدكتور عماد بناء على النصائح الموجودة على جيران هو موجود ب ماي كلينيك ، الدكتور رائع بمعنى الكلمة شرحلي شو المشكلة عندي بالزبط وطبعا اعطاني النصائح الي بتخفف الالم بالاضافه للادوية على خلاف بعض الدكاترة الي ما بيهمهم انو المريض يفهم شو مالو ، كتبلي صورة طبقية وبعد ما طلعت النتيجة كانت نفس تشخيصه المبدأي وهاد دليل على احترافية الدكتور ، بنصحكم بشدة بالدكتور عماد ازا كنتو عم بتدورو على دكتور انف واذن وحنجرة في عمان
  • Review by Maram of ال سي واكاكي
    قبل 3 سنوات
    المحل كتير فيه أشياء حلوة والأسعار مقبولة مقارنه مع باقي المحلات بالمول ، طبعا فيه لكل الاعمار
  • Review by Maram of ديمتريوس
    قبل 3 سنوات
    i visited the shop yesterday , the dresses on sale was low quality the other dresses was great but over priced
  • Review by Maram of فرن سامر
    قبل 4 سنوات
    معجناتو طيبة كتير واسعارو رخيصة جدا وبجهز الطلب بسرعه
  • Review by Maram of فيل بيرغر
    قبل 4 سنوات
    جربت من عندهم برغر الجاج .. كان مستوي مزبوط وطعمو جيد
  • Review by Maram of عيادة ابن النفيس الطبية
    قبل 4 سنوات
    زرت المركز قبل فترة السكرتيرة كتير لطيفة والتعامل كان جيد كان في دكتورين هناك بس ما هرفت اي واحد منهم دكتور احمد باي حال الدكتور الشب ما كان كتير متاكد من الفحص والتشخيص وكتب اكتر من مرة فحوصات وشطبها نفسيا ما ارتحت وبس رجعت مرة تانية لقيت دكتور كبير بالعمر خبرني انو لازم جيب فورم تاني للتامين وارجعلو الاسبوع الجاي حسيت كنير بلخبطة بهالمركز ولازم كمركز طبي يكون في اهتمام اكبر بحالات المرضى
  • Review by Maram of الأكيل
    قبل 4 سنوات
    جربت المطعم مرتين . الشاورما كتير طيبة عندو واسعارو مش غاليه بيعمل شاورما جاج ولحمة
  • Review by Maram of المركز الاوروبي لطب الاسنان - مركز الدكتور مهند الكسواني
    قبل 4 سنوات
    اول شي رح بلش بداية من الصبية الي بترد عالتلفون لطيفة جدا وبتستقبل كل اسألتك وهي مبسوطة , عنوان المركز شوي بضيع لانو ما في لافته عالشارع الرئيسي , المركز كتير نضيف ومرتب , وكمان الاستقبال كان بروفيشنال , بس تأخرو عن موعدي ربع ساعه تقريبا لبلشو معي , طبعا عملت عندهم صورة بانوراما وتنضيف اسنان وبعدين اشتغلو عالاسنان الخربانة . شغلهم كتير مرتب ومريح , فعلا بنصح الكل يتعامل معهم
  • Review by Maram of مختبرات الصويفية الطبية
    قبل 4 سنوات
    عملت عندهم تحليل دم , الصبية الي بتسحب الدم ايدها خفيفه وما حسيت بالابرة التعامل هناك 100% كتير لطيفين وحتى الدكتور زياد المسؤول عن المختبر بيستقبل المرضى بشكل لطيف وبيطمن عنهم المختبر نضيف ومرتب , الفحوصات بتكون جاهزة عالموعد بنصح اي حدا محتاج مختبر يجربهم وما رح يندم خصوصا عندهم شركات تأمين معتمده
Next

أماكن أفضلها

صور أضفتها

holiday tree
amazing entrance
Adha eid at umniah