Romouz Sadeq

Romouz Sadeq

عمان . منذ أكتوبر 2012
:)) :)) :))
245 من المراجعات
الأماكن المضافة
225
من وجدوا مراجعتي مفيدة
177
مراجعتي كانت الأولى
93
مراجعاتي
245
صوري
704
أماكن فضّلتها
179

مراجعاتي

  • Review by Romouz of خمس نجوم لتأجير السيارات السياحية
    قبل 3 سنوات
    لو في أكتر من 5 نجوم كان أعطيتهم ،خدمتهم رهيبة واسعارهم أحسن من كل السوق. كتير متعاونين وبيخدموك فعلاً بأفضل ما عندهم ..بيوصلو السيارات لعندك وبيهتمو بأدق التفاصيل الصغيره متل يعطوك وصلات ال AUX ! ادارتهم تفوقت على كل الشركات إلي جربتها من قبل متل AVIS و EASY RENTAL لأنو ببساطة بتحس تعاملهم بيحط راحة الزبون فوق كل شي وما بيبخلو عليك بالخدمة أو التعامل...بيفتحو قبل كل شركات التأجير وبيضلو لوقت متأخر كمان. 5 نجوم فعلاً عن جدارة.
  • Review by Romouz of ايت سمارت
    قبل 3 سنوات
    انا اليوم تأكدت انه اشتراكي الشهرب مع ايت سمارت كان اذكى خيار عملته على الاطلاق. ببساطة الاكل عم يجي يوميا على مكتبي بنفس الوقت ، طيب، صحي ، وفي شنطة كتير مرتبه. صرلي هلا معهم شهر ونص وكل اسبوع الاكلات بتتغير وما في تكرار ابدا! كل وجبة بتيجي مع سلطه وحلو او فواكه يعني وجبه متكامله ومرتبة. كتير مبسوطه من الخدمة تاعتهم ومتابعتهم الدائمة ومن جودة الاكل والمكونات. بنصح فيهم جدا.
  • Review by Romouz of صالون انعكاس الجمال
    قبل 4 سنوات
    رحت على صالون بيوتي ريفلكشن إليوم عشان أعمل شعري الأول مرة وتفاجأت بمساحته الواسعة وتصميمه الحلو. كتير تقسيمته مريحة وحلوه وأهم من كل هاد..الستاف المبتسمين والمرحين. عملت شعري والبنت إلي عملتلي إياه (غيدا) كتير كانت لطيفه وإستحملتني مع اني ضليت اتدخل بشغلها وأحلى شي انها أصرت يطلع 100% زي ما إتخيلناه وعادت لحد ما زبط. اسعارهم متل الاماكن إلي على نفس المستوى...كل إلي بيشتغلو هناك بنات..وعندهم خدمات كتيره شفتها بس أنا ما جربتها متل البدكير والمناكير وال nail design وكمان Facials تنضيف بشرة ومساج وميك أب وبرافين و واكس وسكر ..يعني بالمختصر كل شي بمكان واحد كبير. زيارتي كانت العصر فكان سهل أللاقي صفه سهلة للسيارة بالزبط تحت الصالون ..أكيد رجعة عندهم عن قريب وأجرب قسم البديكير والمناكير المرة الجاي :)
  • Review by Romouz of مطبخ رهام
    قبل 4 سنوات
    مطبخ رهام مبدأ حلو كتير وخصوصاً للموظفين الي حابين طبق منزلي بدل الفاست فود طول الوقت. الاكل طيب كتير خصوصاً الستراجونوف والكاري بس للاسف المنيو محدوده كتير وحتلاقي حالك زهقت بعد أسبوع ..مش كل الاكلات إلي على المينو متوفرة كمان بس الاكل طيب ونضيف وكميات حلوه لهيك بنرجع دايماً نجربو. يا ريت يشتغلو على إضافة أطباق جديده وتوفير أطباق جنبيه بشكل أكبر.
  • Review by Romouz of ساين بيسترو
    قبل 4 سنوات
    رحت على ساين بيسترو مع بنتي وكانت تجربه حلوه . المبدأ هو إنو بتاخد تذكرة تشمل السناكس والبوشار والمشروبات وبتحضر في سينما مريحة أكتر وأحلى ..الفكرة حلوه وبتمنى لو انها موجوده في سينمات تانيه . الستاف كتير مريحين بالتعامل وبيتركوك على راحتك وبيجبولك كل شي بتطلبه لعندك. رح أعيدها أكيد.
  • Review by Romouz of متحف الاحياء المائية
    قبل 4 سنوات
    كنا حابين نشوف جانب المتاحف في اسكندرية فرحت أنا وبنتي على متحف الأحياء المائية المجاور لقلعة قايتباي... المكان حلو وفي أشكال متنوعة من الأسماك والسلاحف وكل حوض في جنبو نص بيوضح نوع السمكه ووين بتعيش إلخ..في تقريباً 20 نوع مختلف وسلحفة عملاقة الشي إلي حزني هو إنو السلحفة محطوطة بحوض كتير صغير ويا دوب مريح تتحرك.. في كمان مجموعة من المحنطات والهيكل العظمية لكائنات كتير بتمنى لو كان في موظفين يمشو مع الناس ويشرح أكتر عن موجودات المتحف. زيرة حلوه وكمان ممكن من جانب المتحف تلاقي كتير ناس بيأجر قوارب حتى تروح برحله بحريه.
  • Review by Romouz of مكتبه ديوان
    قبل 4 سنوات
    رحت مكتبة ديوان اشتري مجموعة من كتب الاطفال والقصص بالعربي لقيت مجموعة جيدة جداً من الكتب العربية والمترجمة للعربية. أجمل شي هناك إنو خلال تسوقك للكتب ممكن تقعد وتشرب كاسة قهوة أو شي مع حلو حتى تختار براحتك. ..اشترينا 5 كتب ودفاتر عليها تصميمات لزيزة وبأسعار منطقية. لقيت عندهم كمان مجموعة اسمها "مليون كيلومتر ملون" وهي مجموعة فنية ممكن الطفل يلونها ويقصها ويحولها لكروت معايدة بسعر 55 جنيه ..جداً رخيصة مقارنة بالوقت إلي بنتي بتستمتع فيه بتلوين صفحة هالمجموعة. زيارة موفقة ورح أعيدها على الاكيد.
  • Review by Romouz of بينوس كافيه
    قبل 4 سنوات
    I've been to beanos during my stay in cairo last week. The place seems to try to compete with Starbucks and other global coffee chains. They have a diverse menu: Coffee, tea, fresh juices, sandwiches, desserts..etc I had an iced coffee and a cinnamon roll , it seemed to me that most of those sitting at this branch were there to work or study or do skype calls as the place offers a relatively fast internet connection. The coffee was alright but I was hoping for an excellent one judging by the prices that are far higher than the average. The chairs are comfortable, some tables felt too close to each other but I managed to get a good one. I would totally visit beanos again but it would be for the fresh interiors and not necessarily the coffee or food.
  • Review by Romouz of حواوشى شلبى
    قبل 4 سنوات
    زرت حواوشي شلبي الاسبوع الماضي بناءً على ترشيحات كتير ناس جربت الحواوشي بالجبنة وكان دسم كتير إلي فهمته إنو الناس بتفضل الدسم بس من ناحيتي ما قدرت اكملها مع انها زاكيه وشبعت بنص الموضوع ..القعده على الشارع والمكان مليان أغلب الوقت. إذا كنت حابب تجرب وجبه شعبية في مصر هاد مكان منيح تزورو وتجرب
  • Review by Romouz of فندق ميديترينيان ازور
    قبل 4 سنوات
    ازور هوتيل من أكتر الأوتيلات المعروفة في اسكندرية ..أنا زرته خلال رحلتي الاخيرة لمصر..إله ايجابيات وسلبيات. الايجابيات: غير مزدحم قريب من الشارع الرئيسي ووسائل النقل البركة كبيرة وحلوة الستاف -خصوصاً البيتش بويز - جداً متعاونين الحمامات نظيفة ومنظمة السلبيات: بيتعاملو مع غير المصري كأنو كنز أو منجم ذهب ..اسعار أكثر من مضاعفة بمجرد اكتشافهم انك غير مصري...الألعن من هي انهم بيخصمو 60% للعسكرين..يعني بتحس إن التمييز مش بس ضدك كسائح برضو كمان ضد البني آدم المصري العادي الدخول عملية استغرقت 40 دقيقة كامله وزهقنا حالنا واحنا بنستنا شط البحر مش نظيف عندهم ومليان أكياس شبسي وسجاير ..شي محزن الاكل كمياته بائسة والبيتزا مو طيبه أبداً
  • Review by Romouz of لو بساج
    قبل 4 سنوات
    رحت لو باساج على الفطار يوم الاتنين الماضي وقعدت على التراس مقابل البحر. القعده بترد الروح فعلاً خصوصاً الصبح مع منظر مكتبة الاسكندرية تحت .. طلبت أومليت وعصير ودنش وطلعو حلوين . مفيش مينيموم شارج ولا سرفيس مع إنو في ويترز. إتمنيت لو فيه خيارات أكتر على المنيو لأنو الخيارات الموجوده كانت محدوده جداً. رح أضيف صور حتي تشوفوهم. أفضل تروح مع حد من موظفين مكتبة الاسكندرية لئن الهم معامله خاصة وخصومات وخيارات أوسع من المنيو
  • Review by Romouz of نيجرو
    قبل 4 سنوات
    رحت نيجرو خلال زيارتي للاسكندرية لأني سمعت عنو كتير... أول ما دخلنا نزل على الطاولة طبق سلطة بالتفاح والكيوي ..شي غريب ومش معتاد بعدها سلطة بالمحار (الجوندوفلي) والباستا بعدها طبق متكامل بالجمبري والرز ..شكله تحفة ونزل برضو سمكة سنجاري مشوية من أطيب ما أكلت في اسكندرية. ختامها مسك كان مع الأيس كريم بالمانجا الاكل كلو طيب ولا يمكن نعيب عليه الجلسة جميلة جداً خصوصاً مع الموسيقى الهاديه والمختارة بعناية المكان صغير بس هو بيستقبل الناس بحجز فقط لذلك ما بتلاقيه مزدحم أبداً تضايقت شوي من موقف صار بين صاحب المحل واللي كانو معي عند الحساب وتوقعت تعامل ألطف شوي منه على الأقل إحتراماً لوجود ضيف..يعني مهما كان المكان حلو ما بيصيرحد يشوف حاله على الزباين
  • Review by Romouz of حلويات مصر
    قبل 4 سنوات
    كل شي بينحب في حلويات مصر ، جربت عندهم أكتر من شي : عصائر منجا ورمان، ساليزون مشكل، كروسنات، بسكوت وكلو كان طيب. المكان مرتب جداً ويصلح لأعياد الميلاد وكمان حلو تاخد من عندهم هدايا لو كنت رايح زيارة..الصالة مكيفة وفيها ستاف جداً لطيفين..أخدت من عندهم كيلو بسكوت ب-35 جنيه وكاس العصير ب-10 جنيه أما السالزون ب-13 جنيه...أسعار جداً طرية وجوده رائعة وبتمنى يفتح فروع بعمان !
  • Review by Romouz of بارستو كافيه
    قبل 4 سنوات
    بارستو كافيه المعمورة فاجأني بحلاوته! أنا دخلت عشان اشرب عصير أو شي واشرب شيشة لكن القعده المريحة والمطل الحلو خلاني أقعد أكتر واطلب أكل وحلو واستمتعت فيهم جداً. طلبنا باستا نجرسكو وسندويش فهيتا وايس كوفي وميلك شيك وكلهم طلعو طيبين. السيرفيس كتير منيحة والمكان جداً نضيف ومرتب. كنا 3 أشخاص والحساب مع السرفيس طلع 180 جنيه. رح أرجعلو أكيد وبنصح فيه..
  • Review by Romouz of اسماك جابر
    قبل 4 سنوات
    رحت عند أسماك جابر خلال زيارتي لمدينة الاسكندرية...أفضل ما في هالمكان هو انهم بيطبخو السمك إلي لسة هلا طلع من البحر يعني مذاق مستحيل تلاقيه في أي مكان تاني. جربت من عنده الجمبري الجمبو والسمك السنجاري المعمول بفواكه البحر والسبيط (الكالماري) البانيه وكله كان أطيب من بعض. أسعاره مناسبة جداً ..كنا 4 أشخاص ودفعنا 450 جنيه. في مشكلتين بس عند أسماك جابر: الأولى إن مفيش مينيو لأنه بيعتمد على صيد كل يوم بيومه لذلك ما بتعرف شو رح تاكل فعلاً إلا بس تصل عنده والتانية هو إن مكان الجلوس متهالك جداً و مليان قطط. لذلك بنصح فيه وبقوه للطالبات الخارجية والتواصي خصوصاً لو لقيتو عنده جمبري.
  • Review by Romouz of تيرتيل جرين تي بار
    قبل 4 سنوات
    Turtle Green is a cool place in Rainbow street that serves several types of tea and sandwiches..I personally like the way they do tea in french press pots but I hope they offer bigger variety of foods and snacks.
  • Review by Romouz of بلو فيج
    قبل 4 سنوات
    Visited Blue Fig today with my daughter for lunch. The place carries the original theme of Blue fig Abdoun but has a more casual feel to it as you will notice the tables outside are lined up on the sidewalk and not in a designated or closed area. Naturally, I chose to sit inside because who would want to eat on the side walk in busy Sweifeyyeh? Inside , the vibe was totally different...refreshing neutral tones and well ventilated space are simply create an elegant feel that will disconnect you from the visual noise outside. Staff welcomed us with a smile, opened the door and made sure we are seated comfortably. There are 3 tables and a line of stools...if you're going to order food I highly recommend you wait for a table and not sit on the stools because it will get messy ^__^ We ordered French burgers and the quality of each and every ingredient was amazing, we enjoyed every bite and our short lunch break turned into a beautiful experience in the middle of a busy day. 5 stars for the food 5 stars for the super well trained staff but 3 stars for the seating as I would have loved to see more tables there in the closed area rather than on the street. Highly recommended for brunches (try their amazing mana2eesh) and refreshing juices. زرنا بلو فيج الجديد إليوم خلال بريك الغداء وكانت تجربه حلوه...إذا زرت بلو فيج عبدون حتلاقي هلفرع متل نسخة مصغرة عنو بس كاجوال أكتر (كونه في طاولات على الرصيف) بس طبعاً مين ممكن يحب القعده على شارع ازمه بالصويفيه ؟ أكيد مش أنا! دخلنا جواو كان الترتيب أفضل بكتير ، 3 طاولات وشي 6-7 كراسي عاليه. إذا ناويين تطلبو أكل حاولو تدبرو طاوله مش كرسي عالي لأنو مش كتير مريح... طلبنا فرنش برجر وكان رائع رائع رائع ومتقن. بنصح تزورو بلو فيج صويفيه للبرنش خصوصاً وتطلبو العصير مع المناقيش...جداً كويس
  • Review by Romouz of تشيلي هاوس
    قبل 4 سنوات
    قبل سنتين كتبت إنو سندويشة الجاج من عند تشيلي هاوس هي أطيب سندويشه بعمان كلها بس هلا ومتل كل شي عنا هون المستوى مش بس نزل ، المستوى تدهور... أخر 3 مرات طلبت من تشيلي هاوس ندمت ، سندويشه ال-chicken philly بحلف بالله ما فيها 20 جرام جاج . هي ببساطة سندويشه بصل وما فيها ريحة الجاج، أول مرة فكرت المشكله باللي عملها ، تاني مرة قلت غلطو بس تالت مرة اكتشفت إنو الموضوع تخفيف مصروفات وقررت اكتب عن الموضوع. لما السندويشه سعرها 4 دنانير وشوي ما تقنعني إنو مو قادر تحط فيها شوية جاج تحلل حقها..أما إذا الديكورات الجديده مكلفه كتير فإرفع سعركم بس ما تعطيني سندويشة بصل. من الاخر كبيت السندويشه ورحت طلبت ماك لئن عالأقل ما عمرو السندويشه عندهم بتصغر أو بتيجي بدون لحمه. خسارة إنو براند اردنية كنا دايماً نحبها ونفضلها على المطاعم العالميه إلي معبيه السوق صارت هلا متلها متل أي محل سناكات بدها تربح حتى لو خسرت الزبون. أعطيتهم نجمة عشان الخدمه كانت لطيفه رغم الاكل السيئ وكمان نجمه على النضافه وبس.
  • Review by Romouz of شاورما و فروج الموصلي
    قبل 4 سنوات
    جربت الوجبه العائليه من الموصلي شاورما مبارح. الطعم جداً طيب وبيزكرني بالشاورما في الشام...الوجبه العائليه بيجي معها كبه كتير زاكيه ومش من المجمد تبع نبيل. طريقة التقديم حلوه وفيها كرم مش زي المحلات إلي بيعبولك اياها بطاطا حتى يختصرو اللحمه. في عندهم بالمنيو أشياء تانيه متل الفته والحمص بالشاورما فهو مش بس محل سندويشات. احنا طلبنا شاورما جاج بس تشجعت أجرب اللحمه للمرة الجاي وسندويشة [ السأ ولدع ] إلي معروفه بالشام وللي ما بيعرف معنى السأ واللدع فهو: سأ : يعني بيسقي "بيسئي" السندويشه من دهن سيخ الشاورما لدع: يعني بيحط السندويشه بعديها على النار ف "بتلدعها" وهيك بتطلع السندويشه فيها طعم الشوي والدسم سوا. أكيد رح اطلب من هناك كمان مرة وبنصح فيه.
  • Review by Romouz of العبدلي مول
    قبل 4 سنوات
    رحت علعبدلي مول من شي أسبوع. المول لسة في مرحلة ال-soft opening يعني لسة مو كل شي فتح. تقريباً عديت 20 محل ملابس همه إلي فاتحين وبول بس. العبدلي مول حلو وتصميمه مريح و مفتوح على بعض والبراندز إلي فتحت فيه أغلبها موجوده في مولات تانيه لكن الميزه هون إنو فاتحين بمساحات أكبر بكتير فكل ال collection بتكون نازله عندهم مو بس جزء منها. ما عرفت وين المصفات فصفيت على باب المول (بمكان أعتقد إنو ممنوع) . بتهيألي هيكون حلو لما يفتحو باقي المحلات والفود كورت والسينما إلي لسة مش فاتحين. بس موقع البوليفارد بشكل عام سيئ جداً وبعيد عن مناطق عمان إلي الناس فعلاً بتطلع عليها وحسيت إنو خسارة زي هيك مول يكون هناك.
  • Review by Romouz of صالون راما و غزل للسيدات
    قبل 4 سنوات
    جربت صالون راما وغزل قبل يومين. سشورت عندهم شعري وطلع حلو كتير. أنا بالعاده ما بحب أسشور إلا بمكان واحد بس ارتحت عندهم لأنه الصبايا بيحسسكو بالاهتمام وبيعملو الستايل إلي إنت عجبك ما بيفرضو عليكي شي. اسعارهم كتير كتير طرية ويا ريت يفتحو فرع تاني قريب من بيتي.
  • Review by Romouz of نارنج عمان
    قبل 4 سنوات
    رح اكتب نصيحة تانيه بعد ما جربت البوفيه الرمضاني. كل شي كان 5 نجوم واكتر بس أكتر شغلات عجبتني هي : 1. طبيعة البوفيه: منوعة وفيها سمك، ولحمه ودجاج ومشاوي 2. إنو المقبلات والشوربة كلها بتنزل علطاولة بدون ما تقوم إنت تعبيها فبتاكل وإنت مرتاح ونفس الشي الحلو والشاي بعد الفطور. 3. الطبيخ كتير طيب ومش مخبص ومعمول بنفس مع إنو البوفيهات عادةً بتكون مش زي الطلب من المنيو 4. الموقع رايق ومصفاتو سهله كتير
  • Review by Romouz of الدكتور هاشم محمود عثمان الحوراني
    قبل 4 سنوات
    استغربت كتير لما ما لقيت نصائح وتقييمات على صفحة د. هاشم حوراني فقررت اكتب انا :) د.هاشم جدا محترم وهادي في التعامل وبيعطي الطفل وقته وراحته خلال الفحص وبكل هدوء. بحب انه بيعطي نصائح خارج نطاق الطب وبيحكي لك عن تطور الطفل النفسي والعقلي. عيادته مكانها سهل كتير وعادة بتلاقي ٣-٤ مراجعين قبلك بس ما بتستنى كتير. بتحس
  • Review by Romouz of مطعم و كافيه دهب
    قبل 4 سنوات
    رحت على دهب مبارح لبوفيه رمضان وفعلاً دهب إسم على مسمى! البوفيه كتير غني وكل شي فيه معمول على الاصول مش بس بعدو عليك اصناف. السلطات فريش في أكتر من 15 نوع إلي عديتهم غير عن الشوربة والخروف المحشي وأهم شي الباربكيو تشيكن. الحلويات كتيره وطيبه كتير ولسعر كتير مناسب مقارنةً بالي بيقدموه : ٢٣ دنار شامل الضريبه والأرجيله كمان. بنصح فيه ورح أعيدها.
  • Review by Romouz of ايت سمارت
    قبل 4 سنوات
    5 نجوم وعن جدارة لايت سمارت عن لازانيا الخضار إلي طلبتها مبارح! ببساطة شي بيبيض الوجه ، طلبت اللازانيا كطبق جانبي بس المعازيم تركو كل الاكل وركزو بس فيها :)) طعم خرافي جداً جداً وفعلاً زمان ما جربت اشي جديد وطيب متل هيك. اللازانيا بتيجي 5 طبقات يعني القطعة بتشبع جداً جداً جداً ومحشيه خضار مع الريحان والتشيري توماتو. والطلبيه بيجي فيها 6 قطع كبار، رح أحط صور لتشوفوها. بعد الطعم الطيب ، وتاني أحلى اشي كان الطبق إلي إجت فيه الطلبيه...على العكس من كل محلات التواصي إلي بتجيب الاكل أما بصحون المنيوم أو بتطلب منك إنت السدر ايت سمارت بجيبوها بصحن أبيض شبه البورسلان ممكن تقدم الاكل فيه زي ما هوه للضيوف أو العيله. وأخر شي وصلني الاكل ساخن وشكلو حلو وجد شكراً ايت سمارت ، خيار موفق.
Next

أماكن أفضلها

صور أضفتها

Christmas decorations at Taj lifestyle
Christmas decorations_top view
Another shot of christmas decorations