rasha halah

rasha halah

عمان . منذ أغسطس 2011
...............
199 من المراجعات
الأماكن المضافة
37
مراجعاتي
199
أماكن فضّلتها
25

مراجعاتي

  • Review by rasha of كراج امجد الحلح
    قبل 9 سنوات
    كراج امجد الحلح لتجليس ودهان جميع انواع السيارت بالفرن الحراري ما بتخصصوا بشي محدد
    معاملتهم مرنبة وزوق انا عملت بوليش لسيارتي عندهم ورجعتي كأنها جديدة وما بيطولوا وبياخدوا وقت كتير اسعارهم منيحة
  • Review by rasha of ميزان روبين
    قبل 9 سنوات
    مركز للصيانا السيارات اي نوع من السيارات ما في نوع محدد
    كتير تعاملهم زوق ومرتب اسعارهم كتير بسيطة ومو مكلفة بس كتتير بكون عندهم ازمة لانهم ماشاء الله شغلهم منيح وعندهم ميزان للسيارة بيعطوك شو فيها اشياء محتاجة للتصليح وكمان فيك تصلحها عندهم
  • Review by rasha of محطة توتال
    قبل 9 سنوات
    انا هادي الكازية دايما بعبي من عندها
    عندهم مجموعة واسعة من السيارات مو سيارة وسيارتين وبتصير عجئة لا عندهم مواقف كتير العاملين فيها كتير زوق ومحترمين وجهم بضحك بشوش انا بصراحة بحب اعبي من عندهم خلص بحس البنزين من عندهم مو مغشوش وكمان بحب اعبي من عندهم لاني بستخدم بطاقة الصراف الالي وهيك بريحوني كتير وهادي الخدمة مو متوفرة في كل الكازيات وفي بنفس الكازية مشحمة وفي سوبر ماركت وفي مطعم كمان وعشان الاسعار طبعا اسعار البنزين وين مكان واحد ما في اختلاف
  • Review by rasha of مركز البركة لتعليم قيادة السيارات
    قبل 9 سنوات
    انا هادا المركز تدربته عندو سواقة و كانت معاملتهم ممتازة معي وكانو كتير ذوق لدرجة انو انا غيرت 3 مدربين سواقة وما كان عندهم اعتراض انا غيرتهم لانو انا ما كنت مرتاحة كتير معهم بس مو لانهم مو شاطرين
    لدرجة انو مدير المركز نفسه صار يعطين حصص وبعدين كملت مع مدرب اسمو نائل كان كتير منيح وزوق وبيعطيك المعلومة بشكل حلو عشان ضلها راسخة بعقلك كانو ما يتأخرو بالمواعيد بالعكس انا الي كنت اتأخر واذا كنت محتاج للدروس نظري بيعطو دورات بنفس المركز وعشان اسعار الحصص نفسهم نفس المراكز التانية وانا كتير نصحت ناس يدربوا عنده لانو عنجد خلاني سواقة شاطرة :) المركز عنوانه سهل ما بتوه في تلاع العلي عند التصفيات
  • Review by rasha of جي بي سي كافيه
    قبل 9 سنوات
    بصراحة قد ما سمعت عنو كان جاي عبالي ازروه
    حبيت في انو كتير واسع والطاولات بعاد عن بعض الخدمة كانت جيدة جدا بالنسبة لعدد الموجودين ( الي كانوا كتار ) نظافة جيدة بس عندي عليه ملاحظات لازم ينتبوهلها هلا اول شي ريحة الكافيه كانت كلها زيت طالع من المكان الي بعملو في الاكل لدرجة اني لما طلعت من الكافيه كان كل ريحتي زيت وهادا شي مو حلوا ابدا يعني لازم يزيدوا عدد الشفاطات عند مكان الاكل تاني شي المصفات برأي انها كتير قليل وغير كافيه
  • Review by rasha of صالة روتانا للاحتفالات
    قبل 9 سنوات
    الصالة مرتبة بس صغيرة يعني بحسها مناسبة لحفلة خطوبة او حفلات تانية متل تخرج اكتر من عرس
    لانو مساحتها صغير الموظفين كانو جيدين البيست مرتب واللوج بطريقة حلوة والاضاءة مناسبة بس في عندي ملاحظة انو كان صوت سامعات كتير عالي وبيعطي ضجة لانو مساحتها صغيرة فلازم يدققوا على هاي النقطة بس
  • Review by rasha of بيغ بويز
    قبل 9 سنوات
    اليوم كان غداي من عندو طلبت وجبة سكالوب
    وكانت كتير طيبة حبيت طريقة ترتيب الوجبة والمخللات مو دبلانة وصرلها 100 سنة وطريقة السلطة طيبة حاطين عليها صوص طيب النظافة جيدة الخدمة جيدة ما في مشروبات روحية الاسعار كتيير منيحة حسيتها ققل من اسعار المطاعم التانية
  • Review by rasha of مقهى ومطعم كهف النجوم
    قبل 9 سنوات
    الكافيه مرتب والشي الي بميزه انو قعدته على الشارع
    كانت الخدمة نوعا ما جيدة وخصوصا اني رحتو بالعيد وكان عجأ عندو طلبته عندو ميلك شيك شوكلت وارجيلة كانو طيبين بس في عندي ملاحظتين عليه اول وحدة انو الطاولات كتير قريبين على بعض يعني الواحد ما بيعرف يتحرك ابدا واذا بدو يطلع بدو يقوم كل الي على الطاولة عشان يقوم وكمان في شغلة تانية لاحظتها انو بس تجيك الفاتورة ما بتجيك فاتورة وحدة بكل الي طلبته لا بجيك اكتر من فاتورة بكل طلب وهادا شي انا ما حبيتو
  • Review by rasha of مخابز الشهباء
    قبل 9 سنوات
    مخبز بعطي تقييم جيد
    مساحة المخبز واسعة النظافة جيدة الخدمة جيدة الخبز عندو طيب و طري وما بيبس بسرعة والكعك كمان بتلاقي عندو اشكال كتير من الكعك والاشي الي بحبو عند انو كل ما اروح اشتري بلاقي بعمل نوع جديد من الحلو وبكون طيب كمان وفي عند كيك وبيتفور تشكيلة كبيرة وكمان في عند بوظة اسعاره مناسبة جدا في اماكن للاصطفاف
  • Review by rasha of سوبر ماركت المبتسم
    قبل 9 سنوات
    سوبرماركت كتير كبير بتلاقي كل شي بلزمك في
    زي مول صغير بتحتار شو بدك تشتري من عندو اصحاب السوبر محترمين والبسمة ما بتفارقهم في عنده اماكن اصطفاف
  • Review by rasha of ستار دوناتس
    قبل 9 سنوات
    بذكرني بأيام الجامعة
    قعدته كتير حلوة وكبير بس مع انو كبير بايام دوام الجامعة بتلاقي عندو ضغط واوقات بتستنى طاولة عشان تقعد خدمة بعطيها تقييم جيد النظافة جيد جدا الدونتس عندو طيب بكون طري عشان مصفات السيارة صعب انك تصف جنب المحل لانو شارع الجامعة دايما ازمة وخصوصا عندو اسعاره عادية جدا وبتلاءم الجميع
  • Review by rasha of أبو سنينة للتمور
    قبل 9 سنوات
    عند تنوع كتير في التمور الاردني والاماراتي والسعودي وعراقي واكتر كمان
    التمور عندو من نوع الفاخر هو نفس المحل بوزع للمحلات في عندو بكون التمر المحشي مثلا كاشو او فستق حلبي وكتير طيب النظافة جيدة جدا الخدمة جيدة جدا الاسعار عندو متوسطة مصفات السيارة فيها غلبة رح تكون لانو موقعة بوادي الرمم والمنطقة هناك كتير ازمة
  • Review by rasha of الاخوين للسياحه و السفر
    قبل 9 سنوات
    انا جربت معهم رحلة داخلية لوادي رم
    كانت الرحلة حلوة الباصات مريحة نفس مو مكتوب بالعرض الي عندهم عملولنا يعني كان في مصداقية الموظفين كتير بشوشين وبنصحوك بشو احلى بعملو عروض اوقات كتير بتن مناسبة لجميع فئات المجتمع يعني ما بدها مبالغ كبيرة بنصحكم تجروه
  • Review by rasha of فرندز كيك
    قبل 9 سنوات
    مرة جبنا من عندو كيكة كنا موصيين عليا لعيد ميلاد وكانت كتير طيبة
    وبعملوها زي ما بدك تمام وكانت طرية وفريش وعندهم اشكال كتير حلوة وغريبة لاشكال كيك وكمان عندهم بنفس المحل زينة لاعياد الميلاد وشمع الاسعار عندهم متوسطة النظافة والخدمة ممتازة
  • Review by rasha of اوتا تاون
    قبل 9 سنوات
    الكافيه كتير حلو ومرتب بمتاز بتنوع القعدات يعني في قعدة خارجية وبكون فيها ناورة وخضار وبالمسا الاضواء كتير حلوة
    وفي قعدة داخليه بطل على القعدة الخارجية كمان حلوة وفي قعدة داخل الكافيه نفسه قعدته رايقة وهادية وبعيدة عن الضجة الموظفين كتير حبابين وبعاملوك بطريقة كتير حلوة وكأنهم بعرفوك دايما بقدمولك مع طلبك ضيافة وهي عبارة عن شيبس وصوص معاه وجزر وهيك الارجيلة عندهم طيبة في مواقف للسيارات اسعاره متوسطة انا بنصح تجربوه
  • Review by rasha of مطعم و مقهى الشرقي
    قبل 9 سنوات
    قعدته بالمسا بتجنن جد روعة اطلالته بتاخد العقل بطل على جبال فاضية وكلها اضواء يعني منظر بياخد عقل
    وصيف وشتا الجو براد وبشتا ما بتقدر تقعد في اكيد لانو بالضيف وبكون برد بيعطوك المظفين من عندهم زي عبايات تنظيم القعدة حلو والطاولات بعاد عن بعض الخدمة جيدة جدا والظافة جيدة جدا انا بصراحة ما جربت الاكل عندهم بس جربت الارجيلة وكانت طيبة وكمان جربنا البوظة كمان كانت عادية يعني الاسعار متوسطة في خدمة اصطفاف سيارات بس المنظر والاطلالة بستاهل انو الواحد يجلربه ويزوره
  • Review by rasha of الرصاصي للادوات المنزلية
    قبل 9 سنوات
    محل ادوات منزلية بضم جميع ادوات المطيخ واي شي بحتاجه المطبخ ، عندو تحف وهدايا
    واوقت بكون عندو شنتات ستاتي كمان وكراسي وطاولات بلاستيكية الخدمة جيدة الاسعار عادية جدا مو غالية في مواقف للسيارات
  • Review by rasha of كوشنز لاونج
    قبل 9 سنوات
    مبارح كانت اول مرة بقعد في الكافيه وكتير عجبتني قعدته وانبسطت في وخصوصا اني كنت مع جروب جيران الي كتير ببسطوا بالقعدة
    ديكوره عجبني وتنظيم القعدة في كمان حلوة في قعدة خراج الكافيه وداخلة والتنتين حلوين الوانه الكافيه كمان مرتبة ومو معجئة في اطلاله حلوة في الاضاءة في حلوة كمان استبقولنا الموظفين بشكل حلو الخدمة كانت جيدة بس زي ما قالو الجيران كانو شوي معجوئين لانوا كان في عدد كبير نظافة ما في عليها تعليق لانو ممتازة في شغلة انا انتبهت عليها وحبيتها يعني اول مرة بلاحظها هلأ على باب التواليت (تواليت البنات راسمين عليه زي حذاء ستاتي مو زي المفروض انو شكل بنت وهاد تغيير حلو في خدمة اصطفاف للسيارات انا بنصحكم تجربوا
  • Review by rasha of جيران
    قبل 9 سنوات
    جيران موقع كتير رائع برأي
    بتحلك الفرصة بأنو تعبر عن رأيك بحرية بأي مكان بعمان وبتحلنا كمان الفرصة انو نتعرف على اماكن مرتبة وحلوة في عمان وممكن نستفيد منو كمان شخصيا لمعرفة كفاءة دكتور معين او مركز معين من خلال تجارب جيران الشخصية عندو وممكن نتعرف على نا جداد كمان وحبيت شغلى كتير حلوة انو بضم جميع مناطق عمان وضواحيها متل انا ساكنة بمنطقة المنارة واي حدا بقوله عنها بقولي وين هاي بجيران لقيتها وهادا دليل على الشمول وكمان انا لاحظت شغلى في جيران انو اغلب الي بشتغلو فيها وحتى يمكن المدراء شباب وهادا شي كتير حلو بيعطينا دافع انو احنا الشباب بيطلع منا اشياء حلوة وابداعات وانا هون بدي اعطي تقييم فوق الخيال لانو بستاهل عمل شي جديد ضم اكتر من شغلة بموقع واحد ( تعارف، ثقافة ، دليل واكتر كمان انا بتمنالكم التوفيق من كل قلبي يا جيران :)
  • Review by rasha of يارا هوم
    قبل 9 سنوات
    محل ادوات منزلية
    عندو تشكيلة كبيرةدو واسعة ومتنوعة وجميلة من التحف والهدايا والمناظر الي كتير حلوة وكمان عندو ادوات كهربائية خفيفة متل مراوح ، مكاوي وعندو بلاستيكيات متل كراسي وطاولات الاسعار عادية جدا الخدمة ممتازة يوجد مصفات
  • Review by rasha of ماك
    قبل 9 سنوات
    ماركة معروفة جدا
    وانا شخصيا استخدمت من عندهم كريم اساس الي حبيتو عندهم انو بيعطيكي لون بشرتك وما بحور وكتير مبين والوان الورج والمناكير عندهم كتير حلوة وفيها تنويع كمان والوان روج بضل لوقت طويل العاملين هناك كتير ذوق وبكون عندهم خبرة بالمكياج يعني بقدروا ينصحوكي بالشي المناسب لالك اسعاره بالنسبة لجودة المنتج بتستاهل بنصح كل الصبايا يستخدموا من عندو
  • Review by rasha of ارامكس
    قبل 9 سنوات
    شركة ارامكس انا بضمن شغلي بتعامل معها يومي لانو بشغلنا بنبعت طرود يومية للاعضاء عنا
    الموظفين الي عندها جدا محترمين وذوق وحتى المندوبين الي بيوصلوا الطلبيات ذوق بس ما بيخلى الامر من موفين جداد ما بيعرفوا نظام شغل اوقات بيعملو خربطة شوي بوصلوا الطلبيات باوقاتها باغلب الاحيان بس زي ما قلت اوقات بكون في موظفين جداد بعلوا خربط وما بوصلوها على وقت المحاسبة في شركة جيدة نوعا ما بس كمان اوقات بصير في تأخير بالتحصيل ممكن لانو ما في عدد كافي من المحاسبين لشركة كبيرة خدمة العملاء معاملتهم جيدة واوقات بطولوا بالهم اذا الزبون الي بتعامل معهم عصب او نرفذ بحاولوا يمتصوا غضبوا وهادا شي جيد بالنسبة للاسعار متوسطة
  • Review by rasha of كيتشينت
    قبل 9 سنوات
    امبارح وزعوا عنا بالشركة برشور لالهم وبصراحة تصميم البرشور عجبني ، وبالصدفة كان مكان اليوم في جيران مطبخي فتت عليه وقرأت نصائح الي كاتبينها الجيران منهم حبوا ومنهم عندهم انتقادات ، فرحت عملت حوار على اساس اشوف ناس جربوه
    وكمان نفس الشي ناسا أيدت وناس لا انا اليوم جربتو بنفسي وطلبت من عندهم وجبة اسمها بيف استراغانوف وكانت كتير طيبو وبتوصلك طازة وسخنة كمان ومطبوخة بطريقة صحية كتير وبتشهي وفي الي كمان صاحبة وصت من عندو اسكالوب دجاج مع الفطر كان طيب وطري والو نكهة خاصة ما بتأخروا عليك ليوصلوا الطلب ابدا اسعاره انا ما حسيتها غالية بالعكس عادية بالنسبة لوجبة صحية وطيبة وبنكهة خاصة وبتوصل لعندك كتير قائمته متنوعة وفي اشيا غريبة وعالفكرة عندهم اشنراكات شهرية يعني للموظفين الي بكونوا قاعدين على مكتبهم وهف على بالهم شي اكلة زاكية فورا اطلبوها من مطبخي مطبخك الي بيوصلك وين ما تكون :)
  • Review by rasha of مستشفى البشير
    قبل 9 سنوات
    مشتشفلى ابشير من أسوأ المستشفيات بعمالن وابدا ما بنصح حدا يروح عليه
    فعلا هو مسلخ بشري لا نظافة لا خدمة لا تعامل جيد مع المرض لا تنظيم انا ما شفت شي في منيح ، حتى تشخيص المرض عندهم بالمرا مرة كنت تعبانة ورحت عندهم بعد ما فحني الدكتور واخدت تحاليل كمان قال بقلي شو عندك حرارة ونازلين لوزك وانا كنت تعبانة كتير وبعد ما رحت عند دكتور خاص طلع معي التهاب كلوي حاد ، فشو هالمستشفى
  • Review by rasha of افون لمواد التجميل
    قبل 9 سنوات
    وكمان نسيت اضيف على نصيحتي انو ممكن اي حدا يعمل اشتراك مع افون وما بكلفة الا 5 دنانير بس طول حياة
    وببلش ياخد خصم 25 % على اي منتج بشتري من افون من مكياجات عطور كريمات للبشرة وتقدم العمر واقيات للشمس شامبوهات كريمات العناية بالقدم ، فراشي واكسسورات وكمان بصير عروض كل فترة ممكن يوصل الخصم لاكتر من 70% والاعضاء بستفيدو منو وغير خبيرة البشرة الي بتنصح اي زبونة عن الكريمات الي بتناسب بشرتها وبتعطيها نتيجة فعالة لكل الي حابب يعرف عن افون اكتر يدخل هون http://www.facebook.com/AVON.JORDAN
Next

أماكن أفضلها