Bilal Aljundi

Bilal Aljundi

عمان . منذ أكتوبر 2012
7 من المراجعات
الأماكن المضافة
1
من وجدوا مراجعتي مفيدة
4
مراجعتي كانت الأولى
1
مراجعاتي
7
أماكن فضّلتها
1

مراجعاتي

  • Review by Bilal of مطعم زهر اللوز
    قبل 5 سنوات
    الاكل عادي جدا وكان بارد تأخروا كثير حتى جابوا الطلب الاهم انه مافي مكان للصلاة ( بعد طول نقاش وروح وتعال وياجماعة بدي اصلي المغرب قبل ما تعشي تكرموا علي بسجدة صلاة مع زاوية من المطعم وصلي يامعلم على صوت الموسيقى ) غالي جدا جدا جدا جدا جدا الجلسة عادية والتعامل عادي ( لكن سمعت العاملين وهم ينكتوا ويحكوا على الزبائن !!!!!!!!!!!! ) الجيد فيه النظافه فقط
  • Review by Bilal of سحاسيل
    قبل 8 سنوات
    انا شبه زبون عندهم والسبب انه مافي غيرهم المحل ديكوراته حلوه وموقعه منيح العملين فيه صغار في العمر ومابأمن عليهم مع اولادي ودايما يابيحكو مع بعض يا بيبعثوا رسأل ومشغولين بجوالتهم يعني فش اهتمم فعلي بأطفال الي بدهم عشر عيون ويادوب المحل غالي بشكل غير مبرر يعني مايقدمه لا يساوي الثمن كثير من الالعاب بتكون خربانه او وسخه يعنى مافي صيانه الالعاب الكهربائية مش امنة وغالية لو يستغنوا عنها احسن للمساحة ومش لازم يسمحوا للأهل بدخول الالعاب مثل بركة الطابات ولازم يكون عندهم تصرف سريع تجاه الاطفال العدوانين والمتنمرين لو ينزل لهم منافس احسن وهم مايحسنوا حالهم اكيد رح اتركهم .
  • Review by Bilal of اوكايدي
    قبل 8 سنوات
    المحل ممتاز جدا من ناحية النوعية والتعامل بضاعتم بتختالف عن الي بسوق غالية بس بشعر انها بسبب الجودة العالية جدا معظم قطعهم راقية وهذا شيء صعب بالنسبة لملابس الاطفال عيبهم انهم بيركزوا علو دزينين ثلاث وعلى لونين رئيسين في كل موسم سواء للبنات او الاولاد فما بيكون عندك حرية خيار كبيره ديكوراتهم حلوة ومناسبه متوفرة طرق الدفع كلها وعندهم بطاقة عضوية للنقاط على المشتريات
  • Review by Bilal of الدكتور حسين عبد الرحيم عياش
    قبل 8 سنوات
    د . حسين بتعامل معه من سبع سنوات عشان اولادي هو يتابعهم من الولادة حتى الان وانا مرتاح جدا معه . هو رئيس قسم الاطفال في المستشفى الاسلامي وقدير جدا . خريج بريطانيا تعامله راقي ورايق جدا . بيشرح خاصة للاهل الي اول مرة , ومش غاوي تحليل على الفاضي وبدون سبب . بينصح بطريقة حلوة بدون ما يفرض عليك شيء . اسعار كشفيته محدده من المستشفى ( رخيصة جدا ) . وبيتساعد مع الناس , بس عنده زحمة بالعادة . بدك تروح بدري وتستنا دور . واي اجراء بده يعمله زي صور , ادوية , سحب دم متوفر لانك في قلب المستشفى .
  • Review by Bilal of مركز علاء الدين للالعاب
    قبل 8 سنوات
    المحل غالي جدا جدا اشتريت منه psp لابني و ds لبنتي اول شي قال مكفول وبعد الشراء تبخرت الكفالة الموظفين صغار بالعمر وكل واحد بيجوبك شكل المهم تشتري صاحب المحل بس شعر انه انزق صار يحكي انه موظف ولازم يراجع صحاب المحل كل شغلهم على الاولاد الي معهم مصاري ومش فاهمين شو الطبخة والمهم عند اهلهم انهم يخلصو من نقهم وبرجع اقول غالي جدا يعني نفس الاجهزة الي اخذتها وجدتها في اماكن اخرى بنصف السعر ومع كفالات حقيقية .
  • Review by Bilal of ماكدونالدز
    قبل 8 سنوات
    اكره طعم الاكل عنده لكني احب اهتمامه بالاطفال لم تكون الطلعه عشانهم - غالبا كل الطلعات هيك - بيكون هو الخيار طبعا عشان يلعبوا وبلون ولعبة مع الوجبة وانا الله لايردني اني شبعت او لا واني انبسطت او لا المهم الاطفال النظافه مش توب خصوصا في الازمة سلامتك وتعود تعامل الموظفين عادي حسب ماهو منصوص عليه بطريقة الية احسن ماعنده ان التدخين ممنوع
  • Review by Bilal of هاشم
    قبل 8 سنوات
    اكله عادي النظافة عادي ومتوسط ويادوب الحلو فيه دايما فاتح احسن شيء عنده الشباب الي بيشتغلوا الصحيح خدمتهم اكثرمن رائعة وهيك لزم تكون كل الخدمة في مطاعم الاردن واسعاره رخيصة سيء جدا انه يسمح بالتدخين في داخل المطعم
  • Review by Bilal of مطعم الأسرة
    قبل 8 سنوات
    المطعم جيد اكله زاكي خصوصا الفلافل والمفركه تعامل الشباب حلو مشاكله صغير لذلك بيكون ازمه بالعادة ممكن جدا ينساك ابو زيد ( مسؤل الطلبات ) وتتأخر شوي والصفة عنه بدها تدوير ومش سهلة والي مابيعرفه مش سهل يلاقيه بين البيوت احسن شيء فيه انه نظيف وبحط فيروز مش لازم يسمح للزبأن انها تدخن
Next

أماكن أفضلها