Mr Abd

Mr Abd

عمان . منذ يوليو 2012
Fan of Manchester United & Lumina Ss 4 EvEr : )
25 من المراجعات
مراجعاتي
25
صوري
2

مراجعاتي

  • Review by Mr of مطعم يلنزلار
    قبل 8 سنوات
    مرحبا .. مطعم يلنزلار هو مطعم تركي وانت بطريق الملك عبدالله قبل توصل الملك عبدالعزيز على اليمين بنفس المجمع اللي فيه الطازج وماريز .. المطعم رحت له جلسات السنجل مش العوائل .. لاحظت انه زي مطاعم المنطقه هذيك عائليه اكثر ما هي شبابيه .. يعني المنطقه المخصصه للشباب صغيره وماخذينها زي جزء على جنب .. سألتهم عن معنى اسم المطعم حكولي زي المتميز او المتخصص .. رحنا لهم كنا يمكن 6 او 7 شباب وطلبنا اطباق متنوعه والكويس بالمطعم انه المنيو واسع وتشكيله كبيره يعني بنفع لكل الاذواق والاختيارات .. طلبنا اطباق رئيسيه مشاوي .. اسكالوب كوردن بلو .. كفته طرطور .. لازانيا .. وطلبنا مشروبات مع شوربه وشوية مقبلات .. المشاوي عادي وضعها كويس .. اللازانيا ما عجبت اللي طلبها .. اسكالوب الكوردن بلو ممتاز .. لكن بصراحه كفتة طرطور عبارة عن اختراع مش طبيعي .. فعلا طعمها مميز جدا جدا واعجبتني ولو رجعت للمطعم بس عشانها .. بعملوها قطع لحم كفته مع طحينيه وموجود معها مكسرات وليمون وبندورة وهيك خلطات رهيبه .. انصح وبشده تجربتها .. طلبنا كبه كانت ممتازه كمان .. فيه عندهم كباه بعملوها محشية شاورما ما جربتها بس شكلها كويسه .. الحمص تبعهم للاسف سيء جدا ما اله دخل بالحمص المعروف .. واحد العيوب المشروبات جابوها ما كانت بارده كثير .. المطعم بيطلع لى الشخص مقبلات وطبق رئيس ومشروبات وشوربه بحدود 70 - 80 على الشخص ممكن اقل او اكثر بشي بسيط حسب طلبات الاشخاص .. لكن اسعاره منطقيه وجلساته والمكان بشكل عام نظيف .. بشكل عام تقييمي للمطعم انه ممتاز وبنصح بتجربته .. واللي بروح هناك وما بياكل كفتة طرطور يعتبر حاله ما زار المطعم :) وصحتين وعافيه جميعا ..
  • Review by Mr of القرية النجدية
    قبل 8 سنوات
    القرية النجديه بعرف فيه فرع اللي حاطينه هون وفيه فرع بشارع التخصصي .. ودائما بروح على اللي بالتخصصي انا .. اللي بالملك عبدالله فيه عائلات .. بالنسبة للمطعم فعلا مهتمين جدا في الديكورات والجلسات وطريقة تقديم الاكل والقهوة وكل شي فعلا تراثي 100% .. يعني بستاهلو التحيه على تميزهم في تصميم المطعم .. حتى انهم حاطين لوحة انه ممنوع الجلوس لاكثر من ساعه ونص عارفين الواحد بجي على باله ينام بعد الاكل :) الشي الحلو الثاني عندهم اصناف جانبيه مع الرز حلوة زي المقلقل والطحينه وغيرها وكلها بصراحه طعمها حلو وبيعطي نكهة حلوه للرز لو كنت حاب تطلب معاهم .. لكن فيه ملاحظتين وكانت واضحه بصراحه الي ولاصحابي بكل مشوار بنروح له .. اول شي طعم الرز اغلب الاصناف بتحس ما له طعم زي كانه سالقين الرز في مي عاديه بدون مرقة او نكهه .. بعكس مطاعم الرز الثانيه .. وهالشي لاحظته باكثر من نوع رز طلبته من عندهم .. يعني بتحس كانه الرز ناشف ورز بدون طعم او نكهه .. وهالشي بصراحه ما بخليك تتلذذ باكل الرز .. الشغله الثانيه سعره بالنسبة لمطاعم الرز .. يعني سعره مقارنه بانك رايح تاكل رز يعتبر غالي بصراحه وبعض الاصناف الجانبيه مبالغ بسعرها بشكل كبير .. المشكله الاخيره مرات بكون عنده زحمه كثير في بعض الاوقات وبدك تستنى وقت تقريبا من نص ساعه لـ 45 دقيقه لحد ما يجيك الدور .. تقييمي بشكل عام للمطعم 8 من 10 ..
  • Review by Mr of تكسي
    قبل 8 سنوات
    يعتبر من الفاست فود لكن بستغرب عدم انتشاره بشكل كبير زي باقي مطاعم الفاست فود يمكن بسبب قلة فروعه الناس لسه ما تشجعت انها تجربه لكن عليه حركه وعنده زباين .. بدون مبالغه المطعم نكهة ساندويشاته والبرجر جدا ممتازه .. والله انظف واطيب وافضل من كثير مطاعم فاست فود منتشره واولها كنتاكي .. اسعاره مناسبه وعنده انواع برجر او ساندويتش نظام الخبز الفرنسي الطويل .. جربت من عنده دبل تاكسي .. وباربكيو تشكن .. وتشكن سوبريم .. وسوبر تاكسي .. اسعار الوجبات عنده بتبدأ تقريبا من 16 ريال لـ 23 اكثر شي اللي هي البرجر التربل .. نظامه الوجبه بتجي الساندويش والبطاطس واذا بدك مشروب بتضيف ريالين .. جربت عنده برضو الموزريلا ستيك سعرها 12 ريال كمان ممتازه .. باختصار هو يصنف من الفاست فود لكن نكهة البرجر عنده مميزه ووالله الواحد بشتاقلها بصراحه وكل فترة لازم نطلب منه .. شخصيا هو و هارديز عندي بالتوب في قائمة الفاست فوود .. انصح بتجربته جدا جدا جدا .. حتى بالتوصيل خدمتهم حلوه .. الفروع اللي بعرفها عنده بالتحليه واحد .. بخريص عند سيتي ماكس واحد .. وفي شارع خالد بن الوليد جهة تقاطع الملك عبدالله واحد .. وبالهنا والعافيه ..
  • Review by Mr of مطعم الفخار التركى
    قبل 8 سنوات
    مطعم الفخار قبل كل شي سبق وسكروه البلديه على اساس اسباب تتعلق بعدم نظافة العمال وهالشي بيسبب نقل الامراض وفيروسات معينه و الخ .. وفيه حكي طلع انه تسكر عشان فيه مشكله معينه بين صاحبه والحكومه .. كل هالحكي ما بهم لانه بالنهاية الشهادة لله المطعم اكله زاكي واسعاره مناسبه وحتى بعد ما تسكر من البلديه وفتح مرة ثانيه لسه الزحمه عليه زي ما هي .. كنا نطلب منه على المكتب وكان يوصلنا المشاوي ومقبلات وكنافه .. انا لانه ما الي على شغلات الفخار وهيك ما بجبها كتير كنت احب اطلب مشاوي وكنافة جبن .. وبصراحه كنافة الجبن عنده طعمها مميز جدا وكنت احب اطلب بس عشان الكنافه .. واسعارها عندهم 3 احجام اكبر حجم بـ 25 وبتكفي تقريبا لـ 4 اشخاص سعر كيلو المشاوي كان بـ 60 ريال يحسبه تقريبا .. كنا نجيب صحن سلطات مشكل بـ 25 ريال .. المايونيز عنده كمان طعمه مميز .. بشكل عام المطعم اكله ممتاز واسعاره ممتازه بحكم موقعه بالعليا .. الشي الوحيد السيء مرة تهورت وقررت اروح انا وخواتي عليه ناكل بالمطعم .. وما عدتها ومستحيل اعيدها .. للاسف جلساته بشكل عام والعائليه خصوصا سيئة جدا لا راحه ولا هدوء ولا نظافة طاولات ولا شي .. فعلا من الازعاج بتحس كانك قاعد بوسط حراج وكانه الاكل رح يجيك الويتر يرميه وانت تمسكه من الزحمه مش فاضي يحط لك اياه .. يعني باختصار المطعم مناسب انك تاخذ منه سفري وبس .. لكن تروح تأكل بالمطعم حتى لو معك اطفال مزعجين رح تحس انهم ملائكه وهاديين بالنسبة لغيرهم .. تقيمي اله ممتاز بس زي ما حكيت تطلب منه سفري انسى موضوع انك تاكل مع مرتك او اهلك بالمطعم ..
  • Review by Mr of الركن الروسي
    قبل 8 سنوات
    زرت المطعم لاول مرة من يومين .. ما كنت متشجع ابدا لاني بعمري ما جربت شي روسي ولا كنت حاس انه عندهم شي مستاهل .. بس المطعم طلع مش بطال والله اكله حلو واسعاره مناسبه .. عجبني جدا السلطات عنده وسلطة سيزر الدجاج كانت بطريقه مشهيه جدا .. الشي الوحيد اللي حسيته سيء هو ترتيب الطاولات حسيته مش مناسب ويمكن مساحة المكان اجبرتهم على هالشي .. المنيو فيه تشكيله حلوه من الشوربة للحلويات .. طلبت شوربة ذره مع سلطة سيزر وستيك وكان الاكل حلو والاختيار موفق .. بتخيل ممكن يطلع على الشخص بحدود 70-80 ريال شامل كل شي .. المطعم بالزبط موسى بن نصير عند المربع بس تصير اسواق الجزيره على يمينك تعداها مقابل السدحان المجمع اللي هناك بعد اسواق الجزيره على طول لما يسكر الشارع فيك انه اجباري يا يمين يا يسر .. صحه وعافيه ..
  • Review by Mr of بنك الرياض
    قبل 8 سنوات
    انا مستغرب كمية المدح اللي بشوفها .. تعاملت مع 5 بنوك بالسعوديه بنك الرياض كان أسوأهم بدون نقاش .. للاسف اضطريت اخذ من عندهم سيارة بنظام التاجير المنتهي بالتمليك ولولا ضيق الوقت لاخر لحظه والا كان حولت من عندهم للبنك العربي .. بنك للاسف تعامل سيء .. طويلين بال في الاجرءات بشكل ممل .. صرافاتهم كلها قديمه وفيها مشاكل .. مكاين الايداع بتتعب لحد ما تحصلها اخر شي انتي ونصيبك شغاله او لا .. الكل بيذم بنك الراجحي لكن اقل شي الراجحي خدمات النت جيده طالما ما احتجت الفرع لكن بنك الرياض للاسف ولا شي عجبني .. حتى سيارتي ندمت اني طلعتها من عندهم ... واول ما خلصت اخر دفعه للسيارة صفرت حسابي ونسيته وما بستخدمه حاليا نهائيا .. بالنهاية افضل البنوك بشوفها حاليا ساب وسامبا .. وانماء بدأ يدخل بشكل ملحوظ ..
  • Review by Mr of سزلر هاوس
    قبل 8 سنوات
    رح اكتب مرة ثانيه بسبب زيارتي امبارح باختصار .. لاحظت انه بس فرع التحليه اللي عندهم بوفيه افطار باقي الفروع بتروح وبتطلب من المنيو .. اتصلت عليهم وحجزت طاولة لـ اربع اشخاص .. سعر البوفيه ارتفع عن السنة الماضيه وصار حاليا 99 ريال للشخص البوفيه بصراحه كاطباق رئيسيه ما فيه تنوع كبير .. السلطات كانت تشكيله حلوه وزاكيه .. على كل طاولة كانو حاطين براد قهوة وتمر ومي وتمر وفيه شوربه وعصير وسمبوسه بتعبيهم من البوفيه .. اطباق رئيسيه كان فيها جمبري .. مكرونه .. نوعين رز .. مشاوي .. مكرونه .. فاهيتا وكمان صنفين شي مع فاصوليا وشي خضار وهيك .. اكتر شي شد انتباهي بصراحه النظافه والخدمه ما شاء اللله بس ترفع راسك دائما حولك اثنين واول ما تقوم تعبي شي بترجع بتلاقي الطاولة نظيفه ومرتبه .. يعني الخدمه كانت 100 % .. بالنسبة للحلال تشكيلته مش بطاله لكن ما اكلت كثير بسبب انه الواحد شبعان وما فيه مجال لشي .. المطعم بيستاهل سعره على الترتيب والنظافه والخدمه .. لكن تشكيلة الاكل بالبوفيه قليله جدا ..
  • Review by Mr of ال تشيكو
    قبل 8 سنوات
    هو مطعم مكسيكي خالص .. يعني لعشاق الاكل المكسيكي غير هيك يمكن ما يعجبهم .. بصراحه جربته مرة وحده بس باقتراح من صديق بحب الاكل المكسيكي .. بوفيه رمضان عنده بـ 79 ريال .. البوفيه متنوع ومش بطال فيه اصناف حلوه بعضها عجبني وبعضها ما حبيت اغامر فيه .. بشكل عام المطعم نظيف واعجبني .. والكويس انه لغاية الان ما انشهر كثير ويوم اللي رحت على بوفيه الفطور ما كان فيه زحمه وكان الوضع حلو وهادي .. موقع المطعم بشارع التحليه مميز وهالشي بتوقع مع الوقت رح يخليه يشتهر ويمشي سوقه .. اللي بحب الاكل المكسيكي بنصح بزيارته رح يعجبهم المطعم ..
  • Review by Mr of مكتب الأسواف للحج والعمرة
    قبل 8 سنوات
    الشركة جربناها بالحج كانت نوعا ما ممتازه .. بالعمره ما كان مستواهم ممتاز بصراحه .. المشكله الرئيسيه في الباص .. اخوي راح معهم كان سيء جدا المكيف خربان وصار فيه تاخير وهيك شغلات .. اسعارهم في رمضان للعمره تقريبا 250 ريال .. حتى الفندق للاسف ما كان نظيف .. بعد تجربة اخوي حجزت الي ولاهلي مع حملة عمره اسمها الشركة السعوديه .. الحلو عندهم فيه عندهم نوع حجز بباصات VIP .. بتكون عدد كراسي اقل ومساحه واسعه بين الكراسي والكرسي نفسه واسع وممكن ترجعه لورى تتمدد .. والفندق كان موقعه ممتاز عند النفق المخصص لباصات النقل الجماعي .. كان ببعد كيلو ونص تقريبا عن الحرم وعلى مدار 24 ساعه الباصات موجوده للتوصيل للحرم بـ ريالين .. بشكل عام الحمله سمعتها كويسه لكن برمضان بسبب الزحمه والضغط صعب تحكم عليهم من موقف معين ..
  • Review by Mr of عالخفيف
    قبل 8 سنوات
    على السحور انا واغلب اهلي ما بنحب نثقل ابدا لانه بنكون شبعانين من الفطور غير انه مش منيح الواحد ياكل كتير بعطش بالصيام عشان هيك بنشوف شغلات خفيفه زي فطاير او ساندويشات .. وهاد المحل مناسب جدا طريقة عمله للفطاير وانواعها بتاكلها وبتشبع وانت حاس معدتك خفيفه يعني المحل عنده تشكيله كويسه وصحيه بصراحه .. بحب اخذ من عنده التيركي .. واللحم .. وجبنة الحلومي .. اسعار الفطاير عنده حسب نوعها لكن تقريبا بين 6 - 14 .. الطلب ما بيطول خلال 10 دقايق عادة بكون جاهز .. فطايره مميزه وخفيفه ومناسبة جدا كوجبة سحور برمضان ..
  • Review by Mr of حلويات الكرامة
    قبل 8 سنوات
    مع انه المحل قديم وفيه كتير محلات حلويات بروفيشنال فتحو بعده وعندهم اصناف جديده ومميزه الا انه محل الكرامه بضل اله ذكرياته الحلوه .. المحل عنده تشكيله متنوعه من البقلاوة والكنافه والبسبوسه وكلاج وغيرها من الحلويات الرمضانيه .. الحلويات عنده طعمها حلو واسعاره ارخص من محلات ثانيه مقارنه بغيره .. بالنسبة النا عزايم رمضان بنحب دائما نشتري من عنده نوع حلا اسمه زنود الست .. طعمه مميز جدا وخفيف الواحد بياكل منه بدون ما يتضايق .. سعر الكيلو تقريبا 35 ريال او 40 بالكثير .. التشكيله الثانيه جربناها وطعمها كويس لكن النوع المفضل ورقم 1 هو زنود الست اللي ما سبق زار المحل يزوره ويجربها عنده .. وحتى لو كان فيه مناسبات او اي شخص بده تواصي كميات كبيره بيوفروها وبرتبو له كل شي ..
  • Review by Mr of الجمعية الخيرية لرعاية الايتام
    قبل 8 سنوات
    شغلات الخير المفروض الواحد يخليها بينه وبين ربه لكن حلو الواحد يحكي عن تجربته يمكن يشجع حدا تاني على المساعده ... بشكل عام بحب انوع كل فترة لكن تركيزي على الايتام ودعم جمعيات القرآن .. لانه معروف فضل كفالة اليتيم واجرها العظيم .. جمعية انسان عندهم نظام كفالة ثابته تختار يتيم او مبلغ مقطوع وهم بيتولو ادارته .. اذا حبيت تكفل يتيم شخص محدد يعني على فترة طويله بتعطيهم تفويض خصم 250 ريال شهريا من حسابك البنكي حتى كلمتهم حكولي بتقدر تزورنا وتختار انت الشخص اليتيم بنفسك .. او بتحول مبلغ 250 ريال وهم بيعطوه اي شخص .. ان شاء االله المبلغ بسيط للمقتدر واجره عظيم .. اذا بشهر معين الظروف سيئة ممكن تتبرع بـ 100 ريال مثلا .. بالنهاية مبلغ 250 بشوف انه مناسب وربنا ما بنسى حدا لو ما عوضك عنهم بالدنيا باذن الله بالاخره بتلاقيها .. رمضان مبارك ..
  • Review by Mr of مطعم سعد الدين
    قبل 8 سنوات
    سعد الدين عنده فطور رمضاني بوفيه بس في فرع العليا بتوقع .. البوفيه يعتبر ممتاز لكن للي حاب اكل شرقي .. يعني ما لاحظت عنده تشكيله او اصناف منوعه عالميه وهيك .. سعر البوفيه كان قريب 100 ريال بهالحدود .. زي ما حكيت يعيبه انه مركز على نوع اكل واحد وهالشي بعتبره رح يخلي الخيارات محدوده ومش الكل بيرغب نفس الشي .. بالنسبة الي ما بفضله لانه ما فيه خيارات متنوعه وبسعر البوفيه ممكن تاخذ شي حلو .. لكن المنيح خدمتهم يومها عجبتني وكان الوضع هادي .. زبدة الحكي بعطيه تقييم 7 من 10 ..
  • Review by Mr of عبد الوهاب
    قبل 8 سنوات
    مع احترامي اغلب المطاعم اللبنانيه هون بالسعوديه شايفين حالهم جدا بموضوع الاسعار .. ومشكلة بعض الناس بفكر انه اذا مطعم لبناني جابو له تبوله وورق عنب خلص كل شي منيح .. بشكل عام الاكل اللبناني مأخوذ من مناطق شاميه تانيه زي سوريا والاردن وفلسطين .. مطعم عبدالوهاب جلساته حلوه وهاديه وتعتبر متميزه عن غيرها .. لكن بصراحه مقارنه بالاسعار بشوف انه مبالغ فيه جدا .. يعني افطار رمضان 130 ريال على الشخص ومش بوفيه مفتوح عندهم طبق يومي بجيبوه مع مقبلات وشوربه وحلا وهيك .. المقبلات كلها ما اكلت غير نوعين والباقي شغلا ما عجبتني .. الطبق الرئيسي جابو لنا مشاوي و استغربت كمية الاكل اللي حطوها كانت قليله .. بالنهاية المطعم اكيد بيعجب البعض لكن انا من واقع تجربه اخذت صورة انه المطاعم اللبنانيه اغلبها مبالغه بالاسعار بشكل مش طبيعي .. يعني 130 ريال لو زودتها شوي بس ممكن تاخذ بوفيه مفتوح باحد الفنادق المعروفه .. المواقف طبعا التحليه زحمه حسب الوقت لكت موقعه جاي على شارع التحليه مع شارع فرعي وهالشي بساعد بموضوع المواقف .. بس بالنهايه ما بنصح احد يروح له بفطور رمضان لانه فيه خيارات كثير افضل منه ..
  • Review by Mr of سزلر هاوس
    قبل 8 سنوات
    المطعم ممتاز .. جربتت فرع التحليه وقبل فترة شفت له فرع في طريق خريص شكله برضو مساحته حلوه .. تجربتي كانت في رمضان الماضي بناء على نصيحة واحد من الشباب .. تقريبا العام كان بوفيه مفتوح عنده حوالي 80 ريال .. انا شايف حاليا فيه عرض بـ 70 ريال تقريبا .. المطعم بصراحه مرتب ومنظم والبوفيه متنوع .. خدمه وجلسات حلوه .. وتشكيلة الاكل برضو حلوه ومنوعه مش مركزه على نوع واحد فيه عالمي وشرقي وغيرها .. ما صار فرصه اجربه بغير رمضان لكن من خلال عرض بوفيه رمضان المطعم واضح انه مميز باصناف الاكل عنده .. بستاهل الزيارة والتجربه خصوصا ان سعر البوفيه الرمضاني عنده يعتبر في حدود المتوسط و سعره اقل من ناس أسوأ منه بصراحه ..
  • Review by Mr of بيتزا كومباني
    قبل 8 سنوات
    المطعم ما شاء الله مميز بالبيتزا .. جلساته برضو حلوه ورايقه .. وعروض الطلبات الخارجيبه وحده ووحده مجانا عملت له سوق زياده .. اسعاره اغلى بشوي من مطاعم البيتزا المعتاده .. لكن طعم البيتزا والمكونات فعلا مميز وبتحس انها جديده ولذيذه عكس مطاعم ثانيه بتحس بالزيت وبطعم سيء .. بشكل عام انصح فيه جدا حتى للكبلز مناسب .. رمضان الماضي كان عندهم عرض فطور 45 ريال بوفيه مفتوح بتعبي سلطات ومكرونه وشوربه وهيك والبيتزا طبعا كل ما طلع شي بيقدمولك على الطاولة .. الخدمه وتوفر الاكل مقارنه بالسعر يعتبر بيرفكت .. ما بعرف هالسنة عندهم نفس العرض او لا لكن فيه نية زيارة ثانيه ان شاء الله ..
  • Review by Mr of تشيه تشيه
    قبل 8 سنوات
    بشكل عام المقهى عنده فروع كتير والمفروض انه ناجح ما دام وصل لهالمرحله .. لكن مرات يعيب عليه التأخر بالطلبات .. ومشكلته على خبري اخر مرة انه بيسكر بكير شوي قبل المقاهي المجاوره اله بشارع مكه .. لكن بصراحه فرع شارع مكه جلساته ما شاء الله شي برد الروح .. الصيف الماضي كنا سهرانين ما قدرنا نكمل من برودة الهواء .. بصراحه الجلسه ممتازه جدا فرع مكه بالذات .. الارجيله مش بطاله فيه مقاهي افضل منه .. وطبعا برمضان الماضي كانو عاملين رسوم دخول وعلى اساس بجيبو لك صحن فول وحمص وترمس وهيك شغلات تبزر .. كان بارد ومش زاكي ما حدا اكل واضح انهم عاملينه من رمضان اللي قبله ... الاسعار مقاربه لـ جيرانه يعني شخصين اراجيل ومشروبات وشي خفيف بين 25-30 دينار .. لكن صدقا جلساته روووووووعه ..
  • Review by Mr of كنافة أبو الهوس
    قبل 8 سنوات
    يعتبر من أفضل محلات الكنافه بصراحه وكنافته قريبه وبتذكرك بطعم الكنافة في الاردن والكنافة النابلسيه بشكل عام .. المحل يهتم بالجوده وما جربت من عنده الا الكنافه وحلاوة الجبن .. بس عموما كنافة مميزه بدون نقاش .. حتى طريقة تغليفها تعطيك شكل حلو حتى لو حبيت تقدمها هديه خلال زيارتك لاحد .. عرفت منكم انه له فرع قريبن من 50 فاكهه .. انا بالعاده اروح على فرع شرق الرباض تقاطع الملك عبدالله مع خالد بن الوليد باتجاه الشمال .. وفيه فرع باخر شارع الفلسطينيين بالرياض تقريبا مقابل شرطة السليمانيه .. طبعا ما عنده جلسات كويسه او هاديه وهيك .. لكن باختصار هو احد ملوك الكنافه حاليا .. مميز وغالبا تعاملهم ممتاز سبق وتعاملت اكثر من مرة وكانو متعاونين .. حتى اخذنا على البيت كميات كبيرة وصيناهم عليها باحد المناسبات وكانت ممتازه ... محل مميز بس يا رب يستمر بنفس الجودة ... طبعا سعر كيلو الكنافه عنده 50 ريال ..
  • Review by Mr of جوني روكتس
    قبل 8 سنوات
    المطعم من المطاعم المميزه في البرجر .. نكهة البرجر عنده وطريقة اعدادها مميزه ... وعنده انواع من الساندويشات الثانيه زي الدجاج والكلوب ساندويتش والبرجر اللحم بانواعه وخلطاته لكن بالنهاية هو تميزه بالبرجر .. عنده الميلك شيك برضو طعمه ممتاز .. التشيلي فرايز مش بطاله .. من عيوبه يجيب لك البرجر ساده بدون بطاطا او اي شي الا بطلبك ما عنده نظام وجبات .. بس عموما شخصين كل واحد برجر مع تشيلي فرايز مشترك ومشروب تقريبا ممكن يطلع الحساب بحدود 120-130 ريال .. المواقف عنده مش سهله دائما بحكم انه بالتحليه .. احد أسوأ الشغلات فيها جلساته .. مساحة المطعم مش كبيره وطبيعة الجلسات تخليك تحس بازعاج وانت قاعد وغير مريحه بصراحه .. يعني ما هو من المطاعم اللي تطلب وتقعد براحتك وبروقان لا خلص سريع سريع .. وبالهنا والعافيه ..
  • Review by Mr of بيت الشاورما
    قبل 8 سنوات
    هو اسمه بيت الشاورما لكن عنده اصناف كثير حلوه ومرات فترة الغداء بروح له .. وبحكم اني بحب شاورما اللحم هو افضل محل شاورما لحم بالرياض لدرجة ابوي لو انه قاعد بياكل وحكتله رايح بيت الشاورما رح يطلب مني سندويشة لحم .. الدجاج ما رح اعطي رايي لاني بحس اغلب المطاعم نفس الطعم لكن بشكل عام المطعم شاورما عنده من افضل مطاعم الرياض بصراحه .. بالنسبة لجلسات المطعم ما تعتبر مريحه وفيه عنده زحمه وازعاج نوعا ما .. فيه عيب كمان صحيح انه المطعم ما فيه حمام الله يكرمكم .. يعني بس عنده مغسله بدون حمام وهالشي بعتبره شي سلبي .. مواقف السيارات برضو مش سهله ورح تضطر تصف بالاماكن حوله لانه ما عنده مواقف كفايه ..
  • Review by Mr of الناضج
    قبل 8 سنوات
    يا سيدي على الناضج يا سيدي .. بصراحه ما بروح له الا عشان رز المندي مميز جدا .. واوقات رز المندي عادة فترة الغداء للساعه 3 .. وبرجعو يعملو من بعد العشاء للساعه 10 تقريبا او 11 .. فترة العصر والمغرب غير متوفر .. روح خذ رز مندي الاصفر ونص مظبي وامورك بتكون بالسليم :) .. المطعم مشكلته ما له فروع كثيره .. بالعاده بروح لـ فرع اشبيليا امتداد مخرج 9 قبل شارع جابر باشارتين تقريبا .. مواقف السيارات متوفرة كويس جلساته حلوه بصراحه وغالبا لما اروح ما بكون زحمه وازعاج .. بشكل عام كنظافة وخدمه وترتيب يعتبر كويس مقارنه بمطاعم الرز واسعارها ..
  • Review by Mr of هوليدي للسياحة والسفر
    قبل 8 سنوات
    شركة هوليدي جربتهم باكثر من مرة .. بشكل عام اسعار رحلات السياحه من الاردن رخيصة وممتازه جدا مقارنه في بلدان ثانيه وهوليدي اسعارها مقبولة بالنسبة لمكاتب الاردن .. تعامل الموظفين كان حلو وخدماتهم اللي حكو عنها برضو وفروها .. بعتبرهم شركة موثوقه .. رغم انه برحلة تركيا كنت طالب غرفه مطله على البحر وما وفروها ولما رجعت كان المفروض اراجع معهم اطالب بالمبلغ الفرق حكولي كان لازم تخبرنا وانت هناك بس وصلت .. المهم انه اجازتي كانت عوشك تخلص وما معي وقت وطنشت الموضوع .. لكن هوليدي شركة محترمه بصراحه انا واخواني جربناهم وتعاملاتنا كلها كانت حلوه ... لكن بتمنى منهم يغيرو تعاملهم مع المكتب اللي بتعاملو معه بشرم الشيخ لانهم مش صادقين وبقنعوك برحلات بالخاوه غير انه اتفقت معهم على رحلات وتفاجأت انهم غيرولي اياها من راسهم .. فوق هيك باردين وبشتغلو بالحركه البطيئة ..
  • Review by Mr of باستيش كافيه
    قبل 8 سنوات
    يعتبر غالي بصراحه بالنسبة لمبلغ رح تدفعو بكوفي شوب وبستغرب كل نظام هالمقاهي فل نفسي اشوف الناس اللي بحكو الحياه غاليه دايما المقاهي فل والفاتورة مبلغ وقدره رغم ان المقهى شيء كمالي ..عموما بالنسبة لباستيش جلساته رائعه بس اعتقد مشكلته مساحته ما تعتبر كبيره بالنسبة لمنافسيه .. الخدمه عنده من افضل الخدمات بصراحه ومرات كثير قبل ما انادي الويتير او اكون بدي شي بلاقي بطلع علي وبجيني دايركت .. تعامل ممتاز وكل شي ممتاز بس مشكلته بصغر المساحه وصار حواليه بنفس الشارع منافسين عندهم مساحات وقعدات افضل لازم يهتم بهالناحيه .. بالمختصر مقهى مميز ومن المفضلين عندي ..
  • Review by Mr of الرومانسية
    قبل 8 سنوات
    مطعم كان رقم 1 في عالم مطاعم الرز .. اخذ بنفسه مقلب وصار يفكر انه الناس رح تجيه على الاسم وبس وما حسب حساب انه فيه منافسين كبار الرز عندهم اطيب من الرز عنده بمراحل .. الفترة الاخيره الجوده من سيء لاسوأ .. ومطعم كبير عريض بتروح له الساعه 1 وقت الغداء بدك رز مندي بحكيلك خلص متى خلص اذا عز وقت الغداء ما فيه متى فيه يعني ؟ تقييمي سيء من ناحية جودة الاكل والخدمه وكل شي .. مطعم حاليا بشتغل على اسمه وبس حتى بالعزايم الخارجيه مرة فشلنا جايب رز بدون اي ملحقات .. واعتقد زباينه الحاليين هم الزباين اللي من زمان عندهم ولاء وما فكرو يجربو غيره .. يا ريت يهتمو شوي ويرجعو زي اول ..
  • Review by Mr of ستيك هاوس
    قبل 8 سنوات
    المطعم اسعاره تعتبر فوق المتوسطه .. لكن يتميز بعروضه الحلوه بصراحه .. مرات بيعمل عروض على صنف معين من الستيك .. وعنده عرض الغداء شوربة وسلطه ومشروب ووجبه بـ 40 ريال .. جلساته ممتازه .. خدمته جدا حلوة مع انه بتختلف من فرع لفرع .. بار السلطات والشوربات اليوميه بصراحه مميزه .. بشكل عام المطعم ممتاز
Next

صور أضفتها

سلطة سيزر الدجاج في مطعم الركن الروسي
Mix Beef & Chkn Nachos from Buffalo's .. 
احسن ناتشوز بصراحه ذقته لحد الان بالرياض ..