Shimaa Jafar

Shimaa Jafar

عمان . منذ ديسمبر 2013
27 من المراجعات
الأماكن المضافة
1
مراجعتي كانت الأولى
2
مراجعاتي
27
أماكن فضّلتها
1

مراجعاتي

  • Review by Shimaa of فاير فلاي برغر
    قبل 4 سنوات
    البرجر زاكي زاكي زاكي خصوصا وجبة المشروم رهيبة و وجبة فاير فلاي و حسنوا خدمة التوصيل صارت برده رهيبة البطاطا كتيير زاكية السعر ممتاز خصوصا انه حجم السندويشة منيح و مليانة و التعامل بجنن . مرة وصينا ع 4 وجبات جابولنا 3 و حكينا معهم و اعتزروا و بعدها باقل من نص ساعة ردوا جابولنا 4 وجبات مجانا عشان ما يزعلونا ! في احسن من هيك با رب يضلوا هيك و ما يتغيروا لانه عنجد اكله زاكي و نضيف
  • Review by Shimaa of مطعم زهر اللوز
    قبل 4 سنوات
    رحنا بالعيد الكبير عليه ما كان في قعدات بالصالة .. كانت القعدات بس برة . القعدة البرة بتجنن حلوة و رايقة و الجراسين لطيفين نوعا ما الاكل عادي صراحة الكمية بالصحن قليلة , و ما كان سخن كتير و القهوة فاترة مع انه عدد الناس مقارنة مع الجراسين منيح . بس المقبلات زي الحمص و المتبل و اليلانجي و التبولة زاكيين المطعم من جوة ضخم و مرتب بس يا ريت يشتغلو عالاكل اكتر عشان يصير 100%
  • Review by Shimaa of مطعم قصر يلدز
    قبل 4 سنوات
    يا الله ما احلى قعدته ال برة بهالجو هاد مع النوافير .. . اما قعدته جوة ما شفتها بس شكلها برده مرتبه الموظفين كتير مؤدبين و لطيفين بزيادة هههههههه اكلهم زاكي و مرتب
  • Review by Shimaa of مطعم و كافيه دهب
    قبل 4 سنوات
    كتيير بجنن المكان .. القعدة برة بتجنن احلى من جوة لانه جوة شوي مدحوشة الاكل عنجد زاكي زاكي زاكي و الموظفين لطيفين ان شاء الله يا رب يضلوا هيك حبيته عنجد <3
  • Review by Shimaa of تكساس تشكن
    قبل 4 سنوات
    سيئ للتوصيل ! زاكي و تعاملهم منيح للموظفين و الجاج مستوي بس ما تفكروا تتطلبوا ديلفري لانه فاشل يعني بيتنا ما ببعد عنهم 5 دقائق وصلنا الاكل بعد ساعة و نص و علب البطاطا مكبوبة فوق بعض و اقعدوا طولوها من الاكياس انا جد مش فاهمة مطعم زاكي و المفروض حابب ينجح ليه بخربها مع التوصيل !! وصلوا زي العالم و الناس مانتو ماخدين حقكم و زيادة ! و لا بيجو بحكيلكم المطعم احنا ما النا دخل لانه الحق عالتوصيل ! لا يا عمي لما تكونوا مطعم شاريين زباينكم و محترمينهم اتعاملوا مع شركة توصيل محترمة افرضوا عليها شروطكم و في 100 شركة توصيل او الغوا التوصيل . اما انه يوصلني الاكل بارد و مكبوب ليه ؟!!!!!
  • Review by Shimaa of الدكتور محمد غنام
    قبل 5 سنوات
    دكتور سيئ كتعامل . مافي اي رقي او الصدق عنده.. بيحدد مختبر واحد عشان يروح عليه المريض و يجبره يروح عليه والا ببطل يعالجه.. و ما بنصح حد يروح عليه
  • Review by Shimaa of شاورما و فروج الموصلي
    قبل 5 سنوات
    حكيت معهم للمحل و اعتذروا مني و كانوا لطيفين معي و اصروا يبعتلولي وجبة تانية عحسابهم و كانت زاكية.. بس يا ريت زبطوها من الاول كان ما انكتب التعليق اللي تحت..
  • Review by Shimaa of شاورما و فروج الموصلي
    قبل 5 سنوات
    مصدومة كيف طلع مركز تاني او تالت!! بخزي مش زاكي ريحة شاورما اللحمة زنخة !! و الجاج مقبول بصعوبة .. يعني قبل نص ساعة وصلي الطلب و حكالي الشب انتي اول اوردر فقلتله توصالي فيه خصوصا اني اول مرة بطلب منهم. طبعا اول و اخر مرة بطلب. و هي الوجبة انكبت زي مهي. الله يستر ما اتسمم :(
  • Review by Shimaa of جيرارد
    قبل 5 سنوات
    زاكي و نظيف و الموظفين تعاملهم بجنن
  • Review by Shimaa of جيرارد
    قبل 5 سنوات
    زاكي زاكي زاكي و نظيف و الموظفين رهيبين
  • Review by Shimaa of ليمون شيشة بيسترو
    قبل 5 سنوات
    الاكل زاكي و منظروا جد حلو كتيير مهتمين بتفاصيل تقديمه و هالشي جد حلو القعدة حلوة و مريحة خصوصا اللي برة . اما القعدة اللي جوة ضيقة شوي .. و الموظفين عنجد عنجد قمة بجننوا تعامل و بشاشة و زوء والضحكة اللي على وجههم بتخليك تضل قاعد ما بدك تروح من عندهم
  • Review by Shimaa of مطعم ومشاوي اصول الضيافة العربية
    قبل 5 سنوات
    ما عمري رحت عليه هالمطعم .. دايما بنوصي ديلفري كتيييير اكله زاكي.. المشاوي جد زاكية و العرايس و الاوزي كله زاكي و نظيف و التوصيل بوصل عالموعد اللي بدك اياه بالزبط و بكون الاكل سخن و تعاملهم حلوو كتيييييييير عالتلفون ان شاء الله بضلهم هيك
  • Review by Shimaa of فريسكو بالدي
    قبل 5 سنوات
    فريسكو دمر حاله بحاله ! زمان كان محل جيد كيكه زاكي كله جديد و طعمه بشهي ! هلا يا حبيبي عالكريمة البايتة و لا الكيك اللي معجن ! هلا ما بنكر انه في اصناف بتكون هلا معمولة و طازة بتكون زاكية زي تارت الفراولة . بس الاكتر ما بكون زاكي لانه بايت و ناشف جبت مرتين منه كان بايت و الكريما ناشفة فبطلت اجيب منه و سعره اصلا مو رخيص
  • Review by Shimaa of فندق رعد
    قبل 5 سنوات
    يعني كلها ليلة قضيناها فيه بس مستحيل اعيدها و لا شكل من الاشكال ! الغرف اوكي كبيرة ومرتبة شكلا بس النظافة مش و لا بد ! الخدمة مش بزيادة بالمرة ! طلبنا سرير اضافي جابولنا تخت خرافي ! بتهزهز لحاله و اصلا صغير و شكله من تاعون المستشفيات ! و عليه بقعة كبييرة بنية الشب بحكيلها ما تخافوا هاي قهوة !!! لا يا راجل !! نيجي للاكل ! العشا اشي بخزي صراحة حاطيين عينات ! طبق واحد هو صينية فيها رزمع لحمة و اكم قطعة جاج و في موظف مصري بحطلك قطعة وحدة جاج !!طب يا زلمة بلكي بدي تننتين ! هههههههه ومش عاملين حساب انه ممكن حد يكون ما ياكل لحمه مثلا او ما بحب الللحمة ! و اصلا الاكل ما كفى للكل ( كنا جروب فيه تقريبا 25 شخص ) و رحنا اتعشينا برة انا و عيلتي .. و لا بوفيه الافطار ! ما في اي رقي بالخدمة ! هو مصنف 3 نجوم بس انا مضطرة احط نص نجمة اله ! بصراحة ما عجبنا بالمرة مع انه في زلمة ما بعرف مين بكون موظف عادي ولا مدير اعتذرلنا و كان جدا محترم . و في الموظف المصري اللي كان عند الاكل اعتذرلي عالتلفون وكان لبق و ان شاء الله بتتحسن خدمتهم بس انا ما بعيدها صراحة
  • Review by Shimaa of فندق قصر عمرة
    قبل 5 سنوات
    المكان كتيير مرتب .. بده اقل من 5 دقائق بالسيارة و بتكون بالبتراء نفسها ....غرفه شوي صغيرة بس مرتبة و نظيفة كتيييييير .. الموظفين اغلبهم فلبينية كتير رائعين و في منهم اردنية كتير محترمين و بشوشين و خدومين .. البوفيه اكتر من رائع كل الاصناف موجودة سواء عالعشا او الفطورغير انه المشرفين عليه مستعدين يعملو كل اللي بدك اياه عشان تكون راضي و مبسوط .. حبيت كتير المكان بكل موظفينه و ان شاء الله يضلو هيك :)
  • Review by Shimaa of شاورما وُك
    قبل 5 سنوات
    يا خسارتك يا ووك !!1 اديه كنت احبه و اديه كنت اطلب من عنده و اديه كنت احب طعم الساندوبشات تاعته و طريقة شغلهم ! كنت احس حالي محامي الدفاع عن المطعم ! لحد مطلعتلي شعره !!! :( كرهت اشي اسمه ووك يعني و الله لازم كل مدير مطعم يضل فوق راس موظفينه ! حرام يخسر المطعم زباينه وسمعته من تحت راس اهمال الموظفين ! عمري ما حاكل من عندهم
  • Review by Shimaa of ذا كيك شوب لاونج
    قبل 5 سنوات
    ميزة هالمكان انه ما في لا دخان و لا ارجيله يعني قعدة صحية خصوصا لون الديكور الزهري اللي بريح الاعصاب :) الموظفين انت و حظك مرة كنت بدي اتخانق مع واحد لانه بعد مقعدنا انا و صحبيتي و حطينا اغراضنا و شافنا طبعا اجا بحكي هاي محجوزة ! طب بكببر عليك مانتا شايفنا من اول مدخلنا ! بس المرات التانية كانوا الموظفين مناح الاكل زاكي كتيير والكيك خصوصا الوافل مع النوتيلا كتييييييير زاكية
  • Review by Shimaa of أبو جبارة
    قبل 5 سنوات
    بحب كتيير هالمكان الفلافل و الفتة و الفول و الحمص حتى الخبز كتيير زاكيين عنده .. الموظفين في منهم كتيير مناح و في منهم جفصين . السعر غالي شوي على محل فلافل بس القعدة و الاكل و الطعم بغطوا عالسعر :)
  • Review by Shimaa of المحيط للماكولات البحرية واللبنانية
    قبل 5 سنوات
    حبيت القعدة وانه في مكان للمدخنين و الغير المدخنين.. الفيليه و المشاوي زاكيين.. العرايس ما الها طعم صراحة.. الموظفين لطيفين بس الاكل كتيير بطول و الخدمة بطيئة. بس احسن بمليون مرة من فرعهم البخزي تاع الماكولات البحرية اللي بالشارع المدينة المنورة اللي بنظري فاشل
  • Review by Shimaa of المحيط للماكولات البحرية
    قبل 5 سنوات
    القعدة ما فيها تهوية بالمرة .. الفيليه المقلي بنقط زيت حسيت حالي باكل زيت !! الموظفين بالمرة تعاملهم و بالنسبة للضيافة بعد الاكل بحطوا لطاولات و طاولات !!! و الفاتوة غلطوا معي فيها مرتين . المرة الاولى حاطينلي صحنين جمبري فخبرته . و المرة التانية كان في صحنين حمص ما طلبناهم ( ما كنت منتبهة عليها من الاول ) فحكيت للجرسون بحكيلي ما كنتي انتبههتي من الاول غيرنالك اياها مرتين !!! لا يا راجل فوق حقه دقه !!! و طبعا لا اهلا و لا سهلا و لا مع السلامة الله يخزيهم
  • Review by Shimaa of مخابز جوهرة الرشيد
    قبل 5 سنوات
    يا الله ما افشلوا صاير هالمخبز جد !!! ريحة معجنات اللحمة لحالها حكاية ! ريحة زنخة مش عارفة اصلا ازا بتتاكل او لا ! غير الخبز اللي بتشتريه و هو سخن و بعد ساعتين بصير يتفتت لحاله ! و غير النظافة ما عندهم اختراع اسمه كفوف جد جد لا حياة لمن تنادي
  • Review by Shimaa of الطازج
    قبل 6 سنوات
    عنجد هاد المكان من احسن المطاعم ! اكلهم كتييير زاكي الجاج المشوي زاكي و البروستد مستوي و رهيب و الساندويشات كمان و سعرهم ممتاز و عندهم افكار حلوة زي عيد الام بعطوا هدايا حلوة للام اليوم اعطونا طقم كاسات جد حلو حتى لو رمزية بس لفتة حلوة التوصيل اقل من نص ساعة بكون عندنا ( احنا ساكنين بضاحية الرشيد ) بتمنى منهم بضيفو وجبات تانية و يضلو زي هيك :)
  • Review by Shimaa of مطاعم اهل الخير
    قبل 6 سنوات
    هاد المكان قريب من شغلي و كتير بمر من جنبه و بشوف اديه ارض المطعم مو نظيفة و بستغرب من الناس اللي بيجو يطلبو من عنده ! بيوم من الايام اللي معي بالشغل بتجيبلي سندويش فلافل من عنده و خدلك عالاحراج ! بحكيلها من وين ؟ بتحكيله من اهل الخير ! كنت بدي ابكي ههههه استحيت .. المهم اجي شغل فقامت البنت اللي معي تشتغله و انا ضليت لحالي مع السندويشة و الحمدالله فيي عادة اني بفتح السندويش قبل ماكلها و الحمد الله فتحتها و لقيت شعرة مع السلطة اللي بالسندويشة !!! مسكتها و كبيتها ! اي مشان الله اتعلمو النظافة !!!!
  • Review by Shimaa of ماي ماركت
    قبل 6 سنوات
    مكان رائع ! بضاعته ممتازة و بعمل عروض بتجنن و عنده كل شي تقريبا و الموظفين تعاملهم رائع
  • Review by Shimaa of مخابز جوهرة الرشيد
    قبل 6 سنوات
    فيه كل انواع الخبز تقريبا و عيبه انه نفسي اشوف الموظفين بلبسو كفوف !! يعني انا بشتغل قريب من المخبز و حكيت لصاحب المخبز و حكيت مرتين لاخوه انه لبسو العمال كفوف و وعدوني و طبعا لا حياة لمن تنادي !! يعني انا مش مضطرة العامل يمسكلي الخبز تاعي بايديه اللي الله اعلم ازا مجروحين او مغسولين من الاساس !
Next

أماكن أفضلها