Farah Abida

Farah Abida

عمان . منذ فبراير 2013
16 من المراجعات
الأماكن المضافة
1
مراجعتي كانت الأولى
2
مراجعاتي
16
صوري
3
أماكن فضّلتها
1

مراجعاتي

  • Review by Farah of برشلونة
    قبل 8 سنوات
    موقع المطعم بمرج الحمام قريب من المؤسسة المدنية و بجانب فانتاستيك كيك . المطعم ما عندو قعدات .. بس بتلاقي معظم الشباب بقعدو عالرصيف قدامو اكلو زاكي والوجبة جدا مشبعة .. يعني وجبة الزنجر مثلا بعبيها كتير .. لدرجة انو بسير نفسك تقدر تسكر الخبزة ! الاكل نضيف والمطعم نضيف كمان .. بحب البطاطا تاعتو مبهرة وزاكية اسعارو مناسبة . وجبة الزنج ( سندويشة زنجر مليانة+مخللات+ coca cola ) بطلعو بدينارين وبسهولة بتقدر تصف قدامو
  • Review by Farah of مطعم ومشاوي اصول الضيافة العربية
    قبل 8 سنوات
    هاد المطعم تعرفنا عليه بالصدفة .. هوا خلف شارع المدينة المنورة .. قريب جدا من بيتزا ريميني اول ما تفوت المطعم بالطالبق الارضي هواالممدخل وبتشوف مكان الشوي .. واصحاب المحل بستقبلوك بابتسامة وبرحبوا فيك والعاملين نظاف ولبسهم مرتب بتطلع عالطابق التاني وهي الصالة .. الصالة كبيرة وقاسمينها نصين .. جديد قسموها بديكورات خشبية وعملوا قسم للعائلات طبعا اطباقهم جدا زاكية .. دايما بنطلب مشاوي مشكل طعمها زاكي واللحوم بلدية من ملحمتهم .. و المقبلات جدا زاكية .. في الدجاج المسحب مع صلصة ليمون كتير زاكي والقائمة متنوعة من مقبلات و وجبات رئيسية لحتى المشروبات جدا نضيف المحل وتعامل العمال جدا رائع و بس تخلص اكل بضيفوك قهوة او شاي عحسابه . بالصيف قدمولنا بطيخ عنجد انا بنصح فيو واسعارو مناسبة صراحة بالنسبة لجودة الاكل والخدمة . وسهل انك تلاقي مكان تصف فيو والمطعم ما بقدم مشروبات روحية
  • Review by Farah of كيكة العسل حلويات القوقازية
    قبل 8 سنوات
    المحل كتير حلو . هوا صغير وبسيط بس تعامل الموظف كتير مريح وبشوش كمان كعكة العسل كتير زاكية .. ما بعرف كيف بالزبط مصنوعة بس هي تقريبا لما عديتها 7 طبقات وبين كل طبقة في اشي بشبه الكريم كراميل وعالوجه في كانو بسكوت مطحون جدا زاكي . والجوزة كتير طيبة كمان الاسعار مناسبة لحجم القالب يعني حلو تجيبو ازا عندك مناسبة . فكرة جديدة وزاكية
  • Review by Farah of كريما كريم
    قبل 8 سنوات
    زمان كتير كنت اروح عهالمكان .. اما حاليا نهائيا ما بفوتو طعم البوظة كتير كان ازكى من الطعم حاليا ومستوى الطعم بتراجع !! كان الو اسم بالسوق واقبال كتير .. بس بفضل اشوف اماكن تانية صراحة السحلب تاعهم زاكي كتير .. والاسعار عادية انا بشوفها والمحل نضيف وصار موقف مع الكاشير مرة وكنا رح نعمل خناقة ,, من اللخمة اعطوني طلبية غير و راضوني ببوظة مجانا المحلات يلي ما بتعرف تعامل الزبون منيح ما بتستاهل ترجعلها
  • Review by Farah of معجنات لافيرا
    قبل 8 سنوات
    معجنات لافيرا كان من قبل مطعم مملوك لشخص آخر وكان محل بيترزا وساندويشات لكن اشتراه شخص آخر وصار محل معجنات معجنات لافيرا زاكية جدا . المحل جدا نضيف وتعامل صاحب المحل والعامل هناك لطيف جدا وبستقبلك بابتسامة عندو تشكيلة واسعة .. ازكى اشي بالنسبة الي الجبنة مع بقدونس وكمان المرتديلا وصفيحة اللحمة طبعا عندو كمان بيتزا ، جبنة صفرا كتير زاكية، بطاطا ،دجاج مسحب ، كبة وجبنة مع زعتر وكتير كمان الحلو بالمحل هاد انو كمية الحشوات كبيرة . مو زي باقي المحلات بتلاقي حالك مشتري عجينة وحشوة الجبنة مثلا شوي ويا دوب مبينة .. هاد المحل عجنتو زاكية و طرية والحشوات كميتها مشبعة اسعار المعجنات عادية جدية زي باقي المحلات وحتى انا بشوفها رخيصة مقارنة بمحلات تانية بما انو بعبي الحبة موقعو بنص مرج الحمام ومنطقة حيوية بنصح بتجربتو و ازا في مناسبة توصو من عندو
  • Review by Farah of حلويات النجمة وأيس كريم جوستي
    قبل 8 سنوات
    كل اشي عند حلويات النجمة زاكي كتير ، بتعامل مع فرع البيادر لانو اقرب على مكان سكني .. وما بنسى وقت التوجيهي نصحنا الموظف بدل ما ناخد كنافة نوصي نوع حلويات جديد كان زي الوربات ومحشي قشطة وفستق وبكون بارد كتير ومغلف بطريقة حلوة ،، الكل عجبو الطعم والشكل يومها والكنافة عندهم كتير زاكية انا بفضل كنافتهم عن كتير محلات والوظة كمان رائعة . يعني من المحلات المفضلة عندي واسعارو عادية جدا
  • Review by Farah of ديفان للحلويات
    قبل 8 سنوات
    اكتر من مرة جبت جاتو لعيد ميلاد الطعم جدا زاكي .. وشكل الجاتوهات كتير حلو .. خدمة الموظفين ممتازة ومكان المحل بجبل الحسين على الشارع الرئيسي قريب من الضيعة و سوبرماركت سكينة وبنك HSBC المحل جدا نضيف واسعاره عادية :) وسهل انك تلاقي صفة بالصبحيات المسا بكون شوي ازمة لانو كتير حركة بجبل الحسين
  • Review by Farah of سيفين
    قبل 8 سنوات
    المطعم مقابل البوابة الشمالية للجامعة الاردنية .. بزورو انا وصحباتي كل فترة لما يصحلنا نجتمع المطعم كبير ومليان قعدات يعتي الواحد ما بياكل هم وين يقعد القائمة متنوعة في ساندويشات و برغر وشاورما وكمان حمص وفلافل وكمان اشياء اسعاره ابدا مو غالية ومناسبة جدا لطلاب الجامعة .. كمية الاكل بتكفي والوجبة مشبعة صراحة المحل نضيف وحتى دورات المياه .. الخدمة سريعة بس اوقات الغدا بتتأخر الطلبات وبسير عجقة من كتر الطلاب الصفة جدا جدا صعبة لانو الشارع ضيق ورقيب السير دايما موجود اصلا مستحيل تلاقي مكان من الازمة وممنوع التدخين المحل مرتب .. بنصح فيو لطلاب الجامعة
  • Review by Farah of بانوراما
    قبل 8 سنوات
    زرت المطعم الموجود في مجمع بانوراما البحر الميت مرتين وما عدتهم صراحة موقع المطعم جدا حلو والو ترس كبير مطل عالبحر الميت مباشرة والمناظر جدا حلوة .. بشكل عام مو ازمة المطعم مو كتير الناس بعرفوا المكان لانو يمكن بعيد بعدين على راس جبل . الاكل طعمو بشهي والقائمة متنوعة صراحة .. بس الاسعار غالية نوعا ما يعني سياحية ! .. لكن مقارنة بمطاعم معروفة بعمان فهي مشابهة لها نوعا ما طلبنا مشاوي ومقبلات متنوعة وكان الاكل مرتب وزاكي .. بس المشكلة كانت انو المحل مليان بسس لانها منطقة بعيدة و مافي كتير حركة هناك جدا ازعجنا الوضع البسس رايحة جاي ماشية عالسور جنبك وتحت الطاولات يعني ما بياكل الواحد وهوا مرتاح بفضل الواحد ما يزور المكان يوم الجمعة لانو فاضي بكون كتير . زرته المرة التاني بيوم سبت واستمتعنا خدمة الموظفين مو سريعة و انزعجنا يومها وكنا رح نتخانق معهم .. واحنا لسا ما خلصنا الاكل بلشوا يقيموا الاكل من الطاولة ! يعني بدهم يروحوك وانت لساتك ما خلصت .. التعامل مو حلو ابدا من قبل الموظف كان . في قعدات داخلية وقعدات لطيفة خارجية كمان . الديكور حلو كتير والموسيقة مريحة يلي بحطوها والمحل على حد علمي فيو مشروبات روحية كتير بودوا السياح هناك لأنو .. والمصفات متوفرة وسهلة جدا
  • Review by Farah of بيتزا لاند
    قبل 8 سنوات
    عائلتي وانا من زبائن هاد المطعم من اكتر من 7 سنين المطعم حجمه مو كبير كتير القعدات فيو حلوة .. الخدمة سريعة جدا طعم البيتزا ولا اروع . البيتزا عندو خميلة العجينة ومليانة جبنة واعشاب والصوص جدا زاكي بيتزا المارجريتا لا يعلى عيها وكمان السلامي بنصح فيو جدا وهوا يمكن اكتر مطعم بيتزا معروف بمرج الحمام وما شاء الله عليه حركة كتير وسهل تلاقي صفة قدام المحل واسعارو عادية جدا جدا القائمة متنوعة من بيتزا لسندويشات وسلطات وكمان البرغر .. ولا المطعم مافيو مشروبات روحية يعني المطعم محلي ومعروف لاهالي المنطقة كتير
  • Review by Farah of أبو دقة
    قبل 8 سنوات
    المحل بنص مرج الحمام.. هاد الحلو فيو البضاعة عندو في تشكيلة حلوة بس قطع تانية عادية جدا وخامتها برضو عادية بشكل عام اسعارو غالية بالنسبة للقطعة يلي بشتريها واحيانا بتستغرب ليش هالقد السعر .. يعني ما ننسى انو مرج الحمام بشكل عام مو من المناطق يلي راقية لهديك الدرجة زي ما قالت الاخت بتعليق سابق بتحس حالك قاعد تدفع اجار المحل ! بفضل نفس المبلغ اصرفو على اشي ملفت واحلى يعني بضاعتو مو هالاشي المميز بمحلات تانية بتلاقي احلى وبنفس السعر او حتى يمكن ارخص
  • Review by Farah of الدكتور بسام جنب
    قبل 8 سنوات
    من فترة قصيرة بلشت بالمراجعة عند الدكتور بسام جنب .. كتير سمعت عنو من خلال الاقارب والاصدقاء انا كانت مشكلتي انو بلش فجأة يظهر على وجهي حبوب و كانت للاسف تترك اثر .. قررت اخد موعد عند حضرة الدكتور العيادة مريحة جدا ومرتبة ،، وتعامل السكرتيرات ولا اروع والمواعيد جدا منظمة يعني الواحد ما بياكل هم انو يضيع الوقت وهوا بستنى الدور تاعو :) على وقتك بتدخل بلا اي تأخير الدكتور بشوش صراحة وبسمعلك كويس وبعرف شو مالك .. التعامل معو مريح جدا طلب مني اجراء فحوصات ووصفلي العلاج المناسب .. فترة العلاج بالنسبة لحالتي 4 اشهر ان شاء الله تمضي على خير .. لكن رح يكون في مراجعة تقريبا كل شهر بالنسبة للادوية في ناس بحكو انها غالية .. اي نعم الدوا يلي وصفلي ياه مو رخيص ! بس الدكتور بوصفلك ادوية عالمضمون ان شاء الله تجيب نتيجة كويسة .. يعني ليش اواحد ياخد ادوية رخيصةيمكن فاعليتها اقل .. وبالمقابل عرض علي دواء سعره ارخص يعني بعطيك الدواء وبذكرلك البديل بحال ازا الميزانية ما بتسمح يعني الدكتور والعيادة والسكرتيرات وكل اشي جدا مرتب ومريح . انصح بتجربة الدكتور بسام جنب . والكشفية سعرها عادي جدا وتوقعتها اغلى ( 15 دينار) الله يعطيه العافية
  • Review by Farah of مطعم موال
    قبل 8 سنوات
    زرت المطعم 3 مرات اول مرتين كانوا قبل فترة طويلة قبل الديكورات الجديدة يلي صارت .. الطعم كان زاكي كتير والمنيو متنوعة جدا و خدمتهم سريعة والقعدات حلوة صراحة بس اخر مرة رحت قبل كم شهر ما عجبني ابدا !! الطعم تغير زمان كان ازكى بكتير بالاضافة لانو ارتفعت اسعارو بعد ما عدلو الديكور بالنسبة الي ما عجبني .. الخدمة كانت جدا بطيئة وضغط جدا بالمحل ما لقينا مكان نقعد ولا حدا عبرنا و ازعاج بشكل مو مقبول .. عدا عن انو الطعم مو زي اول ! لسا المنيو متنوعة و المشاوي زاكية بس مو زي طعم زمان الاسعار غالية مقارنة بقبل ومقارنة بالطعم الممتاز يلي جربتو زمان .. بفضل ادفع نفس المبلغ بمطعم تاني المطعم جيد لكن في احسن وازكى منو
  • Review by Farah of قاعات النعمان للمعارض و المؤتمرات و الاحتفالات
    قبل 8 سنوات
    اكتر من مرة حضرنا اعراس فيها .. القاعات عددها كتير .. بتوصل مافي اي مكان تصف فيو ! يومها طلعت روحنا للقينا مكان بالشارع باخر الدنيا لنصف بس تفوت عجقة مو طبيعية .. لما يكون اكتر من عرس بنفس الوقت مصيبة صراحة ضغط وعجقة وما بتعرف وين بدك تقوت عدا عن المصاعد يلي عليها ضغط سنة لتطلع القاعة يلي بدك ياها وما في وسع بالمرة كديكورات حلوة ومرتبة ومساحتها كويسة ,, بس الخدمة سيئة الموظفة مرتين وقعت العصير ! والقاعة مخنوقة يعني بس يشغلوا الدخان والفتاش الريحة بتعبي الدنيا وبتنخنق لانو القاعة مضغوطة يلي كنا فيها حرمنا نحضر اي عرس هناك ومو ناوين نسوي اي مناسبة فيها يعني لما تحجز بمكان ما بدك تهتم بس بالديكور بدك تفكر بالمصفات وجودة المشروبات والطعام المقدم كمان بالموقع ! وجودة الخدمة كلها سيئة كانت ما عدا الديكور . مو حلو نبهدل الناس معنا بعدين سمعنا انها غالية ممكن بنفس السعر تلاقي بمكان افضل :)
  • Review by Farah of بيتزا ريميني
    قبل 8 سنوات
    المطعم رائع .. طعم البيتزا عندو كتير زاكي وبشهي القعدة الخارجية كتير حلوة وطابع المكان بحسسك بالهدوء الخدمة سريعة ومافي مشكلة بالمصفات لانو بشارع خلفي صاير والحلو انو جنب مسجد يعني ازا بدك تااكل قبل الصلااة في مجال تلحق تاكل وبعدين تروح عالمسجد يوم الثلاثاء عطلة عنهم .. رائع المكان صراحة
  • Review by Farah of بيتزا الريف
    قبل 8 سنوات
    فعلا من ازكى مطاعم البيتزا يلي جربتها :) بيتزا الخضار عندهم بتشهي كتير ومليانة مكونات وطعمها جدا زاكي .. بيتزا السلامي لا يعلى عليها برضو اما المرجريتا مو كتير عجبتني كمية الجبنة كتيرة واشي حلو هاد بس ابدا ما حسيت بطعم ملح والصوص كان زيادة محطوط بشكل طغى على طعم الجبنة يعني الانواع التانية كلها ازكى من المرجاريتا حبيت سلطة الجرجير كتير بالنسبة للخدمة سريعة والموظفين لطيفين جدا القعدة كتير حلوة ،طابع المحل عنجد بحسسك انك بالريف والديكورات الخشبية والمناظر كتير حلوة بتحسسك بالدفا صراحة المشكلة بالصفة شوي لانو شارع المدينة ازمة كتير بس بستاهل انك تمشي لتوصلو :) بشكل عام القعدة حلوة والجو العام مريح وكمان الطعم زاكي . وطبعا ممنوع التدخين بالمطعم و لو دخنت بنبهك الموظف وبخليك تطفي السيجارة .. بنصح بتجربته و اسعاره عادية جدا و بالنسبة للطعم والخدمة حسيتو رخيص
Next

أماكن أفضلها

    صور أضفتها

    المطعم الموجود في مجمع بانوراما البحر الميت
    المناظر التي يطل عليها المطعم
    مدخل المجمع