Jihad Mahmoud

Jihad Mahmoud

عمان . منذ مارس 2013
A #dreamer, a #believer of my #abilities, #love_collections and meeting new ppl
40 من المراجعات
الأماكن المضافة
2
مراجعاتي
40
صوري
21
أماكن فضّلتها
1

مراجعاتي

  • Review by Jihad of جامعة الأميرة سمية للتكنولوجيا
    قبل 7 سنوات
    أنا ما درست فيها بس سمعتها تسبقها ﻷنها مميزة بتدريسها وقوية وخريجيها بنافسوا بقوة في سوق العمل. بعطوا منح للطلاب المتفوقين والمقاعد الدراسية فيها تسكر اول باول فاللي بحب يسجل فيها يلحق حاله من اول ما يعلنوا عن فتح باب التسجيل.
  • Review by Jihad of فروت سالاد
    قبل 7 سنوات
    حبيته من أول يوم دخلته يالله ما أزكى عصائره طبيعية بشكل وطازجة منعشة جربت عنده عصير البطيخ اللي لا يعلى عليه والموز بالحليب بقولوا جرجير بالحليب زاكي بس لسه مو متجرئة اجربه. اذا بدكم قعدة فريش وتشربوا شي صحي وباسعار لطيفة ومعقولة زوروهم.
  • Review by Jihad of لذة اسطنبول
    قبل 7 سنوات
    أكلت فيها قبل 3 سنوات وجباتهم كثير زاكية وبشهوا. قعداتهم مرتبة ومريحة ونظيفة والكرو لطيفيين. مع اني ما زرته من زمان بس اذا صحلي بزوره بدون تردد:)
  • Review by Jihad of مطعم راجعين
    قبل 7 سنوات
    الحلو أنه قديه بمر بشارع الرينبو عمري ما انتبهت عهالمطعم الا لما انعزمت فيه للعشا.. طبعا شو أحكيلوكم فعلا تجربة مميزة (وبتمنى برجعتي عالأردن المرة الجاية أزوره أكثر).. الأكل زاكي كثير ومنوع .. طاقم العمل ودودين جدا ... الديكورات رهيبة القعدة بتجنن مع الموسيقى المريحة .. وقبل ما نطلع ضيفونا حلو وقهوة ... بنصحكم تمروا عهالمطعم وتسهروا فيه جوه بالليل والطلة من شرفته لا تعوض
  • Review by Jihad of تيرتيل جرين تي بار
    قبل 7 سنوات
    أنا دايما بمر به وما بلاقي وقت أجرب ادخله قبل شي شهرين قررت أدخله المكان لطيف الديكور مريح وجو القعدة حلوة كثيرة ... اللي بشتغلوا فيها ودودين الأسعار معقولة زي أي كافيه تاني.. جربت عندهم الشاي والهوت شوكلت طيبين ... الشغلة الوحيدة اللي ما حبيتها قصة الدخان المسموح وخاصة في مكان مغلق كثير متعبة ومزعجة..
  • Review by Jihad of الدكتور ابراهيم غبيش
    قبل 7 سنوات
    د. إبراهيم هو طبيب العائلة من زمان، طبيب مميز مستحيل يعطيك دوا من دون فايدة أسعاره خفيفة: 5 دنانير عكل مراجعة وأحيانا اذا حس شي مو محرز ما برضى يأخذ أجرة الكشفية. هو موقعه أول طلوع البلدية فبقدر الواحد يصف جو الدخلات، بنصحكم تراجعوه في حال كنت تشكو من أي شي :) وسلامتكم. ملاحظة هو بدوام بالعادة من ال4 لل7.
  • Review by Jihad of الدكتور علي الرمحي
    قبل 8 سنوات
    د. علي الرمحي دكتور جدا راقي وشاطر بشغله،وأمين بشرحلك كل شي بخص حالة عيونك وبعطيك خيارات للعلاج. كشفيته هي 15 دينار، عيادته في مجمع البنك الإسلامي في صويلح الطابق ال2، مكان الإنتظار متوسط، والكشف على الدور. الموظفات في عيادته تعاملهم ممتاز. الغلبة الوحيدة في المصفات لأنه بصويلح لجوا. بنصحكم تراجعوه بخصوص أي مشكلة بعيونكم.
  • Review by Jihad of شركة مياه الاردن مياهنا
    قبل 8 سنوات
    طبعا مكانه بصويلح جوا دخلة، وبدك تلف وتسأل كثير ناس لتندل عليه تدخل على المكان وتنصدم أنه هاي شكل مكتب شركة، زجاج باب المدخل مكسور، المكان يفتقر للنظافة. فاتورتي ما وصلت من شهر 20126 والسبب بسيط السيد الجابي ما كان يجي، لما طلبت فاتورتي طلبوا مني أنه أنا أقرأ العداد لأنه المحصل عمره ما راح يوصلنا!!!! مع العلم نحن ساكنين بالجبيهة. بطلوعة الروح وبعد شكاوي عدة جابولنا القراءات ودفعناه بس امبارح. بالنسبة لمية البلدية نحن مقطوعين من شي أسبوعين وكل يوم بحكولنا اليوم بجيبوها وكل مرة ساعة شكل... ولغاية هاللحظة وبعد 10 اتصالات على مدار يومين المية لسه ما وصلت .. وحتى تعامل الموظفين تعون الشكاوي بحسسوك انك غلطان كيف تشكيلهم قطعة المية... حسبي الله عليهم بيتي ما فيه ولا نقطة مية... اشي مؤسف للغاية!!!
  • Review by Jihad of كافيه سترادا
    قبل 8 سنوات
    أنا زرته بس مرة وحدة ... ولو يصحلي لأزوره تاني مرة... مكان حميمي كثير... صغير ، مرتب ومريح... أجمل ما فيه أنه بجوز المكان الوحيد اللي زرته وكان مكتوب عليه ممنوع التدخين وفعلا بطيقوها ... أحييهم عهاي الميزة... أسعارهم مناسبة.. عندهم تنوع بالمشروبات والأطعمة... بنصحكم تمروا عليها بس تكونوا بشارع الرينبو :)
  • Review by Jihad of غلوريا جينز
    قبل 8 سنوات
    اذا بدك قعدة رايقة للدراسة أو التقاء الأصدقاء بنصحك بجلوريا جينز شارع المدينة المكان واسع.. نظيف ومرتب.. الخدمة سريعة والأسعار مناسبة... بنصحكم تجربوا هوت شوكليت مع مارشيملو كثير زاكية... المشكلة الوحدية أنه الناس اللي تزورها ما تراعي أنه الجو ما بستحمل دخان وبقضوها سجاير وبصير الجو سيء جدا....
  • Review by Jihad of عفرا
    قبل 8 سنوات
    خلال فترة قصيرة زرته 3 مرات.. بالنسبة الي هو البديل لجفرا لأني ما بحب يكون الجو مخنوق ومليان دخان .. قعدة السقف أحلى شي .. المنظر منه كثير حلو.. الجلسة مريحة .. الخدمة جيدة وسريعة نوعا ما .. الأسعار معقولة .. المناقيش عنده طيبة .. بس ما جربت عنده أكل .. الكوكتيل والهوت شوكليت عنده كمان طيبيين.. اذا بدك قعدة مريحة بالبلد بنصحكم تمروا على عفرا :)
  • Review by Jihad of مستشفى العيون التخصصي
    قبل 8 سنوات
    كانت جميع زياراتي للمستشفى مريحة، ويتوفر عدد جيد من الكراسي في غرف الإنتظار، أطول فترة انتظار مرت علي كانت ساعة، طبيبي كان د. عصام الرواي، طبيب رائع جدا وصاحب ذمة وضمير وممتاز في عمله. كانت زياراتي تخت تأمين عملي، لكن يمكنني القول أن أسعار هذا المستشفى غالية نوعا ما، ولكنها مقابل خدمة ذات جودة عالية.
  • Review by Jihad of هاشم
    قبل 8 سنوات
    أول شي بميز المطعم أنه بالبلد، وأنا بطبيعتي بحب كل ما هو متعلق بالبلد. بحب أقعد فيه وأشرب كاسة شاي بالنعناع وأذوق الفتة الزاكية تبعتهم، المشكلة أنه دايما معجوء، وصايرين بطيئين والنظافة عندهم شبه معدومة. الأسعار في تزايد مستمر، مع بقاء الجودة نفسها نفسها إن ما كانت أقل. اللي بحبه فيه، أنه مطعم قديم، وكثير أجانب ومواطنين بجوا عليه، وبعطوه جو حميمي ودافي :)
  • Review by Jihad of سيفين
    قبل 8 سنوات
    لما اكون مارة بالبوابة الشمالية بحب اخذ منه ساندويشات أكثر شي بشهوا عنده فعفعوط، صاروخ، زنجر، وشاورما كعك. قعداته لطيفة، الخدمة سريعة وجيدة، أسعاره كانت أرخص زمان، بس مع هيك الأسعار لغاية اليوم معقولة. النظافة جيدة جدا، وعنده تنوع بالوجبات، مروا عليه ما راح تندموا :)
  • Review by Jihad of سبارو
    قبل 8 سنوات
    كنت بموت عاللازانيا منه وكثير أجيب منه لحد يوم من الأيام صارلي تسمم من الكوسلو وبطلت اروحله بالمرة، هذا الحكي من شي 5 سنين ما بعرف صاروا أنظف ولا لا. الطاقم كان دايما ودود، وعندهم اصناف منوعة، واسعارهم معقولة.
  • Review by Jihad of موال
    قبل 8 سنوات
    زرت المكان مرة وحدة... وكانت مرة لا تنسى طلبنا مشاوي وكان كثير كثير زاكي المطعم راقي ورايق ... الخدمة رائعة نظافة عالية بس الأسعار غالية بنصح مين بحب مشاوي صح يروح عليها :)
  • Review by Jihad of ديرتنا اكسبرس
    قبل 8 سنوات
    I have visited their branch like three times. Their food is tasty, their staff are highly professional. The place is nice, I liked sitting outside rather than the inside part. The only negative point is that they are slightly expensive.
  • Review by Jihad of باستيش كافيه
    قبل 8 سنوات
    I visited it only once, and it was a great experience, we had dinner over there and it was simply amazing. The service is great, the view is nice. But the prices are kind of high, and for people who hates the smell of shisha ( I don't recommend you to go there).
  • Review by Jihad of كباب إكسبرس
    قبل 8 سنوات
    I was invited to have a nice lunch The food was delicious, healthy and tasty The settings are cozy and beautiful. Everything was fine, but the bathroom lacked water which was highly inconvenient for a restaurant. I may visit it, but won't be very keen.
  • Review by Jihad of زيتونة
    قبل 8 سنوات
    مطعم زيتونة رائع من جميع النواحي فهو من ناحية التصميم والديكور مريح جدا وأنيق الطاقم رائعون وسريعو الإستجابة ومبتسمون دوما أما الطعام فهو شهي للغاية سواء كانت أطعمة تقليدية كالشاورما أو وجبات كسمك الفيليه والمشاوي المقبلات أيضا لذيذة والأهم من كل ذلك أن أسعارها مناسبة ومعقولة وبالمناسبة المطعم يتمتع بنظافة عالية أنصح الجميع وبشدة بزيارتها والإستمتاع بأوقاتهم فيها
Next

أماكن أفضلها

    صور أضفتها

    هوت شوكلت وشاي منظرهم متل طعمهم زاكي كثير :)
    كيكة الجزر عنده طيبة كثير
    هوت شوكلت بالمارشميلو شرابي المفضل