Sondos Al-allan

Sondos Al-allan

عمان . منذ يوليو 2014
58 من المراجعات
الأماكن المضافة
1
من وجدوا مراجعتي مفيدة
24
مراجعتي كانت الأولى
5
مراجعاتي
58
صوري
17
أماكن فضّلتها
1

مراجعاتي

  • Review by Sondos of تيرتيل جرين تي بار
    قبل 4 سنوات
    تيرتل غرين مكان متخصص بالشاي و هو من الأماكن القليلة من نوعها في هاد المجال هو مكان هادي رايق و ديكوره حلو و بعبر عن اسمه بس صغير مع ذلك مستغلين مساحته بشكل جيد فيه طابقين الأرضي لغير المدخنين و التاني للمدخنين فيه واي فاي مجاني بس لمدة ساعتين لاحظت انه جميع الأشخاص فيه بيعرفوا بعض زي كأنهم زبائن دائمين للمحل و هاد اشي حلو بس غريب إذا بتروحوا لأول مرة زي حالتي فيه طاولات على الطرف مناسبة للدراسة أو استعمال اللابتوب الموظفين لطيفين و فرندلي طلبت من عنده شاي بخلطة نسيت شو اسمها طبعا في تشكيلة كبيرة من خلطات الشاي حتى تناسب الجميع من شاي أخضر و شاي أسود و فيه أيس تي كمان باشكيلة واسعة و طلبت كيكة الشوكلاتة و كيكة الجزر كل اشي كان طعمه فوق الخيال و حتى تقديم الأطباق مرتب و ببيعوا بالمحل لوحات فنية و أسطوانات موسيقى. يعني المحل كله عبعضه شغل رواق بالنسبة للأسعار فهي جيدة جدا الشاي ب3 و الكيك ب2 و 2.5 مش غالي بالمرة بالنسبة للخدمة إلي بقدمها آخر اشي تيرتل غربن من الأماكن الي زح أرجعلها كل ما رحت على شارع الرينبو
  • Review by Sondos of فاير فلاي برغر
    قبل 4 سنوات
    I have tried firefly twice ,I tried kamikazi burger and angus burger which was super deliciius and mouth watering one with the smoked cheese and the sauce I recomended their angus burger it is better than the kamikazi ,this two meals are big enough and the fries were good the service is very slow I waited for half an hour before they brought the fries only after a long time they brought the burger not only for us ,for all the tables in the resturant ,this resturant is always busy and the prices are very good for the quality and quantity of the meals,the second floor of it is not comfortable you imagine that you will fall off any time
  • Review by Sondos of دارة الفنون
    قبل 5 سنوات
    دارة الفنون من اسمه فعو معني بالفنون و الفنانبن مكان كتير حلو و مختلف و هو عبارة عن أكتر من بيت و من ضمنه كنيسة بيعرضوا فيها أعمال فنية للفنانين و بيتغيروا كل فترة و فيها بتقدر تسمع موسيقى أو تحضر فيلم وثائقي قصير و فيها ورشات للرسم و مكتبة هي مكان مميز بديكوراته المختلفة بكل مكان بتلاقي قطعة فنية سواء لوحة أو تحفة و بما أنه كان لعائلة شومان فبتلاقي هناك مكتبه و فيه أماكن للجلوس و التأمل داخل البيوت و خارجها حديقته كتير حلوة و قديمة فيها شجر و نوافير و تماثيل و المكتبة هناك كتير مميز ديكورها و كلها كتب عن الفن و الفنانين و بصير بدارة الفنون بشكل دائم فعاليات و حتى كان فيها تصوير اقاء فالمكان لما رحت باختصار دارة الفنون مكان لطيف و رايق بنصح بتجربته و هو كبير كتير بدك تمشي كتير حتى تستكشفه و موقعه مطل و فيه شرفات و يمكن ما تقدر تخلصه
  • Review by Sondos of ركوة عرب
    قبل 5 سنوات
    رحت قبل فترة على ركوة عرب للفطور و طلبت 4 أطباق مع عصير لشخصين حبيت مناقيش الجبنة عندهم و سلطة سيزر بيستحقوا التجربة بالنسبة للأسعار فهي متل باقي الكافيهات متوسطة ديكور المحل حلو و المحل هادي كان لأني رحت الصبح بيوم دوام و بالنسبة للخدمة فهي جيدة بس من سيئاته أنه مسموح فيه التدخين وفي حد أدنى للطلب بنصح بتجربته
  • Review by Sondos of قاعات الفيروز للاحتفالات
    قبل 6 سنوات
    القاعة جيدة جداً و مرتبة و معاملة الموظفين فيها جيدة أسعارها مناسبة و مكانها كمان الخدمة فيها جيدة من ناحية المأكولات و المشروبات و تنظيم الحفلة جيد
  • Review by Sondos of صالةالأحمد للافراح
    قبل 6 سنوات
    القاعة مش بزيادة روتينية و مملة كل شئ فيها عادي جداً
  • Review by Sondos of قاعات الجفال للإحتفالات
    قبل 6 سنوات
    القاعة يعني مستواها من سئ ألى جيد يعني قاعة عادية جداً و أسعارها كذلك
  • Review by Sondos of صالة فندق سدين عمان
    قبل 6 سنوات
    القاعة مرتبة و نظيفة و معاملة الموظفين جيدة المأكولات و المشروبات المقدمة جيدة و تنظيم الحفلة جيد
  • Review by Sondos of العلالي للاحتفالات
    قبل 6 سنوات
    قاعة عادية جداً غير مميزة من جميع النواحي سواء الخدمة أو الطعام او تنظيم الحفلة سعرها جيد
  • Review by Sondos of قاعة فندق الهوليدي ان
    قبل 6 سنوات
    حضرت حفلة عرس فيه بالنسبة للديكور فهو عادي أو جيد مقارنة بفنادق أخرى البوفيه الي بقدموا جيد لكن مشكلته بالحلويات عددها محدود و ما كان فيه موظف يساعد في تقطيع قوالب الكيك للناس تنظيم الحفلة جيد جداً
  • Review by Sondos of أبو جبارة
    قبل 6 سنوات
    المحل مرتب وصغير طبعاً ساندويشة الفلافل عنده رهيبة و كتير زاكية يعني هو مطعم لأكلات شعبية و مناسبة للفطور و العشا و أسعارة جيدة تناسب الجميع
  • Review by Sondos of موون موود
    قبل 6 سنوات
    الكافيه مساحته صغيرة كتير و بنفس الوقت بتكون الدخنة طالعة منه زي كأنه في حريق وين ما بتلف وجهك بتلاقي أراجيل يعني غير مناسب للأشخاص غير المدخنين مثلي يعني بدون مبالغة مكان مناسب للإصابة بسرطان الرئة لأنه ضيق و مخنوق كتير
  • Review by Sondos of زوكا كافيه
    قبل 6 سنوات
    مرة رحت عليه بالعيد أنا و 5 أشخاص غيري كان المحل أزمة كتير بالنسبة للقعدة الي جوة كانت كتير بتخنق و درجة الحرارة ألف غير انه كل الطاولات الي عليها العين محجوزة أما القعدة الي برا كانت معبية ناس و بس سألنا الموظف عن مكان نقعد فيه برة أخدنا على طاولة بتخزي جنب غرفة تحضير الأراجيل و كانت وسخة كتير و ما في كراسي بتكفي راح جابلنا كراسي الموظفين الي حرام ينحكى عنها كراسي ما في إنسان بيتقبل القعدة عليها و غير ذلك حكالنا انه على كل شخص لازم يندفع دينارين بس على القعدة الي بتخزي من غير أي طلب طبعاً إحنا قمنا و طلعنا من المحل و أن شاء الله هاي أخر مرة رح أدخل عليه سئ جدأ حتى لو كان بالعيد المفروض يهتموا بالزبائن مش يقعدوهم على طاولة مش قادر أوصفها بس عشان يربحوا
  • Review by Sondos of تي جي اّي فرايدايز
    قبل 6 سنوات
    أنا رحت على المكان مرة و كنت مع 6 أشخاص غيري طلبنا برغر تينيسي كان الصحن مميز و كمان الاسعار يعني من 10 دنانير فما فوق للشخص الواحد يعني غالي بالنسبة لغيره المحل مرتب و ديكوره حلو و الخدمة جيدة الأكل طعمه زاكي و في وجبات كتيرة بتناسب مع جميع أذواق الناس كاسات البيبسي الي قدمولنا اياها كانت مش نظيفة يعني ما بيجلو الكاسات و بنظفوها هاد كان أحد سيئاته غير أسعاره المرتفعة
  • Review by Sondos of ونز للبيتزا والمعجنات اللبنانية
    قبل 6 سنوات
    البيتزا عنده كتير زاكية خاصة بيتزا الخضار و بيتزا السلامي مع الزيتون خفيفة و سخنة و من دون زيت بنصح الجميع يجربوا
  • Review by Sondos of صالة اوركيدا للافراح
    قبل 6 سنوات
    الصالة عادية جداً و الإضاءة مش كتير الكيك و المشروبات عادية جداً و مرات بكون سيء سعرها مناسب مش غالي موقعها غير مناسب
  • Review by Sondos of حدائق الحسين
    قبل 6 سنوات
    حدائق الحسين أفضل الحدائق في عمان كبيرة جداً كانت أفضل في ما سبق لأنها صارت مكان لتجمع الشباب و فتح الأغاني يعني بطلت مناسبة للعائلات المفروض يمنعوا دخول الشباب عليها غير أنها معتمة يعني الواحد بضيع فيها بالليل و الي بموت فيها ما بيندرى عنه
  • Review by Sondos of جوس بانغ بانغ
    قبل 6 سنوات
    أنا جربت عنده سموثي فراولة و مانجو كان كتير زاكي و كله ألوان طبعاً غير الببلز الي في العصير فهي بتميزه عن أي سموثي تاني بأي مكان تاني كتير لزيزة خاصة لما تنفجر بالتم ..المحل مرتب و ديكوره حلو و نظيف ..أسعاره منيحة جربت عنده وفل بنيوتيلا و فواكه بس ما كان زاكي النيوتلا عليه لحسة و الفراولة حامضة حتى العجينة تاعت الوفل ما كانت زابطة بنصح الجميع يجربوا لأانه عنده عصائر و ملك شيك و سموثيز منوعة و طبعا بتقدر تختار نكهة الببلز و أشكالهم و الموظفين عندهم معاملتهم مع الزبائن كويسة
  • Review by Sondos of المحيط للماكولات البحرية
    قبل 6 سنوات
    أنا انعزمت مع العائلة عليه و كانت الطلبية كبيرة كتير برمضان طعمه منيح بس كان ناقص بهارات يعني طعم السمك و الجمبري كان خفيف نوعاً ما أسعاره غالية و نظافتة جيدة عنده أنواع سمك و جمبري و أصناف بحرية متنوعة أفضل اشي عنده الجمبري مع الصلصة الباردة
  • Review by Sondos of بيتزا القيصر
    قبل 6 سنوات
    البيتزا عنده كتير زاكية و متنوعة أسعاره مناسبة الخدمة جيدة و سريعة
  • Review by Sondos of كاندي بوكس
    قبل 6 سنوات
    رحت مرتين على candy box و هالمرة اشتريت candy من عنده أخدت كيس و حطيت شوية سوس و بون بون و كرات شوكولاتة و طابات علكة بعدين وزنته قام الموظف طلب مني 3.25 دنانير طبعاً انصدمت مقارنة بالكمية كتير غالي المحل مرتب و نظيف و الكاندي عنده زاكي
  • Review by Sondos of كنتاكي
    قبل 6 سنوات
    كينتاكي بشكل عام متراجع مستواه عن قبل الدجاج كله زيت و البطاطا زي الجثة لازم تعيد الطلب ألف مرة عشان يفهموا آخر مرة طلبت وجبة دجاج تندر لشخص واحد راحوا أعطوني دجاج بالعظم أسعاره متوسطة و الوجبة صغيرة الموظفين بليدين و ربع ساعة حتى يجهزوا الطلبية و نظافة المحل متوسطة
  • Review by Sondos of بريد توك
    قبل 6 سنوات
    الكيك عنده كتير زاكي خاصة التشيز كيك و الليزي كيك أسعاره غالية نوعاً ما القطعة من 2.5 إلى 3 دنانير معاملة الموظفين جيدة و المكان نظيف و بسيط بس عنده 3 طاولات بنصح الجميع يجربوه
  • Review by Sondos of ستاربكس
    قبل 6 سنوات
    ستاربكس كافيه مشهور عالمياً مكان مفضل عندي الخدمة جيدة جداً لطيفين في المعاملة بحب من عنده قهوة موكا مثلجة (mocha chocolate ship) و(strawberry with cream) كتير زاكي و بارد كتييييير أسعاره من متوسطة إلى غالية المحل ديكوره حلو و هادي بس القعدة الموجودة بسيتي مول مزعجة و مرصوصة على بعض يعني بتحس حالك قاعد مع الناس الي قاعدين على الطاولة الي جنبك إياك ترد على الموظفين إذا سألوك إذا كنت بدك إضافات يعني ما في داعي إلها و غالية بنصح الي ما جربوه يجربوه
  • Review by Sondos of اكتوبر بلو
    قبل 6 سنوات
    بالنسبة للسندويشات بالبداية كانو جيدين بس قبل فترة رحت صار طعمهم مو زاكي بالمرة و الحلو كله مو زاكي عندهم (سيء) جربنا كتير أنواع بس ولا اشي زاكي ما عدا البوظة ماشي حالها و العصائر جيدة الخدمة الجيدة و الديكور حلو بس الإضاءة معتمة كتير بتخلي الواحد ينام مش يسترخي بس و بالنسبة لأسعاره كويسة
Next

أماكن أفضلها

صور أضفتها

so fresh and cold
amazing place to set in :)
strong one :D