Randa Elayan

Randa Elayan

عمان . منذ يناير 2012
306 من المراجعات
الأماكن المضافة
81
من وجدوا مراجعتي مفيدة
27
مراجعاتي
306
صوري
201
أماكن فضّلتها
70

مراجعاتي

  • Review by Randa of مطعم الأمانة
    قبل 7 أشهر
    سندويشات الفلافل جيدة. ونظيفة. وطيبة. في عندهم مقالي بتقدر تضيف على السندويش. وطبعا حمص وفول وفتة... الخ والأسعار منيحة كتير مو غالية متل أغلب المطاعم. في مصفات على باب المحل. العاملين لطيفين ومحترمين. ما عندهم قعدة داخلية.
  • Review by Randa of معجنات سلوى وفيروز
    قبل 7 أشهر
    معجناتهم ومناقيشهم كتير طيبة، العجينة جيدة جدا، والحشوات طيبة. جربت جبنة العكاوي، الزعتر، والبيض. أكتر شي مميز انه كل اشي طازج، وطالع هلأ من الفرن عالطلب. الموظفين تعاملهم راقي ومحترم. ما عندهم مكان للقعدة، يمكن بتقدر تاكل برة في الدخلة، بس المكان مخصص للطلبات الخارجية.
  • Review by Randa of شاورما و فروج الموصلي
    قبل 7 أشهر
    طلبت شاورما، دجاج بدبس الرمان والجبنة. الجبنة كتير قليلة، على طرف السندويشة، وما فيها طعمة دبس الرمان أبداً، بس الدجاج نظيف وجيد بس مش مميز.
  • Review by Randa of شاورمرز
    قبل 7 أشهر
    شاورما صاج طيبة كتير. جربت شاورما الدجاج الحارة، الخبزة ممتازة الدجاج ممتاز، والصلصة كتيير كريمي وحارة ولذيذة. الأسعار شوية عالية، بس بتستاهل.
  • Review by Randa of أفران تنورين
    قبل 7 أشهر
    ببيع جميع أنواع الخبز، الكعك، الحلويات العربية والغربية. الصمون العراقي، والمعجنات، والكبة المقلية والمشوية. وأنواع كتير من الكيك. والكيك التركي بكتير نكهات. حبيت الغريبة والبرازق، حباتهم كتيركتير صغيرة، وطيبين. الحلبة جيدة جدا. الكعك الصغير كتير طيب. الكبة المقلية والكبة المشوية جيدة.
  • Review by Randa of مطعم فلفل وقرنفل
    قبل 7 أشهر
    مطعم صغير بعمل شاورما. الشاورما طيبة ونظيفة، والسندويشة الصغيرة أكبر من باقي المحلات وأبرك. بنصح فيه.
  • Review by Randa of حلويات حبيبة
    قبل 7 أشهر
    هاد الفرع وبس، لا قبله ولا بعده. بدلك عليه الطابور الطويييييل اللي وراصل لكشك الكتب، ومرات أبعد لعند محل الشاورما. الكنافة السخنة بتاخد العقل، والوربات كتير طيبة. كل العاملين تعاملهم رائع هناك، ومع انه الدور طويل، بس برضه بتمشي بسرعة.
  • Review by Randa of حلويات حبيبة
    قبل 7 أشهر
    أسعاره ممتازة، وعندهم قعدة خارجية لطيفة في الصيف، وقعدة داخلية في الطابق التاني. الكنافة دايما ساخنة، وفي أنواع كتير من الحلويات العربية والمعمول، كلها طيبة، وفي أنواع كيك جيدة. عندهم كنافة مجمدة ومغلفة للسفر، والحلويات العربية برضه ممكن تطلب غلاف للسفر. تعامل الموظفين جيد جدا، ما عدا اللي برة في القعدة الخارجية، دايما بكون الموظف دايخ، ومش عارف وين هو. غالبا لأنه عليه ضغط كبير. في مصفات على باب المحل من برة، وفي مصفات خاصة لحبيبة قريبة برضه. بنصح بتجربته.
  • Review by Randa of حلويات نفيسة
    قبل 7 أشهر
    بشكل عام حلويات نفسية طيبة، عدا عن الكنافة، باقي الحلويات أغلى مما بتستحق. هاد الفرع ما بفضله، صعبة صفة السيارة عنده، وتعاملهم مش مريح. بطلع من عنده دايما مش مبسوطة مع إني شارية إشي طيب.
  • Review by Randa of حلويات العكر
    قبل 7 أشهر
    أكلنا عنده كنافة، خشنة وناعمة، وكان الطعم عادي، مش اشي مميز. العاملين لطيفين بالتعامل. والمحل نظيف. بس بطولوا شوي بالطلبات مع انه ما في حد كتير.
  • Review by Randa of حلويات سلورة الشهباء
    قبل 7 أشهر
    أطيب محل ممكن تاخد منه حلاوة الجبن والمدلوقة على أصولها. بالقشطة البلدية، وفي خيار تاني. بس الأصل بالقشطة البلدية. نظيف ومرتب، وعندهم توصيل. طلبنا منه اخر مرة واجا عالوقت، وطلع كتير طيب. بنصح بتجربته لإنه كل اشي عنده على أصوله.
  • Review by Randa of مطعم الدار دارك
    قبل سنة واحدة
    عندهم تنوع كبير في الوجبات، من طبخ شرقي ومشاوي وغيره. مريت عليهم الساعة 9 المسا تقريبا، حسيت كل اشي قديم ومقرقد، غالبا لانها بواقي، بس ما تشجعت الا للمنسف. أخدناه طلب خارجي (Takeaway) وكان طعمه طيب. أسعارهم جيدة. ما بقدر أحكي على الخدمة ولا النظافة لانه ما اكلت داخل المطعم.
  • Review by Randa of كوباكابانا
    قبل سنة واحدة
    جربته امبارح All you can eat، انبسطنا كتير والستيك فعلا أطيب ستيك بدوقه لهلأ. 6 انوع ستيك، بيجيك السيخ على الطاولة، وبتقدر تاكل قد ما بدك. في salad bar منوع، وفي شوربة، امبارح كانت شوربة كوسا بالكريمة، وكتير كتير طيبة. بيجي صحن بطاطا مقلية على الطاولة، مع كاتشاب ومسترد، وصوص Pepper للستيك، وفي باربكيو صوص كمان لو حبيت. مع الأكل بإمكانك تشرب عصير طبيعي، بس مش Fresh، برتقال أو ليمون أو ليمون ونعنع، أو أي نوع كولا. بعد الأكل في حلو مهلبية طيبة، وأناناس مشوي. وممكن تشرب شاي أخضر أو أحمر، وقهوة أميريكان أو تركية. بشكل عام، كانت تجربة رائعة، وكتير انبسطنا بالقعدة، والLive performance لشخص بعزف على الجيتار وبغني. العاملين هناك كتير لطيفين، وبنصح جدا بتجربة هالمكان.
  • Review by Randa of رطب قلبك
    قبل سنة واحدة
    أخدنا سموذي منجا مع شمام، وليمون بالنعناع، طبيعي وطيب كتير. نظيف. وسعره مناسب.
  • Review by Randa of شوكوهوليك كافيه
    قبل سنة واحدة
    جربته من شي أسبوع، طلبنا فوندو وكان كتير طيب، نوعية الشوكولاتة رهيبة، استمتعنا فيها كتير. وطلبنا هوت تشوكلت دارك، وكان كتير طيب كمان. القعدة حلوة ورايقة، والعاملين كتير لطيفين ومتحمسين للشغل. في عندهم كتير اشياء طيبة. بنصح بزيارتهم كتير.
  • Review by Randa of دا عصمت الايطالي
    قبل سنة واحدة
    تعشينا عنده، وكان الأكل كتير طيب. أنا طلبت ستيك. وصل متل ما طلبته بالزبط، والخضار كتير طيبة، وكل اشي مرتب. العاملين كتير لطيفين، ومن المدير لأصغر واحد، بتعاملوا بتواضع تام. القعدة الداخلية لطيفة. والقعدة برة بتجنن. بنصح بتجربته جدا.
  • Review by Randa of أوليفا
    قبل سنة واحدة
    جربت عنده أطيب بيتزا، مع الريحان الطازج، والمكونات ذات الجودة العالية. وجربت بِنِّه مع الكريمة والدجاج. جدا جدا طيبة. القعدة حلوة ولطيفة كتير، والعاملين لطيفين. اختيارات الموسيقى موفقة جدا. الأسعار جيدة. ومكانهم كتير مميز، جاي على زاوية شارع مخبية شوي. بحب هاد المكان كتير. وبنصح كتير تجربوه.
  • Review by Randa of حلويات حبيبة
    قبل سنة واحدة
    دائما بناكل عندهم كنافة، ومرات بطلبوا الصغار كيك أو تشيز كيك. الكيك والتشيز كيك والليزي كيك طعمهم جيد. الكنافة والوربات بالقشطة والكلاج بالجوز كتير طيبين. في عندهم قعدة خارجية لطيفة. وعندهم قعدة داخلية في الطابق التاني صغيرة بس مناسبة. اذا كان معهم صغار، القعدة الخارجية أنسب، عشان ياخدوا راحتهم. عندهم كنافة مجمدة مغلفة للسفر. وعندهم تشكيلة حلويات عربية كبيرة بتبيض الوجه وفي علب مناسبة للسفر. العاملين مش كتير لطيفين. يا دوب اللي عالكاش. في أماكن اصطفاف برة.
  • Review by Randa of أبو موسي
    قبل سنة واحدة
    أكلنا عنده مقادم، فوارغ، وكرشات، وفتة راس. كل اشي طيب. ونظيف، والمحل نظيف كتير. القعدة مناسبة، والعاملين لطيفين. الأسعار غالية شوي. مع انه نفس جودة اللي بوسط البلد، بس الفرق المكان، وفرق السعر كبير.
  • Review by Randa of مخبز صلاح الدين
    قبل سنتين
    أطيب شي بالعالم، كعكة طازة طالعة هلأ من الفرن، تحط فيها بايدك زعتر وبيض وجبنة مثلثات، وتشرك جنبها كاسة شاي سخنة! أسعاره جيدة، والنظافة جيدة جدا. الكعك في منه عدة أنواع، وفي عندهم كمان برازق (مو الحلويات، هي رغيف الكعك المدور المقرمش اللي عليه سمسم)
  • Review by Randa of مقهى بسمان
    قبل سنتين
    قعدنا فيه المسا، في يوم عادي (مش ويك اند)، الخدمة جيدة جدا، والمشروبات منيحة. النظافة جيدة جدا. والأسعار جيدة. بتأخروا شوي بالطلبات. بس القعدة كتير حلوة، ومرتبة. في قعدة في البلكونة على الشارع (للعائلات) وفي قعدة داخلية للشباب وكلها دخان وارجيلة، وفي قعدة خارجية للعائلات في أرض الديار، في شجرومفتوحة، جميلة كتير.
  • Review by Randa of تصفية غيم اوفر
    قبل سنتين
    الملابس متنوعة، والأسعار مناسبة. الجودة بتتناسب مع الاسعار. والمحل كبير وفي كل ما يخطر ببالك. أهم اشي لانه تصفية، لازم تنتبه على القطعة منيح قبل ما تشتريها. عندهم سياسة تبديل. كل فترة صغيرة بنزلوا بضاعة جديدة. وبضاعتهم مش مكررة نفس باقي السوق. في مصفات قليلة برة.
  • Review by Randa of مول اند مور
    قبل سنتين
    محل 3 طوابق، واسع ومتنوع. الطابق الرئيسي للملابس النسائية، التسوية للملابس الرجالية، والطابق الثاني للأطفال. الهم فترة عاملين خصم 70% على أغلب المعروضات. عندهم جاكيتات جوخ وسويترز وأنواع وأشكال كتير، وأسعارهم اللي مكتوبة عليهم من 25 - 50 دينار. وبعد الخصم بصفوا 7.5 دنانير - 15 دينار. غالبا الاسعار اللي مكتوبة على الكرت مش حقيقية. بس عشان يفرجوا حالهم انهم عن جد عاملين خصم 70%. عنده بلايز كتيرة حلوة وبنطلونات والاسعار منيحة، نفس البلوزة بتلاقيها بالمحلات التانية ب 10 عندهم السعر المكتوب على الكرت 25 وبعد الخصم بتصفي 7.5. بضاعتهم بشكل عام في منها منيحة، بس في منها زي الورق وبس شكل. اذا الواحد لافف على أكتر من محل ممكن يروح عندهم بعدها. تعامل العاملين 70% منيح، وفي منهم كتير محترمين. مع انه مكانهم قبل دوار المدينة بالزبط كتير عجقة وصعب الواحد يصف، لكن عاملين كراج خاص فيهم وهاد بسهل الموضوع.
  • Review by Randa of مخابز جوهرة الرشيد
    قبل سنتين
    المخبز ممتاز، عنده كل أنواع الخبز والمعجنات، والكعك، والكيك، وفي شوية حلويات عربية وغربية. بتميز بإنه عنده عجين بالكيلو على مدار اليوم. والعجينة ممتازة. عنده مناقيش جيدة، متل الزعتر والجبنة البيضا. بتقدر تعطيهم حشوات وتطلب منهم يعملوا منها معجنات، وعلى الحبة بياخدوا مبلغ بسيط. بنصح بتجربته، هو حاليا أحسن كتير من قبل.
  • Review by Randa of جالاكسي بارك
    قبل سنتين
    بروح عليه دايما مع أولادي، ألعابه متنوعة، في للصغار كتير بس لعبتين، وللي أكبر في كتير ألعاب. النظافة ممتازة، والضجة كبيرة بسبب الألعاب. الألعاب سعرها كتير غالي، لكن مع العروض بتصير كتير رخيصة. مرات بعملوا عروض خيالية، زي اشحن ب 10 وإلعب ب 150، اللعبة اللي بتكون بدينار بتصير ب 15 قرش. ومرات بعملوا عروض انه اشحن وبتاخد وجبة من ماكدونالدز وبوب كورن ومي وبالون ... تعامل الموظفين جيد جدا. الألعاب 90% منها شغالة والباقي موقفين. في كتير ألعاب مكسرة، أو ناقص منها شغلات زي الكرات. لكن بشكل عام تجربة جيدة.
Next

أماكن أفضلها

صور أضفتها

مطعم البيت العامر
واجهة المطعم.
كسكسي بالخضار واللحم.
ناتشوز بالدجاج.
شوربة حريرة.