زهرة الربيع

زهرة الربيع

عمان . منذ يناير 2013
فليمسي وطني حرا
10 من المراجعات
من وجدوا مراجعتي مفيدة
1
مراجعتي كانت الأولى
1
مراجعاتي
10

مراجعاتي

  • Review by زهرة of الدكتور علاء الشلبي
    قبل 4 سنوات
    الدكتور اكتر من رائع والحق يقال تعاملت معو لما اخدت بنتي صبا وكان بالو طويل جدا وشرحلنا وضعها باسلوب بسيط واعطانا كل الوقت اللي منحتاجو واكتر بعدها دليت جارتين الي عليه وكمان شكروا فيه جدا وبطولة بالو وبانو غير مادي بتاتا وعدلن فحوص النظر احيانا بشكل مجاني بعدها رفيقتي طبيبة كمان سالتني عن دكتور ونصحتها وعملت عندو عملية الليزيك ولهلء بتدعيلو ... والدكتور بجاوبك باي وقت وما بتحسو مزعوج من تلفونك ابدا .. الله يبارك بهيك اطباء لان فعلا صارو قلال
  • Review by زهرة of جنغوز جنغل
    قبل 5 سنوات
    مبارح تشجعنا واخدنا الاولاد قلنا اعياد وبينبسطو برغم اننا توقعنا يكون في ضغط وعجقة كبيرة.. بس كان في نشاطات بالطابق الارضي فمكان الالعاب كان الحمدلله فاضي تقريبا .. الالعاب حلوة وفيه لكل الاعمار ومقسمة ومنظمة حسب الطول والعمر وهالقصص.. المشكلة الوحيدة اللي واجهتنا واللي فعلا خربت كل شي حلو بهالمكان وخلتنا نفكر مرتين قبل ما نرجع الو هو منطقة الصغار المغلقة .. في تنين وحدة للبنات بيت باربي ووحدة بلزقها للصبيان تسلق ونطوطة وهالقصص .. المنطقتين مغلقتين وما فيك تشوف فين الولد جوا لانهن عاليين ومسكرين من ورا .. لما اجيت ادخلهن للولاد خفت قلي زوجي كلو اطفال جوا لا تخافي ما بصرلن شي .. توكلت ع الله وبعتت البنت لبيت الباربي والولد لقسم الاولاد وفي طبعا موظفة على كل مدخل بتسجل الاسم لان المسموح فيه نصف ساعة ... وشفتو لما بتكونو قاعدين على اعصابكن وحاسين في شي غلط بس بتطنشو وبتقولو وسوسة ! الولد صغير 4 سنين ما في الا شوي طالع مانو قدران يتنفس وادانو حمر ويقلي تعبان ماما تعبان ما عاد بدي العب .. ليش ماما شو في .. ضربني ماما على اداني ميوجعوني كتير وبلش يبكي .. ولد الظاهر اكبر بشوي مستلمو من اول ما دخلتو للعبة ونازل ضرب فيه وطبعا الموظفين المسؤولين شغلتن قطع كروت مو صخيانين بالسنتر يحطو كزا موظف لكل لعبة ليطمنو عالاولاد . ينقبر ابنك . يختنق .. يموت جوا .. شو بهم .. المهم قطعنا الكرت للعالم .. عشر دقايق الولد مياكل قتل وانا برة مو دريانة .. رحت عند الموظفة قلتلا هيك الولد طلع قال ولا يهمك هلء برجع بدخلك ياه ... قلتلا ولك ما بدي دخلو بس قومو عن الكرسي شوفو الولاد جوا تطمنو عليهن . طبعا سلامتكن ولا تحركت .. حملنا حالنا ورجعنا عالبيت منزوع مراقنا
  • Review by زهرة of غاليريا مول
    قبل 5 سنوات
    كان المول ممتاز لفترة قريبة وبتحسو ع مستوى لحد ما فجاة ما بعرف شو صرلو .. النا شهر بنروح بنلاقي واحد من الدروج الكهربائية معطلة وخدو على طلعة ونزلة مع الولاد والغراض ودرج المول مو متل درج البيت بتحس عيونك عم تزغي زغي وبتخاف فجاة يشتغل فيك يوقعك .. المهم قلنا اكيد خلصو صيانة فاول مبارح تشاطرت وحبيت روح مرتبة ولبست كعب السبعة ... طلعت كل الدراج معطلة من المراب لفوق قلتلو لزجي لف نروح على شي مول تاني صارو الولاد يبكو فكرونا راجعين عالبيت .. قلي الله بعينك على هالطلعة مرقيا هالمرة .. وعينكن ما تشوفني طالعة نازلة بهالكعب وزوجي يضحك ويقلي المرة الجاية تعي بالحفاية لان هيك مول بدو هيك لبس .. والله حسيت روحي رح تطلع .. لو بدي اطلع وانزل دراج كنت رحت عالجيم ما اجيت لهون .. المهم رجعت عالبيت رجليي منتهية وكلا مقحوطة واكل المول مني مسبات ودواعي سنتين لقدام
  • Review by زهرة of لا فاميليا
    قبل 5 سنوات
    هلء بتستمتع فعلا بالتجول بالمحل لانو كبير وواسع ومنظم بشكل ممتاز .. بس بالنسبة للبضاعة بتلاقي رجالي وولادي بضاعة ممتازة وباسعار فعلا لقطة .. بس لما بنوصل عالنسائي والبناتي فالبضاعة سيئة الجودة وفيني لاقيها باي محل تاني بوسط البلد متلا وباسعار ارخص .. بفوت باخد لابني وزوجي احلى تياب وبطلع انا وبنتي فاضيين ..
  • Review by زهرة of كافيه حنين
    قبل 5 سنوات
    المكان جوو حلو لافراد او كبلز مو لعائلة ابدا لانو شبه مسكر .. الجو غريب حلو وبرجعك شوي للماضي .. الخدمة عادية بس الاسعار اللي مش عادية مع ان الاكل بمستوى اققل من كافيات ارخص .. ما بظن ارجعلو بروح تشي تشي سعر افضل واكل اطيب وباخد معي براويظي القديمة وطربوش جدي
  • Review by زهرة of ماكس
    قبل 5 سنوات
    اسعارو معقولة وبضاعتو جيدة نسبيا الا بضايع الصوف للكبار والصغار نوعيتها دائما سيئة .. وبضاعة البناتي لعمر 8 - 12 سنة خياراتها شبه معدومة .. وما بنصح اي حد يروح بالتنزيلات .. صح في فرق كبير بالاسعار بس الناس بتصير متل المجانين والبضايع كلها بالارض وغرف القياس والموظفين ما بلحقو وولا ممكن يساعدوك لان عددن دائما اققل من المطلوب والكاش عددن قليل والطابور بدك شي نص ساعة ليوصل دورك
  • Review by زهرة of سنتر بوينت
    قبل 5 سنوات
    نفسي ادخل اشتري حذاء او شنتة نسواني ولاقي موظف يساعدني فبطلت فكر اشتري منو لالي .. اما قسم الاطفال فدائما في حدا يساعد .. فرع الغاليريا مع انو اصغر بس موظفينو متعاونين وموجودين دائما خصوصا بنات قسم الاطفال لطيفين وبساعدو وبيخدمو وهنن مبتسمين دائما .. بضل طبعا فرعن بالاردن اققل مستوى من فرع الامارات والسعودية وخياراتو اققل ..
  • Review by زهرة of جالاكسي بارك
    قبل 5 سنوات
    الالعاب حلوة وجديدة تقريبا بس بتحسها موجهة للكبار اكتر منها للاعمار الصغيرة .. يا ريت يكترو العاب الاطفال تحت ال 10 سنين ويضيفو خيمة قلعة تسلق يقضي فيها الولد شي ربع ساعة وانت متطمن وتقدر ترتاح شوي
  • Review by زهرة of مدرسة راهبات الوردية
    قبل 6 سنوات
    بنحكي اول عن الايجابيات : من ناحية التعليم والتنظيم والتربية خصوصا للبنات لا يعلا عليهن وهاد اشي واضح بمجرد دخولك من البوابة وفي محاولة فرض عدل ومساواة بين الكل من ناحية اللباس والكتب والدفاتر لانهن مفروضين على الكل وهاد اشي ايجابي جدا. في لغتين فرنسي وانكليزي وعدة كتب اضافية بالانكليزي. في صف رياضة وصف فن وصف موسيقا وصف مهني وصف حاسوب وصفوف اضافية كتير بتسلي الطلاب. تنظيم توزيع الكتب واللباس من افضل ما يكون وبشكر الاخت الراهبة اللي متساعد باختيار الملابس على لطفها وزوقها واحساسها وتنظيمها للدخول واحترام خصوصية الاهل والطالب . وبشكر البنات الميوزعو الكتب على جهدن وتنظيمهن ما غلبونا ابدا. هلء بنوصل للسلبيات في شدة بالتعامل مع الطلاب الأعمارهن صغيرة وهاد الاشي ممكن ازا الطفل مدلع ياثر فيه ويخليه يكره المدرسة ويبطل بدو يروح عليها .. بنستنى هالسنة لنشوف الوضع وبنحكيلكن راينا النهائي باخر السنة الدراسية
  • Review by زهرة of مدارس كلية راهبات الوردية
    قبل 6 سنوات
    المدرسة رائعة وتدريس مميز
  • Review by زهرة of تكساس تشكن
    قبل 7 سنوات
    كان المحل ماشي حالو يعني مقبول بس كانو من جديد غيرو الستاف تبعن وهداك اليوم رحت وطلبت اكل عطتني الموظفة حلقات البصل محروقة .. مو محروقة حرق خفيف .. لاء الحلقات سودة سودة مفحمة .. وحاطة فوقهن المحارم حتى ما يبينو .. المهم شلت المحارم انا وواقفة جنبها وقلتلها شو هاد محروقين.. قال لاء حلقات البصل هيك بتتقدم .. قلتلها اي انا اول مرة باكلها ما تواخذيني وما بعرف 0_0 خديهن بدليهن يا اما رجعيلي المصاري .. المهم عطتهن لموظف وقالتلو هدول ما هيك بتساووهن بالعادة .. تطلع فيني فقلتلو بدي بدلهن .. قلي تكرمي .. بعد شي 10 دقايق اجاني الصحن يمكن حافين اللون الاسود عنن ومخليينهن متل ما هنن وطعمتها زفت .. كبيتهن وما رجعت ناقشتهن بس ما عاد اشتري من عندهن ابدا ..
  • Review by زهرة of استقلال مول
    قبل 7 سنوات
    وقت الولاد بدهن ينبسطو الصراحة باخدن لهنيك .. صح المول مستواه تحت المتوسط بشوي بس اسعار الالعاب عندهن ارخص من غيرو النص او اكتر .. وفيه عندو محلات حلوة متل الريد تارغيت والماكس .. والاكل عندهن معقول بس لا يخلو من المشاكل متل الاكل بكل عمان ..
  • Review by زهرة of سنتر بوينت
    قبل 7 سنوات
    المحل كتير حلو ودائما برجع لاخد منو تياب لالي ولولادي ولجوزي كمان .. قطع النسواني كتير مناسبة للمحجبات .. والولادي مشكل في يللي اسعارو غالية وفيه يللي اسعارو معقولة .. بس اجمالا الاسعار عالية واكتر من بقية الفروع مقارنة بالسعودية او الامارات متلا .. فيه باخر قسم الالعاب قريب من الكاشير مكان مخصص للعب الاطفال كتير رائع ازا كان عندك ولد بلبك متل ابني بس مشكلتو ما فيه مراقب للاطفال يعني لازم تخلي حدا مع الولد الصغير .. اكتر مشكلة واجهتني انو ما في جهاز لتشوف السعر تبع القطع ولازم تروح دائما لعند الكاشير .. والاسعار المحطوطة على القطع خصوصا وقت التنزيلات ما كلها بتطلع صح لما بتروح تدفع الفاتورة .. وفي عدم خبرة عند بعض الموظفين يللي الصراحة احيانا بقعد ساعة لاتحزر مين هنن او وين هنن او حتى ما بكونو كتير لبقين بالتعامل .. متل متلا هداك اليوم رحت بدي بدل قطع تياب شاريتا للصغار فطلعت معي التعليقات البلاستيك لعند مكان التبديل فاطلع فيني الشب وقلي بصيغة اتهام انو هدول ليش مطلعتيهن برات المحل ؟ كان بدي قلو اجيت اشتري من عندكن ب 200 دينار كرمال اسرق عليقات بدينار 0_0 مربح ولك عمي مربح ..
Next