Um Rayan Jaber

Um Rayan Jaber

عمان . منذ أغسطس 2011
38 من المراجعات
الأماكن المضافة
1
من وجدوا مراجعتي مفيدة
13
مراجعتي كانت الأولى
1
مراجعاتي
38
صوري
8

مراجعاتي

  • Review by Um Rayan of مؤسسة نور الحسين - معهد العناية بصحة الأسرة
    قبل 4 سنوات
    انا براجع بهاد المركز من 6 سنين وللاسف بدل ما يتقدم عم يرجع لورا... معاملاتهم للاسوأ وبطيئه جدا وصار مرخبط لانه مليان جنسيات مختلفه. .. وكمركز امومة ومطاعيم المفروض توفر غرفة رضاعه عالاقل للامهات المرضعات... بتمنى يرجع زي قبل...
  • Review by Um Rayan of فرانكيز
    قبل 4 سنوات
    رائع جدا الكيك طيب جدا وسعره ممتاز ودايما بحس الكريمة عندهم طازه بس لازم يكبرو المحل شوي... كيكة عيد ميلاد ابني منهم... كانت عشكل سبايدر مان كبيره وسعرها 21 ممتاز جدا... جد بنصح بتجربته
  • Review by Um Rayan of سجاد صيدا
    قبل 4 سنوات
    رائع فعلا زرت معرض شارع الجامعه مرتين وبالمرتين اشتري سجاد لانه صدقا سجادهم روعه وتعاملهم رائع مع الزبائن واسعارهم ممتازه خاصه اذا في تنزيلات لا وبراعوكي وعندهم ميزة خذ السجاده مازبطت معك رجعها وخذ فلوسها.. ممتازين
  • Review by Um Rayan of الدكتورة ماجدة الجلاد
    قبل 5 سنوات
    الي سنتين بروح عند هاي الدكتوره بكل امانه وصدق هي ممتازه وفهمانه بس مغروره بشكل لا يوصف وكشفيتها عاليه جدا ولا تقبل باي تامين كشفيتها 30 اذا اردني ومن جنسيه اخرى 50... وطبعا عالمراجعه الكشفيه مابتقل... دخلت قبل اسبوع ونص المستشفى مارضيت تيجي تشوفني هناك وخلتني اجي عالعياده فقط من اجل الكشفيه... بحجة بدها تتطمن عالبيبي... قبل يومين صار معي قصه متعبه انو عندي فحص نتيجته بتخوف والدكتور كثير خوفني عالجنين وطول واليوم ارن عالعياده وترفض تحويل اي مكالمه الها واخر شي بعد اصرار مني عالسكرتيره حكتلي رني عرقمها الخاص ولما رنيت حكت معي باسلوب مو مريح ولما حكيتلها عن تخويف الدكتور الي عن وضع الجنين اتهمتني اني بجيب الحكي من راسي... وانها مابتفهم الا من طبيب لطبييب وانو لازم ماازعجها مره ثانيه وكان الدكتور مخبرني انو ممكن احتاج صورة طبق محوري وصارت تحكي شو هاد انا مابفهم الا انجليزي... بس يرنو علي اذا رح يولدوكي مبكر...انا لهلا مصدومه من معاملتها... ورحت ثاني يوم عالعياده كانت سافرت وحاطه بنتها بدالها وخليت بنتها تحولني عدكتوره ثانيه... انا لهلا مش قادره اصدق كيف عاملتني بهالاسلوب.
  • Review by Um Rayan of جلنار كافيه
    قبل 6 سنوات
    المكان مرتب وقعدته منيحه بس خدمته جدا جدا بطيئه واكله زاكي...
  • Review by Um Rayan of الدكتور سعيد العزب
    قبل 6 سنوات
    دكتور رائع جدا جدا فهمان ماشاء الله عنه انا باخذ ابني عليه من عمره ايام لهلا تاصار 3 سنين ونص... بنصح الكل يراجع عنده
  • Review by Um Rayan of boulevard abdali
    قبل 6 سنوات
    المكان روعة فيه كافيهات ومطاعم وفيه مشاريع صغيره لناس زي تجارة ملابس او عمل خبز او رسم حنا او قراءة الكف وفي نوافير ومدرج حلو وفي ناس لابسين هلا برمضان سندباد والاميره وفي ناس بمشو ععصاية ... يعني جد شي مرتب فيه فاليه ومواقف... انا لما رحنا كان في دخولية 5 دنانير عالشخص وبعطوك كوبونات بتشتري بقيمة ال5 جوا وبعدها حابب تصرف كمان بتدفع ... المكان جداا نظيف ومرتب والهوا بجنن بما انه شارع ...في رسم عالوجه للاطفال وبناسب كل الناس والفئات العمرية... هو اللي جوا غالي بس بستحق...
  • Review by Um Rayan of عمان مول
    قبل 6 سنوات
    عمان مول حلو بس صغير يغني وقت الازمة مافي راحه ... في سي تاون ومحلات منيحه... وفي مطاعم بس احسن شي فيه مدينة الالعاب رائعه جدا ومسليه هاي اكثر شي حبيته فيه وهي بصراحه سبب زيارتي اله
  • Review by Um Rayan of المختار مول
    قبل 6 سنوات
    مختار مول الحلو فيه محل الادوات المنزليه اسعارهم معقولة وبللقي فيه دايما طلبي... محل الكهربائيات غالي شوي عن بره... والكارفور رائع طبعا ... مختار مول بحسه مناسب اذا رايح تشتري غرص معين مو تقضي وقت
  • Review by Um Rayan of سنتر بوينت
    قبل 6 سنوات
    انا بصراحه بحب سنتر بوينت جدا جدا تعاملهم دايما مغي ممتاز وبضاعتهم روعه ووقت التنزيلات بكون ممتاز ... كل شي موجود فيه للاولاد والكبار وحتى الاحذية ممتازة وفي مكياج واغراض لديكور البيت ... انا بتعامل معه من ايام ماكنت بالامارات ولما فتح هون فرحت جدا ... اسعاره عاليه شوي بس بستاهل وبنصح الكل فيه بشده
  • Review by Um Rayan of مطعم الحمصاني
    قبل 6 سنوات
    كثير زاكي والفلافل عنده رهيب طعمها وسعره ممتاز جدا
  • Review by Um Rayan of شاورما الحناين
    قبل 6 سنوات
    رائع جدا الشاورما عنده زاكية وماشاء الله دايما مليان وخدمتهم ممتازة
  • Review by Um Rayan of زيتونة
    قبل 6 سنوات
    انا عجبني المكان جدا بس استغربت انه فاضي خدمته روعه.. طلبنا مشاوي مع الرز وطلع طعمهازي لية ورجعناها وماحسبوه علينا واعتذرو واقترحو اعادة عمل الصحن بس كنا شبعنا... بس صراحه اكلهم روعه واسعاره بابنسله للمطاعم اللي حواليه اقل...
  • Review by Um Rayan of حديقة صرح الشهيد المرورية
    قبل 6 سنوات
    اليوم اول مره بروح عليها الحديقه جدا مرتبه ونظيفه هي صغيره بس حلوة فيها سيارات للاطفال وفيها العاب عالرمل مراجيح وسحاسيل وفيها ملعب كرة قدم صغير .. ودخوليتها رخيصه 40 قرش والسيارات ب 20 قرش بنصح فيها بشده
  • Review by Um Rayan of مجنون قهوة
    قبل 6 سنوات
    رحنا عليه برمضان بعد الافطار وكان ازمه فاضطرينا نطلع عالطابق الثاني وكنا عائلتين.. وللاسف لقينا شباب وبنات استعفر الله بس فيهم.. وكثير اتضايقنا ونسيو انو موجودين ومااجتنا طلباتنا وبسبب التأخير روحنا من دةن ماحد يعتذر منا...ولا يهتمو كيف انهم قعدونا مع هيك ناس.. مستحيل ارجعله ابدا...
  • Review by Um Rayan of شاورما عربي افرنجي
    قبل 6 سنوات
    المطعم كخدمة واكل سيئين جدا والبطاطا اللي عندهم مقرفه
  • Review by Um Rayan of راس بيروت
    قبل 6 سنوات
    كثير كثير زاكي المحل كثير صغير بس اكله رهيب ةبنصح الكل يجرب مجنونة الجبنه كثير حبيتها وبرضه الفاهيتا جد زاكيه...
  • Review by Um Rayan of ملحمة ومطعم عالية
    قبل 6 سنوات
    كثير طيب .. شاورما اللحمه جد زاكيه ةفي قعده مقبوله
  • Review by Um Rayan of صالون مريم صوان
    قبل 6 سنوات
    رح احكي تجربتي كلها بصراحة. ..رحت عندهم عشان عرس اختي حجزت عالساعه 5 واكدت عليهم اني لازم مااتاخر لانو عندي ولد ولسه بدي اروح البسه بس وصلت لقيتهم مشفولين وماخلصت من عندهم الا عال 7 وثلث ورحت عالصالة متاخره. .. المهم مان في عروستين عندهم طلعو بجننو ومكياجهم وتسريحاتهم حلوة ومختلفه بجننو ماشاء الله والمرفقات طلعو حلوين يس طبعا كلو كان شغل مدام مريم نفسها. .. هلا بالنسبه الي مكياحي كان ثقيل شوي اكثر من مابدي بس برضه حلو بس مش بالضبط زي رغبتي انا.. ركبت عندهم رموش.. تعامل مدام مريم كثير كثير حلو وماشاء الله عنها وشغلها مضمون روحت عالبيت كاني لسه حاطه مكياجي جديد ... دفعت عالمكياج والرموش 50 .. طبعا غالي كثير.. بس تجربه حلوة وممكن اكررها بس رح المره الجاي اعطي رايي بصراحه واحكي شو بدي بالمكياج بالضبط...
  • Review by Um Rayan of مطعم ورد
    قبل 6 سنوات
    مطعم ورد مجرد ديكور .. الاكل عادي جدا في كثير مطاعم اطيب منه وخدمة موظفيه مو حلوة ومابخلوك تقعد عند النافورة الخارجيه الا اذا العدد كبير.. اسعاره غاليه جدا بالنسبه لجوده الاكل... طلبنا صنيتين دجادج مسحب وبطاطا و ستيك لحمه ووقية مشاوي ووجبة اطفال وتبوله وبطاطا حره واجنحة دجاج وارجيله و4 بيبسي طلعت الفاتورة 100 بس لجودة الاكل مابستاهل ايدا هيك سعر .. وبالنسبه الي مارح ارجع اكل عنده. .
  • Review by Um Rayan of أبل بيز
    قبل 6 سنوات
    انا سمعت عنه كثير وماطلع زي ماتخيلته... الاكل زاكي بس مش واو يعني..تعامل الموظفين ممتاز والديكور حلو وحجم الوجبه كبير بس اسعاره غاليه شوي
  • Review by Um Rayan of هارموني
    قبل 6 سنوات
    المطعم جد راقي ومرتب .. بعمل اكلات عالميه ... عندو سلطات وشوربات ومعكرونه وبيتزا و صدور دجاج و ستيك وحلويات .. و الصراحه الاكل طيب والخدمه جيده والموظفين تعاملهم ممتاز... طلبنا سلطه ايطاليه ( ماعجبتنا كثير) واصابع موزاريلا وصدور دجاج بالروزماري و فيتوتشيني يالجمبري وسكوبين بوظه وحلوى البلوندي (رهيبه ) و عصير فراوله وبيبسي طلعت الفاتورة 47 دينار يعني غاليه شوي يالنسبه للاكل زاكي وبسالوك اذا بتحب المقبلات اول وبعدها الوجبات أو كلو مع بعضو ..البوظه طلغو مرخبطين بالطلب فبدلوها رغم انو اكلنا منها ... في العاب للاطفال بمطعم ورد تحت وفي تراس عندهم ... انا حبيته وممكن ارجع ازوره كمان وكمان. .
  • Review by Um Rayan of المحيط للماكولات البحرية واللبنانية
    قبل 7 سنوات
    مطعم فوق الرائع واكله بشهي وقعدته مرتبه واكله بجنن ومنوع الجمبري المقلي عندهم زاكي وبنصح بتجربة سلطة المحيط وصحن شاورما مشكل هدول رهيبين
  • Review by Um Rayan of أزكدنيا
    قبل 7 سنوات
    رائع رائع رائع سواء الاكل او الخدمه او الديكور جد شي بجنن سعره عالي شوي بس بستاهل
  • Review by Um Rayan of شاورما ريم
    قبل 7 سنوات
    الشاورما بتجنن عنده وجد بنصح فيه الجميع وسعره ممتاز خصةصي لما توخذ بالوزن
Next

صور أضفتها

عشاء مميز (فلافل وحمص وفول واحلى كاسة شاي )
بلوندي