Hanadi Samara

Hanadi Samara

عمان . منذ مايو 2012
182 من المراجعات
الأماكن المضافة
27
من وجدوا مراجعتي مفيدة
13
مراجعاتي
182
صوري
465
أماكن فضّلتها
22

مراجعاتي

  • Review by Hanadi of سكيتشرز
    قبل 6 سنوات
    أروع الموديلات التي توافق أحدث القصات الرائجة عالميا مع جودة لا تضاهى وراحة عالية جدا للقدم لديهم تفنية الـ (فوم) حيث تطأ القدم على ارضية داخلية للحذاء مبطنة بمادة تشبه احساس الفرشة المريحة ألوان جذابة وموديلات متنوعة جميعها تاخذ الطابع الرياضي الأنيق كفالة على الحذاء لمدة 6 شهور واتباع سياسة الارجاع والاستبدال خلال فترة زمنية محددو
  • Review by Hanadi of كافيه حنين
    قبل 6 سنوات
    نوعية الاكل المقدم جيدة ومن افضل المكونات واجودها ولكن الحصص صغيرة..الخدمة جيدة ولكن المكان ضيق ومكتظ... طابع المكان وطابع التقديم يتسمان بالغرابة وخفة الدم ولا يمكن للعين ان تخطيء في تمييز هوية الاصالة والقدم ..
  • Review by Hanadi of شركة بسطامي وصاحب التجارية - نيسان
    قبل 6 سنوات
    أفضل تعامل مع زوار المعرض الذين يبحثون عن المعاينة والاطلاع على السيارات المتوفرة .. استقبال فوري للزائر وتخصيص وقت واهتمام كاف وابتسامة وبشاشة دائمين .. هذا تقييمي لهم كزائرة، وليس مشترية .. ولكنهم الافضل من بين جميع الوكالات التي في شارع مكة والتي تضم وكلاء السيارات الاخرى
  • Review by Hanadi of تندوري أوفن الهندي
    قبل 6 سنوات
    لمتذوقي الطبق الهندي الفاخر والزاخر بالبهارات الأصلية النفاذة سيكون هذا المطعم قبلتهم ..سيما وان شيف المطعم الرئيسي هندي الاصل والمولد وينتقي لقائمة طعامة اجود البهارات المستوردة خصيصا من الهند . . يخدم نادلو المطعم زبائنهم بترحاب متناهي وادب جم .. ويتناوب على الموائد من لديهم الخبرة في منح النصح حول مكونات الطبق وطريقة صنعه . . الديكور شرقي متحضر وتتناثر في الاجواء والاروقة اللوحات والتحف التي تحمل روح بوذا الصريحة .. طريقة التقديم ايضا كلاسيكية بأوانٍ نحاسية تقد تحتها النيران الخافتة الحميمة ترى امام عينيك في الفرن المكشوف ارغفة خبز النان تغادر السنة اللهب لتحط فورا على مائدتك وتستقر في طبقك مغطاة بالاعشاب والثوم والزبدة ..وتبقىى عيناك ترقبان ذات الفرن بشغف وفارغ الصبر اسياخ الدجاج المشوي اللذيذة !!! بتر تشيكن ودجاج تكا والكباب المشوي روائع هائلة في المكان الجميل بالاضافة الى تشكيلة كبيرة من اطباق اللحوم والسمبوسك والخبز المصنوع من العدس
  • Review by Hanadi of الدكتور طارق مشعل
    قبل 7 سنوات
    نموذج الطبيب الواثق والألمعي.. صبور مع المرضى .. يمتلك ذاكرة حديدية ومتابع جيد عبر الهاتف .. متواضع .. يحسن الانصات ... دقيق التشخيص .. بالرغم من حداثة سنه الا انه من قلائل الاطباء الذين استطاعوا انتزاع مكانتهم العملاقة بجدارة بين أساطيل الاطباء المتزاحمين في مدينة عمان.
  • Review by Hanadi of فن وشاي
    قبل 7 سنوات
    الفن للجميع !! هاي هي الفكرة اللي قام من أجلها المكان ..كافيه وبنفس الوقت معرض لوحات فنية .. بمعنى انو فن الرسم بكل أنواعه متاح للعرض امام جميع فئات الناس المرتادة للكافيه بمختلف اعمارهم ومختلف اهتماماتهم .. اللي داخل على الكافيه يستمتع بوقته مع رفقاته أو ناوي يدرس او يخلص عمل او صفقة بعوِّد عينه مع الوقت على جماليات الفن وبتذوقها وما بعود طلاب الفن فقط فئة معينة من الناس اللي عادة ما بتكون ناس ثقافتها باتجاه ومنحى معين !!! . بهاد المكان بتشعر بالعتق وبالحميمية وبالهدوء والجمال والفن بحاصرك من كل جهة .. كنب مريح وكراسي وطاولات مكسوة بقشرة توحي بالقدم ..اضاءة خافتة ليلا وصداحة نهارا بفعل دخول اشعة الشمس من كل جهة . الخدمة ذاتية بمعنى انك بتطلب مشروبك المفضل وحلواك المختارة من على الكاونتر وبتضلك واقف تستناها لحد ما تجهز وكل شي بنخلط وبنعصر قدامك طازج !!! زرت المكان بصحبة مخاتير جيران ورعاية جيران نفسها وكانت تجربة جديدة من نوعها وصدفت انو عمر العبداللات كان حاجز لوحاته الكاريكاتيرية ليعرضها عندهم لفترة من الزمن ..فكانت الجدران مكسوة بالكوميديا السوداء ومرشومة بألون من هموم وأوجاع الناس !! التقينا بهاد الفنان الكبير وكان في منتهى التواضع والجمال . أما عن مالكة المكان فهي المصورة المشهورة ليندا خوري.. كانت في استقبالنا وأبدت كل الترحاب وكانت بحضورها الطاغي وابتسامتها الرقيقة معلم من معالم المكان !!! . باعتقادي ما ينقص المكان هو المزيد من خيارات التقديم بالبوفيه ليشمل أصناف أكثر من الماكولات كالمعجنات ومزيد من الحلوى والمقرمشات التي ترافق اجواء الكافيهات . . وجاري حاليا الاعداد لتخصيص فرن خاص بالمعجنات لحتى يقدموها طازجة . الكل لازم يجرب هاد المكان الفريد بأجوائه وجمالياته
  • Review by Hanadi of مكلين
    قبل 7 سنوات
    حبي لهاد المكان نابع من عدة عناصر .. أهمها ملائمة الجو للتجمعات النسائية باعدادها الكبيرة وخصوصا التجمعات اللي بتحتوي على أنشطة بدها حركة ..متل : عروض الطبخ، المسابقات، الافطار الجماعي التشاركي، الحفلات الراقصة وخصوصا بوجود المطرب ذو الصوت الرائع اشرف عودة . . بحب هاد المكان بسبب صاحبة المطعم ام احمد وروحها العالية ورقة قلبها . وبحب عندهم من الاكل ما يلي: الخروف المحشي المكلبز الخرافي فخارة السجق المشاوي الرهيبة البطاطا الحرة المناقيش الغنية . . دايما بروح هناك عشان استمتع برفة صديقاتي في جو من الخصوصية التام
  • Review by Hanadi of مطعم راجعين
    قبل 7 سنوات
    رح اقيم المكان بعد ما انتقل موقعه لشارع مكة واعطيه علامة عالية .. ببساطة رائع .. خدمة الشباب وخفة دمهم و زيهم التراثي ومدير المطعم المحترم بشخصيته القوية همن اللي محركين الجو .. اما عن المنيو فحدث ولا حرج .. كلشي روعة مقبلات وشاورما وسلطات ومشاوي وكباب المعجوئة وفخارة الفريكة بالكريما وشوربة الخيار .. المكان الجديد فيو راحة نفسية وداير ما يدور المطعم في واجهة قزاز بتدخل شمس واضاءة .. مطعم شرقي بامتياز وخدمة اصيلة .. تهانينا فرعكم الجديد
  • Review by Hanadi of تاج العفة للألبسة الشرعية
    قبل 7 سنوات
    من فترة عم بتبضع من عنده شالاتي وحجاباتي وكتير عم بلاقي عنده اختلاف وتنوع .. مش احسن جودة ولا احسن قمايش بس الالوان كتير روعة وموضة .. والشال قماشته كبيرة يعني ممكن ينعمل منها ربطات ولفات بموديلات متعددة .. الاسعار مقبولة و صفة السيارة مش متوفرة لكن في جمب المحل ارض فاضية ممكن بدون مقابل يصف الزبون او انو يصف في الاتومول اللي مقابل المحل بس طبعا بمقابل.. الصبية هناك متعاونة وتعاملها رائع وحبابة كتير
  • Review by Hanadi of مخازن البشيتي للتجهيزات العامة
    قبل 7 سنوات
    مساحة كبيرة وعملاقة ..موقع اصطفاف جيد.. كل شي متوفر من الابرة للصاروخ زي ما بحكوا.. ولانو مكان جامع كل المستلزمات المنزلية والعدد والادوات في مكان واحد بنلاحظ التنوع في المعروضات.. زرته بعد ما تلجت الدنيا وكان الجو ابرد ما يكون وفي عز المربعانية .. انصدمت انو ما في تدفئة واتجمدت وما قدرت اكمل في كل الطوابق ..وكان هدفي اطلع على قسم الادوات المنزلية وحبيت كتير بضاعتهم لانها ماشية مع الموضة ..هالايام هاي دارج الاطباق الخشبية والستايل المعتق .. جماعة اخدم نفسك بنفسك وما حك جلدك مثل ظفرك رح يلاقوا طلبهم في هاد المكان !!!
  • Review by Hanadi of كافيه سوشال
    قبل 7 سنوات
    كمان مرة رح اقيم المطعم لانو كل مرة بزور المكان بطلع منو مبسوطة وكل ما اجيب ناس جداد معاي عليه بشكروني اني عرفتهم على هيك مطعم.. ومع مرور الوقت ما نزل مستوى الخدمة ولامذاق الاكل ..بشهي.. منيو فيها اطباق مودرن وسريعة التحضير وكتير ملائمة للتشارك
  • Review by Hanadi of وزان لينك
    قبل 7 سنوات
    أحسن خدمة قبل واثناء وبعد البيع.. دايما كنت أمر لعندهم فقط للاستشارة بدون ما اشتري وكل مرة كانوا طويلين بال معي وبيعطوني الاجابات الشافية حتى لو ما اشتريت من عندهم .. تعامل صادق وعمليين بنفس الوقت وخدومين جدا .. متابعة الزبون في خدمة ما بعد البيع ..اسعار ممتازة
  • Review by Hanadi of منقوشة
    قبل 7 سنوات
    فوق الخيال بمعنى فاق التوقعات .. زرته مبارح بمعية موقع جيران وكتييير حبيت مذاق الاطباق اللي قدمولنا اياها..بيتزا الفريدو وفخارة الدجاج بالخضار واللحم بعجين ومنقوشة الفاهيتا وفخارة الكفتة بالطحينية وقلاية البندورة.. طعم من الجنة ... نصيحة تجربوا هاد المكان رح تكونوا راضيين وحابين ترجعوا كمان وكمان.. الاتقان والتميز في النكهة وسُمك العجينة المعتدل وطرية ومو ناشفة وبتدوب بالتم دوب.. قلاية البندورة كل النكهات فيها راكزة وموحدة ..اما بيتزا الفريدو ما الهاش حل ... خطييييييييييييييرة
  • Review by Hanadi of سبين اوت
    قبل 7 سنوات
    تجربة سيئة جدا كون الأكل المقدم بنكهة ومذاق سيئ .. الفلافل بالفرن لا يمكن احتماله.. لفائف اللبنة بدون اي ابتكار مجرد لبنة محشية بعجين .. وطبق اللحمة بعجين بارد وبدون نكهة للحم.. الحمص عبارة عن مسحة على الصحن .. البيتزا بمكونات فقيرة جدا والعجينة عبارة عن رقائق ناشفة بتتكسر من اول عضة ...كنا مجموعة من 20 بنت على نفس الطاولة وصلنا الأكل بارد جدا ووجدنا تأخير في تلبية الطلب مع إنو المفروض يكون في على الأقل شخصين حوالين الطاولة فقط لتلبية الاشارة .. المكان لا يصلح كمطعم فقط يصلح للأرجيلة لأنو القعدة والديكور حلوين والموقع والصفة ممتازين
  • Review by Hanadi of لا في ان روز
    قبل 7 سنوات
    البضاعة مش بطالة فيما يتعلق بالبجامات الشتوية .. عندهم تشكيلة أنيقة ..الخدمة والترحيب بالزبون بهاد الفرع مش كل هالزود ..فيه نوع من الجمود والنشافة في التعامل مع الزبون ..مع انو البياع لازم يكون باسلوبه قدر من التحبب والتودد للناس والنصيحة الصادقة..اخترت منطفلة من عندهم اشتريها هدية لقريبتي قياس قدمها39 وبدي اتاكد من انها مناسبة قبل م اادفع حقها فطلبت من البائعة تلبسها لان نمرة رجلها 39 ولازم احس اصبع الرجل الكبير وين واصل.. اتدايقت من طلبي ومع الحاحي رضخت بس بامتعاض.. انو شوية تعاون يا ناس ..طب حتى الناس لبعضيها ..خلوا البساط احمدي
  • Review by Hanadi of حلويات ابو عرب حيدر الدمشقية
    قبل 7 سنوات
    حلاوة الجبن رهيبة وتقريبا مطابقة لحلاوة الجبن الاصلية المطاطة والمحشية بالقشطة البلدية على الاصول... الغريبة بالقشطة لزيزة بطعم من الجنة ... اسعار معقولة جدا ..الهريسة لأ ما بنصح فيها وغير مضاهية للهريسة الشامية.. قريبا رح يكون الي مشاوير تانية لتجربة اصناف شامية جديدة ..بس طبعا كله على الواقف لانو مو خرج قعدة المكان أبدا..ما حد يستهين بالشوام ابدا ..الشوام بنظري احسن من طبخ بالعالم العربي كله بعد الأردنية طبعا هههههه
  • Review by Hanadi of كالزيدونيا
    قبل 7 سنوات
    الخدمة سيئة جدا بسبب فظاظة البائعات وعدم احترامهن للزبون.. حيث مررت بتجربة مع بائعتين احداهما على قدر كبير من بطء الاستيعاب والاخرى على جانب من العدائية ورفع الصوت مع استخدام لغة جسد منفرة ... الواقعة التي حدثت بسبب استفساري للبائعة الاولى ( بطيئة الفهم ) عن نوع معين من البناطيل الضيقة وقد كررت عليها السؤال 3-4 مرات وفي كل مرة كانت لا تتجاوب وكأنما أغلق عليها فهم اللغة العربية .. الامر الذي استدعى مني ان اطرح عليها السؤال : في ايشي صعب في اللي بحكيه؟ وما ان اتممت كلماتي إلا وقد هاجمتني البائعة الأخرى بالصوت المرتفع وحركات اليد المتطايرة في الهواء بالتلويح المستفز وتقول: خلص خلص ما في شي صعب ..احنا البضاعة اللي عنا فيها موديل كزا ومن كزا ...الخ قاطعتها على الفور : لما تصرخين.اهكذا تتلقين التدريب في معاملة الزبائن؟ اجابت دون ان تتوانى ابدا في تصعيد الوتيرة : مافي داعي تعيدي السؤال خلص فهمنا... من هون انا بلشت اشتغل شغلي يا جيران يا حلوين... بلشت هي بالاستعباط وانا بلشت بالتحدي عشان اشوف لوين رح توصل.. قلت لها: لو ان زميلتك لم تبلد واسعفت نفسها بالجواب والخدمة السريعة لما اضطررت لاعادة السؤال اكثر من مرة... اعادت الكرة بالصراخ .. هددتها بالشكوى بشكل رسمي ولكنها امعنت التحدي واطلقت عنان الضحكات الساخرة هي وزميلتها ولسان حالهما يقول: اعلى ما في خيلك اركبيه ... بل والقت في يدي البطاقة المدون فيها بريد الشكوى...قررت البقاء في المحل بالرغم من الضحكات التي لا يمكن ان تصف غير قلة ادب صاحبها وذلك بسبب فضولي العارم والذي الح علي البقاء للوصول الى منتهى تصرفاتهما..هل ستستمران في التمادي ام سيتداركن الموقف ويبادرن الى تطرية الأجواء؟ النتيجة طبعا كانت استمرارهما في اطلاق عبارات السخريه والضحك .. فما كان مني سوى القول لهما: على الرغم من اني عارفة انو الترباية والتعود على الاحترام بتيجي من البيت ولكن رح اعمل معروف لشركتكم باني اشكي عليكم بركي مجموعة أزاديا (AZADEA) بلبنان بتستوعب شذوذكم عن القاعدة الذهبية اللي بتتبعها في خدمة الزبائن القصة ما خلصت على هيك حكيت مع مدير الموارد البشرية في مكتب ازاديا -عمان عشان اعرف اسم البنتين وابعت فيهم شكوى لمكتب لبنان الام من جانب ..واخبرو اني رح اسلك قنوات التعبير القانونية في شبكات التواصل الاجتماعي من جانب اخر الاخ النشمي عصب وحكالي انتي بتهددينا !!!..اشكي وين ما بدك..ما رح اعطيكي اسماء البنتين . أخينا مدير الموارد البشرية بزات نفسه دق على سدره واخد الموضوع شخصي وصار بدو يحامي عن موظفينو !!! وحكالي روحي ابعتي ايميل للمسؤولين بلبنان اشكيني عندهم..اما اسماء موظفيني ما بعطيكي . مشان الله يا اردن .. ويا اردنية .. متى رح نطلع من جو شخصنة الامور في العمل؟ متى رح نصير ناس محترفين ونتخلى عن عقلية حصتي وقرابتي واهلي وناسي ؟؟؟ يا جيران.. يا ناس ... كلنا تعبانين بجيابان المصاري .. بهون عليك تحط مصاريك مقابل خدمة سيئة او تتبهدل ؟!
  • Review by Hanadi of هيروز برجر اند وينجز
    قبل 7 سنوات
    مش رح اقيم غير عنصرين بالمحل ..المذاق الرائع جدا .. والخدمة الممتازة .. يا جماعة جربو البرغر بالفطر ... ما اله حل والبرغر المكسيكي ولعة نار.. الصوصات كتيييييييييييييييييير طيبة ومصنوعة يدويا بالمحل.. روحوا على الرينبوا واتمشوا بالليل وعلى الواقف اسلخوا وحدة او تنتين واستمتعوا بالنكهة .. رح تنبسطوا اكيد
  • Review by Hanadi of كندا لاونج للعناية بالجسم والأظافر
    قبل 7 سنوات
    من أوائل المراكز اللي أخدت شهرة في تقديم خدمة المني كير والبدي كير وكان متميز بنضافته ..حاليا تراجع قدام المنافسة وإنتشار نفس الخدمات في صالونات التجميل وإقبال الناس على مراكز أحدث وأوسع .. وللانصاف لابد ان اذكر ان زبوناته كانوا من الأمراء وعلية الناس بعمان
  • Review by Hanadi of سارة السعودي سبا/دابوق
    قبل 7 سنوات
    منظر الفيلا من الخارج جميل جدا ولكن من الداخل لا يوجد مساحات مريحة وكافية بالمقارنة مع الخدمات المتعدة التي يقدمونها والتي لافائدة ملموسة من ورائها حيث تكثر أجهزة التنحيف الموضعية بمختلف تقنياتها اليديوية والآلية والاشعاعية والكهربية والات الارتجاج ...الى آخره من الاختراعات التي يبيعون بها الاوهام لناشدي الرشاقة والنحول . الغرف التي تستخدم فيها اجهزة التنحيف الموضعية صغيرة جدا لا تسمح حتى بمد الذراعين او الرجلين اثناء تبديل الملابس . جلسات إزالة الشعر بالضوء ثمنها باهظ جدا . مواعيد الجلسات صعبة جدا وخصوصا للموظفات حيث تضطر الموظفة احيانا اقتطاع وقت الدوام لحضور الجلسة . منطقة اللياقة البدنية مكتظة بالاجهزة
  • Review by Hanadi of فندق مرمرة
    قبل 7 سنوات
    حضرت فيه حفلة خطبة في قاعة ضيقة جدا والاضاءة كانت متبعة . منطقة الاستقبال صغيرة جدا وممرات الفندق ضيقة . ضيافة الحلويات للمعازيم كانت من اسوا ما يمكن
  • Review by Hanadi of مسبح و نادي عمان الرياضي
    قبل 7 سنوات
    النادي جيد فقط لتعلم السباحة والسبب هو تواجد مدربة محترفة وصبورة وبخبرة سابقة في المنتخب الوطني وتقوم بتدريب المبتدئين باستغلال امثل للوقت وبدون مماطلة وبدون ايهام المتدرب بضرورة اخذ حصص زائدة عن حاجته لكسب المزيد من المال .. انهيت المستوى الاول من السباحة بواقع 8 دروس خاصة استغرقت كل منها 60 دقيقة كاملة ..ويوجد نظام تدريب مجموعات يقضي بانهاء 12 حصة خلال شهر لمجموعة تتراوح ما بين 7-8 افراد . البركة داخلية مع امكانية فتح السقف اثناء الصيف وهي نظيفة وبمساحة جيدة جدا للتدريب . المرافق قديمة وبحاجة لتجديد كغرف الغيار والخزائن والحمامات ومنطقة الشاور وحوض الجاكوزي . تعامل الادارة والمدربات رائع وباسلوب ودو د . التوقيت للسيدات لا يصلح لمن يعمل في وظيفة فهو يفتح ابوابه للسيدات من التاسعة صباحا وحتى الخامسة فقط
  • Review by Hanadi of تشاباتي
    قبل 7 سنوات
    الاكل كتير طيب ومتنوع وكل الاطباق الهندية وحتى الخليحية موجودة في المنيو والخدمة سريعة بس الاكل مدسم تير وساندويشة الشاورما بنكهة رائعة لكن فيها كمية دهن لا تطاق ..المكان مش روعة لا في الديكور ولا في الموقع بس الاكل الهندي شعبيته كبيرة وعليه إقبال بسبب السعر المتوسط والبهارات المميزة..في بالي ارجع لعنده مرات ومرات لحى اجرب في كل مرة طبق من هالاطباق المشهورة متل الكورما والبتر تشيكن وبيف فندلو
  • Review by Hanadi of زيتونة
    قبل 7 سنوات
    احلى شي بالمطعم الديكور واللون الاخضر الزيتوتي الغالب على المكان وقعدة الكنبايات المريحة والاضاءة ..الخدمة سريعة جدا والنظافة 100% ..من احسن الاماكن للفطور ومميز جدا عندهم طبق الحمص بشاورما الدجاج وفخارة الأومليت بالخضار وقلاية البندورة بجبنة الماعز..الاصطفاف سريع ولنصح الكل يجرب المكان بزيارة
  • Review by Hanadi of كالامازو جريل
    قبل 7 سنوات
    ديكور بسيط وانيق واماكن الاصطفاف متوفرة .. الوان الاضاءة ليلا باهتة ورومانسية..الأكل كتييير زاكي طلبت من عندهم ستيك محشي جبنة وكان رائع ..الخدمة سريعة كانت بدون عجئة ولكن ما جربتهم وقت الاكتظاظ ..مدير المطعم شخص بشوش وظريف
Next

أماكن أفضلها

صور أضفتها

crab salad
kani salad
yellow dal