duaa Abu Tarboush

duaa Abu Tarboush

الزرقاء . منذ أبريل 2012
dans la vie , on ne peut pas toujours avoir ce qu'on veut
28 من المراجعات
من وجدوا مراجعتي مفيدة
27
مراجعتي كانت الأولى
9
مراجعاتي
28

مراجعاتي

  • Review by duaa of انتي هنادي تشيز كيك اند كوكيز
    قبل 7 سنوات
    هاد الفرع التاني لالهم,, اله قعدة داخلة وخارجيه,, عندهم يمكن 22 نوع تشييز كيك وغير المافن والكوكيز كلشي زاكي عنده ومعاملة موظفينه كتييير زوء وبهمهم ارضاء الزبون وراحته ابني قضاها يعيط وانا بختار ولما اجيت احاسب راضاه بكوكيز ضيافة من المحل بنصح الكل يجربوه ,, سعره غالي بس بصراحه بستاهل
  • Review by duaa of مطاعم أبناء أبو وجيه
    قبل 7 سنوات
    مطاعم ابو وجيه مطعم بلش مطعم فلافل في السوق وكبر حاله شوي شوي لانه عرف يشتغل صح اول ما فتح بالزرقاء الجديدة بلش يتوسع شوي شوي (طبخ تواصي وبعدها بلش يدخل انواع الساندويشات شوي شوي مو مرة وحده) انا توقعت انه يفشل بس لما رحت وجربت عنجد زاكي واسعاره كتير رخيصة بالنسبه لغيره من المطاعم المناقيش والمعجنات طيبه والشيفات سوريين اللي بعملوهم ساندوش تندوري دقتها وجد كانت زاكيه ومعموله بطريقه صح مش مجرد ساندوش ويلا ومتل بقيه المطاعم كل الساندويشات نفس الطعم بس بغيرو الاسم البيتزا بالنسبه الي افضل من مطاعم البيتزا التانيه وارخص بالنص تقريبا بنصح الكل يجربوه
  • Review by duaa of الدكتورة تغريد محمد خليل الطريفي
    قبل 7 سنوات
    دكتووره روعه ماشاء الله عليها دكتورة مش مادية اهم اشي وبهمها راحه المريضة عيادتها بعيادات مستشفى الحكمة كبيرة ماشالله ونضيييفه والسكرتيره عوقتي كانت برضه اموره كتير بتعطي كل مريضه وقتها وبتعمل فحوصات دايما للاطمئنان بعدين قبل الولاده بتعمل فحوصات وتحاليل لحتى ازا المريضة ما في مجال تولد طبيعي ما تغلبها وتجرب معها واخر اشي ما في مجال ومع هيك بتضل صابره عالمريضة لحتى تولد طبيعي
  • Review by duaa of بكداش
    قبل 7 سنوات
    في اختلاف بين الطعم الاصلي بدمشق وبعمان وهاد اشي طبيعي بالنسبه للمكسرات كان يحط بدمشق كتيييير اكتر وكل الانواع اما هون بلاردن بس فستق حلبي ومو قد هناك في اقتراح انه بما انه المكسرات غاليه ممكن انهم يعملو تسعيره للبوظة بدون مكسرات وتسعيره مع مكسرات من جميع الانواع متل دمشق وهيك بكون الكل رضيان بالنسبة للسعر اظن الكيلو بعشر دنانير والكاسه يمكن دينارين او دينارين ونص وصراحة لمكونات طبيعيه بيستخدمها بظن هيك سعر مناسب ديكور المحل منيح حلو بس بساطة المحل بدمشق والمكان الموجود فيه بيجذب اكتر وبخليه الناس جد تنبسط بالبوظة لانه شعبي ومن وجهة نظري المحل مو لابق يكون بهاد المكان بس بنصح الكل يجرب البوظة لانه بعدها زاكية
  • Review by duaa of سبارو
    قبل 7 سنوات
    جربته مرتين وبكل مره برجع بطلب فرانشيز قد ما هو زاااكي نضافته منيحه سريعين بالخدمه حتى برمضان عوقت الافطار بيحاولو يخلصو بسرعه ويلحقو الكل وازا الواحد راح متاخر بكون الاكل خلص بنصحكم تجربوه جيراني
  • Review by duaa of شاورماما
    قبل 7 سنوات
    النضافه تمام السرعه تمام السعر مقارنه بغيره اغلى شوي والوجبه صغيره للشاورما يعني يكبروها عشان تستاهل سعرها الطعم شاورما الجاج جربت كانت عاديه كتير وشاورما اللحمه زاكيه بس شاده شوي البطاطا ماشي حالها بس مش واو حلقات الجاج حاطين بس طريه ومو كتير زاكيه
  • Review by duaa of مطعم وملحمة السفراء
    قبل 7 سنوات
    انا من عشاق الشاورما بس بصراحة جربت كل المطاعم وما لقيت ازكى منه طبعا شاورما اللحمه ما كنت احبها لانه دايما بتكون شاده شوي بس عنده غييير ودايما زاكيه,, وشاورما الجاج برضة كتير طيبه بس يعني ممكن تتوفر بمكان تاني بس بالنسبه الي الشاورما فقط من عند السغراء اهتمام نضافه منيح طبعا اسعاره كتيييير اقل من غيره
  • Review by duaa of مخابز السفراء
    قبل 7 سنوات
    من افضل مخابز عمان وانضفها زاكي كتييير خبزه
  • Review by duaa of مستشفى جبل الزيتون
    قبل 7 سنوات
    احسن مستشفى بالزرقا وموقعه ممتاز وفي اصطفاف الكادر الطبي من الطوارئ للمرضات اشي جد ممتااااااز ولادتي وعلاج طفلي في هاد المستشفى وما بنسى فضلهم عنجد في الولاده بتطلع الوحده مو طايقه حالها بس تعامل الممرضات بروقوها وبعملو اكتر من واجبهم في قسم الاطفال مختصات الممرضات وبعرفو يشتغلو شغلهم فل الفل يعني بثواني بحطو الابره بايد الولد وبثبتوها منييييح عشان ما تفلت ويتغلب وبطولو بالهم عالصغااار كتير وبساعدو بكلشي وغير انهم بشوشين النضافه عاااااليه وكل يوم بتنشطف الغرفه مرتين هاد غير ازا توسخت وطلبتيهم عاملات النضافه بحزنو ومناااح كتير الله يبعدنا عن المستشفيات بس انا دخلته كتير وكتير بعرف عاملات النضافه والله يعطيهم العافيه جد بتعبو
  • Review by duaa of مستشفى الحكمه الحديث
    قبل 7 سنوات
    مو نضيف ابداااا الممرضات اغلبهم ازا مو كلهم وخصوصا قسم الاطفال بلااااا خبره وتعاملهم مو منيح طفل صغير مو عاترفين تعطوه ابره دخيل الله ما خلو مكان بايديه ورجليه وهو نص ساعه بعيط مات من العياط واخر اشي فلتت بالغرفه من حركه الطفل طب يا بنتي ثبتيها عشان ما تفلت المستشفى استغلالي الغرف درجه اولى ما بصنفها درجة عاشرة لا انصح اي حد يروحله
  • Review by duaa of مدينة الحسين الطبية
    قبل 7 سنوات
    من ناحية الكادر الكفاءة عاليه خصوصا مستشفى الاطفال الملكه رانيا طبعا للدكاترة انا بحكي الممرضات قسم العيون بيخزووو او حرام مو كلهم بس في وحده الكل بعرفها مفكرة المستشفى لابوها بتكره الكل وبتكره حالها بس ما في اهتمام يعني اهم شي العسكريين وازا مدني يعني راحت عليك ازا الك عمليه ووصلت اول واحد بتدخل اخر واحد وما بهمهم طفل 4 شهور صايم من 12 باللي ويموت من الجوع شو يعني؟؟ شو بتحبي اعمللك؟ من ناحيه نضافه ماشي حاله
  • Review by duaa of مستشفى عبد الهادي العام‎
    قبل 7 سنوات
    حسبي الله ونعم الوكيل في هالمستشفى وفي الدكتور عبد الهادي , روحلي عين ابني عشان يكسب الفين دينار زياده, انولد وعنده مي زرقا بعينه الشمال وقررو الاطباء المختصين عمليه ونصحوني بمستشفى عبد الهادي, ولما رحنا كان المستشفى مرتب منظم التعامل رائع طبعا بجذب الناس بتعامله ,,وكان في دكتوره عراقيه للاطفال كشفت عالولد وكانت حنونة وقررت عمليه ححدت يوم السبت لانه عبد الهادي بيجي من السفر يوم سبت ووافقنا ووكلشي تمام,, رحنا السبت وعملنا العمليه الي هي سحب مي زرقا وكلفت 750 دينار وما اجا الدكتورعبد الهادي يطمنا عالولد ,,وطلبت من الممرضة يجي لانه بدي افهم حاله ابني قال مش فاضي,,,(( بعمل هاي العمليه خلال ربع ساعه يعني بالساعه 4 مرضى)) المهم استنيته واجا وحكالي عملية ابنك منيحه وروحي عدكتورك اللي نصحك فيي وخدي القطرات,,,, وكان مستعججججل..... طبعا اللي نصحني فيه هو دكتور عيون بس للكبار مو للاطفال وتابعت امور الطفل عنده وكلشي تمام لغايه ما طعمته مطعوم لعمر 4 شهور المهم روحت البيت ونفخت عين الولد وزورقت ولما راجعت فيه طلع ضغط العين مرتفع لانه الدكتور عبد الهادي مش عامل تنضيفات للعين بعد سحب المي الزرقا بس الحمدالله ارتفاع الضغط كان عرضي وما طول وبعدها قررو عمليه للتنضيفات ورحت للمدينه الطبيه وطلعت اعفاء لانه ما بوثق بالاطباء في القطاع الخاص نضفو العين الله يعطيهم العافيه وركبوله عدسه بس للاسف تاخرنا كتير لانه لازم ركب عدسة من وهو شهر ونص يعني بوقت ما رحنا عند عبد الهادي,,, وكان هلا ما بلبس نظاره وتراجع نظره بس الحمدالله على كلشي ولا اعتراض على اراده ربنا هي قصة ابني ووين ما بروح بنشرها وبحكيها لكل الناس عشان يستفيدو عبد الهادي كان بده يركب عدسه بعد ما يصير عمره سنتين (عملية بتكلف الف وشوي,,,) هاد غير انه الاهل ما رح يتطمنو لدكتور الا مختص بلاطفال يعني مرجوعنا اله وهو كسبان طول السنتين ,,, يعني عمليه سحب مي 750 وعمليه تنضيف لما يكتشفو الاهل 750 وعمليه تركيب عدسة الف وشوي وغير طبعا المراجعات عنده وهاد كله من طفل مريض ما اله ذنب الا انه اهله ما بعرفو دكاتره شاطرين ومستعجلين عالعمليه لانه مستشفى عبد الهادي حكولهم ازا ما انعملت باسرع وقت بتنفجر العين,,,,, حسبي الله ونعم الوكيل
  • Review by duaa of صالون فاتنة الخليج للسيدات
    قبل 7 سنوات
    هاد الصالون كان زمان مرتب عايام امي وكانت المسؤوله عن قص الشعر فنانة مبدعه هلايام صار بخزي ومش مهتمين فيه ابدا ولا اشي فيه منيح ولا مرتب
  • Review by duaa of مركز فرح للصحة البدنية
    قبل 7 سنوات
    هلا يعتبر مكان مش بطال بس ما بهمهم راحة الزبونه يعني بحس بس همهم همي وكيف يكسبو اخر شي سمعته انه تسكر لمده شهر لانه انتشرت صور بنت مصوريتها بنت تانيه بالمركز ولما رجع فتح بيعمل دعايات عشان يرجع يكسب ناس هلا همي المفروض يدققو عقصص الموبايل وصراحه مو متاكده من المعلومة
  • Review by duaa of أزياء الحمصي للعرايس
    قبل 7 سنوات
    مش عارفه شو احكي عن المحل على كل بالنسبه الي ما حبيته وما بنصح حد يجربه
  • Review by duaa of السيد للازياء
    قبل 7 سنوات
    هاد المحل بس اسم واسمه طفى من زمان فساتينه عاديه كتير ولا تستحق اسعارها الموظفات في منهم مناح وفي منهم نكداااات ما في موديلات جديده وبحكي الفستان ما بتلاقي متله وبس تلفي بتلاقيه معبي الدنيا
  • Review by duaa of أزياء كاشيه للعرايس
    قبل 7 سنوات
    هلا محل طابقين قسم للخطبة وقسم للعرس البدلات متنوعه من كل الموديلات وفي اسعار تناسب الكل الموظفات بجننو بتعاملهم ومستعدات يساعدو كتيير
  • Review by duaa of ايفوري
    قبل 7 سنوات
    هاد المحل فوق الخيال بس للاسف فتح بعد عرسي بفتره بسيطه كتير المهم نبلش هلا المحل نضيف مرتب والموظفات مناح اما المسؤوول عن المحل جد راقي بشكل فوق الخيال وخدووم كتير وبساعد العروسه بكل ظروفها يعني انا رحت مع صديقة للالي وحماتها شوي بخيله بس الشب ساعدها وهو الوحيد اللي راعا ظروفها وانا قلتله اياه انه رح تكتسح كل المحلات بتعاملك ولطفك طبعا البدلات عنده حلويين كتير واسعاره اقل من المحلات التانيه وبنفس الجودة ازا مش احسن طبعا متله متل غير محلات بخبي فستاني الغاليه جوا
  • Review by duaa of صالة النورس
    قبل 7 سنوات
    اصلا ما بينحكى عنها صاله باختصاار هي عباره عن غرفة مطاولة كلها عمدان والطاولات مكسرة والكراسي بتخزي وما في لوج اصلا لانه ما بنحكى عنه لوج ما في اهتمام لا بنضافه ولا بموظفين ولا بجوده ولا باي اشي من الاخر بتخزي ولا حد يفكر يحضر حفله فيها
  • Review by duaa of ازياء كنانة
    قبل 7 سنوات
    ازياء كنانه هلا هو بجيب فساتين حلوة وغريبه بس بتكون مخبيه بغرفه جوا ومستحيل يطلعها الا للزبونه اللي بتدفع يعني لو حكيتي الميزانيه مفتوحه بطلع اللي مخبى وبكون خيالي اللي معروض برا اغلبه ازا مش كله مستعمل وبحط الليبل عليه من اول وجديد وبحكي انه جديد هلا انا اخدت فستان خطبتي وعرسي من عنده وحرام كانو حلوين والصبيه اللي ساعدتني بفستان عرسي انا قلتلها الميزانيه مفتوحه يا حرام هلكت وهي تلبسني يمكن فوق 25 فستان واخر اشي قد ما همي حلوين قلتلها ولا اشي بدي وطلعت وبعد ما روقت رجعتلها ورجعت لبستني من اول وجديد لؤي حد كتير منيح بالتعامل لدرجه انه بعمل اي اشي وما تطلع العروس زعلانه بس للاسف في موظفات بخلوه الناس تهرب من المحل هلا ازا حكى انه البدله اول لبسه وبسعر فرضا 500 دينار في عنده خيار للعروس انه تسمح للمسؤول ياجره قبل حفلتها وبنزل سعره للنص ازا كان في وقت قبل العرس يعني شهرين وممكن لما تروحي تستلمي الفستان بيكون مو ملبوس وهاي بالنهاية حظ انا جربتها بس لما رحت استاجرت كان اقل من شهر ونص تقريبا فنزلي اقل من النص بشوي ورحت واخدتها وما انلبست
  • Review by duaa of سيفين
    قبل 7 سنوات
    اللي بده مطعم عنجد نضيف ويكون متاكد من النضافه مية بالميه يروح عسيفين وهو مغمض عيونه المطعم مرتب نظيف واسع والموظفين مناح كتير وفي دايما وحده بالتواليت الستاتي ما بتتركه عشان يضل نضيف,, والمسؤولين دايما بهمهم تطوير المطعم من كل النواحي يعني من ناحيه شكل ومن ناحية نكهات وكلشي كلشي عنده زاكي وعالفطور بنصح بالفلافل لانه بشهي وفي كمان ساندوش كوكتيل هي غريبه شوي بس كتيييييييييير زااااكيه ,, انا انجبرت اجربها من صاحباتي بس لما دقتها صرت دااايما اطلبها البطاطا ولا يمكن تلاقيلها مثيل بكل الاردن بهاراتها بتشهي وبتتاكل بدون ولا اشي سريعييين في الطلبات واسعارهم كتييير معقوله وخصوصا لطلاب الجامعه
  • Review by duaa of المحيط للماكولات البحرية
    قبل 7 سنوات
    بالنسبة للطعام ابحري هاد المطعم الوحيد في الزرقاء المكان بشارع 36 بالزرقاء الجديدة المطعم نضيف مرتب الموظفين كتير مناح ومستعدين يعملو اي شي بيطلبه الزبون والمهم يطلع راضي واي استفسار عن طريقة عمل انواع الاسماك بلبيت كان الموظف يجاوبني واخر اشي اعطاني تتبلتهم الخاصه بالمطعم وحكالي بالزبط شو اعمل طبعا هاد غير انه بنضف الاسماك بشكل ممتاااز وازا كان حد حابب انه تنعمل السمكة بالمحل وياخدها سفري ما بيفرق السعر كتير يعني في سعر للقلي وفي للشوي بنصح اللي بحبو ياكلو اكل بحري زاكي يجربوووه
  • Review by duaa of عصرونية الكعكة اللبنانية
    قبل 7 سنوات
    هاد المطعم نقل فكره المعجنات اللبنانيه اللي هي الخبز اما الحشوات متنوعخ وكل واحد حسب شو بحب بيطلب ان كان الحشوة او الحجم انا شخصيا بحبها وبحسها تغيير المطعم صغير شوي والطاولات قليلة وما بتكفي كتير اشخاص خدمة الاصطفاف شوي صعبه لانه عند الجامعه
  • Review by duaa of سارينا
    قبل 7 سنوات
    هاد المحل بيجنننن عنجد وازكى بيتزا بدوقها عنده هو وبسسسس وعنجد مطاعم البيتزا التانيه بس اسم المحل كتيير صعغير وهو اصلا شغل دليفري اكتر الفتوتشيني بيشهي في منقوشة زعتر وجبنه وشرحات بندوره جبروني صاحباتي اجربها مع انه ما بحب الزعتر وصرت دااايما اكلها قد ما هي زاكية موقعه جاي لورا االماكدونالز يعني مو مبين وما حد بتوقع انه هالقد مرتب هالمحل بس بنصحكم كلكم تجربوه
  • Review by duaa of شباب منتخب العصير
    قبل 7 سنوات
    مطعم من ناحيه النضافة تمام التمام من ناحيه السرعه برضه تمام انا بحب البطاطا عنده بتكون سخنه وزاكيه والكوكتيل كمان زاكي
Next