Resson Namo

Resson Namo

عمان . منذ أكتوبر 2011
اعشق الحياة
53 من المراجعات
الأماكن المضافة
2
مراجعتي كانت الأولى
9
مراجعاتي
53

مراجعاتي

  • Review by Resson of زبيدة بيوتي سنتر
    قبل 8 سنوات
    بصراحة انا صحبيتي عملت مكياج عرسها عندها طلعت كتير كتير امورة وكان المكياج كتير خفيف ومبينة طبيعية موقع الصالون كتير مميز وما بتوه حد تعامل الموظفات جدا منيح والمحل كتير نظيف بس بحس الاسعار جدا مبالغ فيها يعني بس بنصح بنت لخطبة او زواج او حفل مميز بس شي لشي تاني حرام هذا رايي
  • Review by Resson of ستار دوناتس
    قبل 8 سنوات
    هلا كافيه موقعه كتير مناسب لطلاب الجامعة الاردنية لانه مقابل البوابة الرئيسية تماما انا بصراحة رحتله بس مرة السنة الماضية مافي كراج مخصص للي بده يزوره وبلعكس بلنهار كتير عجقة سيارات قدامه بس احنا كطلاب وما عنا سيارات ما اهتمينا كتير المحل كتير واسع من جوا بلنسبة للكافيهات الي بتكون قريبة من الجامعات بشكل عام المحل كان كتير كتير نظيف تعامل الموظفين اروع من رائع طلبنا وقتها اانا وصحبيتي بوظة سكوب واحد حطلنا الشب زيادة وعنجد عنجد كانت كتير كتير زاكية ونظيفة بتحسها طبيعية مو صبغة ومنكهات وقديمة لا بلعكس فريش في قعدة كتير حلوة بلطابق الي فوق ومساحة كتير كبيرة الطاولات بعيدة على بعض يعني بدك تحكي موضوع ما حد بسمعك او بدك تقوم او تقعد ما بتخطب بلناس اسعاره شوي غالي مو متزكرة بلزبط قديش دفعنا بس بتزكر انه ما قدرنا نطلب شي تاني لانه اولا ما كنا حاسبين حساب نشتري تاني شي الاسعار شوي مرتفعة لطلاب ما عنده مشروبات كحولية وما بعرف اذا ممكن التدخين واذا في ارجيلة لانه ما بهتم ما بعرف هلا انا كشخص ما بتخيل بيوم اروح لهذا الكافيه زيارة الا اذا كنت بلاردنية او بمشوار قريب لهناك لانه محل مو كتير مميز في محلات اروع منه بس هو حلو كتجمع طلابي دايما الطلاب قاعدين فيه بتحس بجو حميمي ودافي وبترتاح انه كله طلاب حوليك يعني انا بس بحسه لفئة الطلاب ما شفت فيه عائلة او كبار بلعمر بحس بس حلو لعيد ميلاد ناس بلجامعة كمفاجئة او تجمع طلابي قعدته مريحة والاضاءة ممتازة بتوقع ممكن حد يقعد فوق ويدرس انا صراحة حبيت المكان وما لقيت فيه مشاكل لانه كانت زيارة سريعة وشكرا
  • Review by Resson of مطعم شتورة
    قبل 8 سنوات
    شتورة مطعم موجود في منطقة جبل التاج على الشارع الرئيسي على الطلوع مقابل سوبر ماركت شادي ولتحت شوي من المؤسسة الاستهلاكية المدنية اي حد بهذي المنطقة بيعرف هذا المكان هو مطعم ببيع حمص فول مسبحة وفتة وما ببيع فلافل عشان ما تنتشر ريحة الزيت بلمكان من وانت بعيد على المطعم بتكون عم بتشم ريحة الحمص المميزة عنده على الرغم انه محل مو كتير كبير بس ديكوراته كتير حلوة وهادية و نظافة المحل شي بتشهدله عليه الجميع ما في قعدة بلمحل وما في توصيل للبيوت نظرا انه بمكان شعبي اسعاره بلنسبة للمحلات المجاورة شوي اغلى يعني بمقدار لا يذكر بس الطعم عنده ولا اروع وجد الجودة عنده والطعم متميز ومحافظ على نفس المذاق من سنين طويلة ما اله موقف خاص للاسف بس بلاوقات العادية بتلاقي صفة قريبة اي حد بده يروح يوم الجمعة او السبت الصبح او برمضان خاصة لازم يروح كتير قبل بوقت لانه بكون عنده عجقة كتير والناس صافين علدور والكل بده فتة جد الفتة عنده بتشهي يعني تخيلوا برمضان متلا باذن على السبعة لازم تروح من الاربعة تحطه متلا عنده وممكن ترجع بعد ساعتين تاخده او بتضل تستنى دورك الحلو في انه بفتح من الصبح وبضل فاتح يعني لو بلنهار اجا على بالك بتقدر تاخد منه وهذا على عكس معظم المطاعم الي ما بتفتح الا متلا من 8 لل 12 وبتسكر وتفتح من 6 المغرب لل 11 بليل متلا لا هذا كل وقت بمر من عنده بكون فاتح صاحب المحل حد كتير منيح دايما بكون مبسوط واحلى شي انه بعمل الفتة قدامك وبحطلك المقادير الي انت بدك اياها والكمية مش انه بتكون جاهزة من قبل وبشتعمل زيت زيتون وهذا قليل ما حد يستعمله اكيد انه بنصح الكل يجربه لانه اكله كتير زاكي وكتير كتير نضيف على الرغم انه فاتح من زمان بس عمرنا ما سمعنا انه حد متلا لقى شعرة او اظفر او صرصور او متل هيك شي بنسمعه عن كتير محلات وصاحب المحل كتير محترم انه ما بتحركش بلناس متل كتير صحاب محلات للاسف واسعاره بلنسبة للجودة ممتازة وبجد انه بتحس انه كل شي عنده طازة بطازة
  • Review by Resson of أبو شيخة للصرافة
    قبل 8 سنوات
    انا بصراحة ما جربتهم الا باستيلام حوالات تعامل الموظفين كتير منيح بس ما بعرف في البعض من جديد خاصة الي عند الكاش تحس انك تشحد منه وزمان كانوا يعطوا هدايا مرتبة خط تلفون وبطاقة للمكالمات هلا صار مسخرة قلم و ولاعة ما بعرف كتير متغيرين صارت المحلات الي مو معروفة تحترم وتساعد الناس اكتر ومافي موقف خاص للعملاء والمحل ديكوره كتير بالي وممل وقديم ومش انظف محل صرافة فته بتمنى يحسنوا خدماتهم ويرجعوا متل زمان
  • Review by Resson of حلويات زلاطيمو
    قبل 8 سنوات
    قديش ذقت معمول بحياتي متل معمول زلاطيمو ما لقيت جد نكهته مميزة وكل شي عند زلاطيمو نظيف جدا تعامل الموظفين رائع والناس تطلب حلوياته لبرا البلد اله اكتر من فرع وفي مواقف للسيارات صحيح اسعاره شوي غالية بس الانسان بشتري وباله مطمن انه كله نظيف وطازة اكيد بنصح الجميع يشتري منه خاصة معمول العيد والمشكل
  • Review by Resson of أديداس أوريجينالز
    قبل 8 سنوات
    بصراحة انا اغلب محلات اديدس جربتها اكيد محل روعة البضاعة الجودة كتير كتير عالية وبلنسبة لماركات رياضية تانية هو ارخص شوي وبنفس الجودة يعني متلا اول ما سجلت بلجامعة كنت بدي شنطة ظهر شفت عند اديدس وشفت نايك ارخص تقريبا بحوالي 20 دينار يعني لطالب جامعي جد فرق هلا احسن شي عند اديدس باي فرع وقت التنزيلات لانه بتحس جد في فرق بلسعر ارخص فروع زرتها وبتعمل تنزيلات كتير كبيرة اغلب ايام السنة فرع الزرقاء وفرع الي عند الجامعة الاردنية وعندهم اكبر تشكيلة بس مو كل ايام السنة ومو عكل شي يعني مرة شريت من اديدس شارع الجامعة بوط زيتي بس بي 20 دينار مش فرق انه موديل قديم اصلا التياب الرياضية ما في تميز كتير يعني تخيلوا بهيك وقت بوط لا ماركة ولا شي بتاخده 20 اديدس وجد جودة قمة في الروعة يعني انا موو اي شي برتاح في بس عمري ما ادايقت منهم يعني رائع للجامعة لازم تختار الوقت والفرع المناسب للشراء حسيت اغلى فرع فرع الجاردنز يعني في بوات توصل 100 واكتر بس الحلو في زوايا لكل نوع بوات شي مختص للركض اشي للقفز والخ جربت باديدس اغلب انواع البضاعة من بدلات بناطلين جاكيتات شتوي وقطني بوات كرات قدم جزادين قنينة مياه طاقية سباحة وتياب سباحة وللامانة عندي شغلات من اكتر من تلات سنوات مع شوية عناية مني لهلا بعدها جديدة يعني حتى بوات ولاد خالي قديش بلعبوا كرة قدم وبروحوا وبيجوا وما بهتموا كتير مافي ولا شي ممزوع او الجلد رايح عنه وبتلاقي قدام كل فرع محل تصف السيارة باريحية وخدمة الموظفين كتير منيحة وكتير بساعدوك ومعك تغير القطع خلال شهر بوجود الفاتورة اكيد حتى لو فرع خارج البلد اكيد اكيد محلي المفضل اديدس وبنصح الكل فيه بثقة :) وجد عمري ما فتت فرع الا لقيت المحل انظف ما يمكن و الرائحة جميلة ووجوه مبتسمة
  • Review by Resson of ستاي ان هاوس كافيه
    قبل 8 سنوات
    بصراحة انا بحب اقرا تعليقات الناس قبل ما اكتب تعليقي عشان استفيد وافيد انا هذا الكافيه رحتله بس مرة السنة الماضية بلبداية كن السيء بلموضوع انه مو جاي على شارع رئيسي ما بعرف جاي لجوا انا بخاف من هيك قصص وبفضل اروح اماكن عشارع رئيسي هذا اشي سيء عنده كان وترددت اني افوت بس صحبيتي اصرت كانت القعدة كلها كراسي ما كان في كنب الكراسي مو مريحة كانت والمسجل راغب علامة وهو بغني ما خلاني اسمع البنت شو تحكي وقلتله اكتر من مرة وطي المسجل شوي ابدا ما رد شربت عندهم موكا كان جد بشهي وحتى منظره حلو ونظيف حمامات نظيفة رحنا بلشتاء الساعة 6 كان ما في ناس الا شلة شباب وبنات طلاب مدرسة مبين اسعاره وسط وبتلاقي صفة للسيارة قريبة حبيت انه شفت عندهم كاريوكي ماشيين وبصير عنده حفلات يوم الخميس على ما اذكر وراح عليه اكتر من مطرب هي تجربتي معه ببساطة
  • Review by Resson of كافيه جفرا
    قبل 8 سنوات
    جفرا كافيه باي وقت بترحله بتلاقي في ناس بلليل او بلنهار اكلهم كتير نظيف وزاكي بس اسعاره اغلى شي من الكافيهات الي جنبه شوي صعب تلاقي صفة جنبه بلزبط واحيانا ما بتلاقي محل انت تقعد بس حرام بلاقولك مكان بسرعة ما بقدم مشروبات روحية الحمد لله ديكوراته الها طابع خاص بتحس حالك راجع بعمرك لايام زمان الجراسين كتير مناح ودايما مبتسمين عنده خدمة الويرلس للموبايل او اللاب توب بس شوي السرعة بطيئة بتلاقي عنده تشكيلة كبيرة من الاراجيل والماكولات والمشروبات زاره كتير مثقفين وادبياء بلاردن واكتر من مرة نكتب عنه بلجرايد واول ما تكتب اسمه بلغوغل بتلاقي مليون موضوع عن اكيد بنصح الكل يروحه
  • Review by Resson of معرض ايبش
    قبل 8 سنوات
    محل ببيع ازكى شوكولاته بعمان عنده تشكيلة كبيرة وكتير زاكية بعشق عنده حبات الشوكولاته الي محشية لوز وبندق ومو مجلتنة اسعاره كتير عادية وجودة عالية وبسهولة بتلاقي محل للسيارة
  • Review by Resson of محمص الرفاعي
    قبل 8 سنوات
    يا ويلي على محمص الرفاعي شو انه بشهي وديكورات حلوة وعنده شغلات غريبة وازكى شي عنده البزر المحمص فروعهم بكتير اماكن اكيد اكيد بنصح الكل يجربه والباركنغ دايما متوفر
  • Review by Resson of ذي كيك شوب
    قبل 8 سنوات
    بصراحة الجاتو عندهم بشهي وشكله فوق الروعة فنانين بعمل شكل الكيك زي ما بدك واروع بس اسعاره كتــــــــــــــــــــــير غالي
  • Review by Resson of حدائق الحسين
    قبل 8 سنوات
    انه حديقة حلوة وكبيرة كتير وفيها كل شي بس بعيدة عن عمان شوي يعني صعب تروحلها كل ما تكون زهقان وبلايام العادية بتجنن ولا احلى من هيك بس يوم العطلات ولا بنصح حد فيها بتكون قايمة قاعدة وكلها شباب وناس فوق بعض
  • Review by Resson of دريم بارك
    قبل 8 سنوات
    هههههههههههههههههههههههههههههههههههههاي اول ما شفت الصورة ابتسمت تزكرت لما كنا نروح عليه واحنا صغار اول ما فتح انه هو حلو بس صغير شوي بس بلنسبة للاطفال مكان كتير حلو وامن وبعدين اذا الكبار زهقوا بقدروا يتمشوا بلمول
  • Review by Resson of ديفان للحلويات
    قبل 8 سنوات
    بصراحة فعلا فعلا فوق الخيال يعني الموقع بنص جبل الحسين قريب عكل المناطق وعلشارع الرئيسي كتير سهل تلاقي صفة للسيارة كل اشي داخل هذا المحل بشهي من الحلو للموالح للكيك واسعاره بلنسبة للديكور والطعم والجودة ونظافة المحل ممتازة 100 % اكيد بنصح الكل في خاصة الشوكولاته البيضاء الي محشية لوز بتشهي
  • Review by Resson of متحف السيارات الملكي
    قبل 8 سنوات
    بصراحة فعلا فوق الخيال انا بعشق السيارات هذا سبب مهم والسبب الرئيسي كيف انها سيارات العائلة الهاشمية حبي يتضاعف اضعاف اضعاف المعرض جدا جدا منظم ونظيف وطريقة عرضهم للسيارات فيها تشويق اكتر شي حبيته بلمعرض السيارات الفراري بلون الاحمر فيها سيارات من القديم الي ركبها المغفور له الملك حسين لاروع سيارات موديلات حديثة اكيد بنصح الكل يروح عليه بحدائق الحسين او قبل زيارة سيتي مول لانه كتير قريب عليه
  • Review by Resson of مؤسسة عبد الحميد شومان
    قبل 8 سنوات
    اكيد مكتبة غنية عن التعريف من اكبر المكتبات بلاردن والعديد العديد من الكتب التي تندر ان تتواجد باي مكان اجدها في مكتبة شومان وانا منذ الصغر اذهب لها وانا الان على الرغم اني طالبة جامعية ما زلت ارتاد اليها فهي تناسب كل الاعمار وتستطيع استعارة الكتاب من خلال اشتراك سنوي 10 دنانير قيمة جدا جدا رمزية مع الهوية الشخصية
  • Review by Resson of تشيه تشيه
    قبل 8 سنوات
    انا بحسه كتير كتير عادي ومجرد سمعة واكله كتير عادي وبلعكس الخدمة كتير بطيئة يعني بموت لحتى يجي الطلب واسعاره مو رخيصة وديكوراته عادية بس نظيف
  • Review by Resson of أروما
    قبل 8 سنوات
    من اكتر الكافيهات الي رحتها بحياتي كتير كتير اسعاره رخيصة قعدته حلو في علترس وجوا والطابق التاني اكله بشهي خاصة الفوتوتشيني والكمية كتير مناسبة ومشبعة نظافة رائعة وحمامات جدا نظيفة بتلاقي صفة قريبة والحلو باول الوكالات ما بتوه احد وديكورات حلوة وبنصح الكل فيه
  • Review by Resson of مستشفى الإسراء
    قبل 8 سنوات
    بعد ما جربنا اكتر من مستشفى هذا افضل مستشفى بنظري جودة قمة في الروعة رحناله فحوصات عادية ورحناله حالة اسعاف بلامبلنس لما عملنا حادث اهم شي عندهم سلامة المريض اسعارهم كتير كتير منيحة نظافة ممتازة وجد موظفين 24 ساعة يعني حتى لما رحنا الفجر كلهم كانوا حولينا كل شي عندهم من احسنه
  • Review by Resson of المستشفى التخصصي
    قبل 8 سنوات
    ما بعرف انا ما بحبه كتير ابن خالي فات عليه اكتر من مرة علجناح الملكي اوكي مرتب بس غالي بس باقي الاقسام ما حبيته ابدا كانه مستشفى حكومي بس الكافيتيريا كتير حلوة والبوظة بتشهي عندهم ههههههههههههه حاسة حالي بحكي عن كافيه بس اجمالا تعاملهم كتير منيح وشاطرين ما بعرف انا عم بحكي عن الملكي ما بعرف كيف الباقي واحلى شي المصعد عندهم
  • Review by Resson of سبلاش
    قبل 8 سنوات
    لو في تقدير اقل من هيك كان حطيته سيءمن كل النواحي الجودة والموديلات والبضاعة والاسعار كتير مبالغ فيها ولا لبسة بتعجبني عنده بس بعجبني الاكسسوارات الي عنده بلنسبة لباقي الاشياء بس كلها بلاستيك واسعار جدا غالي ما بستاهل وما بنصح حد فيي
  • Review by Resson of توت كير
    قبل 8 سنوات
    توت كير تشكيلة كبيرة جودة منيحة بس اسعـــــــــــــــــــــــــــــــــــــار جدا مبالغ فيها يعني الولد قديش بده يستعملها ممكن الواحد يشتري عرباية او شي ممكن يستعمل لاكتر من ولد بس بنظري انه يشتري اواعي لا حرام الا اذا مناسبة جدا مميزة حتى لو الوضع المادي بسمح لانه الاسراف حرام بكل الاديان
    مجرد وجهة نظر الي
  • Review by Resson of باتا
    قبل 8 سنوات
    فعلا ايام زمان كان باتا من اجود المحلات للكنادر الطبية والمريحة بلاردن بس هلا وما ادراك ما هلا محل اقل من عادي جودة سيئة واسعار غالية بس احيانا بتلاقي عنده شغلات شبه طبي انا بنصح بلقبطي للاحذية فش بعده
  • Review by Resson of تومي هيلفيغر
    قبل 8 سنوات
    اذا بدك تلبس شي قليل جدا حد لابسه غيرك وللمميزين فقط جد ماركة معروفة برقيها وجودتها اسعارهم غالية بس الواحد بجد احيانا بيجي بباله يلبس اشياء غير عن الناس الموديلات حلوة وذكريات بتجنن معه :)
  • Review by Resson of جاك اند جونز
    قبل 8 سنوات
    ما بعرف بحسه قمة في الروعة الجودة كتير عالي بس اسعاره غالية نسبيا بس براند مرتبة بنصج الكل يجيب من عندهم خاصة التي شيرتات
Next