Mohammad Anini

Mohammad Anini

عمان . منذ يونيو 2012
Born to Code
22 من المراجعات
الأماكن المضافة
7
من وجدوا مراجعتي مفيدة
3
مراجعتي كانت الأولى
9
مراجعاتي
22
صوري
37
أماكن فضّلتها
7

مراجعاتي

  • Review by Mohammad of نارنج عمان
    قبل 5 سنوات
    The restaurant is very classy and beautiful, the decorations are awesome, and the food is pretty good and tasty, but it is kind of pricey!
  • Review by Mohammad of فرن صباحو
    قبل 7 سنوات
    يوميا بفطر من عند مطعم صباحوا.. بعمل أشياء كتير زاكية، غالبا بطلب بسطرما، كتييير زاكية، المحل نظيف والخدمة سريعة، وأسعاره كمان معقولة :)
  • Review by Mohammad of الجمعية الشركسية للمأكولات المنزلية
    قبل 8 سنوات
    أكلنا منه بالإجتماع الشهري للشركة، كانت كتير طيبة المعجنات عنده، معجنات السبانخ كتير زاكية، وأزكى إشي كان معجنات البطاطا والجبنة، بتحسها كأنها معجنات منزلية، كتير متقنة وفريش.
  • Review by Mohammad of قصر المندي
    قبل 8 سنوات
    اليوم تغدينا أنا وأصدقائي في قصر المندي، أنا زرته قبل هيك وكتير عجبني، لهيك رجعتله مرة تانية وراح أرجعله، المحل كتير مرتب وديكوره مميز جدا وجلساته منوعة ورائعة، أسعاره متوسطة، طلبت مندي مع سمك الفيليه، كتير كان الاكل طيب ومتقن والسمك كتير زاكي، جو المحل كتير حلو ومناسب للأفراد والجماعات والعائلات، ومناسب لطلاب الجامعات وفي خصم خاص إلهم، وكمان بتوفر فيه مصلى للرجال :)
  • Review by Mohammad of سوبر ماركت رام الله
    قبل 8 سنوات
    سوبر ماركت رام الله من أقدم المحلات في الجبل الشمالي، بفتح أغلب الأوقات، الخدمة سريعة والتعامل بشوش وحلو، بتوفر عنده جميع الأصناف الغذائية واللحوم والألبان والأجبان، وأسعاره كتير منيحة ورخيصة
  • Review by Mohammad of بالفرن
    قبل 8 سنوات
    المعجنات عنده كتيير زاكية، ودايما الخدمة سريعة والتعامل رائع، كتير بجيب من عنده للعشا والفطور، عنده جميع أصناف المعجنات اللبنانية وبخبزها دايما أول بأول وبتوخدها من الفرن ^_^
  • Review by Mohammad of تشاباتي
    قبل 8 سنوات
    من أروع المطاعم اللي زرتها بالصويفية، التعامل رائع جدا جدا وراقي، والأكل كتييييير زاكي، جربت البريناة الهندية بالسمك، السعر ممتاز، والطعم روعة، والخدمة بتجنن، والجلسات كتير حلوة، كتير عجبني السمك عنده، بس نصيحة للي بدو يجربه أول مرة يطلب يكون حار بنسبة 20% لأنه 20% بكون حار شوي، و الـ 100% عن 300% عنا (بالنسبة للهنود)، في عنده قائمة كتير حلوة من الأصناف، إن شاء الله راح أجربهم كلهم مع الأيام الجاي وأشارككم بنصائحي عن الأصناف التانية.
  • Review by Mohammad of مقهى الحكواتي
    قبل 8 سنوات
    اليوم أول مرة بروح عليه، رحت انا وصاحبي في البريك تاع الشغل، المحل مرتب ونظيف وجلساته رائعة جدا، الجو هادي ورايق والمحل مكيف، شربت من عنده قهوة وكانت كتير زاكية، من أكتر ما لفت انتباهي تعامل الموظفين، كان رائع جدا جدا، الكل بشوش ومبتسم وبطمن عليك كل شوي، وأسعاره رخيصة (جدا بالنسبة لموقعه)، كتير عجبتني القعده وقررت أصير أقعد فيه في كل بريك وحتى أسهر فيه في الإجازات ^_^
  • Review by Mohammad of صالون ليث الآغا
    قبل 8 سنوات
    صالون ليث الآغا، بحلق عنده من أنا صغير، رحلنا من المنطقة وصدفت أكتر من مرة أحلق عند غيره، بس بضل أرجعله مع بعد المسافة نسبيا، ما شفت حدا بحلق زيه، وتعامله كتييييييير رائع وراقي، وبضيف الزبائن ودايما بشوش وبضحك معهم، الخدمات عنده رائعة كمان وأسعاره مناسبة جدا.
  • Review by Mohammad of مكتبة الاستقلال
    قبل 8 سنوات
    كان سبب زيارتي للمكتبة هو شراء مجموعة من الكتب اللي كانت في بالي، قبل ما أوصلها تهت شوي، فاتصلت فيهم عن طريق تطبيق جيران (الأندرويد) ووصفوني الكتبة بالزبط وضلهم معي عبل ما وصلتها وكانوا متعاونين جدا وبشوشين ومريحين، بس فتت المكتبة، للأسف ما لقيت الاشي اللي كنت جاي عشانه (الكتب)، بس لقيت كتير أشياء عجبتني بالمكتبة ولفيت فيها، المكتبة كبيرة وفيها كل ما يلزم من قرطاسية وأدوات مكتبية وألعاب للأطفال، التعامل كان رائع جدا، وكتير عجبتني المكتبة، بس يا ريت لو يفروا الكتب ^_^
  • Review by Mohammad of سيفين
    قبل 8 سنوات
    من أفضل محلات الوجبات السريعة حول الجامعة الأردنية.. مناسب جدا للطلاب والشباب والعائلات.. أسعاره رخيصة والخدمة سريعة والتعامل رائع والمحل نظيف جدا.. جربت عنده الفعفوط والبرجر والشاورما، كتيير زاكيين عنه، والعصائر كمان زاكية ومميزة..
  • Review by Mohammad of قلعة عجلون
    قبل 8 سنوات
    قلعة عجلون من أروع الأماكن التاريخية في بلدنا الأردن، بناها القائد عز الدين أسامة بأمر من الأمير صلاح الدين الأيوبي ابن اخ صلاح الدين الايوبي، وتسمى أيضا بقلعة الربض. زرت قلعة عجلون أكتر من مرة، وكانت تجربتي كمان كتير حلوة، لما أمشي فيها بكون اتخيل الناس اللي سكنوا فيها، وكيف كانت حياتهم، وبنذهل أكتر من استرتيجيتهم الرائعة في اختيار مكان القلعة، وما زادني ذهولا، إنه حجار قلعة عجلون ثبتت باستخدام الزيت والتراب، حيث لا يحتوى على تسليح ولا على اسمنت. ممكن يكون المشوار إلى قلعة عجلون متعب نوعا ما، بس فعلا تجربة تستحق العناء ^_^
  • Review by Mohammad of سفرة
    قبل 8 سنوات
    امبارح أفطرنا فيه مع الشركة وكانت أول مرة بدخله.. تقييمي للمكان: القعدة فيه كتير حلوة ورايقة والجو كتير رائع، بس كان ينقصه التنظيم، ممكن عشان رمضان هيك، بس بالنسبة للأكل بعطيه 7 من 10، وبالنسبة للسعر كتير غالي، المحل ينقصه شوية إنارة وسرعة في الخدمة، بس اجمالا القعدة فيه حلوة والموسيقى كتير رائعة.
  • Review by Mohammad of باب مكه مول
    قبل 8 سنوات
    والله المول انه كتير رائع، وأسعاره رخيصة جدا، وفيه كارفور كمان، والطابق التالت عبارة عن مدينة ألعاب ضخمة، ألعابهم كتير حلوة والصغار بحبوها، وأسعارهم كمان رخيصة ودايما في عندهم عروض.
  • Review by Mohammad of شاورما التركي
    قبل 8 سنوات
    شاورما تركي بعتبره أزكي محل شاورما في منطقة الجبل الشمالي وياجوز كاملة، صحيح المحل صغير، بس الاقبال عليه كبييير ودايما في عنده دور وأزمة، بس بالمقابل بتوكل اشي صح، وأسعره رخيصة نوعا ما. تتوفر عنده شاورما الدجاج وشاورما اللحمة على الفحم، وكمان في عنده فروج مشوي، بنصح الجميع بتجربته.
  • Review by Mohammad of مردكوش
    قبل 8 سنوات
    المعجنات والبيتزا والسلطات كتير زاكية ومتقنة جربت البيتزا ومجموعة من المعجنات والتبولة والحلويات كمان زاكية، جربت التشيز كيك وكانت كتير لزيزة
  • Review by Mohammad of مركز الحزام الأسود الرياضي
    قبل 8 سنوات
    مركز تدريب رائع جدا، والماستر تعامله رائع وراقي جدا، التدريبات صعبة وقوية ومفيدة جدا، الماستر خبير جدا والأسعار رخيصة، يشارك النادي في جميع البطولات الأردنية والعربية والعالمية، وهو حاص على الكثير من الكؤووس والميداليات الذهبية والبطولات على جميع المستويات.
  • Review by Mohammad of كافيه جفرا
    قبل 8 سنوات
    جفرا من الأماكن اللي كتير بحب أروح أسهر فيها سواء لحالي أو مع صحابي، أجواءه الشعبية والتقليدية رائعة جدا، وفي ختيار بيجي بعزف على العود وبغني أغاني أيام زمان، أجراء رائعة جدا، أسعاره متوسطة، وكمان بقدم مجموعة كبيرة من المأكولات والمشروبات والأراجيل.
  • Review by Mohammad of مطعم الياسمين
    قبل 8 سنوات
    أروع وأزكى كوكتيل شربته بالأردن، بفتح لأوقات متأخرة، الكوكتيل دايما فريش، بس الخدمة بطيئة بسبب الدور الطوييييل عليه، بدك تعمل حسابك تستنى بين النص ساعة والساعة، بس الكوكتيل بستحق ^_^
  • Review by Mohammad of شاورما الضيعة
    قبل 8 سنوات
    شاورما زاكية كتييير، الخدمة رائعة، الحمل نظيف، والتعامل جميل، بفتح لأوقات متأخرة، إذا كنت في المجمع التجاري أو قريب بنص الليل بتلاقيه فاتح، وأسعراه ممتازة ^_^
  • Review by Mohammad of حديقة الحيوانات
    قبل 8 سنوات
    حديقة الحيوانات في منطقة الرصيفة، تفتقر للعديد من الخدمات، يوجد بها بعض الحيوانات، لكن المكان بحاجة إلى تنظيف وترتيب وإضافة الخدمات الصحية. ليست سيئة تماما، لكنها تحتاج إلى إدارة تعيد تأهيلهاز
  • Review by Mohammad of فروت سالاد
    قبل 8 سنوات
    تعرفت على محل فروت سالاد قبل سنتين تقريبا، أول مرة أكلت منه مدحت فيه كتير، ومن وقتها كل فترة بعزم صحابي أو أهلي عليه. محل فروت سالاد من اسمه بقدم سلطة فواكه، عنده أنواع كتير بالقائمة، أنا بفضل سلطة الفواكه العادية، كتير زاكية وصحية وبتشبع وبتغني عن وجبة، المحل نظيف والخدمة رائعة وسريعة والتعالم ممتاز، والأسعار مناسبة.
  • Review by Mohammad of راس بيروت
    قبل 8 سنوات
    معجنات راس لبنان هو محل ببيع معجنات وسناك وبعض الوصفات الخاصة، اليوم كان اول يوم بوكل فيه، صاحبي نصحني بـ "مجنونة CX"، استغربت من الاسم، بس لما أكلتها كانت أكثر من رائعة، بنصح الجميع بتجربتها، وبالمناسبة سعرها رخيص، وبيجي منها نوعين حار ومو حار. الخدمة بالمحل ممتازة وسريعة والمعاملة كمان رائعة ^_^
  • Review by Mohammad of معجنات ابو الهنا
    قبل 8 سنوات
    معجنات رائعة جدا جميع الأنواع وطازجة باستمرار، ومشاوي رائعة أيضا، التعالم مع الزبائن رائع، والأسعار رخيصة جدا، والمحل نظيف. تتوفر خدمة تقديم الطعام داخل المحل او سفري، لكن داخل المحل مقتصر فقط على الشباب :-)
  • Review by Mohammad of جامعة الزرقاء
    قبل 8 سنوات
    مواصلات مؤمنة ومريحة جدا وسريعة، رسوم أقساط متوسطة، أعضاء الهيئة التدريسية رائعين كتعامل (أغلبهم)، لكن أغلبهم يحتاج المزيد من الخبرة والقوة وأساليب التدريس.
Next

أماكن أفضلها

صور أضفتها

الواجهة الرئيسية للمحل
سلطة فواكه
سلطة فواكه