Abu Shdeif

Abu Shdeif

عمان . منذ يوليو 2012
Human !~
5 من المراجعات
مراجعاتي
5

مراجعاتي

  • Review by Abu of ديونز كلوب
    قبل 8 سنوات
    رحت معزوم على عرس صديق الي على Dunes Club وكانت اول زيارة مني للمكان التنظيم الخارجي جميل وانيق و مدخل الصالة الداخلية حلو ، بس الاضاءة كثير تعيسة يومها كان الجو برد و عتمه يالله شايفين خصوصا عند البارك ، لما دخلنا على الصالة في درج بنزل الها من الجهتين لانها هيه تحت الارض تقريبا فكرت الاقي اشي مختلف خصوصا بالنسبة للمبالغ الخيالية اللي بنحكى فيها .. بس لقيت الطاولات و الكراسي عادية ما بتختلف عن فنادق عادية حتى و الشراشف و الشموع ما بتدل على انك في مكان فخم جدا او ارستقراطي .. حتى العصائر عادية و مش طبيعية ، البوفية كان تقليدي انا توقعت الاقي اكلات مميزة و شغلات جديدة بس كانت مثل اي فندق فعلا الديكور و الاضاءة عاديين ولازم يشتغلو شوي على التكييف ، المرافق و الحمامات نظيفة ، الطاقم خدوم و لطيف بتوقع انو على المبالغ المدفوعة يكون في اهتمام اكبر بالادوات .. يعني لازم يكون مكان خمس نجوم في كل شي
  • Review by Abu of كارفور ماركت
    قبل 8 سنوات
    زرت كارفور / ضاحية الياسمين اكثر من مرة .. بالنسبة للجودة و النظافة البضاعة الموجودة مش مميزة عن اي بضاعة بأي مول عادي تاني و ما شفت اشي مختلف من المنتجات او غيروا النظافة متوفرة بس بتمنى تكون اكثر بقسم اللحوم و السمك و الدجاج الاسعار مرتفعة يعني في كيلو زيتون اسود ب 5 دنانير !! لو انو انتاج سويسرا و مطعم بالشكولاتة ما بكون هيك ! و ممكن تلاقي اكثر من نوع وصنف الخضار و الفواكة مش نوعيات كثير كويسة و المشكلة عدم وجود عرض حقيقية زي باقي المولات الاصطفاف عندوا صعب جدا خصوصا انو البارك الخارجي مزدحم و يادوب مفكي السيارات الموجودة المكان بشكل جيد بس لازم يهتم ببعض السلبيات المذكورة
  • Review by Abu of العلالي للاحتفالات
    قبل 8 سنوات
    العلالي صالة جميلة لي فيها ذكرى خاصة و هي ذكرى خطوبتي .. حقيقة انا بشكر الادارة الكريمة و الموظفين اللي قاموا بكل جهودهم في تلك الذكرى .. الصالة تقع في مكان مطل على اتوستراد عمان - الزرقاء و هو علم و لا يمكن ان يتهوه احد بالعنوان و البناية جميلة و هي صالة مكونة من قاعة للرجال بالطابق الارضي و قاعة للنساء الطابق الثاني و في خدمة اصانصير و يتم تأمين كافة طلبات الزبون من حلويات و جاتو ( موس كيك ) و عصير طبيعي او بيبسي حسب الرغبة و كذلك يتعامل مع استديو للتصوير و الفيديو و هم ذوي كفاءة عالية و جودة نوعية . الاسعار مناسبة جدا في ظل الغلاء الفاحش اللي بنعيشوا ، و النظافة عال العال .. القاعة النسائية بتسع من 250 ل 300 شخص و الرجالية من 150 ل 200 و كل الخدمات متوفرة من زفات مصرية اردنية سورية فلسطينية و في مكان كبير للاصطفاف اما الصالة و التعامل من قبل الادارة و الكادر راقي جدا و في مصداقية .. انا بنصح اللي مقبلين على الزواج تكون العلالي مقصدهم .
  • Review by Abu of لا كاليه
    قبل 8 سنوات
    انا رحت هاد المكان مرتين مدعو من قبل اصدقاء ،، صراحة مكان ما حبيتوا نهائيا.. المكان ثلاث طوابق ضيقة بتطل على شرفة صغيرة باخر طابق و عليها بار صغير .. عشان هيك بتحس نص المكان درج و سلالم ، في بار و قعدة صغيرة بالطابق الاول و التاني كمان ، يوجد حمام واحد متر بمتر مشترك للرجال و النساء .. افي تمييز بين الزباين الاجانب و العرب .. و حاطين سيكيوريتي عالباب بتحكموا مين يفوت و مين لا و بتعاملوا مع الناس حسب نوع سيارتو او مين اللي معو او جنسيتو الاكل سيئ عندوا و بقدم مشرويات كحولية و عادية مكان اقل من عادي بحاول يقلد الستايل الغربي بطريقة شنعة !
  • Review by Abu of ميجنا
    قبل 8 سنوات
    ميجانا مكان جميل ممكن تقضي فيه امتع الاوقات بصحبة اللي بتحبهم .. انا ما جربت اكلهم لكن شخصيا انا ما بفضل اكل في كوفي شوب ثقة مني انو الاكل الو مكان خاص بنعمل فيه الارجيلة جيدة جدا و العصائر بأنواعها و كمان المشروبات الساخنة .. جلساته متنوعة و كلها جميلة و الاجمل انو ما في صغار لانو ممنوع اصطحاب الاطفال .. الخدمة راقية و تعامل جميل مع الزبون من اول دخوله لحين خروجة و مرافقه كثير نظيفة و متوفر فيها كل شي .. ممكن تقعد بيميجانا 3 او 4 ساعات بدون ما تحس بالوقت لانو مكان فعلا ممتع و مشجع للسهر و اجواءه جدا جميلة ستايله حلو كمان و ديكوره انيق المكان محافظ على روحه لانك قاعد في مكان كانو عايشين فيه اهل العز من سكان جبل عمان القدامى .. ميجانا بتعمل مع نظام الحجز المسبق بس برجع بأكد انو لما يكون في حجز لازم يكون مأشر على الطاولة انها محجوزة مش تيجي على المكان و تلاقي 5 طاولات فاضية و يحكيلك القرسون كله محجوز بتحس في حدا بيضحك عليك !
  • Review by Abu of لذة اسطنبول
    قبل 8 سنوات
    صراحة هاد المطعم انا مجربه اكثر من مرة من بداية افتتاحه و لغاية الان .. في الحقيقة كان هاد المطعم بعتمد على عدد اكبر من الموظفين الاتراك و الخدمة فيه وقتها كانت مميزة اكثر .. في الوقت الحالي في موظفين من جنسيات عربية ( مصريين و سوريين ) وقلت جودة الخدمة و انتفى الاتيكيت التركي منه المظعم نظيف و مرافقه كمان .. بس مشكلته في ضيق المكان والتهوية سيئة يعني الطابق التاني و هي الصالة الوحيدة فيه ما فيها الا كوندشن طن ونص ما بكفي يهوي غرفة معيشة بالبيت مش بمطعم ! خصوصا انو كل شبابيكو معزولة و غير قابلة للفتح اليدوي .. الاكل ،، حقيقة و كمجرب للاكل التركي الاصلي انا بعتبر هاد المطعم ما وصل لدرجة الاحتراف في الاكل التركي يعني ممكن تصنيفه من الهواة .. الشيش طاووق و الاسكندر كباب طيب عندوا بس لحم الاضنا مش كثير و الحلويات بنصح بالتولومبا و السوتلاش مش دايما بزبطوها .. الكمبير عندهم طيب ، التبولة مش كثير بنصح فيها الخدمة بشكل عام جيدة و رح تكون مبسوط بطريقة مرضية فيه .. مافيو مشروبات روحية و ممنوع التدخين و اسعاروا مقبولة يعني تعشينا فيه قبل فترة 5 اشخاص ب 32 دينار تقريبا
  • Review by Abu of سفرة
    قبل 8 سنوات
    بداية لا انكر ان المطعم جميل من حيث الترتيب و الديكور و الجلسات , الاجواء عائلية و ممتعة و لكن و من خلال تجرية شخصية ، أولا : الاسعار مبالغ فيها جدا ( يعني على المينيو ) مثال : عشر حبات فلافل ب 4 دنانير تقريبا !!!! ثانيا : يوجد موظفين لبقين و لكن لا يوجد مصداقية حقيقية و لا لباقة لدى البعض ، انا رحت مع شخصين طلبت الجلوس على الطابق الثاني ( السطح ) على الطاولة المطلة على شارع الرينبو ( اللي عليها المظلة ) اجى احد الموظفين و حكالي انها طاولة لأكثر من 5 اشخاص و لا ما بصير الجلوس عليها لاننا 3 اشخاص فقط ! احترمت كلامه و قعدنا على طاولة اصغر و بعد 10 دقائق بالزبط دخل صبايا ثنتين ( جميلات جدا ) و على اخر ستايل و اجى نفس الموظف وكان يضحك و يمزح معهم و قعدهم على الطاولة اللي حكالي انها لأكثر من 5 !!!!!!!!! 10 دقائق يا جماعة يعني لسى هلا حاكيلي و ما خلاني اقعد انا و الجماعة اللي معي !! اجيت انا ناديت موظف ثاني محترم وحكيتلو القصة و بلش يعتذر الي و بحكيلي تعال اقعد على الطاولة انته طبعا انا نفسي كشت من كل المكان و حملت حالي و طلعت مع الجماعة اللي انحرجت امامهم و كنت حاكيلهم انو مكان جديد و مرتب و بحترم زباينوا !! هاي تجربتي الشخصية مع مطعم سفرة الموقر !!!
Next