Jihad Mahmoud

Jihad Mahmoud

عمان . منذ مارس 2013
A #dreamer, a #believer of my #abilities, #love_collections and meeting new ppl
40 من المراجعات
الأماكن المضافة
2
مراجعاتي
40
صوري
21
أماكن فضّلتها
1

مراجعاتي

  • Review by Jihad of زي لانش باد
    قبل 6 سنوات
    زرت زي باد لانش لأول مرة لما تم عقد ورشة عن الإعلام الإجتماعي فيها... المكان مكون من طابقين فيه مساحات مخصصة للأشخاص اللي بدهم يشتغلوا أو يدرسوا فردي أو للمجموعات... في اشتراك لليوم الواحد بشمل المشروبات الساخنة مجانا طوال فترة قعدتك...الديكور جذاب وشبابي بس بحسه اذا كان عدد الناس كبير بصير معجوء بطريقة لا تطاق.. عدا هيك لما يكون الحركة متوسطة بكون مكان كثير حلو للدراسة والشغل بنصحكم تجتمعوا فيه اذا كنتم قريبين من اللويبدة
  • Review by Jihad of كيبي
    قبل 6 سنوات
    زرت المكان مرة وحدة لأنه شفناه بالصدفة على زواية الشارع قريب من دوار باريس، القعدة لطيفة بس المشكلة لما يكون مسكر والجو معبا ريحة أرجيلة ودخان ساعتها تحس القعدة لازم تخلص ... الخدمة بطيئة ... ما شربت عندهم غير كابتشينو وما دقت أي شي فما بقدر احكم أنه زاكي أو لا...اذا تحبوا تغامروا بالأماكن مو غلط تمروا عليه وتشربوا شي ساخن عندهم
  • Review by Jihad of جو بدو
    قبل 6 سنوات
    أنا زرت جو بدو مرتين... المرة الأولى شريت ستكرز وبطاقة بريدية والمرة التانية برضو شريت ستكرز بس الحلو في المرة التانية أنو لما عملتله شيك ان بالفورسكوير لأول مرة طلعلي هدية برضو ستكرز.. طريق عرض المنتجات لطيفة.. ديكور المحل مميز ... بس بحس أسعاره نوعا ما غالية بالنسبة للهوديز والتي شيرتات ... كونه باللويبدة ما اله مصفات كثيرة ... بس هذا ما بغني تروحلوه زيارة وتشتروا منو
  • Review by Jihad of فلافل بلس
    قبل 6 سنوات
    المكان جديد، موقعه لطيف في آخر شارع الرينبو، ديكوره لطيف وقعدته بتجنن ورايقة .. المنيو متنوع، ففي فلافل أوريجنال، فلافل كشري، فلافل تاكو، سلطة فلافل، وفلافل ناجتس. أنا جربت كلهم بنفس القعدة، طعمهم زاكي كثير أول مرة بذوق فلافل طيبة هالقد وبنكهات مميزة وأسعارهم كثير منيحة، واللي بشتغلوا خدوميين وسريعيين. فإذا على بالك، تدوق فلافل غير شكل ومار على شارع الرينبو لازم تمر عفلافل بلس.
  • Review by Jihad of منقوشة
    قبل 6 سنوات
    رحت لهالمحل مع طلعة جيران الأخيرة... انا ما بروح كثير على الصويفية فعشان هيك ما لاحظت المكان من قبل ... المكان مو كبير كثير هادي ومريح واللي بشتغلوا فيه ودودين وخدومين كثير... جربنا عدة أكباق بنفس الوقت أهم شي بيتزا ألفريدو ... انا ما بحب البيتزا بس لما دقتها كان الطعم خيال وحبيت البيتزا من وراها... أما العجينة بالفاهيتا خلطة بهاراتها بتجنن .. بالنسبة لقلاية البندورة وفخارة الدجاج بالخضار والعجينة باللحمة كانوا كمان طيبيين .. بالنسبة للأسعار كثير مناسبة .. المشكلة الوحيدة انو ما في ناس كثير شغالين فيه فالطلب بأخد وقته ليجهز .. مع هيك أنا حبيت المكان وراح أرجع أزور المكان مرة تانية .
  • Review by Jihad of مختبرات سائد الطبية
    قبل 6 سنوات
    رحت أعمل فيها فحوصات مختلفة للدم، تفاجأت قديه في فرق بالأسعار بينهم وبين مختبرات تانية جنبهم. المختبر نظيف كثير، اللي بشتغلوا فيها صبايا رائعات وصبورات،ودوامهم مناسب من 9 لل7 م. اذا احتجتوا فحوصات روحوا عليهم.
  • Review by Jihad of الباشا
    قبل 6 سنوات
    اليوم زرته لأول مرة. كان جاي عبالي شاورما فرحتله. في أحجام للشاورما وفي نوعين للوجبات وجبة شاورما عادية ووجبة الباشا اللي بتنعمل بخبز وجبنة وتنقسم مثل البيتزا. جربت وجبة الباشا طيبة بس مو زيما توقعتها. المحل نظيف الخدمة سريعة واللي بشتغلوا بشوشيين وخدومين. المشكلة انو المحل فيه بس 4 كراسي مرتفعة وقدامهم طاولة مشتركة معلقة، ما بنفع تقعد جواته لما يكون عليه ضغط. أسعاره رخيصة.
  • Review by Jihad of ووكس اند كومباني
    قبل 6 سنوات
    امبارح كان تجربتي الاولى بما انني زهقت الوجبات السريعة حبيت التنوع في المنيو بين الاكلين الهندي والصيني اشتهيت جاج بالكاشو وطلبتها مع الرز بدل النودلز هو زاكي زاكي بس انصدمت كثير من الكمية كثيييييييير قليلة وما تستهال كل الوجبة سعر 6 دنانير لانها للاسف ما تشبع الكاشير لطيف وما دام الفرع بالسيتي مول فاكيد في مصفات وخالية من التدخين.لو بنصحكم تجربوا ولا لا اذا عالطعمة اوك بس عالكمية لا
  • Review by Jihad of هيروز برجر اند وينجز
    قبل 6 سنوات
    رحتله قبل اسبوعين وقت جمعة جيران وعجبني المحل من ديكوره كثير مميز طبعا منيو اﻷكل بحتوي على تنوع فريد في أنواع البرغر المقدمة انا جربت BBQ وسويس مشروم كثير طيبين وبشبعوا المشروبات الغازية بقناني (زمان عنهم) المحل نظيف ومرتب المصفات حسب المتوفر في شارع الرينبو اللي بشتغلوا هناك ودوديين بس مشكلة المحل انه نوعا ما صغير.بس لمحبي البرغر بنصحكم كثير تزوروا هالمكان
  • Review by Jihad of فن وشاي
    قبل 6 سنوات
    المكان جدا جميل وهادىء الديكور رائع توزيع القعدات الداخلية والخارجية ممتاز العاملين بها لطفاء يوجد أنواع شاي مختلفة بعضها أسمع بها للمرة لﻷولى قمت بتجربة شاي تانغو لذيذ يوجد انترنت لاسلكي المصفات صعبة نوعا ما كونها في منطقة سكنية وشارع ذو اتجاه واحد يوجد منطقتين الداخلية ممنوع التدخين بها والخارجية مسموح التدخين بها أنصح عشاق اﻷماكن الهادئة بتجربة هذا المكان.
  • Review by Jihad of بنك الأردن
    قبل 7 سنوات
    بحب هالبنك. خدماتهم متنوعة وسريعة فتح الحساب ولا اسرع واي خدمة بدك ياه ما تضطر تستنا أكثر من 10 دقايق اذا كان معجوء الديكور مرتب الموظفيين ممتازين وودودين. الصراف الالي دايما شغال ونادر ما بلاقيه متعطل وفي عدد لا بأس به للمصفات.
  • Review by Jihad of النسور للسياحة والسفر
    قبل 7 سنوات
    جميع تذاكري للسفر بجيبها من عندهم العاملين فيها لطفيين وبجيبولك احسن العروض وسريعيين. ما في مصفات كثير لموقعه بداوموا لل6 من السبت للخميس اسألوا عن أستاذ محمد الغانم بخدمكم منيح.
  • Review by Jihad of بيت بلدنا
    قبل 7 سنوات
    بحب هذا المكان كثير كثير والي ذكريات جميلة فيها المكان رايق وهادي... بقدم أنواع مختلفة من المشروبات الساخنة والمفضلة عندي هو الهوت شكولت بالمارشيملو كثير طيبة. جوه لطيف ومريح، اللي بشتغلوا هناك لطيفيين وسريعيين، القعدة بتجنن خصوصا على الطاولات المطلة. مشكلته الوحيدة أنه جاي شوي مخفي بالشارع والمصفات عنده صعبة كثيرة. للي بده يستمتع بأمسية رايقة مع رفقاته يروح يجربه.
  • Review by Jihad of راس بيروت
    قبل 7 سنوات
    اكله كثير طيب ومتنوع جد اذا بدك شي يفتح النفس جربوا معجنات راس بيروت. المكان صغير نظيف ومرتب القعدات محدودة جدا وكمان المصفات بس لا يمنعكم هالشي من ان تمروا وتجربوه
  • Review by Jihad of باب مكة
    قبل 7 سنوات
    المطعم قريب من بيتي، وجباته طيبة وأسعاره ممتازة بس المشكلة بده إعادة ديكور كامل يعني مستحيل اكل جوا المطعم نفسه ولازم يلبس طاقم العمل لبس رسمي لأنه مش مرتبين للأسف ومع هيك ودودين وخدمتهم سريعة. وكمان المصفات عنده قليلة.
  • Review by Jihad of أسياد المندي
    قبل 7 سنوات
    هو الأساس في سلسلة مطاعم أسياد المندي، اللي بميز هذا الفرع عن فرع الجامعة الأردنية هي قعداتها العربية اللطيفة والمميزة والمكان كمان أوسع. الخدمة ممتازة النظافة عالية الوجبات زاكية والقعدة رايقة والمواقف بهالفرع متوفرة لعدد أكبر من السيارات.
  • Review by Jihad of أسياد المندي
    قبل 7 سنوات
    هذا مطعمي المفضل للمأكولات الخليجية المندي عنده رائع سواء بالجاج أو اللحمة والمقبلات شهية. الوجبة بتشبع والقعدة لطيفة مع أنه مو واسع كثير المكان. عندهم تنوع كبير بالوجبات وأسعارهم جيدة والخدمة لطيفة والمكان اله مواقف محدودة للسيارات. بنصح كل من بده يجرب مندي طيبة يروح هناك عطول.
  • Review by Jihad of الطازج
    قبل 7 سنوات
    زمان ما دخلت هالمطعم، بس كنت لما أكل فيه أنبسط كنت بحب وجبة الكبسة كانت رهيبة جدا وأزكى شي البسبوبة كتحلاية. المكان كبير بس دايما معجوء عند محل الكاشير. ما بعرف اذا بعده المكان زيما هو ولا لا بس الظاهر انه تغير ما بحكم الا لما ازوره مرة تانية.
  • Review by Jihad of تكساس تشكن
    قبل 7 سنوات
    أكلت فيه مرة المكان واسع رايق وونظيف، اللي بشتغلوا هناك ودودين وأكلهم زاكي كثير سواء كان قطع الدجاج بعظم، الستربس أو حتى الكوسلو والماش بوتايتو. أنا دايما بطلب منهم هوم دلفري دايما بوصلني الأكل كأنه طالع من الفرن. خدمتهم مميزة وأكلهم زاكي بنصحكم تجربوه.
  • Review by Jihad of شيكوزال
    قبل 7 سنوات
    رحتله أكثر من مرة بالزمانات أطباقه متنوعة وطيبة كثيرة الخدمة جيدة والديكور حلو مشكلة المكان أنه صغير، عدد اللي بشتغلوا قليل وما في مواقف للسيارات وفوق هيك بالشيمساني فبطلت أوصله.
  • Review by Jihad of سيتي مول
    قبل 7 سنوات
    الحلو بالسيتي مول أنه بجمعلك كل شي بدك ياه في مكان واحد : السينما، كافيهات ومطاعم مشهورة، محلات اواعي واكسسورات وشوز ومنتجات تجميلية، محلات ألعاب وكتب وكمان الكارفور. المواقف متوفرة والنظافة عالية ومرتبة بس المشكلة تكون لما يكون في عالم كثير تحس انك مو قادر تتنفس والتهوية والتبريد ولا كأنهم موجزدين. غير انه في كثير محلات اسعار بضاعتهم خيالية انا لحب اروح للسيتي لما بجتمع بصحباتي نشرب شي او عشان نحضر السينما وبحبها عرواقها بالصبح :)
  • Review by Jihad of مطاعم غزال
    قبل 7 سنوات
    انا ما عمري قعدت به بس كنت أخذ منه شاورما ايطالية كطلب خارجي وزاكي كثير مشكلته فعلا ما في مواقف خاصة به وبظلك قلقان انو تتخالف ما بعرف عن حلاوة القعدة والنظافة واللي بشتغلوا به لاني ما جربتهم.
  • Review by Jihad of دونتس فاكتوري
    قبل 7 سنوات
    هو موقعه حلو بالنسبة للطلاب اسعاره متوسطة بحب أنواع الدونتس اللي عنده وطعمها الزاكي بس اخر فترة الكابتشينو من عنده مو طيبة والمكان بحاجة إلى إعادة ديكور وتوسعة تليق باسم المحل
  • Review by Jihad of تي جي اي فرايدايز
    قبل 7 سنوات
    جربته مرة واكلت عندهم سيزلنغ زامي كثير. المكان ديكوره بجنن والموظفين ما بوقفوا عن الابتسامة مرحين وودودين. اجواء المطعم رايقة ومريحة للغاية بس زيارتهم بدها ميزانية.
  • Review by Jihad of الجامعة الالمانية الاردنية
    قبل 7 سنوات
    جامعة مميزة من كل النواحي والعمل فيها رائع وتجربة ما بتنتسى. تتميز بتخصصات مو موجودة عند غيرها مثل العلوم اللوجستية وتطوير المواد التدريسية كل فترة وفترة. مشكلتها الوحيدة تكلفة سنة في المانيا الغالية والاجبارية.
Next

أماكن أفضلها

    صور أضفتها

    هوت شوكلت وشاي منظرهم متل طعمهم زاكي كثير :)
    كيكة الجزر عنده طيبة كثير
    هوت شوكلت بالمارشميلو شرابي المفضل