Thikrayat

Thikrayat

عمان . منذ يوليو 2014
7 من المراجعات
مراجعاتي
7
صوري
8

مراجعاتي

  • Review by Thikrayat of مجوهرات امسيح
    قبل 5 سنوات
    .المحل جدا راقي وتعامل "بعض" الموظفين ممتاز وفيه منهم اسلوبهم مش مريح سعره مرتفع بياخد مصنعية عالية ،، محل مرتب وفيه موديلات كتيره واهم نقطة بالنسبة الي انه هاد المحل عنده سيستم ماشي عليه وبكون كل شي مكتوب عالفاتورة يعني كل الامور بتكون واضحة ،،. عقد واضح وهاد اهم اشي بالبيع والشرا.. يعي مثلا بكون موضح كم يوم مسموحلك تبدل وكم يوم مسموحلك ترجع بنفس السعر.. وشو الاشياء اللي بتترجع والاشياء اللي ما بتترجع .. بس الاشي اللي مافيه سيستم انه ازا انت بتفاصل اكتر بتحصل القطعة بسعر اقل.. يعني بتخيل محل زي هيك لازم يكون الوضع غير من هاي الناحية... لكن برجع بحكي افضل اشي بهاد المحل الترجيع والتبديل بكون ضمن شروط واضحة،. وكمان انه عنده سياسة الترجيع ضمن مدة محددة..
  • Review by Thikrayat of الطازج
    قبل 5 سنوات
    انا حطيت صورة ل قطعة جاج شوفوها واحكموا اديش مقزز
  • Review by Thikrayat of سامح مول
    قبل 5 سنوات
    بحب اذكر كل من يعترض على النصائح التي لا تأتي على هواه انه هاد الموقع هدفه النصيحة وذكر تجربتك لكي يستفيد منه الجميع وما يوقعوا بما وقع به المجرب... انا بدي احكي عن قسم الالكترونيات بسامح مول شارع المدينة هاد القسم سيء جدا بوجهة نظري انا زرت قسم الالكترونيات اللي بشارع المدينه وشريت من عندهم تابلت تعاملهم سيء جدا سواء من الموظفين لمدير المعرض...وبحكولك البضاعة مكفولة سنة طبعا ..بس بطلعولك بقصة انه هاد الخراب مش من ضمن الكفالة ولازم تدفع ... الجهاز خرب باقل من اسبوع "حكولي كبسة التشغيل مكسورة " وعندهم قسم الصيانه ميمعه.. بتترك الجهاز عشان الصيانه بتصلوا عليك بعد ١٤ يوم عالاقل... ولما رحت اجيب الجهاز اكتر من نص ساعة وهوه يدور على الشاحن والعلبة ،، مضيعين علبة التابلت وشاحنه ،،، فكان الحل من الموظف بأمر من مدير المعرض انهم اخدوا شاحن وعلبة زبون تاني "بعدم وجوده" الزبون تارك جهازة للصيانة .،، طبعا هاي كانت طريقة حلهم للمشكلة!!!!!!!!!!!! ولما حكيت للموظف بدي ابدل الجهاز لانه الجهاز سيء جدا وانك انت نصحتني فيه... بحكيلي حبة من الف معناها صار سيء! مع انه اكتر من ٢٠ جهاز من نفس النوع موجودين عندهم للصيانه... تركتلهم الجهاز وطلبت بس يلاقوا الشاحن والعبلة يرنولي عشان ارجع اخدهم طبعا مر اكتر من اسبوع ولا حدا اتصل...
  • Review by Thikrayat of طيران ناس
    قبل 5 سنوات
    سافرت مع طيران ناس حديثا ،،الاشي اللي استغربت منه انهم ببيعوا الاكل (شيبس وشوكولاته وسندويشات..) والمشروبات بالطيارة يعني زي كانه باص بصراحة انا من جهتي شفت هاد الاشي عيب يعني الواحد راكب طيارة مش باص وببيعوا الاشياء ٣-٤ اضعاف سعرها يعني علبة البيبسي ٥ ريال يعني دينار ... يعني يزيدوا سعر التذكرة ١٠-٢٠ دينار ولا يقعدوا هالمضيفين والمضيفات يبيعوا بالجو... الطيارة كراسيها كتير ضيقة يعني واحد طويل ما اتخيل يرتاح بقعدته ابدا.. كانوا يحكولي انه هاد الطيران غالبا بتاخر عن موعده بايام الضغط لكن انا ما شفت هاد الاشي بس انا لما سافرت ما كان ضغط كان العدد قليل...
  • Review by Thikrayat of مطعم ومقهى فيو
    قبل 5 سنوات
    الاشي الوحيد الحلو بهاد المحل طلته... اما اي اشي تاني لا يعني قعدته مش مرتبه ومش مريحة،، اكله مش زاكي،،، الاهتمام سيء.. الخدمه بطيئة... سعره مقارنة بخدمته يعتبر غالي ... يعني اللي بده يروح بس عشان طلته.،، غير هيك مافي..
  • Review by Thikrayat of مطعم الحلبي
    قبل 5 سنوات
    المحل كتير حلو ومرتب وطلته حلوه لانه بالطابق ١٣ بس اسعاره كتيييير غالية واكله عادي جدا ... طلبنا مشاوي كانت عادية جدا... اكتشفت لما رحت انه بقدم مشروبات... للاسف.
  • Review by Thikrayat of الجود للسياحة والسفر والحج والعمرة
    قبل 5 سنوات
    انا حجزت عمرة مع هاد المكتب بفرع الرابع وتعاملت مع ٣ اشخاص فيه وحجزي تحديدا مع واحد اسمه رائد وكل تعاملي كان معه... المكتب من ناحية الوصول اله سهل جدا وامكانية الاصطفاف سهلة.. واسعاره بالنسبة لغيره جيده. بس المكتب ميمعة وقايمة كل واحد بحكيلك معلومه غير التاني تماما. تفاصيل رحلتي وانتو احكموا: حجزت مع المكتب واخترت الفندق وطلبت منه انه يسألي عن حجز الملكية بدل طيران ناس وكم الفرقيه بتطلع وحجزت ودفعت .. حكالي اعطيني لبكرا ببين معي رنيتله تاني يوم حكالي ما بين لسه.. قبل بيوم السفر ببين معي.. قبل بيومين اتصل عليي هاد رائد بحكيلي شو رايكم تسافروا قبل بيوم من موعد سفركم على الاردنية للطيران .. حكيتله ما بنفع نغير موعد سفرنا.. حكالي خلص براحتكم ... ورجعت بعدها بأقل من ساعة رنيتله بسأله شو صار بالملكية بحكيلي لا خلص انا قدمت من زمااان وخلصت على طيران ناس!!!!! شكله نسي اللي حكالي اياه! وين الصدق! المهم حكيتله خلص مافي مشكلة... اتصلت عليه قبل بيوم واحد للسفر عشان نروح ناخد التذاكر ويلا هوة بحكيلي كنت بدي اتصل فيكم عشان اخبركم انه الفندق اللي اخترتوه فل ومافي مجال للحجز عليه!!..، طبعا هوه جاي يحجزلي قبل بيوم !!! المهم حكيتله شو الحل بحكيلي خلص بدي احطكم بفندق ٥ نجوم وافطار بساله وين هاد ويلا هوة بمنطقة تعيسه جدا.. المهم اضطرينا نحجز بفندق اغلى وندفع فرقية منيحة ! طبعا ما كان في اي حل تاني وهوه مش مستعد يتحمل اي اشي !! المهم اعطانا ورقة فيها رقم الحجز بالفندق و رقم هاتف السواق بالسعودية ومسؤول النقل بالسعودية وحكالنا اتصلوا عليهم هناك.. وسالته هاي الغرفه مطلة عالحرم حكالي انتوا وحظكم ممكن يعطوكم اياها مطله .. وبس وصلنا الفندق سالت الريسبشن ويلا هوه بحكيلي غرفكم غير مطله بحكيله ما بنفع تكون مطله حكالي المطله اغلى وانتو حجزكم من الاردن انها غير مطله راجعوا المكتب وتاكدوا منه!!!!! بس وصلنا ما كان فيه اي مندوب يستقبلك ولا بتعرف مين معك .. رنينا عالسواق وكان بانتظارنا ،، وسالنا كم واحد معكم،، وضل يستنى اكتر من ساعه عشان يشوف اذا فيه حدا معه!! وولما جينا نرجع جده اتصلنا عمسؤول النقل بحكيلنا مافي الكم حجز معي اتصلوا عالاردن وشوفوا اش بحكولكم!! من واحد لواحد بالاخير اعطونا رقم سواق واجى وصلنا.. يعني بصراحة رحلة غير منظمة ابدا والصدق للاسف مش موجود المهم تحجز والسلام نقلتكم بالتفصيل عشان تستفيدوا من تجربتي مع هالمكتب.. وما توقعوا باللي وقعت فيه،، والله المستعان...
  • Review by Thikrayat of عيادة بيست فرند البيطرية
    قبل 5 سنوات
    مرحبا رايي بناءا على زيارتي لهاي العيادة كالتالي : العيادة مرتبة سهولة الاصطفاف متوسطة انتبهت انه عنده منتوجات ببيعها في العياده الاهتمام بالزبائن والمصداقية تعيسة جدا للاسف بحكيلك الدكتور اتركك رقمك عشان نرن عليك ونتابع معك عشان الفحص الجاي طبعا ولا برن ولا اشي ولا بسأل وازا سالت الدكتور عن اشي مش موجود عنده بالعياده بحكيلك اشي مش مهم ومش وارد يصير ومافي داعي مع اني سالته عن فحص جدا مهم بس لما اصريت انه بدي اياه عشان الاطمئنان حكالي خلص بس بدي اشوفلك الموضوع لانه الفحص مش عندي وطبعا نسي الموضوع تماما.. وطلبت مطعومين للقط .. حكالي رح اعطيه هلأ الاهم والتاني بعدين لازم يكون بينهم وقت اسبوع لاسبوعين ولما رجت وحكيت معه "اتصلت عليه" عاساس اخد موعد عشان المطعوم التاني رد عليي هوه حكالي مش موجود هاد المطعوم من فترة ""وين المصداقية" ولما سالته متى قال مش عارف بلكي هالايام ""وين المصداقيه" الاسعار مرتفعه ولما تيجي تحاسب السكرتيره كانها فلبينيه بتطلب منك المبلغ بدون اي تفاصيل يعني ادفع بدون ما تعرف.. ما بعطيك وقتك طبعا واحنا لسه واقفين بغرفة الفحص بدخل الحيوان اللي بعده وبطلع حيوانك وانت لسه بتسأل فيه!!!
  • Review by Thikrayat of 7 ورقات
    قبل 6 سنوات
    قعدته مش حلوه ابدا جاي بين بيوت يعني عيب القعده فيه،، ومكانه مش مناسب ابدا.. والطاولات كلها جنب بعض بتحس حالك قاعد مع كل الموجودين .. وكله ارجيله ودخان ودوشة شباب وشده،، المكان غير مريح .. ومرتين لهلأ صار مشاكل شباب واجت الشرطة،، يعني مكان سيء جدا،،
  • Review by Thikrayat of بطاطا
    قبل 6 سنوات
    البطاطا كتير زاكيه،، وبس المحل محتاج لتجديد
  • Review by Thikrayat of ميس الريم
    قبل 6 سنوات
    سعر الشخص ١٨ دينار. سعر بوفيه طبيعي لكن بالنسبه اله ولخدمته غالي جدا وما بستاهل ابدا.،، وانا بالنسبة الي مستحيل ارجعله مره تانيه ..
  • Review by Thikrayat of ميس الريم
    قبل 6 سنوات
    افطرت فيه امبارح.. كان جدا مزري.. الاكل مش زاكي والاصناف الرئيسية قليله ..والعصير مي وسكر.. والقعده كانت دوشه كلها اطفال وضجة.، والخدمه كانت تعيسة.. سعر الشخص ١٨ دينار لكن ما بستاهل ابدا.. البوفيه غير منظم .. مستحيل ارجع عنده ..
Next

صور أضفتها

انتو شوفوا هالصورة واحكموا..  انا بعد هاد الاشي المقرف مستحيييل اكل من عنده..