رشيد العابد

رشيد العابد

الرياض . منذ أغسطس 2011
18 من المراجعات
مراجعتي كانت الأولى
2
مراجعاتي
18

مراجعاتي

  • Review by رشيد of حديقة الامير هاشم للطيور
    قبل 9 سنوات
    انا اخذت اولادي على الحديقة من فترة والله على شوفنا دخيل الله شو كم الوسخ الى شوفنا فيها الواحد بدو ياخد معاه عامل علشان ينظف مكان علشان الواحد يقعد المهم دخلنا بدي العب الاولاد الله على الالعاب ماشاء الله اشي بيفتح النفس كلها مكسرة والاحلى من هيك انك بتلاقي اولاد اكبر منى عم بيلعبو على الالعاب وبشكل تخريبي ليش ما بعرف وين الحراس عن الموضوع ما بيشوفوهم وهمي عم بيلعبو بالالعاب المخصصة للاطفال المهم اغلب العاب متكسرة والتراب الى على الارض صاير فيه حفر الولد بينزل فيها بدو مين يطلعو من الحفرة المهم قعدنا على الكراسي الى كل واحد بدو كرسي جديد علشان يصير صالح للاستعمال البشري ولما بدك تاكل شي ما في غير كشك صغير الله كل شي فيه بس شو والله لو انو فاتح بالبركة مول مهو هيك الاسعار فوق السماء والعصافير ماشاء الله بدها حديقة غير هاي الحديقة علشان تعيش فيها الاقفاص كلها اوساخ وما فيها شي نظيف ولا في حدا بيراعيهم والاحلى بركة البط الله بتشم ريحة النتانة من بره من حسن النظافة الى فيها لو انهم يراعو النظافة شوي فيها ويصلحو الالعاب احسن وكمان لو يحطو مطعم للوجبات الخفيفة بدك ما ياخدو نص دينار او عشر قروش لا ياخدو دينار والله ويحسنو الخدمة واما تقيمي الها فهو
    النظافة 0/10 التعامل 5/10 التنظيم 7/10 الاسعار 10/10 انصح بالعمل على تحسينها علشان الواحد يستمتع بالزيارة
  • Review by رشيد of منتزه السلام
    قبل 9 سنوات
    من اروع واجمل وارقي المنتزهات الى انا زورتها شوفت فيه اشياء وتصاميم بصراحة انا زوت دول اجنبية كتير ما لقيت زي هذا المنتزة من ناحية التصميم وكمان البحيرة الى موجودة فيه اشي يصعب اللسان عن وصفة المهم لما دخلنا على المنتزه صرت مش عارف امشي وين واسيب وين من شدة جماله المهم رحت على منطقت الالعاب لقيتها كلها مراعة شروط السلامة للاطفال الارض مفروشة تراب وانجيل لمراعات الاطفال سلامتهم وبعدين في اماكن مخصصة للجلوس بكل راحة وخصوصية للعائلة
    والاروع من هيك وجود عاملين النظافة على مدار الساعة بس الله يهدي الناس من جمال المنظر بشوهو بالاوساخ وبعدين وجود المرافق برضو ملاحقينها اول باول بالنظافة والمطهرات . ويوجد قسم تسوق بسيط بس رائع بيوفي بالغرض فيه شوية العاب وكانتين بسيط فيه شيبسات وعصائر وكل الاشياء البسيطة والمهمة وكمان منظر النخل العالي اشي بعقد انا بصراحة كتير حبيت ان اروح عليه والاسعار مش غالية الدخوليه 5 ريال انا بوجهة نظري بيستاهل اكتر من هيك على الخدمات الى موجودة فيه وكمان في قسم للمطاعم اي نوع اكل ممكن انك تلاقي هناك انا انصح فيه وبقيمة بي الخدمات 10/10 النظافة 10/10 الاسعار 10/10 المنظرالعام 100000/1000000 وبستاهل اكثر من هيك انا بصراحة قرات عنو وحبيت اضيفها الكم من جوجل (يقع منتزه سلام بمحاذاة منطقة قصر الحكم في الجهة الجنوبية حيث يحده طريق الملك فهد من الغرب وشارع طارق بن زياد من الشمال وشارع سلام من الشرق وشارع عسير من الجنوب ، وذلك في مساحة تبلغ 312 ألف متر مربع. وأقيم هذا المنتزه على أرض مزرعة سلام الشهيرة التي نزعت ملكيتها منذ مدة طويلة، لتضم إلى مرافق المدينة العامة واشتهرت بجودة نخيلها،وكانت ملكاً خاصاً أنشئ فيها قصر سكني وعدد من المباني الخدمية ومسجد يتجاوز عمره الآن سبعين عاماً. ونظراً للموقع الإستراتيجي لتلك المزرعة ولحاجة وسط المدينة للحدائق والمناطق المفتوحة والمسطحات الخضراء, والكثافة السكانية والعمرانية في المنطقة، فقد تقرر منذ وقت مبكر نزع ملكية المزرعة تمهيداً لتحويلها إلى منتزه عام يخدم سكان المدينة مكونات المنتزه ويتكون مشروع منتزه سلام من بيئات مختلفة تشمل منطقة المزرعة التي تقع في الجزء الشمالي من المتنزه وتشتمل على ما تبقى من مزرعة النخيل،بالإضافة إلى أشجار النخيل الإضافية التي يصل عددها لألف نخلة وتقدم هذه المنطقة نموذجاً للمزرعة التقل
  • Review by رشيد of بريكفست تو بريكفست
    قبل 9 سنوات
    بذكر اني مرة كنت مستعجل وبدي الحق اجتمع ونزلت من غير فطور من البيت ولما سالت حكولي ان الاجتماع اتاخر ساعة دورت على مكان افطر فيه لقيت بريكفست تو بريكفست دخلت على المحل الله وفعلا اخذت القائمة وصرت محتار ايش اطلب من شدة تنوع القائمة الى عندهم المهم طلبت من عندهم كروسان زعتر وجبنة وكمان طلبت ابل باي اشي كتير زاكي وكمان طلبت قهوة من شدة زكاوت القهوة طلبت كمان مرة المهم المحل عجبني من طريقة الديكورات الى عاملينها فيه اشي عن جد بيفتح النفس على فطور صبح والقعدة جدا هادية ومريحة واحلى شي عندهم العاملين او الموظفين الله على رقي باسلوب التعامل وطريقة التقديم عن جد كلها فن ورقي بعد هيك النظافة بالمحل جدا روعة الطلب الفاضي بسرعة بيجي الجارسون وبيشيل الطلب وبيمسح الطاولة بحرفيه رائعة وبعدين لما بتطلب طلب بسرعة بيجيبلك ياه ما في تاخير وكمان الاسعار مش غالية كتير رخيصة ومنيحة انا بنصح فيهم بعطيهم الاسعار10/10
    النظافة 10/10 التنوع بالقائمة 10/10 الديكورات 10/10 انصح فيهم
  • Review by رشيد of قزاز
    قبل 9 سنوات
    انا اشتريت من عندهم طقم عطور رجالى وظقم عطور نسائي وفعلا كانو من احسن واروع العطور الى اشتريتها كانت من عندهم بس بصراحة من اول ما دخلت كان الاستقبال من باب المحل شي رائع كلهم زوق وادب بطريقة الاستقبال ولما بتدخل بيجى الموظف وبسال عن طلبك علشان يساعدك وفعلا انا طلبت منهم يفرجوني اطقم العطور الرجاليه وانا شوفت كل الانواع الى عندهم وفعلا شوفت كل العطور الحديثة والماركات العالمية الى عندهم وفعلا اخدت من عندهم طقم وكمان وراني اطقم النسائي وكانت كلها ماركات عالمية رائعة وعرفت عنهم كل عطر جديد لازم يكون عندهم وبعدين لما طلبت اطقم الاقلام مع دبوس ربطة العنق والازرار تاعت القميص الله على الموديلات الى شوفتها شئ رائع جدا وبعدين النظافة ياعينى عليها ما لقيت ولا محل بجمال ونظافة هذا المحل لا توصف عن جد خيالية بس بصراحة الاسعار كتير غالية انا دفعت وانا مبسوط كتير لاني حسيت اني دفعت المصاري على شي بيستاهل وسعرو فيه وبعد بفترة رجعت للمحل وشتريت من عندهم هدايا وكانت من ارقى الهدايا الى اشتريتها اشتريت من عندهم شنطات ستاتي اشي راقي جدا مع علب مكياج من ارقى الماركات العالمية الى تجنن بعدين بس تدخل على الحل بصراحة تحتار تشوف ايش وتخلي ايش كله مرتب ومنظم والاروع من هيك عندهم عروض كتير حلوة انا بعطيهم
    على النظافة 10/10 الاسعار 4/10 التعامل 10/10 الديكورات 10/10 انصح بالتجربة
  • Review by رشيد of الرومانسية
    قبل 9 سنوات
    هذا المطعم من اشهر المطاعم في الرياض مرة عزمنى عليه صاحب لي على خروف وطبعا كان معانا شباب ثانين المهم دخلنا على المطعم والله على الاستقبال من باب المطعم كان شي رائع كلهم قمة بالذوق والاحترام وعندهم اسلوب يجنن بالترحيب بالزبائن وبعدين بيدخلوك على الصالة جوة وكل الديكورات الى موجودة بالمحل فعلا شي متعوب عليه جدا وكلها مكيفة وجوها جدا مريح والكراسي الى عندهم كمان كويسة والقائمة تاعت الاكل جدا متنوعة وطبعا متنوعة وكلها بالاكلات السعودية الذيذة ورائعة زي الكبسة والمظغوط وكل الاكل زاكي الى عندهم انا بصراحة كتير حبيت الاكل الى عندهم وكمان بيقدمو المقبلات الى زي السلاطات الخضراء والسلطة الناعمة الحراقة الله على طعمتها شو زاكية وبعدين الخدمة عندهم سريعة ومريحة جدا المهم دخلنا وطلبنا والله على الخروف كيف جابوة اشي صعب الواحد يوصفة خروف محمر بطريقة بتخليك دوخ من قبل الاكل ومربوط فوق الرز شي روعة وعليه زينة انا بصراحة حبيت شكلها بس طعمها لا مش بزيادة بصراحة المهم بدينا ناكل وكنت بصراحة ما كان الى نفس اشبع من شدة ما الاكل كتير زاكي وبشهي وطبعا كانت طاولة مليانة من المشروبات والعصاير والمية والفواكة والبن الشرب والبن الزبادي الى طعمهم رائع وبعد ما خلصنا اكل اجى الجارسون وقدملنا القهوه والتمر وبعد كذا جاى وقدملنا الحلوى زين انا بصراحة حبيت الاكل عندهم ا ما الديكورات مثل ما حكيت اول اشي بيجنن اما النظافة فاحلى شي بالموضوع صعب تلاقي شي وسخ او اروع شي انو كل شي مرتب ومنسق بطريقة رائعة بالمحل والعاملين اشي غير من ناحية الترتيب الاستقبال الذوق بالتعامل اما الاسعار فانا واثق انا شوي غاليه لاني شوفت الفاتورة طلغت غالية بس بصراحة على الخدمة الى بقدموها ول الله بيستاهلو اكتر
    على الخدمة على جودت الاكل على كل شي والله انا بقيمهم الاكل 10/10 النظافة 10/10 التعامل العاملين 10/10 خدمة الاصطفاف 5/10 متعب جدا انك تلاقي مصف على الباب لازم يوسعوه شوي خلى الواحد يقدر ياخد راحتو بالوقوف الاسعار 4/10 وانصح الكل بالتجربة واكيد راح تدعولو
  • Review by رشيد of مخابز جواد
    قبل 9 سنوات
    على فكرة صار بعمان مخابز كتير مشهورة بس بظل هادا المخبز الو عز غير شكل كل انواع الخبز موجودة عندهم والاهم من هيك الحلويات المميزة عندهم انا بتذكر اول مرة ذوقت الخبز عندهم الله على الطعم اشي خيالي المهم دورت على موقع المخابز ورحت عليه وياعيني على بعد الى هي فيه كتير بعيدى عن موقع بيتي المهم لما وصلت هناك دخلت عليه بصراحة كان اشياء كتير من المونتجات الى عاملها منها المالح والحلو والخبز بجميع انواعة وكمان كان عامل اشياء للحمية والاروع من هيك عندو الحلويات اشي كتير زاكي وكلها طازجة وبتجنن وبعد هيك جربت من عندهم وبعد هيك طلعت من المخبز وبعديها بفترة رجعت كمان مرة عليه لقيتو مغير بالديكورات وكامل ديكورات جديدة بصراحة ملفتة لنظر وبعدين الترتيب الى فيه المخابز غير المرة الاولى الى وزتو فيها ترتيب الموالح وترتيب كعك الشاي كل نوع مرتب بطريقة بتجنن وملفتة لنظر والنظافة اشي خيالى بتجنن وواضحة جدا النظافة بالمخبز وبعدين العاملين بالزي الموحد والنظافة الشخصية وكل شي تمام عندهم والاسعار جدا مناسبة وكتير مريحة مش غاليه بالمرة انا بصراحة حبيت التعامل معاهم بس المشلكة بعد المخابز عني انا ساكن بمكان بعيد عن هذا المخابز ياريت لو لها فرع تاني انا بقيمة
    النظافة 10/10 العاملين 10/10 الديكورات 10/10 انصح بالتجربة
  • Review by رشيد of الكوخ القديم
    قبل 9 سنوات
    انا هادا المطعم جربتو لما كنت بالرياض مطعم رائع احلى شي لما بتشوف المطعم من بره ما تتوقع الى تشوفو من جوه شي خرافي من برة ماشي حالو خلو بس من ما تدخل من باب المطعم الله على شي الى بتشوفو من ديكورات من الخشب الرائع وبعدين طريقة وضع الطاولات شي خيالي كتير من دقت الترتيب والنظافة حدث ولا حرج وما شاء الله عليهم ريحة النظافة من الباب تشمها والاروع من هيك طريقة الاستقبال على باب المطعم اشي خيال كلها ذوق وادب والاهم من هيك طريقة التقديم الى يقدمون فيها تحتار ايش بدك تختار من الاصناف الى موجودة عندهم من البروستد والدجاج المدخن والسندويشات المتنوعة الى كلها فوائد رائعة وصجي 100*100 وكمان تنوع السلاطات اشي بيجنن انا لما دخلت انا وصحابي على المطعم استقبلنا من الباب وبدا بترحيب ودلنا على الطاولة الى بدنا نجلس عليها وفعلا قعدنا واجى الجارسون واعطانا المنيو واستنى علينا شوي ورجع انا بصراحة طلبت سندويش الدجاج المدخن مع السلاطات الى تنعمل كلها طازجة ولذيذة وكمان بيحطو مقبلات ومخللات اشي روعة وبعد هيك ما بتلحق تتطلب طلب الى بيكون واصل و اجود انواع العصير انا جربتها كانت من اروع العصائر كلها طبيعية وبتجنن انا بنصح بالتجربة لا الاسعار جدا معقولة ومقبولة وكمان انا اقيم المكان
    التعامل10/10 النظافة 10/10 الاستقبال 10/10 التجربة خير برهان
  • Review by رشيد of سامح مول
    قبل 9 سنوات
    انا مبارح كانت اول زيارة الى سامح مول كنت دائما اسمع عن الاسعار المناسفة الى عنده وفعلا لمست هذا الموضوع على الارض الواقع المهم خبرني صديقي انو عام لعرض على زيت القلي ورحت انا والعائلة على المول فعلا كان عام لعروض جدا مميزة على الزيت وعلى الارز والسكر والتونا والاسعار اقل بكتير من المحلات التانية المول كتير نظيف بصراحة بس قسم الخضار للاسف زي العدم الخضار كتير ذبلانة وسيئة والقسم كولو بشكل عام مو منيح انا ما تشجعت اشتري من عندهم شي من الخضار وبعدين الاغراض كتير والمول بصراحة صغير كتير يعني البضائع الى فيه اكثر من استوعاب المحل وبعدين ما فيه ترتيب وتنظيم كول الاغراض مو جنب بعضها ما بتعرف الى الارز وين والشاي وين والادوات المنزلية وين
    المهم طلعنا فوق الله اكبر المواد التنظيف ساعة وانت بدور على الغرض الى بدك ياه المهم خلصنا بعد جهد جهيد وتعب وانت بدورعلى الاغراض الى بدك ياها بس برجع بحكي انو الاسعار بصراحة ارخص من اي مول تاني المهم وصلنا للكاش اعوذ بالله من الى عم بيحاسب معصب ليش ما بعرف غيرنا ورحنا عند واحد تاني وهو عم بحاسب حكالنا انو على الزيت في كيس سكر ورجعنا على مكان الزيت علشان ناخذ السكر الله ما عرفنا وين السكر المهم ساعة وانت بدور على الموظف المسؤول عن الموضوع وبنهاية لاقينا واحد عم بكنس حكالنا اه هذا الكرتون الى مرمي على الارض مدعوس عليه مية مرة ما بتعرف ليش قعدنا ندورعلى كيس سكر واحد مش ممزوع علشان نعرف نحملة المهم خلصنا قصتنا مع السكر والزيت وروحنا وهذا تقيمي للسامح مول الاسعار 10/10 النظافة 9/10 الترتيب والديكورات 6/10 العاملين 5/10 والتجربة اكبر برهان
  • Review by رشيد of أرامكس
    قبل 9 سنوات
    انا بصراحة كتير جربتهم رائعين من كل النواحي الى لازم الواحد يحكي عنها بيكفي الدقة بالمواعيد وسرعة التسليم انا اتعامل بالتجارة وعندي بواليص شحن احلى ما في الموضوع اني بقدر ابعت البوالص الى اي مكان واستلمها من اي مكان بالعالم والاهم من هيك انو الاسعار مش غالية زي الشركات التانية بالعكس اسعارهم كتير معتدلة وبعدين التعامل مع الموظفين الله على الذوق والله على حسن التعامل والتهذيب الى هما فيه شي راقي جدا بتذكر مرة كان في طرد جاي الى من امريكا واتصلو على استلمو الله عليهم اعتذرت لاني مشغول وطلبت منهم انهم يجيبولي ياه وفعلا حددو الساعة الى راح يجو فيها . بظبط بنفس الساعة كانو موجودين عندي وبكل ذوق واحترام سلمني الطرد . وبعدين عندهم ميزة رائعة انك لما بدك تشتري اى شي مهما كان بتقدر عن طريقهم يوصلك واحلى شي انك بتدفع لما تستلم يعنى ما بتتغلي بالفيزا وغلبتها انا لو جربت كل شركات العالم اكيد ما رح ارتاح الى مع هذا الشركة وفي مرة حادثة صارة مع اخوى كان بدو بيعث اغراض اظن للكويت وللاسف ضاعت الاغراض مع ارمكس ياسلام على اسلوب التعامل الى عندهم بعثو خطاب اعتذار وبعدين قيمو الاغراض باعلى الاسعار وعوضو عنها وطول الوقت وهما يعتذرو على الاهمال الى صار لغاية ما احنا صرنا منحرجين منهم انا بصراحة انصح الكل بتعامل معاهم بيكفي انو طرد بيوصل من غير كسر او فتح او اي ضرر انا بنصح الكل فيهم لانهم فعلا رائعععععععععععععين
  • Review by رشيد of مخابز الإيمان الالية
    قبل 9 سنوات
    المحل كتير معروف بالمنطقة بس مشكلة المخابز صغير كتير على الاشياء الى عم يقدمها من خبز صغير كبير وحلويات برظو عربية وغربية عندو كل شي حتى كان بصيف عم بيقديم بوظة للناس بس ياريت يعتنى بالنظافة شوى بصراحة مش شوي كتير المحل محتاج لنظافة همى حرام بيحاولو بس على الفاضي وكمان الحلويت كتير بدخل عليه بذات لما يكون في زحمة بيكون كل شي تقريبا مكشوف بالمحل الواحد بيكون جاى على بالو يشتري بيبطل يشتري من شكل الحلويات المكشوفة وبعدين العاملين حرام دائما بنظفو بس لانو في رجل دائما على المحل لو في حدا يكون مخصوص لتنظيف انا بصراحة بحب اشتري من عندو بس الحبز بس بنصح فيه بقيمو
    الديكورات 5/10 النظافة 6/10 العاملين 8/10 الاسعار 10/10
  • Review by رشيد of كارفور
    قبل 9 سنوات
    انا دئما بروح على كارفور عمان اشي بيجنن بصراحة قمة بروعة وكبير وبيجنن وكل المواد الاساسية متوفرة عندهم من مواد غذائية من ملابس من كل الاشياء الاساسية للمنزل واهم شي من مجمدات وملابس واحذية وخضار وفواكة انا بحب التبضع من هناك كمان عندهم العروض شي خيالى بتحس بمعنى التوفير معاهم اذا كانت عندك عائلة كبيرة نوعا ما والنظافة بصراحة مستوها تحت المتوسط بشوى ما بعرف هو اهمال من العاملين بالمول والاهمال من الزوار المهم انو مو كتير نظافة فيه مستواها متدني انا بنصح بانهم يهتمو فيها شوي بالنسبة لبعض المواد الغذائية ياخدو بالهم منها شوى مكان في كتير من الاحيان بلاقي التارخ الصلاحية منتهى وبنسوها جوات الثلاجات ما بعرف وين المسوؤلين عنهم وكمان العربايات الله اكبر بتقعد ساعة وانت دور على العرابية الى عجالها كويسة كل العربايات عجب العجاب ليش مش عارف والمواقف بالمول حدث ولا حرج معجزة اذا لقيت مصف قريب من باب المول او المدخل الموجود بالمواقف تحت المول والاهم من هنيك وجع القلب وموظف الكاش بيدور على الباركود الى بيكون موجود على المنتج الله ساعة والواحد واقف على الكاش وهو بيستنى فرج الله لما الموظف يروح ويرجع ويجيب وحد ثاني عليه الباركود بصراحة انا بقيمة
    النظافة 2/10 الاسعار 9/10 التعامل 7/10 الديكورات 8/10 والتجربة خير برهان
  • Review by رشيد of التحلية مول
    قبل 9 سنوات
    انا لما روحت على هذا المول اشي مش طبيعي من ناحية التصميم الخارجى اشي خيالي من ناحية التصميم الخارجى اشي في غاية الروعة وبعدين بس تتخل المول عن جد تلاقي كتير حلو من ناحية الديكورات وبعدين طريقة تنظيم المحلات الموجودة الى عندهم بتجنن منظمة بطريقة مريحة للزباين وكل البضائع الى موجوده عندهم ماركات معروفة وصناعات جدا كويسة انا حبيت اشتري من عندهم ملابس بصراحة لاقيت كل شي بدي ياه لاقيتو عندهم واحلى شي عندهم انو كل المقسات تلاقيها عندهم والموديلات ولاهم من هيك انو الموظفين داخل المحلات قمة بلاباقة والذوق الله على الاسلوب التعامل بيجنن وبعدين النظافة بالمول قمة من جد رائعة بتلاقي موظفين النظافة منتشرين في كل المول وفعلا مستواها جدا عالي وبعدين وجود المطاعم في مول كتير كويس لانها متنوعة وكل شي بتلاقي بقسم المطاعم ومحلات الكوفي شوب انا حبيت التنظيم الى الموجود في هذا المول نيجي هلق على الاسعار بصراحة شوفت عندهم اشياء كتير غالية واشياء اسعارها متوسطة واشياء عادية جدا انا بصراحة كولو ناسبني اسعارهم بنصح الكل بالتجربة لانو بستاهل
    تقيمى للمول الاسعار 6/10 النظافة 9/10 الديكورات 10/10 جربوه واحكولي رايكم
  • Review by رشيد of القرية النجدية
    قبل 9 سنوات
    انا غرموني عليه اصحابي هناك بالرياض وحسيت انو المطعم شي خرافي لما دخلت على المطعم الله انبهرت من روعتو في شي من عبق التاريخ وروح البادية المهم دخلنا المطعم وحسيت الجلسة فيها تاريخية بالبيت الشعر ودلت القهوة والشاي المحطوط على الموقود علشان يظل ساخن وكمان طعمو بيجنن انا بصرراحة كتير عجبتنى الديكورات لانها كلها من التراث السعودي العريق وبعدين القائمة الطعام الى بقدموها روعة بصراحة فيها تنوع ملحوظ وكلها من الاكل السعودي مثل الكبسة والمظغوط والبرياني وكل هذا الاكل السعودي المميز بعدين طريقة التقديم عن جد رهيبة مالها مثيل والاروع من كذا الاسلوب بالتعامل تاع الموظفين كلهم ذوق وعندهم فن راقي جدا بالتعامل وبعدين بقدمو مقبلات كتير زاكية انا كتير حبيتها بصراحة بتجنن والاروع من هيك بصراحة الاجواء بتجنن انا كتير حبيتها وكمان النظافة جدا مستواها رائع دائما عامل التنظيف حوليك المكان بيجنن من كثر النظافة وبعدين الاسعار حسيتها شوى غاليه بس منيحة بالنسبة للخدمة الى بقدموها لا بيستاهل اكتر من هيك
    فانا اعطيهم هذا التقيم بالنسبة للاكل 10/10 النظافة 9/10 الخدمات روعة جدا 10/10 الاسعار 6/10
  • Review by رشيد of هايبربنده
    قبل 9 سنوات
    انا روحت عليه وانبهرت من روعة المكان بصراحة اشي كتير بيجنن كل المواد التموينية متوفرة واحلى شي انو على كل قسم موجود لوحة توضح ايش موجود في هذا القسم مما يسهل على المستهلك الوصول الى طلبه بكل سهولة وراحة شي رائع جدا وبعدين العروض الى بحطوها عند مدخل السوق اشي رائع كتير لانها بتوفر على المستهلك بشكل كبير وبعدين الارفوف عندهم كلها مرتبة بشكل رائع جدا والنظافة مستواها قمة طول الوقت وعربات التنظيف شغالة وريحة المطهرات بتحسسك بشعور غريب بالنظافة وكمان حبيت طريقة الترتيب تاعت المجمدات طريقة كتير عجبتني الحوم لحالها والخضار لحالها يعني الترتيب مبين عندهم وبعدين الموظفين الله على الاسلوب الى عندهم رائع عن جد من ناحية ذوق والادب ولباقة بالتعامل بعدين الاسعار عندهم كتير كويسة ما بتلاقي اشي غالي كولو بمتناول الجميع واحلي شي عجبني اي شي بدي ياه بلاقي من ناحية الملابس واللعاب وكل لوازم البيت وكل شي منم مواد كهربائية كمان موجودة وبعدين طريقة الديكورات عندهم مرتبة جدا انا بصراحة بعطي
    الدبكورات 10/10 الاسعار 10/10 النظافة 10/10 جودة الخدمة المقدمة 10/10 انا بنصح الكل بزيارة لانو بستاهل الزيارة بصراحة اه على فكرة عندهم مواقف لسيارات يعني ما بتحتار وين بدك تصف اشي رائع الى بدو يروح على الرياض لازم يزور هايبر بندة
  • Review by رشيد of فندق الانتركونتيننتال
    قبل 9 سنوات
    انا جربتو لما رحت على الرياض بصراحة اشي فوق الخيال صعب الكلمات توصفها من ناحية انو الغرفة كتير واسعة وبتجنن كلها اشي مطل على شواع المدينة بالمنظر الرائع واشي مطل على البركة بمنطر روعة اول ما دخلت على الفندق روحت على الاستقبال وكان قمة بالروعة موظف الاستقبال من ناحية التسهيل بالمعاملات حجز الغرفة وبعد ما حجزت وخلصت اجى الموظف بكل زوق واحترام لاخذ الحقائب الى الغرفة وفعلا دخلت الغرفة شي رائع من ناحية الترتيب والنظافة والديكورات الفندق والغرف كتير كانت مريحة وكانو دائما الهاوس كيبر بيجو وينضفو الغرف والحمامات بطريق رائعة وايضا تقدر تستخدم مرافق الفندق بكل اريحية من ناحية الجم وناحية البركة بس بصراحة الاسعار كتير غالية حتى على الخدمة الى بقدموها برضو غالية بس الاسم بيلعب دور اكيد بغلو الاسعار الاكل عندهم كتير زاكي والحلويات الى طعم خرافي ولما بدي اطلع مشوار كانو يامنو الى سيارة بسموها لموزين بس كانت تحت طلب وين بدي اروح تودينا وبرضو طلع سعرها نار بس بصراحة حبيت الفندق ونزله فيه انا بصراحة بعطي من ناحية الديكورات 10/10
    الاسعار نار 5 /10 الاكل والقائمة 10/10 النظافة 10/10بنصح فيهم بس للمليان طبعا واكيد بحب اعيد التجربة عندهم
  • Review by رشيد of سينابون
    قبل 9 سنوات
    انا من عشاق القهوة وكثير زاكية عندهم الها طعم مميز كتير والاروع من هيك النكهات الى عندهم اشي بالكرمل واشي بالشكولاتة والبندق انا بصراحة بشوف عندو نكهات كتير بس ما بحب اجرب غير الكرمل والبندق الديكورات تاعتو بحسها فرنسية بحته من ناحية الكراسي والاضائه الخافتة الخفيفة والترتيب الى فيه العاملين بصراحة انا زرت محلات بقدمو قهوة كتير بس على الترتيب الى شوفتو عندهم ما لاقيت كل العاملين الى يشتغلون بنفس الزي المرتب والاسلوب اللبق بالتعامل والبسمة الجميلة وهم يخدمون الزبائن والمنيو الى عندهم بصراحة متنوع من سينابون الى بالكرمل والى بالمربي والسادة والمكسرات وطبعا الاساسي الى بالقرفه والصوص وحلو انو في احجام مختلفه من السينابون انواع كتير صعب انو الواحد يعدها وما شاء الله عليهم بتلبيت الطلابات ما بيلحق الواحد يحكي الى يكون الطلب قدامك وبعدين كل شي عندهم منظم ومرتب والنظافة كتير منيحة تشوفها وبتحس فيها بالنظافة الطاولات والكراسي الادوات الى يقدمو فيها وكمان الحلو عندهم الواحد اذا بدو يدخن في الو مكان مخصص وكمان الى ما بدخن الى مكان تاني يقعد فيه براحتو وعلى فكرة انا زوت محلاتو باغلب دول العالم وكلها على نفس النمط ماشية وعندهم تنوع ملموس بالقائمة الطعام اما بالنسبة للاسعار غالية عندهم بس للى بيقدمو بيستاهل الاسعار الى بتدفعها واحلى شئ بعد ماتقرر تمشي وتروح تاخد من السينابون معك على البيت كمان لانو لايقاوم ابدا انا بصراحة بعطيهم
    على الديكورات 10/10 والنظافة 10/10 والتنوع في القائمة كمان 10/10 اما الاسعار بصراحة بعطيهم 6/10 بصراحة انا دائما بروح عليه فابنصح الكل بشرب القهوة واكل الحلويات من عندهم اكيد راح تعيديوها كذا مرة
  • Review by رشيد of مطعم السرايا التركي
    قبل 9 سنوات
    انا زوت المطعم لما زورت الرياض بصراحة المطعم كتير راقي وحلو من ناحية الديكورات كتير رائعة مناظرها بتفتح النفس وكتير بتحس براحة نفسية وانت قاعد عم تاكل اما الاسعار بصراحة على حسب الطلب في اشياء عندهم رخيصة واشياء غاليه يعنى مثلا في اطباق حسيتها غاليه زي اليخاني واشياء رخيصة حسيتها زي المعجنات اما على الطعم بيجنن كتير زاكي الاكل الى عندهم ما طلبت شي الى ولقيتو بيشهي والمنيو كتير متنوع من ناحية الشوربات المعجنات والمقبلات والسلاطات والصوصات وبعدين الصحن الى بتطلبو بيكفي يعنى بشبع كتير لكل العيلة بس بصراحة عليهم خبيز خبز بحياتك ما رح تاكل زيو لانهم بيخبزو بالمطعم عندهم على طريقة اهل زمان وكمان بيجيبو صحن كباب من كثرتو بيشبع كل العيلة الة بتكون معاك والخدمو سريعة جدا ما بتلحق تطلب الطلب الى تلاقي وصلك وبظل الجرسون رايح جاي علشان يشوف طلاباتك اما بالنسبة لنظافة فمستواها جدا عالي بالمطعم والترتيب الله عليهم اشي عن جد بيفتح النفس انا كتير انبسط من الروحة عندهم واكيد بعيدها كذا مرة لاني ارتحت في هذا المطعم بس الماخذ الى عليهم طريقة عملان العصاير عندهم بحسها مش طبيعية ما بعرف ليش كذا مرة اطلبها وبعدة انواع وكل مرة برحعها لغاية ما لغية الطلب على العصير بس هذا الماخذ عليهم انا بعطيهم من 10
    الاسعار 8/10 الديكورات10/10 الخدمة 9/10 النظافة10/10 انا بصراحة بنصح بالزيارة لاني اكيد من انكم راح تعيدوها
  • Review by رشيد of الفيصلية مول
    قبل 9 سنوات
    انا بصراحة بحب اروح هناك كتر من جمال المنظر الخارجي وبعدين من داخل المول ايشي بياخد العقل ولما بنروح على الفيصلية فيها صالات الاكل كل شي بيجي على بالك بتلاقي عندهم
    متوفر عندهم مواقف للسيارات كتير منظمة وكويسة وعندهم المحلات كلها ماركات عالمية ومن احدث الموديلات العالمية بلاقاه فيها بنصح الكل بزيارة
  • Review by رشيد of 50 فاكهة
    قبل 9 سنوات
    انا جربتو لما رحت على السعودية وكانت تجربة بتجنن من ناحية الطعم وحلاوة الفواكة وعندهم كوكتيل بيجنن لانو كولها طازجة ما بحطو فيه اي شي صناعي انا بنصح فيه الاسعار منيحة عندهم مش كتير غاليه
Next