Moaweyah Khasawneh

Moaweyah Khasawneh

عمان . منذ ديسمبر 2011
12 من المراجعات
مراجعتي كانت الأولى
3
مراجعاتي
12
صوري
7

مراجعاتي

  • Review by Moaweyah of مطعم و كافيه دهب
    قبل سنتين
    مكان مريح و هادي بس مشكلة الأسعار شوي غالية بس بالنسبة للخدمة ممتازة
  • Review by Moaweyah of 500 جرام برجر
    قبل 4 سنوات
    مطعم ممتاز بقدم وجبة البرغر بسعر ممتاز و جودة عالية المنيو عنده متنوعة و في أسماء مبتكرة سريع في تحضير الطلب المشكلة الوحيدة فيه الصفة مش سهلة لإنه الشارع ازمة و المحل صغير يعني تاخذ سفري احسن
  • Review by Moaweyah of أنكل مو
    قبل 4 سنوات
    لا يليق بأن يسمى مطعم جربت من عنده الشاورما و كانت مقرفه مش مستوية و كلها زيوت و معلم الشاورما شوي و بضربني قد ما هو محترم! هاظ المطعم عار على مطاعم باب اليمن.
  • Review by Moaweyah of حضانة سوبر كيدز
    قبل 4 سنوات
    بنتي بالحضانة من شهرين تقريباً أمها هي اللي بتوديها و بتجيبها لكن انا متابع الحضانة على سناب تشات في نشاطات للأطفال بالعربي و بالإنجليزي و في اهتمام بالرضع من تغذية و نوم و نظافة، أنا كثير متطمن على بنتي عندهم و أهم ميزة انه ممنوع احضار الطفل لما يكون مريض..تعامل الإدارة ممتاز و بنتي عمرها ٥ شهور و بتروح مبسوطة! ناوي اخليها بهاي الحضانة ان شاء الله لبين ما توصل ال ٤ سنين
  • Review by Moaweyah of برجر 53
    قبل 4 سنوات
    البرغر عنده رائع و نظيف و حجمها ممتاز اسعاره ممتازة بالنسبة للجودة اكثر اشي حلو مكانه بعيد عن جبل عمان و شارع المدينة و لو كان هناك رح ينافس
  • Review by Moaweyah of الطازج
    قبل 8 سنوات
    ما بنصح حدا يروح عليه, رغم الحملة الاعلانية الكبيرة الل عاملها و خصوصي للمنتج الجديد "المندي" الا انه طلع اقل من التوقعات لأنه صار معاي الموقف التالي: رحت اجرب المندي طلبت وجبتين و كلف 11 دينار مع انه نفس الطلب و بكميات اكثر بطلع ب 8 بالمطاعم المتخصصة بالمندي المهم طلبت زي ما كان مطبوع عالفاتورة عال 6:13 اخذت طلبي عال 7!! بعد ما عملت معهم مشكلةو لأنه بس طلبت حكولي ربع ساعة بكون طلبك جاهز و طلبي اخد اكثر من 45 دقيقة كان رقمي 527 وصل الدور 578 بعدين طلع طلبي,,,الكمية قليلة ما بتناسب السعر و حاطين زياده خبز و كاتشاب و كنا بدنا ملح لازم ارجع اجيبه من الكاونتر اللي طلبت منه مع انه فيه بكل طابق واحد بنظف و عنده محارم و كاتشاب و خبز للي بده..رجعت اجيب الملح لقيت الكاشيرية ببدلوا شفتات و بعدوا بالمصاري و ما حدا اعطاني ملح و أكلنا على ذوقهم مش زي ما بدنا..اهم اشي الأكل مش زاكي الجاج ناشف الكويس عندهم مساحة المحل و انه فيه مكان مخصص للأطفال يلعبو فيه
  • Review by Moaweyah of هورس شو كافيه
    قبل 8 سنوات
    ييعني بتحس حالك قاعد ببيتك وأعز, الجراسين بشوشين بيحفظوك و بيعرفو طلبك, كل خميس لعبة الشدة ما بتحلى غير عندهم, و أحلى شي وقت المباريات, كتير ممتع الجو, برتبو الطاولات بحيث كل الزباين تشوف الشاشات و بنفس الوقت بيوصل الطلب على السريع. الجلسات كتير مريحة للعب الشدة ما عدا طاولات الزوايا. الأسعار كتير رخيصة, راس الأرجيلة بدينارين! في فاليه جنب المحل بياخد نص دينار بس. بس لو انهم يغيرو الفحم الي بستخدموه, هاي ملاحظتي الوحيدة.
  • Review by Moaweyah of .
    قبل 8 سنوات
    رحت عندو, فحص السيارة وقالي السيارة بدها بطارية, سألتو عن السعر, حكي تيليفون قال : البطارية كم سعرها؟ 75؟ يا زلمة هدا صاحبنا, اخرها 72؟ سألني وقلتلو توكل ع الله, ركبنا البطارية وبعد فترة بكتشف انو سعر البطارية بنفس المواصفات وبلد المنشأ هو 40 دينار وللعلم سعرتها بالصويفية مو بماركا أو البيادر!!!!! يعني حرام يكون الإستغلال لهاي الدرجة, صحيح كل المنطقة ناس مغتربين و ممكن يغلي عليهم السعر, بس بلا مؤاخذة إحنا ولاد بلد, ليش النصب هيك عينك عينك؟ بترجاك يا اخوي قبل ما تروح تصلح سيارتك تعرف وين بتوديها لأنو الي متل أصحاب هدا المحل كتار, وإبعد عن المحلات الي بجبيهة إجمالا الا في حال بتعرف صاحب الكراج.
  • Review by Moaweyah of الدكتور جريس الداوود
    قبل 8 سنوات
    من فترة طويلة وأنا بعاني من مرض النقرس, وكتير رحت على أطباء, لكن للأسف ما إرتحت للأطباء بقدر ما إرتحت للدكتور جريس, دكتور قدير و فهمان و جدي بالتعامل مع المرض والمريض. بلشت مراجعاتي عندو من سنة ونص تقريبا, ولحد الآن بعمل تشيك اب عندو كل شهرين. أكثر شيء ريحني بالتعامل مع هدا الطبيب أنو بستوعب قلق المريض وبفهمو سبب مرضو و طريقة علاجو والتعايش معاه إزا كان المرض مزمن متل مرض النقرس ( اليوريك أسيد ) و بوضحلك الأعراض الجانبية للأدوية وبحطك بالصورة بكل خطوة رح يعملها. السيء بعيادتو انها قديمة ومافيها أي نوع من التطور لدرجة إنو لسى بستخدم أسلوب الملفات ( الإضبارة ), ما في أجهزة كمبيوتر. ومع هيك فهو دقيق بمواعيدو, أخدت الموعد الساعة 4, بتروح عالوقت ما بتلاقيه مشغول بمريض. المصفات متوفرة رغم انو بشارع الخالدي وبتعرفو صعوبة الإصطفاف هناك.
  • Review by Moaweyah of مركز وادي الاردن لتعليم القيادة
    قبل 8 سنوات
    المركز عنده مدربين ممتازين بيعطوك ثقة كبيرة بحالك و ما بيعطوك حصص زيادة عشان يزيد ربحهم، سياراتهم جديدة و بهتمو فيها أسعارهم رخيصة مقارنة بباقي المراكز لكن مع تذبذب اسعار البنزين اسعارهم متذبذبة، مكان المركز بعيد و طريقة ازمة لكن من حسن حظ المتدرب بياخذ عالسواقة بالأزمة و بتعلم احسن
  • Review by Moaweyah of مقهى و مطعم زودياك
    قبل 8 سنوات
    المحل كتير حلو و قعدته حلوة بس المشكلة بالأسعار غير منطقية أبداَ خصوصي cover charge و من نصيحة جارتنا جميلة مستحيل اروح بيوم خميس لأنه ال minimum charge 8 دنانير......الديكر حلو و ألوانه متناسقه قائمة الطعام بتفتح النفس ارجيلته زاكية بس المشكلة بخدمة الفحم ما في اماكن للتدخين (كله دخان) مضغوط شوي....عجبني عنده انه اعطاني دعوه مجانيه عالفطور يوم جمعه بس حبيت لو كان الفطور متنوع اكتر
  • Review by Moaweyah of روان كيك
    قبل 9 سنوات
    المحل ممتاز, اسعاره رخيصه و شغلو طيب, في مواقف للسيارات ...بس في عندهم عامل بسموه المحامي بنصحهم انه ما يتعامل مع الزباين لأنه تعامله مش لطيف أبداَ بتحس انك بتشتغل عنده ما بتشتري منه,هاي المعلومة وصلتها لمدير المحل بتمنى انه يعمل فيها او رح يخسر كثير زباين
Next

صور أضفتها

Smoked burger
yummy
shawerma meal