Jawad Walid

Jawad Walid

عمان . منذ ديسمبر 2011
بحب اتعرف على ناس جدد دايما ,وبحاول اكتشف اماكن جديدة ازورها
25 من المراجعات
الأماكن المضافة
9
مراجعتي كانت الأولى
10
مراجعاتي
25
صوري
3
أماكن فضّلتها
6

مراجعاتي

  • Review by Jawad of سترايكرز
    قبل 9 سنوات
    زرته يوم الخميس انا واصحابي ،بداية مصف للسيارة صعب لانه ازمة كثير وفي محلات كثير بالشارع ،بس تدخل المحل بتتفاجئ بالكم الهائل من الشباب الموجودين ،في طاولات بلياردو وسنوكر ،طاولة تنس ،طاولات للشدة والقعدات ، في ركن للبلاي ستايشن مرتب وفي كنابايات وشاشات ممتازة ،المكان جيد عموما بس المشكلة انه انت ممكن تدخل وتجيب قهوتك معك او حتى ارجيلتك وتقعد وتحكي مع صاحبتك وتحرق راس الارجيلة وتروح بدون ما حد يحس فيك لانه ما حد رح ينتبهلك ابدا ،يعني اذا بدك تطلب رح تقعد تلف ورا الموظف الحزين اللي مش ملحق عشان يجيبلك الطلب ،طبعا استنينا ساعة عالواقف لحد ما فضيت طاولة بلياردو وانسو الموضوع لانه الطاولات بدون بندات .
    في موظفة وحيدة في المكان ومليون شب بطلعوا عليها يعني الله يعينها ويعين الشباب الكل بستنا تمر من عندو لحتى يتأمل فيها شوي .بتمنى يطوروا المكان شوي ويزيدو موظفينهم.بالنسبة للسعر ما بعرف لاني ما حاسبت .
  • Review by Jawad of جبل القلعة
    قبل 9 سنوات
    صراحة اول مرة بزور المكان وتفاجأت بوجود مكان بهالرقي والهدوء فوق منطقة الأزدحامات والضوضاء والحركة الدائمة في وسط البلد ، بشكر القائمين عليه لانه ببيض الوجه والنظافة والتنسيق في المكان واضحة جدا بحيث انه السياح مبسوطين في المكان بشكل ملاحظ ، وبشكر الشرطة السياحية في المكان لأنه خدومين وتفاجئت انه متحدثين وبعرفه عن المكان وبساعد السياح الأجانب مرات بلغتهم ،هذا المكان أصبح مكاني المفضل لأنه بساعد على الاسترخاء ،بالنسبة للأسعار فهي للأردنيين تشجيعية (قيمة التذكرة 15قرش فقط .
    في مصفات للسيارات في الخارج ومنظمة . بنصح الجميع بزيارته وانا ارفقت صورة للمكان صورتها بس زرته.
  • Review by Jawad of توباكو اند مور للتدخين
    قبل 9 سنوات
    مكان رائع وبيئة نظيفة ، موجود عنده كل لوازم التدخين
    عنده سيجار كوبي من الأنواع الفخمة بالعالم زي الكوهيبا وروميو اند جولييت بأحجامه المختلفة ،السيجار عنده ذو جودة عالية يباع بالحبة او بالصندوق وسعره ارخص من الحرة بالنسبة للسيجار. الموظف متعاون جدا وخدوم، ويوجد عنده تشكيلة من الولاعات اللي صراحة حلوة كثير وعنده اشياء اخرى زي هدايا بسيطة . محل بنظري ممتاز بس تذكرو انه التدخين يقتل.
  • Review by Jawad of دكان المدخن
    قبل 9 سنوات
    محل يحتوي على لوازم تدخين من دخان وسيجار وتبغ للغليون مستلزمات الأراجيل ،يوجد لديه تشكيلة بسيطة من الأناتيك اسعاره مناسبة واقل من السوق صراحة بالنسبة للسيجار ، المشكلة انه ما في مصف عنده ولا حتى قريب لأنه الصفة هناك مخالفة
  • Review by Jawad of مطاعم غزال
    قبل 9 سنوات
    المحل مشهور ومعروف بس صراحة زي اي محل ثاني وعادي جدا ، بالنسبة لموقعه جاي بين مطاعم كثيرة والمصف صعب نوعا ما ، داخل المحل ديكور عادي جدا كل المحل من الجالية المصرية حتى اللي عالكاش ، ابتسامات وكلام حلو والحكي هاد مافي يعني بتطلب ثم الحساب يا معلم بعطوك الطلب والله مع دواليبك ، النظافة متدنية وبكيت القلفز محطوط منضر العمال ما بلبسوهم وبلمسو الاكل بايديهم شو ماكان طبعا جنب المحل لبرة وانت داخل على ايدك الشمال في حاويات نفايات منضرها وكثرتها رح تخليك تلف وترجع عالسيارة لانه نفسك رح تنسد ،الاسعار عادية ، والأكل متوسط الجودة ،في محلات كثير مش مشهورة زي غزال بس بعطيهم تقييم افضل من هيك بكثير ، انا جربت غزال اللي بأخر شارع عبدالله غوشة من فترة طويلة كان رائع صراحة والطلب عليه متزايد ما بعرف شو اخباره هلا بس هاد الفرع لازمه عناية اكثر
  • Review by Jawad of أكاديمية بيونيرز
    قبل 9 سنوات
    أخذت عندهم دورة منذ مدة طويلة ، الادراة صراحة محترمين عندهم دورات كثير في مجالات متعددة ، اسعارهم يعني مرتفعة شوي ، بتعهدوا بتوظيفك بعد ما تخلص الدورة طبعا هم ما بوظفوك بس هم بأمنولك مقابلات التوظيف ، صراحة ما بهتمر كثير بمستوى الطلاب الاكاديمي ،يعني حضور ولا غياب رح توخذ شهادتهم بالنهاية ، المرافق جيدة والقاعات جيدة
  • Review by Jawad of كلية الهندسة التكنولوجية
    قبل 9 سنوات
    يؤسفني القول بانه أسوأ صرح علمي موجود بالأردن بشهادة أغلبية الطلاب الموجودين في الكلية وأنا احدهم.
    الكلية تدرس تخصصات الهندسة فقط ، وشهادتهم تعتبر قوية في الخارج خصوصا الخليج ومع ذلك لا يوجد اي اهتمام من قبل الأدارة ، الأبنية قديمة جدا ومتهالكة مساحتها صغيرة والقاعادت اغلبها غير مدفئة أو فيها تبريد ، المرافق الصحية وضعها سيء، الكفتيريا وضعها سيء ، مصفات السيارات عبارة عن ساحة ترابية وعرة بالشتا بتصير طينة واذا صفيت عالشارع بسكرو عليك ودايما هيك ، الكلية فيها عقول مبدعة سواء طلبة او كادر تعليمي وفيها اشخاص محترمين ،الكلام قد يطول انا حكيت بشكل عام لكن فيها أشياء لازم تشوفها بعينك حتى تحكم وانا لهون بوقف كلام .
  • Review by Jawad of كريما كريم
    قبل 9 سنوات
    انا بحب اشرب من عندهم قهوة ،صراحة انا مش من محبي البوظة كثير بس بحب قهوتهم وعندهم خيارات كثير بالنسبة للقهوة والمشروبات الساخنة ، المحل صغير ، و في مصف للسيارة بس طبعا مش دايما في محل خصوصا بالنهار.
    المحل نظيف وهادي ، خدمته ممتازة ، الموظفين انا ما عمري شفت الا موظفة وحدة موجودة بس هي مؤدبة وبشوشة . الاسعار وسط يعني القهوة كبير تقريبا 1.20دينار . المحل مرتب وبنصح تجربوه
  • Review by Jawad of أزياء فيموس
    قبل 9 سنوات
    انا جربت المحل
    المحل موقعه جيد في مصف للسيارة ،المحل مو كبير صراحة بس عندهم تشكيلة ملابس مختلفة عن المحلات الثانية الموظفين محترمين وعندهم اسلوب لجذب الزبون ، بالنسبة للأسعار حسيتها متوسطة وعملولي خصم مرتب . محل البسة جيد
  • Review by Jawad of كراجات الحديدي
    قبل 9 سنوات
    المحل اسمه كراج الحديدي ، محل ممتاز والشباب معلمين وبعرفو شغلهم وانا بشتغل عندهم ،عندهم قطع غيار او بأمنوك فيها اذا لزم الموضوع ، اسعارهم ممتازة وبكفلو شغلهم ، صراحة افضل محلات صيانة سيارات الألماني بالذات الجولف
  • Review by Jawad of كراج الحديدي
    قبل 9 سنوات
    كراج ممتاز واسعارهه كويسة وعنده قطع غيار مستعملة صراحة انا بشتغل سيارتي عنده (قولف) وشغلهم بثبت انهم معلمين بالصيانة موقهم قبل اشارة الجسور العشرة عاليمين
  • Review by Jawad of مطعم بخاري
    قبل 9 سنوات
    مطعم رائع موظفينه اصلهم يمني مؤدبين وخدومين ، المطعم بقدم اصناف بسيطة زي رز البخاري والبرياني والمندي ،دجاج عالفحم ودجاج شواية مكانة صغير وقعدته صغيرة صراحة ومش مرتبة ديكوره قديم جدا او يمكن لا يعتبر ديكور هو دهان لونه ازرق فقط الشي اللي بخليني اشتري من عنده هو انه اكله زاكي ونظيف ، عند تواصي للمناسبات بس ما عنده توصيل للأسف أسعاره عادية جدا وعليه اقبال صراحة مش طبيعي بالذات بفترة الأعياد او العطل بالنسبة للمصف صغير بس في ساحة ترابية ورا العمارة ممكن تصف فيها ، انا بفضل اسمي مطبخ وليس مطعم لأنه اقرب الى كلمة مطبخ من مطعم لأنه تخصص تواصي .
  • Review by Jawad of مطعم ينابيع الشام
    قبل 9 سنوات
    محل برأيي سئء ويفتقر لأي جودة تعامله سيء بالأخص اللي عالكاش والمحل دايما ازمة وصراحة أكله مش زاكي
    وبحسهم بهتمو بالكم مش بالنوع انا بطلت اتعامل معهم من زمان
  • Review by Jawad of مطعم الياسمين
    قبل 9 سنوات
    اكلهم زاكي وعندهم تشكيلة كبيرة من السندويشات المبتكرة يعني اسماء جديدة وغريبة
    انك توكل بالمحل انسى لانه صغير وضيق حتى بعد التوسعة اللي عملوها التوصيل عندهم بطول . الكوكتيل والعصائر عندهم كويسة ،بالنسبة للأسعار فهي مقبولة . بس بدي احكي انه في شب هناك مستلم الكاش اسمه (سيد) الله يعين سيد ويعطيه العافية لأنه شايل المحل عراسه وعنده قدرة احتمال .
  • Review by Jawad of بيتزا القيصر
    قبل 9 سنوات
    انا ما عمري دخلت المحل ابدا بس دايما بوصي منه وانا بالشغل من فرع طبربور ،البيتزا ممتازة وبتوصل ساخنة بس للأسف دايما الموظف المسؤول عن الطلبات بحكيلي انه بعد 45 دقيقة رح توصلك بس كون البيتزا زاكية فهذا بشفع انه بدها وقت .
  • Review by Jawad of شاورما الحناين
    قبل 9 سنوات
    صراحة محل ممتاز ،انا زرته مرة وحدة ،اكله زاكي بس موقعه صعب جدا لانه بوسط الازمة ومافي مصف للسيارة يعني دبر حالك :-)
  • Review by Jawad of البنك الاسلامي الاردني
    قبل 9 سنوات
    للاسف انه يحمل كلمة اسلامي في اسمه لانه الدين المعاملة الا في هالبنك لا في دين ولا معاملة انا اول مرة بمر علي راتب ضايع ؟؟؟ انا راتب ضاع ؟؟ انا محول راتبي على البنك الاسلامي وقعدت اسبوع وانا رايح جاي على البنك فرع النصر حتى ما اضلم الفروع الثانية ، بحكولي الشيك مش لاقينو؟؟!! طيب انا كعميل عندكم شو اعمل ؟؟ ادور على شيك لابس بلوزة سودا وبوت ازرق مثلا ؟؟ ولا الف عالبنوك وانادي يا من لقى شيك مرمي ؟؟ مش بس هيك الفرع صغير جدا ويخدم منطقة كبيرة ، من جديد ركبو جهاز عشان ينضمو الدور والنظام مش زابط واذا اجيتهم قبل نهاية الدوام بحكولك معلش ضل نص ساعة ويمكن معاملتك طول تعال بكره .
  • Review by Jawad of توتال لتبديل الزيت السريع
    قبل 9 سنوات
    انا جربتهم والوضع عندهم ممتاز ، بشتغلو بنظافة وما بوسخو السيارة كل شي عندهم من منتجاتهم (توتال) وبطلع مع الغيار غسيل مجاني و غسيل كويس مش شلفقة ،بعملو للسيارة عندهم فايل بالمواعيد والغيرات .بشكل عام ممتازين.
  • Review by Jawad of محلات أبو رمضان لقطع السيارات
    قبل 9 سنوات
    للأسف الشديد اول ما شريت سيارتي ونوعها جولف نصحوني اروح على ابو رمضان ، ما بدي احكي اللي جوه قلبي كله واسمي اسماء الاشخاص (الموظفين) و افضح الدنيا بس الخلاصة :
    محل غالي جدا وقطعه نار يعني ممكن يفرق السعر 20 الى 30 دينار او اكثر ،بهمهم الفلوس بس يعني ممكن يخرب ويركب اشي مش للسيارة بس عشان يوخذ فلوس وبس تخرب الشغلة بحطوها بظهر الشغيل ، ما في اي تقدير للوقت انا بنصحهم يقلبو المحل محل هريسة احسن الهم .
  • Review by Jawad of انتي هنادي تشيز كيك اند كوكيز
    قبل 9 سنوات
    امبارح كانت اول زيارة للمحل صراحة المحل حلو ومرتب نظيف جدا، الموظفين مهذبين مع الزباين في مصف كبير كون المحل بمكان مفتوح وبعيد عن الأزمات انا عجبني الباب انه بفتح لحالو ، المكان دافي اجواؤه رومانسية ، بس ما رح يكون في خصوصية لانه مشكلتو الوحيدة انه ضيق ، طبعا اذا بدك شيز كيك مصنوع بجودة عالية ومهارة بنصح من عنده ،لانه في تشكيلة حلوة والطعم فخم والنكهة فاخرة ،بالنسبة للسعر مرتفع بشكل عام ممكن البعض يشوفو طبيعي بس عموما مرتفع . نصيحة زورو المكان رح تستمتعوا .
  • Review by Jawad of مرمرة للبلياردو
    قبل 9 سنوات
    محل هادي يتكون من صالة بلياردو وقاعة اخرى للجلسات ديكوراتو قديمه شوي زي طابات البلياردو اللي بالسقف حركة قديمة جدا الطلبات عنده عادية جدا ،طاولاته كويسة عالعموم المحل كويس وجو رايق نوعا ما .
  • Review by Jawad of بيّي و بيّك
    قبل 9 سنوات
    المطعم جيد وأكله زاكي انا باكل من عنده دايما بالليل متأخر ،الشاورما عنده عالفحم وزاكية ..........
    المكان عموما جيد.....
  • Review by Jawad of مطعم الأسمر
    قبل 9 سنوات
    مطعم الأسمر مطعم شعبي يقدم الأفطار (فول وحمص وفلافل) يقع بعد اشارة جبل التاج باتجاه مجمع المحطة ،المحل غير ظاهر لكنه قديم ويقدم أكل نظيف ولذيذ المكان ضيق والزبائن يفضلون الجلوس خارج المطعم في ساحة بجانبه ، الموظفين بشوشين مثل صاحب المطعم ويقدمون خدمة سريعة قبل الساعة السابعة لا يوجد زبائن بعدها لن تجد مكان لكثرة الاقبال عليه. انصح بزيارته
  • Review by Jawad of مطعم الأسرة
    قبل 9 سنوات
    مطعم سيء ، زرته مرة واحدة واستنينا كثير والطلبات ما اجت مع بعض والخدمة مش كويسة والموضفين بس لسانهم حلو بدون شغل زي اي مطعم عادي والاكل ما عجبني وفي مطاعم اقل درجة في اماكن مش مشهورة الا انه اكلهم زاكي وسعرهم مقبول وخدمتهم ممتازة.
  • Review by Jawad of مطعم سارة للمأكولات البحرية
    قبل 9 سنوات
    انا بحب هذا المطعم كثير وبحب في انه بسيط ،اكله زاكي وبجنن ،المحل نظيف والسمك عنده طازج اسعاره مناسبة جدا
Next

أماكن أفضلها

    صور أضفتها

    جبل القلعة
    جبل القلعة
    جبل القلعة