تالا عبادي

تالا عبادي

عمان . منذ نوفمبر 2011
15 من المراجعات
مراجعتي كانت الأولى
2
مراجعاتي
15
صوري
1

مراجعاتي

  • Review by تالا of الدكتورة ميس عزوقة
    قبل 6 سنوات
    الدكتورة رغم صغر سنها لكن ما شاء الله شاطرة بنتي عانت من وهي صغيرة باﻻكزيما واخذتها على عدة دكاترة وما طابت وضلت تعاني ومن زيارة واحدة عرفت شو ﻻزمها ومن دهنة واحدة من الكريم حسيت بالفرق الدكتورة لطيفة وذوق وتعاملها راقي جدا ودايما عندها ازمة وﻻزم تستنى قبل ما تدخل لعندها بس بتستاهل ﻻنها مميزة وشاطرة بمجالها
  • Review by تالا of ستك هاوس
    قبل 6 سنوات
    المكان حلو في جاليريا مول في قعدة صغيرة بس انا كنت متوقعة قد ما سمعت من كتير ناس انه خرافي انه يكون ازكى من هيك ... طعم البوظة عادي , سعرهم غالي جداً, الموظفين عندهم مش كتير لطيفين ولما طلبت يشرحولي عن الايس كريم يا دوب اعطاني شو النكهات الشاب ما حسيته ودود كتير بس مع هيك جربت الفراولة وما عجبتني مع اني بحب الفراولة
  • Review by تالا of أزهار أليسار
    قبل 7 سنوات
    باخذ ورد من عندهم ، السعر غالي شوي بس الباقات حلوة والورد دايما فريش والموظفين تعاملهم كتير منيح الصفة عندهم صعبة شوي
  • Review by تالا of بينكبري
    قبل 7 سنوات
    جربت هاد المحل كتير بتاج مول والسيتي مول وبصراحة دايما زاكي النكهات الي بفضلها هي العادي والمنجا والرمان والباشن فروت ما حبيت الشوكولا كتير بس كانوا قبل فترة عاملين نكهة جديدة وهي كريمة البندق وحبيناها كتير الموظفين كتير زوق وخدومين السعر غالي الكاسة الصغيرة ب 2.5 واذا بدك تحط اضافات بتوصل ل 5 دنانير تقريباً بس مع هيك بنصح الكل يجربه عشان طعمه خيال بالنسبة للبن المجمد
  • Review by تالا of مينتشيز
    قبل 7 سنوات
    بصراحة دايما باخذ من بينك بيري وحبيت اجرب المحل عشانه جديد والكل كان يحكي عنه وياريتني ما جربته الموظف كان كتير زوق وشرحلي عن المحل عشان جديد وشو النكهات اخذت الحجم الوسط وما كان فيه فواكة بس كاندي وحطيت شوي اتفاجأت عند ما حاسبت انو الحساب بالوزن ومع الكاندي وطلع المبلغ 10 دنانير يعني بالنسبة الي ما كان اله طعم نهائي والسعر خرافي بالنسبة للكمية والجودة ما راح اجربه مرة ثانية
  • Review by تالا of مطعم سارة للمأكولات البحرية
    قبل 7 سنوات
    اليوم حبيت اجربهم وحكيتىبمر باخد من عندهم سمك وطلبت دنيس وفريدي الصفة برا كانت كتير صعبة وانا ما اندليت على مصفاتهم اخذت السمك ني وسفري وحاسبت عليه بالسيارة ريحة زنخة السمكةكانت مش طبيعية وعبقت بالسيارة وبالبيت شفتهم ما كان طازه ابدا من كثر ما سمعت عن المطعم من ناس جربته قلت بدي اجرب بس بصراحة الي سمعته اكثر ما بستاهل ما بعرف كيف بطبخوا اكلهم بس ااسمك مش طازة ومش راخ اخذ سمك من عندهم مرة ثانية
  • Review by تالا of كمبنسكي عشتار البحر الميت
    قبل 7 سنوات
    الفندق فخم جدا وديكوراته بتجنن ونظيف والموظفين بروفيشنال وبشوشين انبسطنا باقامتنا كتير بنصح الكل يزوره وكانت بنتي معي وقدمولها كوكيز حبتهم كتير وانا كمان
  • Review by تالا of حلويات سميراميس
    قبل 7 سنوات
    انا بصراحة بجيب الشوكولاته من عنده دايما سواء الهدايا او الي بجيبها للبيت في المناسبات أسعاره متوسطة بالنسبة لغيره بس بيستاهل طعم الشوكولا هاد السعر 18 دينار الكيلو جربت المشكل من عنده ما حبيته بنتي بتحب الشوكولا الحجار من عنده كتير زاكية ومميزة بصراحة
  • Review by تالا of حلويات نفيسة
    قبل 7 سنوات
    جربت من عنده الكنافة الناعمة والخشنة وجربت الحلو المشكل والغريبة ، بالنسبة للتعامل كتير ذوق وحلو . الحلو المشكل طيب بس اكلت اطيب منه وبالنسبة للسعر غالي شوي بالنسبة لغيره من المحلات الكنافة بصراحة اخذتها تواصي كانت منيحة بس كنت متوقعه طعمها اطيب من هيك بكتير الغريبة مش طبية ما حبيتها الصفة قدام المحل كتير صعبة وعجقة
  • Review by تالا of كنافندي
    قبل 7 سنوات
    رحت على المحل من كتر ما سمعت وقرأت عنه نصائح وحبيت اجربه ، جربنا الكنافة الخشنة والناعمة من عندو ، المحل ديكوره حلو كتير والتعامل كتير ذووق وعمل الكنافة وانا بتفرج كنت انا واهلي حبينا الكنافة كانت طبية وسعرها معقول اغلى من المحلات الثانية يعني الصحن ب 2 دينار بس بالنسبة كانت تجربة حلوة بس اكلت اطيب منها
  • Review by تالا of بابا جونز
    قبل 7 سنوات
    اليوم أنا طلبت من عندهم ٢ بيتزا وسط دجاج ولحمة وللأسف كانت عبارة عن عجين وصلصة وخضروات وجبنة وما في لا دجاج ولا لحمه وطلبت إضافة زيتون اسود بالنسبة ي السعر ما بناسب الجودة وكمان فوقها شفت العمال الي بينظفوا عم يأخذوا العلب فاضية وبيرجعوها للمطعم عشان تستعمل مرة ثانية وهاي آخر مرة بجرب فيها المطعم
  • Review by تالا of مدارس عمون النموذجية
    قبل 8 سنوات
    هاي مدرسة حرام ينحكى عنها انها مدرسة خاصة وتجربتي معهم فاشلة من المديرة لغاية المعلمات الي اسلوب ما فيه وذوق ما فيه ما بنصح اي حدا يتعامل معها او حتى يتعامل مع قليلين الذوق الي فيها الحمامات دايما وسخة وريحتها طالعة وما فيه اهتمام ابدا بالنظافة الساحة صغيرة جدا ومش مكفية الطلاب
  • Review by تالا of مركز التعليم المبكر
    قبل 9 سنوات
    المحل حلو كتير وفيه تشكيلة ألعاب مفيدة وحلوة كتير غير الكتب والقصص والألوان ، اسعاره غالية شوي بس الجودة عنده ممتازة
    يعني السعر بيساوي الجودة اشتريت من عندة العاب كتير لبنتي وكانت تتحمل خبط بالحيط وبالارض بنصح الكل يروح ولو روحتوا بالتنزيلات بتكون اسعاره جيدة وزي برا بس الجودة لا يعلى عليها بصراحة
  • Review by تالا of الشميساني مول
    قبل 9 سنوات
    أنا شخصياً بروح عالفود سيتي (السوبر ماركت) بيعمل عروض منيحة وبأسعار مناسبة ومرات كتير أرخص من برا وكل شي تقريباً موجود عندهم .. تعاملهم ممتاز ولبقين وعمري ما واجهت مشكلة بالمصفات..
    المطاعم الموجودة فيه عادية بس الكلحة بالنسبة إلنا نعمة لأنه ما في محل فلافل غيرو في الشميساني!!!! أكيد للي بيحب يتسوق على رواق وبهدوء بنصحه يزور الشميساني مول :)
  • Review by تالا of روبنز و تشيكو
    قبل 9 سنوات
    روبنز أو تشيكو ماركة معروفة للأطفال ، كل مستلزمات بنتي اشتريتها من فرع الصويفية والشميساني عندهم تشكيلة روعة من الالعاب وكل ما يلزم الطفل والأم كمان
    عندهم قصص تعليمية لما كبرت بنتي اخذتها هناك وخليتها تختار من التشكيلة الواسعة الي عندهم الموظفين ذوق ومدربين منيح وبساعدوك لحتى تختار وحتى لو ما اشتريت بنصح الكل يجرب منتجاتهم لهلا عندي ما صار فيها شي
  • Review by تالا of أبو شقرة
    قبل 9 سنوات
    هذا الفرع بصراحة كتير حلو وفيه تشكيلة عطور وكريمات ومكياجات بتجنن وأكيييد ماركات
    المعاملة والاسلوب من الموظفين ولا أروع من هيك بنصح الكل يجرب هذا الفرع
  • Review by تالا of سيفوي
    قبل 9 سنوات
    انا وصيت على كيك من عندهم قبل يومين وبصراحة كانت الكيكة معجنة ومش محشية زي ما وصيت ومحروقة من تحت
    اسوأ تجربة واسوأ مكان لشراء الكيك ما بنصح حدا يشتري منه
  • Review by تالا of بيتزا هت
    قبل 9 سنوات
    انا زرته قبل فترة مع بنتي واخوي في فرع الجاردنز وقبل ما اطلب الاكل اخذت بنتي على الحمام عشان نغسل ايدينا وبصراحة بعطي النظافة صفر
    الحمامات كانت قذرة بشكل مش طبيعي ولما خبرت مدير المطعم اعتذر وحكالي معلش المياه مقطوعة طيب اذا ما فيه مي كيف عم بينظفوا المعدات الي بيستخدموها في المطعم بصراحة سحبت حالي وطلعت وما طلبت شي وهاي اخر مرة بفوت فيها على المحل
Next

صور أضفتها

باقة تهنئة لمولود