Rasha Qaddoumi

Rasha Qaddoumi

عمان . منذ مايو 2014
32 من المراجعات
من وجدوا مراجعتي مفيدة
8
مراجعاتي
32
صوري
2

مراجعاتي

  • Review by Rasha of ديفان للحلويات
    قبل 5 سنوات
    اكتر من رائع ...الحلو و الكيك و المعجنات و الموالج طعمها مشهي...كيكة الفراوله عندهم رهيبه...اسعارهم متوسطه زي غيرهم ..بس بالنسبه للطعم و الجوده فأسعارهم رخيصه..الله يوفقهم أنا ما جربت الأكل عندهم لسى..
  • Review by Rasha of المدارس النموذجية العربية
    قبل 5 سنوات
    مدرسه رائعه و خصوصا قسم الروضه...بشكر مديرة القسم نانسي ابو زينه و المعلمات عندهم رائعين. .. و في ست لبنى بالإداره انسانه في قمة المهنيه و الزوق...حافظه كل ولاد المدرسه و أهليهم...القسط مناسب بالنسبه لباقي المدارس..بس الزي المدرسي غالي و 100 قطعه ...بس المدرسه أكاديميا ممتازه ...و بنصح فيها للجميع.
  • Review by Rasha of أناقتي
    قبل 5 سنوات
    طلبت شنطه و عطرين ....الشنطه عباره عن بلاستيك و نوعيه سيئه جدا...والعطور انا عندي منهم أصلي و اول مره بطلب من موقع انترنت...والله ريحتهم بتخنق نفس ريحة عطور التركيب...حتى لون العطر المفروض يكون شفاف...لما وصلني اجى لونو غامق جدا عسلي غامق...ما بكرر تجربتي معهم مره تانيه..
  • Review by Rasha of نادي الجواد العربي
    قبل 5 سنوات
    رحت علي مرتين عشان بناتي بدهم يركبو خيل...حسيتو كتير غالي..ايش الربع ساعه ب 8 دنانير...بنتي ركبت على خيل خلوها تقريبا 20 دقيقه و بنتي التانيه يا دوب 10 دقايق...و الكافتيريا الي عندهم كتير سيئه و خدمتهم بطيئه.. كنت بدي ادرب بناتي هناك بس بعد الي شفتو بطلت
  • Review by Rasha of شاي ونعنع
    قبل 5 سنوات
    الفطور عندهم زاكي بس كتير بطيئين بالخدمه و الأرجيله سيئه عندهم..
  • Review by Rasha of كيك ديفان
    قبل 5 سنوات
    محل مميز و الحلويات و الكيك عندو بشهي. تعامل الموظفين كتير حلو ...الله يوفقهم..و بعتقد انو رح يصير رقم واحد بالحلويات والكيك بعمان بلا منازع...كيكة الفراوله عندهم خياليه...و الاسعار منطقيه جدا..
  • Review by Rasha of كان زمان
    قبل 5 سنوات
    المحل حلو ديكورو بس الأكل أقل من عادي و الخدمه جدا سيئه...و كتيييير غالي عل فاضي..ما بكرر تجربتي فيو.
  • Review by Rasha of الدكتور مجد زعبلاوي
    قبل 6 سنوات
    كل مره بروح من عندها بكون بدي أقيمها بس بقول خليني أخلص عندها للولاده و بعدين بقيمها..بس صراحه أنا هلأ بالسابع و حسيت انو لازم أكتب تجربتي..الدكتوره رائعه و فهمانه من أول يوم رحتلها شرحتلي كل شي ..أعطتني درس أحياء :) و طويلة بال كتير و بتجاوب دايما علی اتصالاتي و أسألتي سواء علی موبايلها أوا الواتس أب..تجربتي لهلأ ممتازه معها و يا رب تكمل هل تجربه علی خير ...و بتمنی للدكتوره مجد كل التوفيق يا رب.
  • Review by Rasha of فريسكو بالدي
    قبل 6 سنوات
    جربت المحل بقالب كيك..و قطعتين كيك وحده chocolate و التانيه strawberry mousse cake..كتييييير كانو زاكين..المره الجاي بدي أجرب أشياء أكتر ان شاء الله...بنصح الكل يجربوه..
  • Review by Rasha of الدكتور سيف الصمادي - ذا ليزر كلينيك
    قبل 6 سنوات
    الدكتور سيف إنسان رائع و طبيب متمكن...أخدت إمي علي بعد ما قالها دكتور تاني انو بدها عمليه ..بس الدكتور سيف أكدلها انها ما بتحتاج عمليه و بس لازم تغير درجة عدسة النظاره...بعطي المريض حقه و بحسسو انو بعرفو من زمان..الله يسعدو و يوفقو..فعلا انو دكتو و انسان رائع و لو في أكتر من 5 نجوم كنت حاطيتلو..
  • Review by Rasha of روابي الزعتر
    قبل 6 سنوات
    الأكل كتير زاكي و الأسعار معقوله..بنصح الجميع يجربو.
  • Review by Rasha of الدكتورة روز عبيدات
    قبل 6 سنوات
    رحت عندها أفحص 4d و كانت جفصه و محملتني جميله انها بدها تفحصني ...روحت و ما خليتها تفحصني...إسلوبها سيء جدا و كتير غاليه 75 دينار و غيرها باخد 50 ..
  • Review by Rasha of مشروحة بايز
    قبل 6 سنوات
    لما شفت ال reviews علی جيران قلت أكيد هاد أحسن معجنات بالبلد..حكيت معهم و طلبت فطور و رحت أنا أخدتو...لما وصلت البيت لقيت الطلب ناقص و كتير أشياء بدلوها علی مزاجهم...المحمره كانت عباره عن ملح.مالحه بطريقه مش عاديه....العجينه كتير كتير خميله ..المكونات كميتها منيحه...بس المعجنات اللبنانيه لازم العجينه تكون رفيعه..ما ظنيت أرجع أطلب من عندهم لأني ما حسيتو مميز نهائيا..
  • Review by Rasha of عيادة طفلي
    قبل 6 سنوات
    أنا إعتمدت هاي العياده . أنا بروح علی عيادة الدكتور د. مدحت أبو شعبان بس الدكتور د. معاذ الحاج توفيق هو الي متابع بناتي. العياده رائعه و حلوه و كتير مرتبه. الدكتور معاذ الحاج توفيق عارف شغلو و متابع حالتهم و لما أراجع عندو السكرتيرات أول ما أفوت كتير برحبو في و متزكريني و الدكتور متزكر و متابع.. بدخل دائما علی موعدي..و أيام بحكي مع الدكتور أسألو عن شي بجاوبني و بكون متزكر... صراحه العياده و الدكتور معاذ الحاج توفيق و السكرتيرات قمه في الأخلاق و التواضع.. أنا ماقابلت الدكتور مدحت أبو شعبان لأنو فتح عياده بدبي. أنا بناتي عندهم حساسيه و سعله ما في أي دكتور أطفال عرفلهم الا الدكتور معاذ.. حتی بناتي صارو يحبو يروحو عند الدكتور لأنو لطيف و بعطيهم هديه و مصاصه. جد شكرا لهيك عياده و هيك دكتور
  • Review by Rasha of كانتالوب
    قبل 6 سنوات
    مكان جميل و رائع ..مطعم مميز بقعدته و بالإطاله ..و الأكل عندو كتيير مميز و زاكي..أسعارو غاليه بس بستاهل :) ..
  • Review by Rasha of طربوش لاونج
    قبل 6 سنوات
    حلو المكان كتير و بطل علی عمان و المنظر من المطعم كتير حلو بس كتييييير غالي..
  • Review by Rasha of الدكتور وائل سنقرط
    قبل 6 سنوات
    الدكتور كتير عندو عجقه ما شاء الله..و عندو خبره..بس بتحسو بشلفق المرضی شلفقه..يعني بتفوت علی العياده بتلاقيها مليانه أطفال نفس المرض أغلبهم..فالتشخيص عندو بكون علی هاد الأساس..أنا بطلت آخد بناتي عندو لأنو عجقه و ما في مواضيع و ما بتابع الحاله و لا بهتم بالمريض..
  • Review by Rasha of كنتاكي
    قبل 6 سنوات
    كتير بحب الدجاج عندو. بس المشكله لما تطلب عندهم لازم تتأكد من الطلب لما يعطوك إيا...يا بكون اشي ناقص او مغيرين بطلبك..بس الدجاج عندو كتير زاكي
  • Review by Rasha of بيتزا ريميني
    قبل 6 سنوات
    هذا المحل من أكتر من عشر سنين وهو نفس الشي..نفس الطعم الرائع و نفس القعده الحلوه..من أكتر مطاعم البيتزا المفضله عندي...بتحسها الييتزا الأصليه..يعني عجينه رفيعه و صلصه بيتيه..أنا كتير بحبها و بنصح الجميع يجربوها ...الأسعار مناسبه
  • Review by Rasha of مطعم القدس الاصلي
    قبل 6 سنوات
    اليوم زرت هاد المطعم و أكلت في منسف مع 2 من صاحباتي...الأكل كتييير زاكي و الكميه مناسبه جدا ...الجراسين جدا لطيفين و سريعين و كتير متعاونين..طلبنا منسف و رقاب محشيه بس الرقاب كانت خالصه فطبنا 2 منسف و موزات مع بطاطا..جابو المنسف و كان ساخن و جابو بسرعه ...الموزات كانت بارده شوي و لما قلنا للجرسون علی طول شالو..المنسف كفی و زياده و الحساب طلع مع مي و 2 كولا 12..ما في ضريبه و خدمة زبائن زياده..أكيد بكرر تجربتي..
  • Review by Rasha of مركز الانوار القرآني
    قبل 6 سنوات
    أنا سجلت بناتي عندهم ب kg1 صراحه كنت كتير متردده اني اسجلهم لأني مش محجبه و كنت خايفه انهم يكونو كتير متشددين و ما يرحبو في...أنا نصحتني صاحبتي بالروضه و قالتلي انو المديره انسانه رائعه ..حكيت مع المديره وفعلا هي انسانه كتير خلوقه و رحبت في لما رحت عل المركز و ما حسيت بأي معامله غريبه ..و الحمدلله بناتي كتير مبسوطين بالروضه ..و كل يوم بوصل بناتي لازم المديره تيجي تسلم علي...و المدرسه الي بتدرسهم لطيفه كتير...جد الله يوفقهم ..هاد المركز بعطي صوره كتير حلوه للإسلام..الله يوفقهم
  • Review by Rasha of ذا بلو زون
    قبل 6 سنوات
    أنا حطيت نجمه لأنو ما في أقل من هيك ...بس همه الصراحه ما بستاهلوها...أسوء شركة انترنت بالعالم...أنا ما بعرف كيف هاي الشركه فاتحه لهلأ ..الإنترنت مأساه...و بطيء جدا...علی مستوی الفيس بوك و الواتس آب...المشكله انو عقدي معهم سنه..و كل يوم بحكي مع خدمة الزبائن و طبعا علی الفاضي..حكيت مع هيئة تنظيم الإتصالات بس ما حلولي المشكله...يا جماعه لو سمحتو الو عندو حل يحكيلي...كيف ممكن أخلص من هل الشركه الواقعه...
  • Review by Rasha of الدكتورة رانيا أبو عيد
    قبل 6 سنوات
    الدكتوره رانيا أبو عيد دكتوره رائعه و كتير شاطره...أنا رحت عندها بالصدفه من غير معرفه ولا نصيحه ..كنت حامل بتوأم و كنت أراجع عندها طول فترة الحمل..طويلة بال و بترد علی أي سؤال ..لما كنت أحكي علی العياده عشان أي استفسار كانت دائما تجاوب حتی لو مشغوله..أغلب الناس قالولي اني لازم أولد طبيعي و كتير كانو مخوفيني من الولاده الطبيعيه إلا هي..كانت تقولي وضعك ممتاز و ان شاء الله ما رح تولدي الا طبيعي...و فعلا ولدت طبيعي و كانت الدنيا رمضان و الولاده كانت وقت الفطور و كان عندها عزومه و اجت ولدتني وقت الآذان و ما استعجلت نهائيا...و الحمدلله ما صار معي بعدها أي مضاعفات و بناتي صحتهم كتير منيحه الحمدلله....بس المشكله انو شركة التأمين الجديده ما فيها الدكتوره رانيا :( ...و حتی السكرتيره جدا لطيفه.
  • Review by Rasha of مطعم البيت اللبناني
    قبل 6 سنوات
    المطعم سيء جدا جدا....حرام هاد التراجع ...انا كنت أحب المطعم هاد كتير ايام زمان..و ما صحلي ازوره بعد ما جددو...اليوم رحت علی الساعه 7..حكيت معهم قلتلهم لازم أحجز قالولي طبعا لأنو المطعم فل ..بس خلص تعالي و إحنا بندبرلك طاوله...لما وصلت المطعم كان شبه فاضي..قعدنا بالطابق التحت و كان في 3 طاولات عليهم ناس بس..المهم طلبنا و جابو المقبلات...الحمص عادي جدااا... المتبل ريحتو محمضه و ما قدرنا ناكلو لأنو أكيد خربان...الكبه لا تصلح للأكل زفره و كلها عجين....البرك طيبه...البطاطا دبلانه و مبين انها مسخنه تسخين مش فريش....السوسج عباره عن صلصة بندوره...التبوله زاكيه...و جبنة الحلوم كتير مالحه..قلنا خلص الله يعوض علينا بالمقبلات هلأ بتيجي المشاوي و بنعوض..المشاوي كانت ناااااشفه ناشفه كتير و مدهنه و ريحتها زفر ...والله ما أكلن ربعها....و المشكله انو كنا صايمسن....حكينالهم انو الأكل مش زاكي و طبعا ما فرقت معهم ..طلبنا قهوه و أرجيله و إستنينا نص ساعه و ما حد جابها ...المهم لغينا الطلب و طلبنا الفاتوره و اذ هي 110 دينار...نفسي أفهم لي !!!! صراحه ما رح أرجع هناك مره تانيه ...مش مستاهل المشوار...
  • Review by Rasha of ليفانت
    قبل 6 سنوات
    اﻷكل عندو رائع و طعم جديد..القعده كتير حلوه خصوصا بره..المطعم غالي بس بستاهل ..
Next

صور أضفتها

اللزقه الي مكتوب عليها اسم العطر flora by gucci لازم تكون مطبوعه طباعه مش لزقه بتنحط و تنشال...غش و نصب رسمي