Asma Rumman

Asma Rumman

عمان . منذ أغسطس 2013
Clinical Pharmacist at King Hussein Cancer Center, enjoys working with patients
31 من المراجعات
الأماكن المضافة
5
من وجدوا مراجعتي مفيدة
27
مراجعتي كانت الأولى
2
مراجعاتي
31
صوري
22
أماكن فضّلتها
2

مراجعاتي

  • Review by Asma Rumman of حلويات بزاريا
    قبل 4 سنوات
    محل حلويات جديد و صغير بس فكرته جميلة، المحل بمنطقة هادية بعمّان، حاليّا ما عندهم قعدات يعني بتاخد الطلب للبيت، بيعملوا حلويات متنوعة، شغلهم زاكي والأهم نظيف و مرتب، عندهم اختراع حلو إلي هو الكنافة المجمدة للمغتربين والمسافرين بيقدروا ياخدوها معهم وين ما بيسافروا وبرضه لست البيت بعمّان ممكن تخليها بالفريزر احتياط لما يجي ع بالهم كنافة أو إذا إجاها ضيوف ع غفلة، يستحق التجربة
  • Review by Asma Rumman of وايدبيري وافل اند كريب
    قبل 4 سنوات
    جد أزكى وافلز أكلتها بحياتي! أجمل مافي الموضوع إنها خفيفة! كيف خفيفة ما بعرف! أنا طلبتها بالبندق و الفراولة و طبعا نيوتيلا و شوكولاته مع هيك كانت من أخف الشغلات الي باكلها بحياتي! صاحبتي جربت الكريب بالفراولة برضه والنيوتيلا... رهييييييييييييبة المكان حلو، صغير جوة فيه 3 طاولات و برة كمان 4 طاولات، المكان ديكوره بسيط ورايق، صاحب المحل هو الي بيساوي خلطات الوافلز والكريب بنفسه والصبية الي بتشتغل معاه لطيفة. أسعاره مناسبة جدا وخدمتهم حلوة. مكان لااااااااااازم تروحوه بعمّان
  • Review by Asma Rumman of The Cake Shop
    قبل 4 سنوات
    هاد أجدد فرع من فروع الكيك شوب و صراحة عجبني أكتر واحد فيهم بعد الفرع إلي بدابوق، اكتشفت إنهم حاطين موقعهم عالفيس بوك غلط لهيك نزلتهم ع جيران هيك الواحد بيوصل بسهولة و ما بيتوه عنهم. شغلتين حلوين بالفرع الجديد هاد: هادي (مؤقتاً لأن المنطقة تاعته فاضية)، و قعدته الخارجية حلوة بالليل (برضه رح يضل حلو لتتعبى المنطقة بعدين رح يصير مزعج) بس فكرة إنه قعدة خارجية بسور صغير زي الحديقة حبيتها كتير. متل باقي الفروع كيكاتهم الغريبة زاكية بس الكيكات المتعارف عليها متل باقي المحلات عادية مافيها شي مميز، أزكى شي عندهم البانوفي باي والريد فيلفيت و شيز كيك الفستق الحلبي، من الأكل ساندويشاتهم طيبة عادية يعني كمان مش مميزة، المناقيش مو كتير. بس المشروبات الساخنة عندهم طيبة الهوت شوكليت عندهم جد طيبة لأن بعتبرها من أصعب الشغلات إلي ممكن أي محل يزبطها والموكاتشينو كمان زاكية عندهم. و أروع شي إنه مافي لا دخان ولا أرجيلة
  • Review by Asma Rumman of علي بابا للدجاج المقلي و البروستد
    قبل 4 سنوات
    بس بدنا ناكل بروستد نظيف و طيّب بنطلع من غرب عمّان لشرقها مشان هالمحل! موقعه بشرق عمان بمنطقة اسمها حي نزال بالشارع الرئيسي فوق، يعني ممكن الواحد يوصله من عبدون بسرعة دجاجهم نظيف ومافي زنخة، خلطتهم البروستد كتييييير طيبة بيعملوا كمان مشاوي و جاج عالفحم و جاج تركي وكله طيب ونظيف أسعاره عادية وممتازة جدا لخدمته و نظافته أحلا شي إنه دايماً صحاب المحل موجودين وبالأغلب عالكاش وبيراقبوا كل الأوردرات والطلبات وبيشرفوا عليها و تعاملهم محترم و راقي وين ما كنتوا بعمّان متل بروستد علي بابا مافي
  • Review by Asma Rumman of بيتزا آنتيشي
    قبل 4 سنوات
    بلفّ و بدور وبروح أماكن كتيرة بعمّان بس دايماً أول مكان بيخطر ببالي أروح عليه هو أنتيشي! بنعرف المكان من أول ما بلش و لساته محافظ على مستواه وما تغيّر، الأخوين أيمن و إسلام إلي بيحضروا الأكل بالمحل قمّة في الذوق والتعامل اللطيف. أكتر شي بحبه عندهم البيتزا السوبريم إلي فيها كل شي، الباستا عندهم زاكية بجميع أنواعها و سلطة السيزر كمان. بحطوا مع البيتزا صوص جانبي مو طبيعي شو زاكي بيعطي الأكل نكهة تانية مميزة وطبعاً للتحلاية مافي أشهى من بيتزا النيوتيلا. أسعارهم مناسبة جداً للخدمة تاعتهم، بنصح الكل يجرب هالمكان
  • Review by Asma Rumman of الباشا
    قبل 4 سنوات
    مع إني بنزل البلد كتير وباكل من حبيبة عالواقف وبجيب كتب من عمو أبو علي بس هاي أول مرة باكل فيها من شاورما الباشا، صراحة موقعه ممتاز جدا لأنه بين ٣ معالم مهمة بوسط البلد، هو تحت بيت الدوق بالزبط وبلزق حبيبة و عمو أبو علي، زي معظم مطاعم الشارما بالبلد مافيه قعدة، وبالنسبة لإلي لقيتها شغلة سيئة ومو عملية لأن الواحد بالبلد بالذات لازم يلاقيله مكان يقعد ياكل فيه، الشاورما والساندويشات مو زي الكنافة! بالنسبة للمينيو فهي معقولة، مافي تنوع كتير بس مقبولة لمحل شاورما مع سندويشات سريعة fast food, junk food, مع أنه بتلاقي عندهم زحمة بسبب حجم المكان الصغير وعدد الناس الكبير بس بيحاولوا تكون خدمتهم أسرع ما يمكن وهالشي جدا حلو فيهم، يعني ما بتأخروا عليك بالطلب والتسليم. المحل نظافته مقبولة، ما شفت فيه شي يورجي عكس هالكلام، بالتحضير والمكان نفسه نظيف طلبنا شاورما عادي وشاورما الباشا والتنتين كانوا زاكيين والبطاطا كانت مغرقة الصحن ❤ وهاي خلتنا نحبهم بزيادة إذا كنت بالبلد وجعت وكان بدك تجيب شي عالسريع تاكله بالبيت قبل ما تروح فهالمطعم مكان بنصحك تروح عليه
  • Review by Asma Rumman of مقهى زقاق
    قبل 4 سنوات
    زمان ما رحت محل و عجبني و جد حبيته! الزقاق هو محل صغيرة او "زقة" عالشارع الرئيسي (شارع كلية الشريعة) بجبل اللويبدة، مقابل العمارة الي جنب المركز الثقافي الفرنسي قرب دوار باريس. بتدخل المحل بتلاقي استقبال جميل جدا من الموظف هناك (ابن صاحب المحل) بحب الاماكن الي بتكون خاصة، يعني family business بتعطيك جو جميل للمكان، ديكور المكان جدا حلو، بسيط، انيق و عملي، عجبتني فكرة ان كل طاولة جنبها عالحيط الضو تاعها، عالحيطان صور ولوحات جميلة بتعبر يمكن المعظم بيعرفها بس ما خطرله يعمل ديكور فيها، في رفين كتب كبار بالمكان، بتحس انه مكان للقراءة، للدراسة، مكان تنجز فيه شغلك ع رواق، او بس هيك شغل جمعة صغيرة رايقة. انا من عشاق الشاي وهاد الكان جامع بين القهوة والشاي، يعني coffee and tea house, الشاي تاعهم من تيرتل جرين، جد زاكي، وطريقة تقديمه جدا جميلة، (الشاي المضيء) زي ما وصفه صاحب المحل، القهوة من ريحتها طيبة بس ما جربتها، وسمعت حد بيحكي انه بيعملوا ازكى هوت شوكليت بالبلد! رح اجربه المرة الجاية اكيد. المكان حتى وهو مليان رايق، لان بده ناس رايقة تقعد فيه، اسعاره جدا ممتازة، و بيسمحولك تجيب معك حلو من باتيسيري فيروز لو بتحب وتاكلها عندهم مع كاسة شاي او قهوة (حبيت فكرة التعاون المشترك اللذيذ هاد) :) المكان يستحق الزيارة عن جد، اكيد صار من اماكني المفضلة بعمان الي رح اداوم عليه
  • Review by Asma Rumman of دار الحلويات القوقازية
    قبل 4 سنوات
    معروف عن الشركس انهم حلوين واكلهم زاكي، والمحل هاد بيعمل اشهى الحلويات الشركسية، عندهم الجوزية و ال شك تشاك، وطبعا طبعا كيكة العسل (الي مافيها عسل كتير بس هيك اسمها) وبيعملوا كيكة العسل بالشوكولاته كمان! وكلها ازكى من بعض طبعا هو محل بيعمل الحلويات بس ما عندهم قعدة، اسعارهم جدا مناسبة، صحن الجوزية حسب الحجم بيبلش من ٤ دنانير، قوالب الكيك ٣ احجام اسعارها ٥، ٨، ١٢ دينار محل نظيف جدا و حلوياته جدا مميزة
  • Review by Asma Rumman of دار الحلويات القوقازية
    قبل 4 سنوات
    شغلتين معروفين عن الشركس، الجماعة حلوين و اكلهم زاكي
  • Review by Asma Rumman of مجمع لاستوريا السياحي
    قبل 4 سنوات
    الغريب انه مو كتير ناس بتعرف هالمكان بالاردن! رحلتنا هالمرة مادبا، و لاستوريا هو على حد علمي متحف الشمع الوحيد الموجود بالاردن، لاستوريا بالعربي متحف الحكاية، ومتحفنا هاد موجود عالطريق المؤدي الى جبل نيبو، قبل ما توصل الموقع الاثري بجبل نيبو ع ايدك اليمين، هو عبارة عن متحف تحت و مطعم باطلالة خرافية فوق. المتحف تحت متحف شبه تفاعلي او شبه ديناميكي فينا نحكي، مصنوع كليا بالاردن وبجهود محلية من اصحاب المكان، بيبلش المتحف معاك من عصور الرسالات كلها، وبيركز ع سيدنا موسى و المسيح عليهم السلام كون مادبا موقع تاريخي مسيحي وبيوصل معك للاسلام والاردن القديمة، المتحف عبارة عن سيكشنز، يعني زي ممر عاطرافه مجسمات بتحكي عن هالقصص والحكايات كلها، لحد ما توصل بالاخر للخيمة البدوية الي بينهوا فيها تاريخ الاردن القديم، بعدين بينتقلوا معاك للقسم التاني الي هو بداية تطور الحارة والمدينة بالاردن، الي عاملينها فعلا حارة بتورجيك كيف كان الحياة بالقرية والمدينة زمان. مكان جدااااا جميل للاطفال وللكبار ع حد سواء وبيكون معك وانت ماشي شاب او صبية من المتحف بيشرحولك عن كل مجسم بتمر منه. المطعم فوق اطلالته بتجنننن، مطعم مناسب للوجبات الكبيرة، يعني غدا او عشا مش سناك، جربت عندهم فتة الجاج وكانت زاكية زي شغل البيت، لما خلصت انتبهت انه المحل بيقدم مشروبات روحية، انا شخصيا ما بحب اكل بمكان بيقدم مشروب فما رجعت اكلت عندهم مرة تانية، بس المتحف بحب اروحه لان جد مكان حلو، والجدير بالذكر انه اكبر لوحة فسيفساء بالعالم تم تركيبها بهاد المكان وبعدين نقلوها لموقعها الحالي بمادبا. بنصح كتير بزيارته
  • Review by Asma Rumman of رومي كوفي بار
    قبل 4 سنوات
    أكتر شي بيدل انه هاد محل ناجح، انه انا ما بحب القهوة ولا بشربها و عندي حساسية منها، بس شو بحب اقعد فيه! همة الحلو انهم عندهم قائمة شاي جميلة بترضي جميع الاذواق وانا حبيتها صريحة لاني خبيرة شاي، القهوة كل صحباتي اجمعوا انها من افضل محلات القهوة بعمان. ديكورهم جميل واله علاقة باسم المحل (رومي) المرتبط ب(جلال الدين الرومي) والصوفية، محلينهم قعدتهم حلوة، المحل الصغير الاصلي والقعدة الجديدة الي عالزاوية واجهتها زجاج، حبيت كيف انهم فصلوا قعدتهم عن الشارع بشجر، يعني ما خنقوا المكان بحيطان بالعكس اعطوه جو احلا، طبعا اكتر شي بيميز المحل قواوير الزريعة عالحيط برة و الدكك الصغيرة تاعت قعدة الشارع، فكرة جد جميلة و مبدعة، معظم الناس الي بتروح هناك شباب صغار بالعمر (عشرينات يمكن اقصاها ٢٦) نادرا ما الاقي ناس كبار بعمري او اكبر يمكن لانهم مفكرينه كافيه مزعج، انا حابة احكيلهم انه قعدته حلوة حتى وهو مليان! اسعارهم عادية جداااا، مكان حلو وبيستاهل زيارة لقهوة مسائية، بنصح فيه كتير
  • Review by Asma Rumman of أوليفا
    قبل 4 سنوات
    المحل جاي ع زاوية بدخلة صغيرة باللويبدة، مساحة القعدة فيه لا تتجاوز ال ٢*٣ متر! بس مستغلينها احسن استغلال، الطاولات خشب قديمة داخل المحل (همة اربع طاولات اصلا) وحاطين طاولتين للقعدة برة شخصيا همة المفضلات عندي لانهم محطوطين بطريقة كانك قاعد عالرصيف مع اصحابك، زيهم زي باقي محلات اللويبدة مزينين الحيط والاعمدة قبالهم بقواوير زريعة معلقة ملونة، كتير حبيت الفكرة هاي وهمة و رومي اول محلين شفتهم عملوها. نيجي للاكل، عجينتهم زاكية بس البيتزا خلطتها جديدة بالنسبة الي، يمكن ما بتناسب كل الاذواق بس انا عجبتني يعني لذوقي بعطيها ٦\١٠ الحلو بجيبولك معها زيت زيتون بالاعشاب، صراحة هاد الاشي تحفة وجد جد زاكي بيغير طعم البيتزا لما اتضيفوا، اسعارهم عادية لمحل بيتزا بالمنطقة يعني البيتزا تتراوح بين ٥-٦ والباستا نفس الشي وهيك الاسعار بعمان صايرة، بنصح الكل يجربه لان قعدته جد حلوة والاكل لطيف
  • Review by Asma Rumman of راس بيروت
    قبل 4 سنوات
    لما تكون مزنوق مو عارف شو بدك تاكل شي بسرعة و زاكي و نظيف وخفيف و يشبعك... ما الك غير راس بيروت باللويبدة! المكان هاد بنعرفه من سنيييييين، ايام ما كان غيره و غير ركوة عرب و دجاج بروستيد بالشارع!!!! لساته محافظ على نفس مستواه بالتعامل وجودة الطعم والسعر المقبول ازكى شي ممكن تطلبه هي المطبقات بأنواعها، شخصيا انا بحب يعملولي سبيسيال ايوب او مجنونة بشكل مطبقة او بطلب مطبقة cx، عجينتهم كتيييييير طيبة و خفيفة مكوناتهم شهية و اسعارهم بحدود المعقول بين دينارين و نص و ست دنانير كحد اعلى تختلف باختلاف الي رح تطلبه، نصيحة تاخد الطلب و تروح تاكله عدوار باريس او بحديقة متحف الفنون الجميلة
  • Review by Asma Rumman of برية الأردن
    قبل 4 سنوات
    زمان قبل الانقلاب العجيب الي صار بشارع الرينبو، كان wild jordan هو مكاني المفضل بعمان، هاد الحكي من ٧ سنين، واستمر المكان بالمحافظة على طبيعته و خصوصيته لحد الصيف قبل الماضي لما قرروا يسكروا القعدة الي فوق ويلغوا فكرة القعدة على مخدات كبيرة حلوة عالارض، اعتبرنا الموضوع مش شيء جميل بس كان تغيير محتمل لحد ما، لكن الشيء العجيب الي عملوه بالمكان قبل عدة شهور صراحة كان صدمة كبرى! حتى العاملين بالمكان حكولي انت مش اول شخص بينصدم بالتغيير! انا مش ضد التغيير بالعكس التغيير مطلوب باوقات كتيرة، بس اذا كان التغيير معاكس لروح و طبيعة المكان فهاد شي سيء بكل المقاييس!!! التغيير الي عملوه بالمكان نزع منه روح و شخصيته وكل صفاته المميزة، بطل يفرق عن اي كافيه او مطعم ممكن تلاقيه بعبدون، صراحة زعلانة عالمكان جدا وحزنانة ع كل جزء منه ما رح يستمتع فيه الجيل الجديد زي ما استمتع فيه جيلنا!
  • Review by Asma Rumman of كافيه شمس البلد
    قبل 5 سنوات
    المكان كتير حلو، بداية من القعدة الداخلية بالطابق الأرضي و الأول، والقعدة الخارجية كمان أكتر من رائعة. المكان مناسب جدا لطلعة فطور او قعدة رايقة المسا. طريقتهم بالطلب والتقديم جدا جميلة، بتطلب تحت وبتحاسب و بيطلع الاكل لعندك، كل شي بيقدموه بطريقة قديمة، حسيتهم عاملين سطو ع بيت سيدي الله يرحمه، كل شي عندهم بيرجعنا لايام واحنا صغار (خاصة اذا كنت مواليد ال ٨٠ وال ٧٠). نوعية الأكل الي بيقدموه بينفع لفطور او عشا خفيف لان معظمه متل حواضر البيت (مناقيش، طابون، و متبلات و تغميس) الخدمة لطيفة، بس الشاب الي طلعلنا الاشياء لعنا كان شوي مستفز، يعني ما حبيت طريقته بالتدخل فينا او باللي طلبناه، هو يمكن كان بيحاول يعطي نصيحة بس للاسف كانت بالاسلوب الخطأ. بس انا بعذره لسبب واحد، انه شفت زباين عندهم بدهم هيك اسلوب! المنظر من القعدة الخارجية بيجنن، ورواقها اجمل، والاهم من هاد كله المحل نظافته ما عليها تعليق وهاد اهم شي بأي مطعم، حتى الحمامات -العفو منكم- جدا نظيفة. احنا طلبنا، عصير ليمون و فراولة، شاي بنعنع، كوفي لاتيه، مفركة بطاطا، فرفحينا شراك، طابون زعتر و جبنه و طابون زعتر ولبنة و كله طلع ١٨ دينار و ٣٠ قرش، سعر مناسب للمكان والقعدة والخدمة طبعا الي بده يطلب طابون او شراك يحسب حساب ان حجمهم كبير يعني الوحدة بتكفي شخصين!
  • Review by Asma Rumman of مطعم زرياب
    قبل 5 سنوات
    it is located exactly across the street from the mosaic church in Madaba, though a tourism place the prices are good, like any fast food resturant in Amman, we luved the pizza, it was cooked on wood fire, the dough and the dressing was mouth watering. they usualy have an offer of buy 2 get 1 free for all pizza sizes. we also ordered thyme and cheese pastry which was great too, i highly recommend it for tourists spending a day in Madaba
  • Review by Asma Rumman of ساقية الدراويش
    قبل 5 سنوات
    انا بعرف المكان من لما كان محترف الرمال قديما. عجبتني التغييرات الي عملوها بالمكان، الديكورات الجديدة جميلة و انيقة والها طابعها الخاص المتناسب مع جو المكان و جو المنطقة بشكل عام، بس حزنت عالممر الخشبي المغطى بالشجر لو انهم خلوه كان اعطى جو جميل بزيادة للمكان. رحنا ع بوفيه الافطار تاعهم انا و صحباتي و كان جيد بشكل عام كطعم و ترتيب، المقبلات كانت جيدة، بس الباستا ناشفة شوي، الاطباق الرئيسية كانت جيدة كمان بالاخص السمك والبامية، لكن الباستا بالاطباق الرئيسية للاسف ما كانت زاكية برضه. ملاحظة كانت انهم بالاعلان تاع بوفيه الافطار كانوا كاتبين وجود اصناف بس ما كانت موجودة عالبوفيه بالواقع! الحلويات برضه كانت جيدة. القعدة الخارجية عالتراس جداااا جميلة خاصة بجو الصيف هاد، الخدمة كانت لطيفة بس اتطرينا نطلب حد يجيبلنا عصير 3 مرات لحتى اجا حد اخد الطلب. بالبداية كانت القعدة لطيفة و هادية مع وجود عدد كبير من الناس بس كانت رايقة، ما بنعرف كيف فجأة طلع صوت موسيقى و اغاني مزعجة من مكان ما، ما بعرف هو من المسرح تحت او مكان تاني بس صراحة خرب الجو عالااااااااخر و خرب مزاج المكان، ما كانت ابدا موسيقى تتناسب مع جو المكان بالمحصلة المكان جميل و قعدته جميلة جدا، بتخيله اختيار ممتاز لطلعة فطور صباحية، لان المنيو تاعتهم نفس منيو ركوة عرب و جفرا، بس كجلسة وجو هاد المكان بيتفوق عليهم بجدارة
  • Review by Asma Rumman of مطعم كيوي
    قبل 5 سنوات
    ما عمري جربت ساندويشاتهم بس العصير... ببساطة واااااو... مو ملاقية وصف ازبط اله، عصير الافوكادو عندهم اكتر من رائع خاصة مع القشطة والعسل، وباقي كوكتيلاتهم جد رهيبة وتعاملهم جيد مع الزباين
  • Review by Asma Rumman of مطعم راجعين
    قبل 5 سنوات
    مافي متل مقبلاتهم! يعني لو اسعارهم اخف شوي كان ممكن اروح عندهم كل يوم مشان اطلب مقبلات! مافي شي منها مو طيب عندهم! اطيب من الاكل العادي بشكل عام، برضه حلوياتهم طيبة. مشكلته الوحيدة انه الناس كلها اندلت عليه فصار مزعج ايام اخر الاسبوع ما بتستمع بالقعدة من الدخان و عجقة الناس
  • Review by Asma Rumman of باتسيري فيروز
    قبل 5 سنوات
    يعني مستحيل الواحد يتخيل اللويبدة بدونه! ومستحيل انزل اللويبدة بدون ما اكل كلير من هناك. الي بيعرف الاكلير كيف لازم تكون طعمته عن جد، والي بيعرف ال ميلفيه كيف لازم تكون معناها ما بيقتنع فيها غير من عند فيروز
  • Review by Asma Rumman of هيروز برجر اند وينجز
    قبل 5 سنوات
    i never thought am gonna like it more than Rainbow street branch but its actually better! though if you were not looking for the place you'll miss it easily from the street! i suggest adding a sign on the street, the name on the wall is not enough in my opinion! but as delicious as heros can be
  • Review by Asma Rumman of ذا كوفي بين اند تي ليف
    قبل 5 سنوات
    it was my first time at this place, and it seemw that i found my new fav. gothering place in Amman. the outdoor seating area is nice, the chairs are comfortable (a very important thing!) even when the place is full it was not noisy or disturbing. am a tea drinker so i tried the Chai latte and it was good, my friend ordered plane coffee lattee and she liked it too (better than other places as she says). the prices are good too.
  • Review by Asma Rumman of فور وينترز
    قبل 5 سنوات
    it was my first time at the place, nice location, the guys at the place are friendly and helpful, if you were a first timer at the place they will tell you about the place and how the ice cream is made. they have a nice variety of flavors, not the regulars you find at every shop, they have their own line. we have german chocolate cake, and banana ice cream, it was really delicious and out of what we eat ordinarily.
  • Review by Asma Rumman of فندق أوريكس
    قبل 5 سنوات
    كنت اول مرة بنزل العقبة بس مو اول مرة بنزل بفندق 5 نجوم، و صراحة ما اعطيته 5 نجوم لعدة اسباب، اول شي لما وصلنا اسلوب الصبية الي ادخلتنا ما كان متل المتوقع، she needs better customer communication skills, لما طلعنا عالغرفة وحدة من كاسات الشاي الموجودة بالغرفة كانت وسخة مع المعلقة الي فيها! واضح جدا انها كانت مستعملة ومش مبدلة بعد هيك! ارضية الغرفة برضه ما كانت نظيفة! جزء منها كان ممسوح الجزء التاني مبين كإن اله شهر ما حدا مقرب عليه! الحمام -العفو منكم- برضه كان فيه شعر ع طراف البانيو، برضه كان في شعر ع وحدة من المخدات! للامانة التخت والمخدات والحرام مريحين والمنظر من الغرفة كان جيد. بوفيه الافطار برضه كان جيد والاكل طيب ومتنوع، بس مرة تانية قعدنا ع طاولة ولما طلبنا من الشاب يصبلنا شاي رفع الكاسة الي عالطاولة وبرضه طلعت وسخة! ما بعرف وين المشكلة صايرة! بس جد بوفيه الافطار كان جيد، طلبنا تاني يوم التدبير المنزلي يرتب الغرفة بس طلعنا ولما رجعنا الكاسة والارض كانوا على حالهم، تالت يوم طلعنا الصبح و برضه حطينا انه بدنا التدبير و غبنا 3 او 4 ساعات عن الغرفة مع هيك رجعنا والغرفة ع حالها ما حدا رتبها! عالترويحة الشاب الي خرجنا كان رائع واسلوبه اسلوب فندق 5 نجوم. هاي باختصار تجربتنا عن الفندق. بالنسبة لموقعه هو مو عالبحر و بعيد شوي عن منطقة الفنادق، بالشتا والجو حلو ممكن تمشي لهناك للناس الي بتحب المشي بس المسافة ممكن تكون بعيدة شوي، مشتركين مع شاطئ البرانيس وهو شط جداااااا حلو بس المشكلة مواعيد باصاتهم مو مرنة، اخر باص بيطلع من الفندق عال 12 او 12:30!!!! والتاكسي لهناك اذا الواحد بده يروح لحاله حوالي 7-8 دنانير لان الشط بعيد جهة تالا باي، فالروحة والرجعة حتكون مكلفة بالاضافة للدخولية 7 دنانير لنزلاء الفندق. بس الشط جد حلو هناك.
  • Review by Asma Rumman of العقبة هاوس
    قبل 5 سنوات
    لاول مرة بحياتي كنت بنزل عالعقبة وهاد المطعم خلاها تجربة جميلة جداااااا، نزلنا 3 ايام و ما اكلت غير عندهم، جربنا الصيادية مع سمك دنيس مشوي، كالاماري مقلي، كوكتيل جمبري، اصابع السمك، سمك فيليه مقلي مع بطاطا، فوتوتشيني، وكلهم كلهم كانوا جداااااا طيبين، صاحبتي بس ما عجبها الفوتوتشيني بس انا حسيته طيب لان حسيت ان الصلصة البيضا الي عليه معمولة عندهم مو علب جاهزة زي باقي المطاعم. احنا كنا شخصين و غدانا ولا مرة تجاوز ال 25 دينار. الشباب بالمحل خدومين ولانهم شافونا اكتر من يوم اخر يوم ضيفونا الشاي والقهوة ضيافة محل منهم، و ساعدونا اول مرة بالقارب الزجاجي جابولنا ياه لباب المطعم (الباب عالبحر مباشرة)، مشكلتهم الوحيدة انه الخدمة مو سريعة، بس السبب انه الاكل بيتحضر عالطلب فوقت التحضير هاد يعتبر طبيعي. القعدة عندهم بتجنننننننننن عالبحر، يعني الواحد يتغدا فوق بالمطعم بالطابق التاني بيكون كاشف المنظر و بس يخلص بينزل يشرب شاي او قهوة عندهم و رجليه بالبحر. صراحة ما تعبت حالي ادور ع مكان تاني اتغدا فيه بالعقبة لانه هالمكان فيه كل الشروط، اكل زاكي، سعر مناسب والبحر حواليك
Next

أماكن أفضلها

صور أضفتها