Raed Obaid

Raed Obaid

عمان . منذ يونيو 2012
62 من المراجعات
الأماكن المضافة
8
مراجعتي كانت الأولى
25
مراجعاتي
62
صوري
11
أماكن فضّلتها
7

مراجعاتي

  • Review by Raed of الكلية العلمية الاسلامية
    قبل 4 سنوات
    ابني درس فيها من الصف التمهيدي الى الصف الثاني البرنامج البريطاني..معدل ابني فوق 99..متميز بسلوكه و اخلاقه..اضف الى ذلك انه لاعب تايكواندو مميز بشهادة الجميع و لكنهم رفضوا التسجيل لابني في العام الدراسي القادم بسبب انني قمت بانشاء صفحة على الفيسبوك لاولياء الامور و كنا نتناقش فيها لما في مصلحة اولادنا و كلنا فخر اننا فيها..كان هدف الصفحة النقد و ليس الانتقاد لكنهم رفضوا تسجيل ابني رفضا قاطعا لانني كنت قد تطرقت لموضوع الزيادة في الاقساط المدرسية..اسعارهم جدا مرتفعة و كل سنة برفعوا الاسعار..خسروا طالب مميز لان ولي امرهم و هو انا قد تطرق على الفيسبوك لموضوع الزيادة غير المبررة سنويا..اسعار الكتب بالبرنامج البريطاني جدا مرنفعة و مرهقين لاولياء الامور من كثرة طلباتهم المكلفة..الزي الرياضي عندهم سعره من 60 الى 80 دينار و رسوم حجز المقعد 500 دينار
  • Review by Raed of المؤسسة الدولية للتجارة والمعدات الهندسية
    قبل 5 سنوات
    خدمة رائعة و عن تجربة مسبقة،،صادقين في التعامل و لديهم خبرة كبيرة في المبيعات..ساحات الاصطفاف موجودة و لديهم فروع غير فرع الادارة في المقابلين..الاسعار ممتازة جدا و إطاراتهم ممتازة على الطرقات،،متوفر لديهم الاطارات الكبيرة و الصغيرة و الاطارات الصناعية و الزراعية،،متوفر خدمة الدفع عبر البطاقة الائتمانية و انصح الجميع بتجربة اطاراتهم
  • Review by Raed of مطعم شرحات
    قبل 8 سنوات
    الكوكتيل رائع جدا..اللي بشتغلو فيه جدا بشوشين و تعاملهم رائع..مشروبات رمضان بشتريها من عندهم لأنهم فعلا نضاف و عن تجربة
  • Review by Raed of مخبز فيلادلفيا الآلية
    قبل 8 سنوات
    مخبز رائع جدا بفرعيه دوار المنهل و دوار الجبيهة..تشكيلة الكعك ممتازة..بعمل معجنات امامك ما عليها حكي..بهتمو بالنظافة و هم اصلا اصحاب كار اب عن جد..القطايف عندهم بتشههي بس والله غالية السنة
  • Review by Raed of مسجد رمضان
    قبل 8 سنوات
    مسجد رائع و نظيف و الشيخ اللي فيه رائع في التلاوة و في الخطب و الدروس الدينية..ما بنحس بالشوب فيه لأنه كلو مكندش بس بنصح الناس خاصة اللي بالمنطقة يروحو مشي لأنه الصفة بتغلب
  • Review by Raed of السنابل
    قبل 8 سنوات
    لهادئ و عائلي و مريح و يقدم الطعام بالاضافة الى المشروبات و الاراجيل و ديكوراته جميلة بس مزعج لما يفتحوا الشبابيك
  • Review by Raed of فود سيتي سوبر ماركت
    قبل 8 سنوات
    عروضه رائعة و اسعاره منطقية و واسع و اماكن الاصطفاف فيه متوفرة و النظافة ممتازة..يوجد مكان للعب الاطفال في الطابق الثاني
  • Review by Raed of مطاعم حضرموت
    قبل 8 سنوات
    مطاعم حضرموت و أخص بالذكر فرع اشارة البوابة الشمالية للجامعة لأنو الوحيد اللي تعاملت معاه برأيي انو صار يعتمد على السمعة و نسي الجودة و النظافة و التعامل الجيد مع العملاء..تنظيف الطاولات عندهم سيئ جدا..يعني لماالواحد بدو ينظف مش بعد نص ساعة من ذهاب الزبائن على الطاولة ببلش التنظيف..و مش اذا واحد معاه شريطة و مسح الطاولة فهو نظف و خلص..ايضا الارض و تحت الطاولات النظافة مش ولا بد.. اهم ملاحظة و بوجهها الى ادارة المطعم اللي بتمنى يرجع زي اول هي انهم يغيروا الشباب الاثنين اللي على الكاش عند الاستقبال لأنهم سيئين بالتعامل و الاستقبال و ما بضحكو نهائيا شيئ ثاني سلبي انو المنيو عندهم مش ثابتة..يعني ايام كتير بتروح بدك مظبي بحكيلك ما في
  • Review by Raed of مطعم الحمصاني
    قبل 8 سنوات
    المحل نظيف جدا..اسعاره عادية زي كل المطاعم..الفتة و الساندويشات عنده لا تقاوم..الحمص و الفول و الفلافل ما عليهم حكي..الموظفين متعاونين مع الزبائن و الادارة عندهم بتهتم باللباس و نظافة العمال..ما عندهم طاولات و جلسات داخل المحل..سريعين في تنفيذ الطلبات
  • Review by Raed of العالم الابيض للتجارة والاستيراد والتصدير
    قبل 8 سنوات
    انا بخالف اغلب الاراء مع احترامي لكل الجيران..اولا الاصطفاف عندهم سيء كمدخل او مخرج و خطر جدا جدا خاصة لما تفتح اشارة الدوريات الخارجية..مع العلم انو عندهم اماكن اصطفاف..بالنسبة للتشكيلة اللي عندهم كأدوات كهربائية و منزلية انا صدقا شفتها عادية جدا و مش متنوعة زي المحلات اللي بتشتغل بنفس المجال..بالنسبة لوظفي المبيعات انا برأيي ما حسيتهم متمكنين بالمعرفة الكاملة للأدوات الكهربائية اللي ببيعوها..و بالنسبة للاسعار اكيييييييييييد في محلات بتبيع بأسعار اقل..خدمة ما بعد البيع و العروض عندهم مش قوية نهائيا
  • Review by Raed of الدكتور سمير حميدي
    قبل 8 سنوات
    دكتور و انسان بكل معنى الكلمة عيادته في المستشفى التخصصي الطابق الثاني..دكتور اولادي من اربع سنوات و جدا مريح بالتعامل..عيادته نظيفه..عنده غرفة العاب للأطفال عند غرفة الانتظار..معتمد لأغلب شركات التأمين و من غير تأمين كشفيته عادية و منطقية..بس حسيت انو السكرتيرة اللي عنده كشرة شوي
  • Review by Raed of الطاووس دراي كلين
    قبل 8 سنوات
    اتعامل معهم منذ سنوات و من اروع المحلات بالنسبة للدراي كلين..شغلهم نظيف جدا و مواعيدهم رائعة و عمرهم ما تأخروا عن التسليم عن الموعد المتفق عليه.اسعارهم منطقية و يوجد ساحة اصطفاف واسعة عند محلهم
  • Review by Raed of اسواق اليوسفي
    قبل 8 سنوات
    المحل يحتاج الى تنسيق و ترتيب اكثر مما هو عليه حاليا..يتوافر فيه اماكن اصطفاف..العروض غير مغرية للزبائن..قسم الخضار و الفواكه عندهم سيء و اسعارهم بالخضار و الفواكه اكثر من المحلات الاخرى..اتنوع فيي الاصناف في قسم السوبرماركت ليست كبيرة
  • Review by Raed of السلوادي للسيارات
    قبل 8 سنوات
    من اروع معارض السيارات في شارع المدينة الرياضية و دائما عنده تجديد في انواع السيارات بشكل دوري..و بعكس اغلب المعارض في الشارع الاصطفاف عنده مريح و ما بتتغلب..التعامل جدا مريح و اسعاره بالسيارات منطقية و كل سياراتهم فحص كامل و ما بتعاملو بالسيارات المضروبة..لما تشتري سيارة من عندهم ما في داعي للدهان او الدراي كلين..ايضا يتعاملو بتبديل السيارات و ما عندهم تبخيس بالاسعار
  • Review by Raed of محل شاكر سلهب للتنجيد والبرادي
    قبل 8 سنوات
    اسوأ مكان بالنسبة لمحلات التنجيد و البرادي..معاملة سيئة جدا و المحل مش مرتب و البائعين ما بحترمو الزبائن..مواعيد التسليم عندهم سيئة و لما تروح على الموعد اللي يفترض تستلم فيه بحكيلك هلأ بدي ابلشلك شغل..طبعا اذا ما بعجبك بصير يواقح فيك و بطلع الحق عليك..تعاملت معهم مرتين و نفس المشكلة و بعدين حرمت اعيدها..لكن بالاسعار اسعارهم جيدة بس على حساب شغلات ثانية اللي هي المواعيد و التعامل
  • Review by Raed of فود سيتي سوبر ماركت
    قبل 8 سنوات
    المحل واسع و نظيف..عروضهم رائعة..توفر اماكن اصطفاف..دفع بالبطاقات الائتمانية..اكثر من 8 كاشير موجودين عند الدفع..يتوفر جهاز ATM عند المدخل و تمت اضافة طابق للأدوات المنزلية..الموظفين و خدمة العملاء رائعين..يوفر المول بطاقة ذهبية تأخذ عليها خصومات على اصناف معينة و البطاقة مجانية لمن يريدها..ايضا البطاقة تستطيع تجميع عليها نقاط و استبدال النقاط في مشتريات..كل 1 دينار يساوي نقطة و اذا جمعت 500 نقطة تحصل على مشتريات ب 5 دنانير و 1000 نقطة ب 10 دنانير و هكذا..بالاضافة الى عروض اخرى تشمل السحب على فواتير الشراء...اخر عروضهم كانت قبل شهر بحيث اذا اشتريت بقيمة 50 دينار فما فوق تحصل على بطاقة العاب مجانية بقيمة 30 دينار لــ لونا بارك في الطابق الثاني..ايضا ببعثوا مسجات كل نهاية اسبوع للعروض الخاصة..الشيئ الوحيد الذي لا اشتريه من عندهم هو الخضار و الفواكه لأنو مرات ما بحسها FRESH
  • Review by Raed of مكسيم بارك
    قبل 8 سنوات
    سيئة جدا و مضغوطة و ما بهتم العاملين فيها بالأطفال..العابهم مش مسلية و ريحة المطاعم اللي حوليها معبية الصالة
  • Review by Raed of سحاسيل
    قبل 8 سنوات
    المكان موقعه مناسب بس على نهاية الاسبوع و بالعطل صراحة كثير مضغوط..العاب الكمبيوتر عنده لاعمار اطفال اكبر من 5 سنوات..حبيت فيه بركة المي للأطفال بالقوارب و اسعاره ماشي حالها..و احلى وقت لزيارته في فترة الصبح او الظهر عشان ما يكون فيه أزمة
  • Review by Raed of اسعار الاردن
    قبل 8 سنوات
    انا اللي عجبني عندهم خدمة ما بعد البيع..اضطريت أرجع مرة من عندهم قطعة كنت مشتريها و ما قصروا معي..الاسعار اللي عندهم و بعد ما اشتريت اكتشفت انها اعلى من سعر اماكن ثانية بس أكيد الاصطفاف عندهم في شارع الثقافة صعب جدا جدا
  • Review by Raed of أبو شقرة
    قبل 8 سنوات
    برأيي من أروع الاماكن لشراء العطور في عمان من حيث الجودة و التعامل و الاسعار المقبولة و الانواع من الرجالي و النسائي بالاضافة الى التشكيلة الكبيرة من المكياجات و مستحضرات التجميل..الديكورات داخل المعرض رائعة و البائعين قمة في الذوق و خدمة العملاء
  • Review by Raed of كنتاكي
    قبل 8 سنوات
    مبارح كنت عندهم و بصراحة بطيئين جدا كانو في الطلب و ما احترام للنظام و الدور..تأخر طلبي نص ساعة مع انو في ناس طلبو بعدي و خلصو قبلي..و لما سألت عن مدير الفرع كان يحكي و يضحك و يدردش مع الموظفين في وقت شغله..و بالاخر رحت انا و لفيت عند الكاونتر و عبيت الطلب بايدي..الكاشير ابدا ما بضحك مع الزباين او بعاملهم مليح و انتبهت انو النظافة عندهم سيئة للطاولات و الأرضيات..صراحة ما رح اعيدها و اذا بدي اروح بروح على فرع شارع المدينة اقل ما فيها الدور نوعا ما منظم
  • Review by Raed of مخبز فيلادلفيا الآلية
    قبل 8 سنوات
    مخبز رائع جدا بفرعيه دوار المنهل و دوار الجبيهة..تشكيلة الكعك ممتازة..بعمل معجنات امامك ما عليها حكي..بهتمو بالنظافة و هم اصلا اصحاب كار اب عن جد و بتشوف عندهم صورة قديمة للجد المؤسس للمخبز في فلسطين في الثلاثينيات او الاربعينيات.قسم الكعك و الخبز الاسمر و الحمية و السكري دائما متوفرة..عيبه الوحيد صعوبة الاصطفاف خاصة عند دوار المنهل
  • Review by Raed of سوبرماركت شونيز
    قبل 8 سنوات
    سوبرماركت شو نيز من اروع المحلات التجارية في منطقة الجبيهة-حي الجامعة..اماكن الاصطفاف مريحة جدا و واسعة و عنده خدمة الدفع بالفيزا و خدمة العربات..عنده قسم للمحمص و قسم للألبان و الاجبان و جميع العاملين فيه رائعين في التعامل
  • Review by Raed of هاشم
    قبل 8 سنوات
    يعني ما حدا بنكر انو من اقدم المطاعم في عمان و اشهرها بس النظافة جدا جدا سيئة عندو مش بس داخل المحل و كمان الكاسات و الصحون و الطاولات نظافتهم سيئة جدا..مع العلم انو عدد كبير من السياح بتوافدو عليه..الصحون عنده لما يجيب الطلب بتكون معبية لنصها بس و كمان المحل كثير معجوق
  • Review by Raed of مخازن البشيتي للتجهيزات العامة
    قبل 8 سنوات
    فعلا من اروع الاماكن و اروع الاسعار و التشكيلات..التسوق فيه ممتع و فعلا كل ما تحتاجه موجود حتى شغلات ما بتخطر على البال بتلاقيها متوفرة عنده..انا بصراحة بفضل فرع شارع المدينة الطبية-صويلح اكثر من فرع خلدا لأنو أكبر و الاصطفاف فيه اسهل
Next

أماكن أفضلها

    صور أضفتها

    الشركة من الخارج
    طريقة العرض داخل الشركة
    شعار الشركة