Firas Hasan

Firas Hasan

عمان . منذ أبريل 2014
76 من المراجعات
الأماكن المضافة
20
من وجدوا مراجعتي مفيدة
8
مراجعاتي
76
صوري
3
أماكن فضّلتها
14

مراجعاتي

  • Review by Firas of مطعم دبس و ريحان
    قبل 8 أشهر
    منيو منوع و جودة عالية الاسعار معتدلة مقارنة بنفس الفئة الموظفين محترمين و متعاونين يوجد مشكلة بالمواقف
  • Review by Firas of فندق سولاف
    قبل 8 أشهر
    غرف مميزة و قاعات اجتماعات و اسعة
  • Review by Firas of مطعم نوارة السابع
    قبل سنة واحدة
    المطعم اكثر من رائع عنده تشكيلة كبيرة من المعجنات و الصواني و بيستخدم اجود انواع المواد. الاسعار منطقية جدا مقارة بكلفة التصنيع و حتى الشباب اكثر من رائعين بالنسبة للتعامل و النظافة
  • Review by Firas of كريم هايبر ماركت
    قبل سنة واحدة
    بدأ بقوة بالسوق و لكن مؤخرا الاسعار و جودة البضائع و خصوصا الخضار و الفواكه اختلفت للاسوأ
  • Review by Firas of مطعم عالية المركزي
    قبل سنة واحدة
    رحت عليه مع العائلة قبل اسبوع . - ما في مواقف ، و حاطين موظف عشان يمنع الناس تصف مش عشان يسهل الاصطفاف. - الطلب وصل بعد اكثر من 45 دقيقة مع انه ما بده شغل ( شاورما ) و وصلت باردة، دليل انه الطلب جاهز من فترة بس مو جاي على بالهم يجيبوه. - طلبنا تغيير الطاولة و تم الرفض بحجة انو الطلب على رقم الطاولة و بعد جهد جهيد اقتنعوا انوا بكل بساطة بيقدروا يغيروا رقم الطاولة عالطلب. - السعر مبااااالغ فيه جدا ( 17 دينار ) على وجبتين شاورما دبل ووجبة سكالوب . - لما راجعت الفاتورة لقيتهم حاطين كل شي بالوجبة ( بطاطا ، مايونيز ، سلطة ملفوف... ) لحاله و حاسبينه باسعار خيالية و كل شي عليه ضريبة منفصلة . - على مستوى المي عالطاولة حاسبينها بسعر خيالي. بالنهاية : لا انصح فيه نهاائيا . روح كل وجبة باي مكان تاني باقل من نص السعر بس الفرق انو اللي بجيبلك اياها عالطاولة مش لابس بدلة . و عالاقل بتوصل بسرعة و بتكون سخنة.
  • Review by Firas of علي بابا للدجاج المقلي و البروستد
    قبل سنتين
    السناكات رائعة و الاكل البيتي ممتاز الجلسة ممتازة بس بحاجة لعناية اكتر من ناحية النظافة الاسعار ممتازة و يوجد مواقف سيارات
  • Review by Firas of زاد الياسمين
    قبل 3 سنوات
    الجودة ممتازة النظافة جيدة السعر فوق المتوسط يوجد مشاكل بمصفات السيارات
  • Review by Firas of عبق الياسمين
    قبل 3 سنوات
    انضف و ازكى مكان ممكن تاكل فيه شاورما الاسعار منطقية جدا و الكمية اكتر من ممتازة في مواقف للسيارات بس لازم يحاولوا يوسعوا المطعم ليتناسب مع عدد الزبائن الكبير و لتفادي التاخير في الطلبات .
  • Review by Firas of الضيعة
    قبل 3 سنوات
    رحت عليه مع العائلة قبل امبارح و ندمت -الطاولات غير نظيفة و بقايا الاكل عليها .. طلبنا من الموظفين يشيلوا بقايا الطلب السابق عن الطاولة اكتر من مرة و لمدة ربع ساعة ما حد رد علينا فاضطريت اشيلهم بايدي - السعر غاااالي جدا و الكمية قليلة , يعني تقريبا بتاخد نص كمية وجبة الشاورما الاعتيادية بضعف سعرها .. اخدت وجبتين لشخصين طلعوا علي 10 دنانير - كان في اولاد زعران من برا المطعم ( مش زباين ) بيركضوا بين الطاولات و بيتحركشوا بالزباين و بسبوا مسبات ما بصير عائلات تسمعها و مع هيك ما اتحرك اي موظف ليمنعهم او يطردهم . سيء جدا جدا لا انصح فيه ابدا . افضل الك تاكل من محل صغير بالشارع عالاقل بتشبع و بتوفر فلوس و بتحافظ على كرامتك .
  • Review by Firas of مطعم ديوان السلطان ابراهيم
    قبل 4 سنوات
    مطعم رائع و نضيف و الموظفين محترمين و المنيو متنوع
  • Review by Firas of الشركة التأمين الوطنية
    قبل 4 سنوات
    يعني شو المطلوب يا شركة يا عريقة يا كبيرة عشان يتنازلوا موظفينك و يردوا عالتلفون او يمشولنا بالاجراءات اللي محتاجينها ؟؟ لما انا طالب من موظف من عندكم اسمه رائد يبعتلي ايميل عرض اسعار تامين طبي من زمان و كل ما ارن عليه بحكي معي من روس مناخيره ( اني زهقته ) و بحكيلي ثواني و بكون الايميل عندك و هاد وجه الضيف . هاد و انا بدي اعطيكم مصاري و اسكرله تارجت للمحترم بتعامل معي هيك ... اذا شو رح يعملوا لما يكون في مطالبات و انا بدي منهم مصاري ؟؟
  • Review by Firas of كاتلمان جو
    قبل 4 سنوات
    المطعم مش من السهل الوصول له و ما في مصفات للسيارات ابدا و الشوك و السكاكين مطبعة والموظفين لابسين زي الغرب الامريكي بس بتعاملوا معك زي الزعران و الموسيقى عالية جدا
  • Review by Firas of جي بي آر كافيه
    قبل 4 سنوات
    الكافيه انتقل من الاستقلال مول و صار بعريفة مول ط 4 اطلالة ممتازة و النظافة جيدة و الموظفين محترمين طبعا زادوا على المنيو اطباق و صار مطعم و كافيه مش بس كافيه
  • Review by Firas of المنقل
    قبل 4 سنوات
    اولا بدي انوه انه مطعم المنقل يشكل عام مش لشركة واحدة , هادي العلامة التجارية ممكن اي حد يشتريها و يفتح فرع و بالتالي ممكن تلاقي جودة و اصناف و منيو بفرع و ما تلاقيها بفرع تاني بالنسبة لهاد الفرع انا جربته عالعيد و ما كان جيد ابدا لا من ناحية النظافة و لا جودة الاكل ولا حتى المساحة ( صالة العائلات بالطابق التاني تقريبا 5 * 4 و فيها 9 طاولات ) الاكل مش بالطعم المعروف عند المنقل و السلطة ناشفة و صفراء و معظم الاكل المذكور بالمنيو غير موجود بالنسبة للاسعار غااالية جدا و مبالغ فيها و لا تناسب المستوى السيئ للاكل و الخدمة لا انصح بهاد الفرع و انصح فقط بفروع الجاردنز و جبل الحسين
  • Review by Firas of كارفور
    قبل 4 سنوات
    مكان ممتاز للتسوق مرتب و نضيف و المصفات متاحة بس المشكلة بشكل عام باغلب فروعه انو ما في موظفين كاشير كفاية يعني مستحيل تلاقي كل الكاشات عليها كاشير و ثانيا انو بحطوا عالرفوف سعر و لما تحاسب بتلاقي عالفاتورة سعر تاني
  • Review by Firas of فندق موفينبيك
    قبل 4 سنوات
    لازم تصنيف الفندق نص نجمة بس بسبب : - check in بدو وقت اكتر من اللازم - التكييف بالغرف يااا دوب شغال - دخلنا عالغرفة لقينا التلاجة فاضية ولا حتى فيها مي وضلينا نحكي مع الريسيبشن من السبعة و نص الصبح للتنتين العصر و هددناهم بالشكوى بالاخير اجانا موظف معه علبتين ببسي و بحكيلنا اكييد التلاجة كانت فاضية ؟؟ حكيتله لا بس حبيت انصب عليكم بربع ليرة هههه - احنا 2 بالغرفة حاطينلنا بشكير واحد . - المناشف وسخة و مبقعة بشكل واضح . لا انصح به نهائيا .
  • Review by Firas of مواكب للسياحة و السفر
    قبل 4 سنوات
    اسوأ شركة سياحة بالاردن الموظفين زي موظفين التأمين بس ياخد فلوسك بصير يعاملك باسوأ الطرق حكيت معاهم و انا بالعقبة عشان اغير موعد حجز الطيارة لظرف طاريء ما بردوا عالارضي ابدا ودبرت موبايل موظف وحكيت معه . الموظف بحكي معي جد بطريقة مستفزة جدا و يا دوب صوته طالع و بعدين حكالي 5 دقايق و بنرجع بنحكي معك ما رجع و انا رجعت حكيت معه اكتر من مرة بطل يرد ودبرت موبايل موظف تاني ونفس الموقف عمل معي و ما قدرت اغير موعد الحجز . والمشكلة التانية انو لما وصلنا المطار طلعت الطيارة متاخرة ساعتين و نص و موظفين المطار مبلغين كل مكاتب السياحة بالتأخيرو المكاتب مبلغة المسافرين الا مواكب مش مبلغنا بالنهاية اذا بدك تطلع رحلة تنبسط اهم شي تبعد عن هيك شركات فراااطة عشان ما تقلب رحلتك هم و نكد
  • Review by Firas of مركز الحل النهائي
    قبل 5 سنوات
    باختصار مزايا هاد المركز انو اللي فيه مختصين و عندهم خبرة علمية و عملية بالتعامل مع سيارات الهايبرد و بتقنيات حديثة يعني باختصار اسم على مسمى لما تيأس من ايجاد حل لمشكلتك بمحلات اخرى بتلاقيه عندهم المساويء سعرهم اغلى من غيرهم و التعامل السيء والمزاجي والغير مريح مع الزبائن
  • Review by Firas of مطعم عربي تركي
    قبل 5 سنوات
    كنت بحب هاد المكان كتير زمان بسبب نوعية الاكل الممتازة و الاسعار المنطقية و كنت اعتمده لما يكون عندي عزومة لانه ببيض الوجه لكن من فترة انحدر للحضييييض ما عندهم مشكلة يقدموا دجاج بايت ( شبه فاسد ) و ريحته طالعة والسلطات بايتة و ناشفة و اخر مره اخدت منه جاج شواية لقيتها مشوية و عليها ريش وريحتها طالعة بستغرب بعد ما بنى سمعة ممتازة بالمنطقة كيف بهدمها بهالشكل !! يا ريت يرجعوا زي اول و الا انا ما بنصح فيه نهاااائيا
  • Review by Firas of بوبايز
    قبل 5 سنوات
    هاد المطعم بشكل عام افضل من غيره بنفس الفئة من ناحية الاكل والعروض بالنسبة لفرع المدينة المنورة تجربتي كانت جيدة بالنسبة للنوعية و الاسعار و بالنسبة للمواقف متوفرة و مريحة عنده شوية مشاكل منها: - تعامل الموظفين لازم يكون افضل من هيك - صالة الالعاب اللي بالفرع بتعطيك احساس انك بمدرسة وقت الفرصة مش بمطعم محترم - هناك بعض الملاحظات الصغيرة عن النظافة لكن يمكن التغاضي عنها بسبب وجود الاطفال ووجود عامل نطافة واحد فقط
  • Review by Firas of العبقرية للاجهزة الخلوية
    قبل 5 سنوات
    كانو اول من افضل المحلات لبيع و صيانة الاجهزة الخلوية بس الان انا ما بنصح اي حد يشتري او يصلح من عندهم اجهزتهم ( و خصوصي المستعملة ) غير موثوقة ابدا من ناحية انها مفتوحة او مصلحة و الجديدة اغلى من السوق بفارق واضح على مستوى الصيانة انا وديت جهاز عندهم يصلحوه رجعولي اياه مشطوب عالاخر و النقاش معهم باختصار ببلش بكلمة (حقك علينا ) و بينتهي بعبارة (شووو نعملك يعني هذا اللي صار) بعني باختصار بينتهي بمشكلة انت بغنى عنها
  • Review by Firas of الأردنية الفرنسية للتأمين
    قبل 5 سنوات
    نصيحة اذا كنت مامن عند هاي الشركة و عملت حادث لا سمح الله .. روح صلح سيارتك على حسابك لانو اذا راجعتهم رح تعمل مليون مشكلة مع الموظفين والمدير وينعل قلبك وتطلع روحك .. وبالنهاية رح تصلحها على حسابك .. وعشان الحلال والحرام ممكن يتشاركو معك بالتصليح بمبلغ رمزي بتاخده بعد اكمن شهر
  • Review by Firas of بيتزا لدُمنا
    قبل 5 سنوات
    الاكل طيب والاصناف متنوعة المحل نضيف فيه مشكلة بالمصفات و تعامل الموظفين ممكن يكون احسن
  • Review by Firas of مؤسسة ضراغمة التجارية
    قبل 5 سنوات
    هاد الفرع عبارة عن طابقين الطابق الاول ستاتي و مستلزمات دراسية و مواد تجميل و الطابق التاني رجالي و شوي في للاطفال واسع جدا ، عنده تنوع كبير بالبضاعة ، الموظفين خدومين و محترمين ، المكان بشكل عام نضيف و في مصفات للسيارات بس في ملاحظة وحدة انو ما بتلاقي بهذا الفرع بضاعة بنضافة فروع تانية بعمان الغربية مثلا ... ممكن بسبب طبيعة المنطقة و الاسعار .
  • Review by Firas of الهنيني سناك
    قبل 5 سنوات
    خبراء الشاورما انا دايما بنسى الازمة و الدور و بضل سرحان بالسرعة الفائقة اللي بعملوا فيها الوجبات ، بتحس انو الموظف الو 4 ايدين بس مشكلته انو ما في مصفات و جاي بمنطقة مزدحمة جدا بنزال ( مثلث الاخضر ) و دائما عنده ازمة بس بضل من اكثر المطاعم اللي بنصح فيها بنزال
Next

أماكن أفضلها

صور أضفتها