Hamza Hamed

Hamza Hamed

عمان . منذ يونيو 2013
inbox me for any info :P
23 من المراجعات
الأماكن المضافة
67
مراجعتي كانت الأولى
5
مراجعاتي
23
صوري
64
أماكن فضّلتها
61

مراجعاتي

  • Review by Hamza of مركز تاج لايف ستايل
    قبل 7 سنوات
    احلى مول بالاردن و اكبر مول بس برضو في مشكلة انو ما بدخلوا الشباب الا اذا بدهم يحضرو سينما يعني زي كانو دخولية للمول في محلات بتجنن من ملابس و كافيهات و مطاعم و المول كلو راقي بس بعجق من كتر ما هو كبير يعني ممكن تضيع وفي ترس القعدة في خرافية يعني المول بشكل عام بجنن و ما عليه حكي
  • Review by Hamza of كنتاكي
    قبل 7 سنوات
    المطعم كتير صغير مافي الا 6 او 7 طاولات بس مش الو لحالو مع بيتزا هت المحلين مشتركين بنفس المكان الاكل زاكي المحل غني عن التعريف و الاسعار منيحة بس الخدمة بطيئة كتير و كتير بخربطوا مع انو ما بكون في ناس كتير بالمحل النظافة منيحة بس الحمام ما حدا يدخلو نصيحة
  • Review by Hamza of موون موود
    قبل 7 سنوات
    قعدة المكان حلوة و خاصة جنب الشباك و الخدمة منيحة و في عندو اشياء كتير على القائمة و بالنسبة للاراجيل منيحة حسب قولة صحابي عشان انا ما جربتها طلبت مولتن شوكلت كانت منيحة بس مش كتير و كوكتيل مون مود كان زاكي بس في مشكلة صغيرة و هي النظافة مش عارف المحل مبين كتير نظيف بس كان ورانا في صرصور بتمشى بالمحل o.O ما بعرف من وساخة المحل ولا دخل من الشباك بس يعني كان يتمشى و عادي ما حدا عمل اشي كنا 8 اشخاص طلبنا اشياء كتير و طلعت الفاتورة 65 دينار يعني منيحة بالنسبة للي طلبنا مع الكوفر تشارج طبعا 2 دينار على الواحد يعني كانت تجربة منيحة بنصحكم تجربوه
  • Review by Hamza of السيرك الروسي
    قبل 7 سنوات
    على ما اظن السيرك الوحيد بالاردن عروضه منيحة مش كتير حلوة يعني في فقرة ساحر و مهرج و البهلوانية و كمان فقرتين مش اكثر و مش كتير حلوين يعني مناسب للاطفال سعرو متوسط المكان كبير من جوا النظافة معدومة بكون في برا زي بسطات تابعة للسيرك بتبيع بشار و بيبسي و هاي الاشياء
  • Review by Hamza of شاورما طازة
    قبل 7 سنوات
    المحل ببيع شاورما كتير زاكية بس مافي عندو لحمة بس دجاج و الخدمة عندهم منيحة بس مش كتير بتكون تحكي مع الشب اللي بعمل الشاورما بعمل حالو مش سامع و شوي بطيئة و المحل صغير ما بوسع اكتر من 6 اشخاص و مافي قعدة بس في طاولتين بكونوا برا بس الشاورما كتير زاكية و بحط معها دبس الرمان و هاد اشي بميزها من ناحية النظافة المحل كتير نظيف ما عليه حكي اسعاره جيدة زي اغلب مطاعم الشاورما
  • Review by Hamza of دجاج أنس
    قبل 7 سنوات
    اتسحرت فيه انا و صاحبي اشترينا شاورما دجاج و لحمة كانوا كتير زاكيين و المحل كتير نظيف و الخدمة كتير منيحة و سريعة شوي و اسعاره زي اي محل شاورما نظيف و زاكي واللي عجبني فيه انو الكل هناك بتعاون حتى صاحب المطعم بكون يعطي الوجبات للناس اللي واقفين يستنوا برا المحل بس مشكلتوانو صغير و معجوق كتير بس كانت تجربة جيدة
  • Review by Hamza of وزاب دوغ
    قبل 7 سنوات
    ازكى مطعم بالاردن ببيع هوت دوج , الهوت دوج عندو مش طبيعية و مشوية مش مقلية و بحط مع السندويشة كتير اشياء و كل اشي ازكى من التاني و اذا بدك تزيد جبنة بحطلك قد ما بدك بدون ما بتدفع زيادة زي اغلب المطاعم و تعاملهم ولا احسن و النظافة اشي رائع و اسعاره كتير منيحة بس مشكلتو انو المحل شوي صغير و بكون معبى ناس بس ما بتحس بالوقت عشان اللي بشتغلوا هناك كتير مناح و بكونوا يحكوا معك
  • Review by Hamza of مطعم السروات
    قبل 7 سنوات
    مطعم السروات من ازكى المطاعم اللي بتقدم شاورما انا ما بحب اللحمة كتير بس من عندو ما باخذ الا لحمة يعني كل اشي عندو زاكي مش بس الشاورما و الاسعار كتير منيحة و النظافة مافي عليها حكي بس المشكلة اللي في الازمة اللي بتكون عندو ما بتخلص يعني اذا بدك تطلب سندويشة شاورما بدك نص ساعة عشان توخذها و المعاملة مش كتير منيحة بتكون تحكي مع اللي بشتغلوا هناك بعملوا حالهم مش سامعين بس المطعم بشكل عام كتير زاكي
  • Review by Hamza of نجوم المنتخب العربي للعصير
    قبل 7 سنوات
    رحت اتسحرت فيه انا و اصحابي عشان زمان ما زرتة الاكل كان كتير زاكي و البطاطا منيحة بس الكوكتيل ما الو دخل بالدنيا يعني بس مي و عليها شوية حليب و موزة و ربع تفاحة كنا بدنا نطاوش مع الزلمة عشان الكوكتيل كان شلفقة و النظافة مش بزيادة الذبان بكون يطير حواليك و السعر عادي مش غالي بس يا ريت يغيروا تبع الكوكتيل عشان زمان كنت بس اجي اشرب كوكتيل من عنده هسا مش راح ادخله اللي بدو يشتري من عندو لا يوخذ كوكتيل عشان راح يندم
  • Review by Hamza of ليفورنو
    قبل 7 سنوات
    المحل كتير منيح و زاكي الخدمة فيه ممتازة و سريعة كتير و اسعاره مش كتير غالية يعني منيحة انا اكلت البوظة المقلية كانت عنجد روعة و المحل كتير نظيف و كل 10 دقايق تقريبا بمسحوا الارض و الطاولات بنصحكم اتجربوا راح يعجبكم
  • Review by Hamza of فندق انتركونتيننتال
    قبل 7 سنوات
    الفندق خرافي من احلى الفنادق اللي رحتها المسبح كبير كتير على الشاطيء الاكل عندو لا يوصف الغرف بتجنن السرير كتييييييير مريح الخدمة ممتازة الفندق نظيف لدرجة مستحيل اتلاقي محرمة على الارض يعني الفندق كتير راقي بس شوي غالي بس كتير بنصح في
  • Review by Hamza of بوبايز
    قبل 7 سنوات
    المكان كتير نظيف و الخدمة سريعة كتير و الاكل بشهي البطاطا عندو ما الها حل و الاسعار كتير منيحة و العروض عندو خرافية بس لما يكون عندو عروض بتلاقي كل الاردن في بس المحل بجنن من كل النواحي
  • Review by Hamza of فروت سالاد
    قبل 7 سنوات
    المحل كتير زاكي و الخدمة منيحة بس مش نظيف كتير يعني الطاولة اللي قعدنا عليها كانت مدبقة مش ممسوحة طلبنا سلطة الفواكة مع الايس كريم الفواكة عندهم جيدة مش كتير منيحة بس الايس كريم ما الها دخل بالدنيا اول اشي مش باردة تاني اشي مش ايس كريم شكلها كريمة و مش زاكية بالمرة كانت تجربة مش منيحة
  • Review by Hamza of مطعم حمادة
    قبل 7 سنوات
    الحمص و الفول و الفلافل و هاي كلها زاكية من عندو و المحل نظيف بس الخدمة اسوأ خدمة شفتها بحياتي مافي مرة رحتو مع اصحابي الا و اتمشكلنا مع الجرسون او الكاشير بكون يحكي معك و هو مش طايق حالو و هاد الحكي ما بنفع يا بتشتغل منيح يا ما تشتغل بالمرة بس الاكل كتير زاكي
  • Review by Hamza of بينتبول عمان
    قبل 7 سنوات
    اللعبة بتجنن فيها روح التحدي يعني بتحس حالك عنجد جوا حرب و المكان كتير حلو و الاسلحة تبعتو كتير قوية باختصار اللعبة خرافية
  • Review by Hamza of مكتبة الشالاتي
    قبل 7 سنوات
    اروع مكتبة بالاردن يعني فيها كل اشي من قرطاسية و هدايا و العاب كل اشي فيها الموظفين محترمين كتير نظافة المحل روعة بس السعر شوي غالي بس كتير منيحة
  • Review by Hamza of سمارت باي
    قبل 7 سنوات
    المحل جيد جدا يقدم عروض رائعة و هو اول وجهة لي عندما اريد شراء ادوات كهربائية كالموبايلات و اللابتوبات و غيرهم سعره جيد بعض الشيء الخدمة رائعة الاجهزة فيه اصلية غير مغشوشة و يوجد به كل شيء لمن يريد شراء اجهزة كهربائية انا انصح به لانه حقا رائع
  • Review by Hamza of مدارس النظم الحديثة
    قبل 7 سنوات
    مدرسة قوية جدا من افضل المدارس في المملكة الكادر التعليمي لديه خبرات تدريسية من سنوات طويلة يخرج منها الاوائل على المملكة اسعار التسجيل فيها مقبولة
  • Review by Hamza of ماكدونالدز
    قبل 7 سنوات
    مطعم غني عن التعريف اكل بشهي فطوره روعة في خدمة توصيل فريق العمل محترم جدا يعني المعاملة ولا اروع القهوة من عندو اللي ما ذاقها فات نص عمرو جد مطعم خرافي
  • Review by Hamza of ستاربكس
    قبل 7 سنوات
    احسن كافيه بالاردن القعدة بتجنن في نت الاشياء اللي بقدمها ازكى من اي مكان تاني محل كتير نظيف الخدمة ممتازة في مكان خاص للتدخين يعني اللي بدو يروح مع اصحابه على مكان يتسلوا فيه يروحوا على ستاربكس لانو جد روعة
  • Review by Hamza of فيل بيرغر
    قبل 7 سنوات
    باختصار مطعم لا مثيل له الخدمة و الطعم الذيذ و نظافة المكان و المعاملة الممتازة من العاملين في المطعم حقا انصح بتجريبه
  • Review by Hamza of أبو حجلة سناك
    قبل 7 سنوات
    الاكل لذيذ جدا مطعم نظيف للغاية سعره مقبول لكن لا يوجد اماكن اصطفاف جيدة الخدمة رائعة جدا جربوه و لن تندموا
  • Review by Hamza of بيتزا ريميني
    قبل 7 سنوات
    مطعم جدا رائع الخدمة ممتازة هدوء المكان يشعرك بالارتياح التام مع اكل بيتزا لذيذة تشوى امامك على الحطب و المقاعد خشبية جميلة و المكان مصمم على الهيئة الايطالية و سعره ممتاز حقا المحل مذهل
  • Review by Hamza of بيتزا ريميني
    قبل 7 سنوات
    مطعم حقا اكثر من رائع في طعمه اللذيذ و الخدمة المتميزة و انا اذهب اليه كل اسبوع لحبي له انصح الجميع بالذهاب اليه
Next

أماكن أفضلها

    صور أضفتها

    مرمرة للبلياردو
    مرمرة للبلياردو
    مرمرة للبلياردو