Heba Azazi

Heba Azazi

عمان . منذ أغسطس 2013
53 من المراجعات
من وجدوا مراجعتي مفيدة
21
مراجعتي كانت الأولى
11
مراجعاتي
53
صوري
3

مراجعاتي

  • Review by Heba of بيمب ماي ساندويش
    قبل سنتين
    من أزكى المطاعم اللي بجربها بالفترة الأخيرة ، صارلي فترة عم بدور على مكان بزبط هاد النوع من السندويشات ، وبصراحة كتييير حبيت الأكل عندهم بدءاً من طريقة التقديم للنظافة وللطعم وبرضو كمية الجاج او الستيك بالسندويشة فعلاً مناسبة والمكونات كلها طازجة . بالتوفيق :)
  • Review by Heba of بلاك روك ستيك هاوس
    قبل سنتين
    Excellent food , comfortable atmosphere, many choices to pick from , the steaks were tender , full of taste and most importantly were served hot , the side dishes were good as well , The service was okay but there’s some place for improvement . Will definitely visit again :) ((The number provided is incorrect))
  • Review by Heba of هاف بان
    قبل سنتين
    جربته مرة وأكيد مش رح تكون آخر مرة ، شغلاتهم زاكية كتير خاصة الbun فكرته جديدة عجبتني ، وفي كتير خيارات تانية جربت منهم الwaffle مع الكراميل والكروكان كان زاكي ومميز ، الخدمة جيدة وسريعة
  • Review by Heba of بارسيلوز دجاج مشوي على الفحم
    قبل سنتين
    Full of flavor, fresh and special dishes . Very good service, would definitely visit again . Best of luck .
  • Review by Heba of خبزة وشاورما
    قبل 3 سنوات
    هاي تاني مرة باكل من عنده ، اول مرة بتزكر كان منيح تاني مرة جربنا شاورما اللحمة والجاج ، التنتين ما الهم طعم ابداً ، والجاج زنخ وفيه دهن
  • Review by Heba of ان واي سلايس
    قبل 3 سنوات
    توقعت يكون المحل كتير احسن من هيك رح أبدا بخدمة التوصيل ، الشب اللي وصل الأكل ما معه رصيد ! وما بيعرف منيح بالطرق ، البيتزا عجينتها ميبسة وناشفة وبتعلك ، والطعم عادي يعني ما فيها اشي مميز ، وال chicken barbecue ما بتشبه ال barbecue بإشي ، والمنيو ما فيها كتير خيارات . السعر غالي بالنسبة للأكل . في كتييير محلات احسن منه . Overrated overpriced and unprofessional.
  • Review by Heba of المحيط للماكولات البحرية واللبنانية
    قبل 3 سنوات
    واحد من أفضل المطاعم بعمان بالنسبة إلي ، بقدم مأكولات شرقية ومأكولات بحرية منوعة يعني مناسب للعائلات اللي أذواقها مختلفة بالأكل لإنه عنده كتير أصناف ، الأكل عنده مميز وما عليه ملاحظات ، الخدمة ممتازة وبس الواحد يطلب اشي بيطلبه مرة وحدة وبيجي طلبه بسرعة ، القعده رايقة واحسن اشي انه التكييف ممتاز عندهم
  • Review by Heba of برايت هوم
    قبل 3 سنوات
    محل مختص بخزائن الحائط ، استقبالهم وتعاملهم مع الزبائن لطيف وراقي جداً ، عندهم كتير خيارات وألوان وموديلات للخزائن ، الشغل متقن وما عليه حكي ، والاشي اللي خلاني احترمهم هو دقة المواعيد عندهم يعني بيلتزموا باليوم والساعة وبيحفظوا العنوان عندهم عشان ما يضلوا يسألوا كل مرة . السعر ما بيختلف عن باقي المحلات بس مقارنة بالتعامل والجودة هاد المحل كان الخيار الأفضل .
  • Review by Heba of سبيدي ووش
    قبل 3 سنوات
    الفكرة كتير حلوة وجديدة عنا ، الحرامات بيطلعوا نضاف و ريحتهم حلوة ، حبيت انه المكان فيه تلفزيون وسجادة صلاة وماكينة للمشروبات الساخنة عشان ما تزهق وانت بتستنى الغسيل . اللي ما حبيته انه الشب اللي برد على الرقم عشان يساعد الزباين اسلوبه غير لبق ، يعني انا رحت وقرأت التعليمات اكتر من مرة قبل ما اعمل اي اشي ،عشان اطبقها صح ، بس كانت بنتي معي ومن العجقة "نسيت" خطوة يعني كنت قارئيتها بس ما عملتها بالترتيب الصحيح ، بس حكيت معه صار يحكيلي احنا شعب ما بيقرأ وصار يتفلسف . يعني المفروض يكون الطف من هيك ، ومش بالضرورة انه ازا الواحد احتاج مساعدة يعني انه جاهل او ما بيقرأ !
  • Review by Heba of زعتر و زيت
    قبل 3 سنوات
    اكلهم خفيف وفريش ، وعجينتهم مميزة ، الاكل مناسب لفطور او عشا ، يعني مناقيش وسلطات واومليت وهيك شغلات ، اكتر شي بحبه انه مافيه اراجيل . الموظفين كتير لطيفين وخدومين . عندهم مشكلة بالتكييف ، دايماً شوب شوا المطعم . بس هو من المطاعم المفضلة عندي وصارلي سنين بروحله ومستواه ممتاز وما بيتغير . بنصح فيه .
  • Review by Heba of الحمامي للأثاث
    قبل 3 سنوات
    بنصح فيه عن تجربه
  • Review by Heba of ميداس للأثاث
    قبل 3 سنوات
    صح عندهم موديلات حلوة بس مااااا بنصح فيهم نهائياً عن تجربة شخصية مأساوية ! إلا ازا معك مصاري تضل تدفعها عشان تصلح الخراب والمصايب اللي رح تكتشفها بالأثاث بعد كم سنة أو معك ملايين تضل تشتري وتكب كل سنة ، والسعر مرتفع جداً مقارنة بالجودة السيئة وخدمة الزبائن اللي أسوأ !
  • Review by Heba of ميداس للأثاث
    قبل 3 سنوات
    صح عندهم موديلات حلوة بس ماااا بنصح فيه نهائياً عن تجربة شخصية مأساوية ! إلا ازا معك مصاري تضل تدفعها عشان تصلح الخراب والمصايب اللي رح تكتشفها بالأثاث بعد كم سنة أو معك ملايين تضل تشتري وتكب كل سنة ، والسعر مرتفع جداً مقارنة بالجودة السيئة وخدمة الزبائن اللي أسوأ !
  • Review by Heba of ميداس للأثاث
    قبل 3 سنوات
    صح عندهم موديلات حلوة بس مااااا بنصح فيه نهائياً عن تجربة شخصية مأساوية ! الا ازا معك مصاري تضل تدفعها عشان تصلح الخراب والمصايب اللي رح تكتشفها بالأثاث بعد كم سنة او معك ملايين تضل تشتري وتكب كل سنة ، والسعر مرتفع جداً مقارنة بالجودة السيئة وحدمة الزبائن اللي أسوأ !
  • Review by Heba of ريم البوادي
    قبل 3 سنوات
    بالنسبة الي ما بلاقي ازكى من مقبلات ومشاوي ريم البوادي ، بس بطلت اروح عليه لإنه بطل مستواه زي اول وصار ممل يعني لو يغير بالديكور ويجدد المطعم والطاولات والكراسي ويحسن الخدمة كتير رح يكون احسن ويرجع زي اول .
  • Review by Heba of كافيه حنين
    قبل 3 سنوات
    القعدة حلوة ورايقة ، الاكل زاكي ومميز والمشروبات برضو منيحة بس الخدمة بطيئة شوي ، اكتر شغلة حبيتها انهم بيهتموا بالأطفال يعني رحت مرتين مع بنتي واعطوها الوان مع ورقة عشان ترسم وتلتهي فيهم
  • Review by Heba of نتميغ
    قبل 3 سنوات
    اكتر شي مميز بهاد المحل هو الموظفين وأسلوبهم اللبق مع الزبائن واهتمامهم براحتهم ، الاكل كتير زاكي ونظيف وهو عبارة عن بيرغر وسلطات ومشروبات باردة ، القعدة حلوة بس خارجية يعني ما بتزبط بالبرد والكراسي مش كتير مريحة . المشكلة الوحيدة بس انه مافي كتير خيارات بالمنيو يعني كتير الخيارات محدودة وقليلة .
  • Review by Heba of كازاريتشو
    قبل 3 سنوات
    المحل كتير هادي وقعدته حلوة وبسيطة ، فيه منطقة ألعاب للأطفال وبتضل معهم موظفة بتدير بالها عليهم ، بقدموا اكل ايطالي ، المنيو منوعة كتير وفيها خيارات كتيرة ، اطباق ستيك ودجاج وسمك وجميع انواع المعكرونات والبيتزا . الأكل كتير زاكي ومميز، الخدمة جيدة ، السعر شوي مرتفع . جربته اكتر من مرة وعجبني ، بنصح فيه
  • Review by Heba of برجر ميكرز
    قبل 3 سنوات
    بالنسبة إلي ازكى بيرغر ممكن آكله برا البيت وإله نكهة مميزة ، حجم الوجبة كبيرة ومشبعة، بس حسيت عندهم مستوى النظافة مش بزيادة ، بعد ما شفت كيف بيعملوا الأكل بفرع شارع المدينة ، المطبخ المفروض يكون انظف من هيك . خدمة التوصيل سيئة لإنه الاكل كل مرة بيوصل بارد .
  • Review by Heba of كافيه حنين
    قبل 3 سنوات
    هاد الفرع قعدته كتير حلوة خاصة القعدة الخارجية ، الأكل عنده زاكي ومشروباته وحلوياته كمان زاكية خاصة الكوكي بالمقلى بروح خصوصي عشانها . الخدمة شوي بطيئة. النظافة نص نص .
  • Review by Heba of آلموند كوفي هاوس
    قبل 3 سنوات
    المحل حلو كتير ومميز عشان بيدخله ضو الشمس ، الساندويشات ماشي حالها ، الحلويات والمشروبات زاكية كتير ومميزة ، بس الموظفين جديين وكشرين يعني ما بتحس حالك مرحب فيك بالمحل ابداً . بيزبط لدراسة ، مش مناسب لعائلات معها اطفال . احلى شي انه ما فيه تدخين او ارجيلة . الاصطفاف صعب يعني مافي موقف مخصص ، ما بعرف ازا عشان لسا ما افتتح رسمياً بس تغلبت بالصفة بس رحت .
  • Review by Heba of سوبرماركت شونيز
    قبل 3 سنوات
    افضل سوبرماركت في المنطقة ، اهم اشي انه دايماً مرتب ونظيف والموظفين لطيفين جداً وخدومين ، وعالأغلب بكون عندهم كل اشي ومافي نواقص .
  • Review by Heba of فاير فلاي برغر
    قبل 3 سنوات
    بدون مبالغة يمكن هاد أوسخ مطعم باكل فيه بحياتي كلها ! اول ما تدخل عالمطعم في سلة نفايات بتلاقيها بوجهك ! الارض والطاولات والشبابيك والدرج وسخين بتحس حالك شايف البكتيريا بعيتك! الصينية اللي بقدموا فيها البرغر كتيييييير وسخة يعني بس بحطوا فيها ورقة جديدة للزبون بدون ما تتنطف الصينية نفسها ! الاكل عاديييي جداً والخدمة سيئة . ما رح اعيدها ابداً ابداً .
  • Review by Heba of شركة لمسات ذهبية للادوات الصحية
    قبل 3 سنوات
    استقبال الموظف سئ جداً يعني كان بيحكي عالموبايل وكمل مكالمته للآخر ، وبس أسأله عن اشي ازا موجود عنده بيحكيلي هي البضاعة قدامك ، قمة الوقاحة . أول وآخر زيارة
  • Review by Heba of هارموني
    قبل 3 سنوات
    هاد المطعم صار من الاماكن المفضلة بالنسبة الي ، جربت كتير اصناف عندهم وكانوا زاكيين كتير وما عليهم ملاحظات . الحلويات مش كتير مميزة حسيتها . قعدته حلوة ومطلة ورايقة والاغاني صوتها هادي ومو مزعجة زي المحلات التانية ،، الموظفين لطيفين جداً .
Next

صور أضفتها

الخزانة كبيتها زي ما هي بعد ٤ سنين بس ، بينما المحلات المحترمة بتكون مدة كفالتها ١٠ سنين او اكتر .
الشرية من عندهم عبارة عن مخسر!