Obida Khaleel

Obida Khaleel

عمان . منذ أغسطس 2011
Software Technologist
23 من المراجعات
مراجعتي كانت الأولى
2
مراجعاتي
23

مراجعاتي

  • Review by Obida of مخابز السفراء
    قبل 9 سنوات
    بصراحة جربت عندو المعجنات بس ، بالمرة مش زاكية وتقيلة عالمعدة يعني بصراحة مش مجدية بالمرة ، وما بتستاهل سعرها .
    بشكل عام المكان نظيف ومرتب .
  • Review by Obida of مطعم شلالات أبو زاد
    قبل 9 سنوات
    بصراحة جربتو مرة ، مطعم بيختص بالمشاوي والبروستد والشاورما ، انا جربت عندو البروستد كتير زاكي واكلو محضر بطريقة مرتبة ، المكان نظيف والخدمة جيدة ، الاسعار مش غالي بالمرة مقارنة بالمطاعم اللي زيو .
  • Review by Obida of شاورما الكرم
    قبل 9 سنوات
    الشاورما عندو مقبولة الى جيدة نوعا ما ، وبرضو عندو حمص وفلافل وبطاطا الخ ،،، النظافة جيدة والطلب ما بياخد وقت كتير ، بس لو يكون وعي اكتر عند الموظفين ، مرة خطر عبالي اكل بطاطا وديت الفيشة لعند تاع البطاطا لقيتو حاطلي سندويش فلافل !!!
    الاسعار مش غالي بالمرة
  • Review by Obida of المختار مول
    قبل 9 سنوات
    مركز تسوق قريب من الطابع الشعبي ، بيتواجد فيه اكتر اشي لوازم البيت ، ودايما بيعمل عروض على طول السنة ، فيه عندو طابق للادوات الكهربائية واسعاره كتير منافسة ، بس لازم يكون فيه رقابة اكتر على الشباب المراهقين الصغار لانهم بيعتبروه مكان طياشة الهم ، ولازم يركزوا اكتر على نظافة المول .
  • Review by Obida of مكة مول
    قبل 9 سنوات
    مكة مول معلم من معالم عمان ، المول ضخم كتير وراقي ، بيتواجد فيه كل أصناف محلات الالبسة واكتر الماركات ، بصراحة انا بيعجبني فيه ال (offers)اللي بتعملها المحلات بالمواسم .
    مكان امن للعائلات كمان بيتواجد فيه كتير من (Security) ، وبكل طابق فيه مصفات للسيارات وفيه تقريبا كل المطاعم العالمية وسينما ، مكتن متكامل نوعا ما.
  • Review by Obida of مطعم غيث
    قبل 9 سنوات
    مطعم شعبي مشهور بجبل الحسين :
    حسناته : بتلاقي عندو أصناف كتيرة من المأكولات : طبخات فروج شاورما حمص وفلافل الخ... الاكل عندو زاكي ونظيف والخدمة منيحة نوعا ما ، واسعاره معقولة. سيئاته : جاي على كوربة(زاوية) وغلبة كتير تلاقي مصف للسيارة ، ما عندو مشروبات غازية متل البيبسي او الكولا بس فيه عندو مشروب غازي ما بعرف شو نوعو ما الو طعم .
  • Review by Obida of غلوريا جينز
    قبل 9 سنوات
    أنا جربتو مرة وحدة ولقيت انه :
    حسناته : مكان كتير كبير وهادي والاضاءة فيه حلوة ومريحة ، المشروبات عنده زاكية ، والقعدة عنده مريحة والطاولات بعيدة عن بعض يعني بتاخد راحتك بالحكي وبالقعدة ، وبيزبط شغل دراسة او اجتماعات. سيئاته : غالي شوي ، الانترنت عندهم بطيء كتير بطلع الروح.
  • Review by Obida of بابا جونز
    قبل 9 سنوات
    مرة وحدة طلبنا منو انا وصحابي يالشغل ، بصراحة ما بعرف ليش ماخد كل هالاهتمام والصيت ، البيتزا ما عجبتني بالمرة وبالمقارنة بمطاعم البيتزا التانية ما بيتقارن ، وبالنسبة للبيتزا تاعتو اسعارو غالية .
  • Review by Obida of ماكدونالدز
    قبل 9 سنوات
    ماكدونالدز خيار ممتاز للوجبات السريعة ، القعدة عندو مريحة المكان نظيف والاكل زاكي والطلب بينزل بسرعة ، الاسعار عادية .
  • Review by Obida of نجوم المنتخب العربي للعصير
    قبل 9 سنوات
    مرة خلاني صاحبي اجربو معو ، طبعا ما بتكون عندو الا طلبيتك وبضل عليها ساعة كاملة ، الكوكتيل عندهم حكي فاضي بيشبه كلشي الا الكوكتيل ، والاكل عندهم ما عجبني ومستوى النظافة شوي متدني ، ممكن البطاطا هي الاشي الوحيد اللي منيح عندو .
  • Review by Obida of الطازج
    قبل 9 سنوات
    بصراحة مطعم غني عن التعريف ، تابع لسلسلة مطاعم الطازج ، مكان كتير مرتب ونظيف ، الموظفين تعاملهم كتير منيح وراقي ، الاكل عندو من جاج و رز و بطاطا كتير زاكي ، اسعارو مش غالية كتير بس اغلى من المطاعم اللي متلو . ما الو مصفات خاصة .
  • Review by Obida of مطعم السروات
    قبل 9 سنوات
    مطعم بقدم تشكيلة من المأكولات وعندو أصناف كتيرة من الاكل ، بس بيشتهر بالمشاوي والفروج والشاورما ، واكتر اشي مشهور فيه الشاورما كتير زاكية خاصة بخبز الصمون العراقي .
    الاسعر عادية مش غالي بس الخدمات كتير بطيئة عندهم يعني فرصة تاخد معك ارجيلة وتسحبلك نفس عبل ما تجهز طلبيتك !!! ما فيه مصفات للسيارات وازمة كتير كونو جاي على دوار الواحة.
  • Review by Obida of مطعم شهرزاد الشعبي
    قبل 9 سنوات
    مطعم شعبي بوسط البلد ، بيشتهر بالكفتة والعرايس ، بصراحة عندو الكفتة بطحينة اشي خيالي وبرضو العرايس زاكية عندو ، اشي اكيد انو ما فيه عندو مصفات ، الخدمات عندو بدك تضل تزن على روسهم لانو أزمة كتير بالمحل ، أسعاره كتيير معقولة ومش غالي بالمرة .
  • Review by Obida of لبناني سناك
    قبل 9 سنوات
    مكان كتير هادي ونظيف واكلو كتير زاكي والكوكتيل زاكي كتير ، الخدمات سريعة والتعامل منيح ، الاسعار منيحة واهم شي انو بتاكل من هون وبتطلع تأرجل بالسلطان مباشرة ^_*
  • Review by Obida of كبابجي
    قبل 9 سنوات
    بالنسبة الي بصراحة اما بنطلب ديليفري منو او بناخد وبنطلع ، اكلو زاكي ونظيف ، بس بالنسبة للشباب لا تفكر انك تطلب اقل من وجبة حلبي مشكل حتى تشبع !!! اما بالنسة للبنات بيمشي معكم ايا كلام :p ، مجملا اكل زاكي ونظيف واسعار مش غالية .
  • Review by Obida of مكسيم مول
    قبل 9 سنوات
    مول نوعا ما بيتوفر فيه كل محلات الالبسة لجميع الاعمار ، بس يعني محلات الالبسة النسائية بتطغى شوي على محلات البسة الرجالية O_o وفيه مطاعم ، بس فيه شغلة ما بتعجبني انو فيه مراهقين تصرفاتهم شوي طايشة ، يعني لازم يكون موظفين (Security) اكتر ، وما فيه الا موقف سيارات ورا المول وصعب الناس تندل عليه ويا دوب يوسع 4 سيارات ونص .
  • Review by Obida of سامح مول
    قبل 9 سنوات
    مول بيتوفر فيه كل المواد التموينية تقريبا ، بيعمل عروض كتير مميزة ، بضاعتو كتير نظيفة والخدمات جدا ممتازة ، يعني بنصح كل شخص يجيب كل المواد التموينية من هادا المول ، واحسن عروض السمك ،وعندو قسم خاص للكهربائيات بالطابق التالت ، وعندو مصفات كبيرة بتتسع لعدد كبير من السيارات والاسعار كتير منيحة .
  • Review by Obida of سمارت باي
    قبل 9 سنوات
    مكان متخصص للأجهزة الكهربائية والتقنية ، أي جهاز ممكن تلاقيه هناك ، مرات بيعمل عروض ممتازة ، على ما أعتقد مش كل الاجهزة فعلا بتكون أصلية ، الخدمات عندهم كتير ممتازة والموظفين فعلا فهمانين بالاجهزة وعندهم أسلوب منيح ، فيه قدامو مكان للأصطفاف .
  • Review by Obida of هاشم
    قبل 9 سنوات
    مطعم شعبي بيشتهر بالحمص والفول والفلافل ، خدماتو جيدة نوعا ما ، بنصح انو تجربوا الحمص والفلافل عندو بس ، الفول مش زاكي بالمرة ، الشاي ما بيشبه الشاي اللي بنعرفو بالمرة ، لازم يركزوا على النظافة أكتر شوي،الاسعار عادية مش غالي ، المكان مزدحم ، وكونو بوسط البلد ازا بدك تصف الك الله ممكن تصف بمكان بعيد عن المطعم .
  • Review by Obida of بيتزا القيصر
    قبل 9 سنوات
    هادا الفرع هو اللي دايما بروحو ، طبعا البيتزا خيالية عندهم وخدمتهم ممتازة والسعر منطقي ومش غالي ، ما عندو قعدات والمصفات عندو صعبة شوي .
  • Review by Obida of مستشفى عبد الهادي العام‎
    قبل 9 سنوات
    مستشفى متخصص بأمراض العيون وتشخيصها ، والدي عمل فيه عملية للشبكية والحمدلله نجحت بفضل الله وبفضل الدكتور عبدالهادي ، فيه عندهم باركينغ للاصطفاف وخدماتهم منظمة وعندهم طاقم من الاطباء المحترفين بحالات تشخيص وعلاج العيون .
  • Review by Obida of فارمسي ون
    قبل 9 سنوات
    صيدلية غنية عن التعريف ومعروف انها شركة عالمية ، بيتوفر عندهم جميع أصناف الأدوية ، تعامل راقي جدا ، مكان نظيف وبيئة بتحسسك بالراحة النفسية وانتا جوا الصيدلية ، بالنسبة لفرع شارع الجامعة فيه مكان للاصطفاف قدام الصيدلية .
  • Review by Obida of الدكتور خليل الحمود
    قبل 9 سنوات
    دكتور ماشالله عليه فهمان وخريج ايطاليا ،،، ومعروف عنو كتير شاطر بالحجامة الطبية اللي بتنشط الذاكرة والدم بيستخدم فيها أجهزة خاصة وانشالله ناوي اعملها ،،، بس عيادتو بتلاع العلي حاليا .
  • Review by Obida of بيتزا الريف
    قبل 9 سنوات
    مطعم هادي وكتير رايق مع انو صغير، وشغلو نظيف والبيتزا عالفحم وزاكية وخفيفة عالمعدة ، بنصح بالسلامي والباباروني ، الموظفين محترمين ورايقين ،والخدمات عندهم جيدة وأسعاره معقولة .
  • Review by Obida of دي سيلفا
    قبل 9 سنوات
    انعزمت مرة فيه كتير روعة المكان وأكلو كتير زاكي وقعداتو كتير رايقة،والخدمات فيه كتير سريعة وممتازة
Next