أمجد حسان

أمجد حسان

عمان . منذ يونيو 2011
بدرس هندسة ميكاترونكس سنة رابعة ، بحب كل اشي جديد بالحياة الهاتف : 0785656471 صفحتي على الفيس بوك http://www.facebook.com/profile.php?id=100000034680255
24 من المراجعات
الأماكن المضافة
4
مراجعتي كانت الأولى
5
مراجعاتي
24
أماكن فضّلتها
3

مراجعاتي

  • Review by أمجد of التسوق الممتع
    قبل 6 سنوات
    المحل سكر قبل اكثر من سنتين
  • Review by أمجد of عالبال كافيه
    قبل 6 سنوات
    من اسوء الاماكن اللي رحتا ... اللي بشتغلوا بضلهم يتفرجوا فيك بتحس حالك عامل عملة ، طلبت وجبة فاهيتا جابولي وجبة زنجر رجعتها وجابوا الفاهيتا بعد مدة ، طلبت واحد مي جابو اثنين مي وما رضوا يرجعوا وحدة ... والاسوء من هيك طلبت ارجيلة عالبال رجع حكالي ما في اطلب نوع ثاني حكيتله تفاحتين بالاخير جابلي عنب ونعنع .. خدمة جدا سيئة واول مرة واخر مرة بروح على هالمكان
  • Review by أمجد of المختار مول
    قبل 6 سنوات
    بدي احكي عن الكافيه اللي باخر طابق بالمول ،الكافيه سيء جدا جدا العمال كل واحد لابس لبسة شكل ، بتطلب طاب بيجي بعد نص ساعة ، المكيفات مش شغالة ، المرة اللي رحتها عمال الكافيه عملو طوشة مع بعض وضربو بعض ، الارجيلة كانت سيئة وغيروها وضلت سيئة ، خدمة سيئة واخر مرة بروح هناك
  • Review by أمجد of مقهى السلطان
    قبل 7 سنوات
    رحنا عليه انا وصاحبي يوم الجمعة المسا قبل ما تدخل بينط موظف بيستقبلك وهاد شي حلو .. المكان مكتظ بالناس ... الطاولات مش بمستو ى النظافة .. الطلب بينزل بسرعة ... الباعة والمتسولين موجودين بكثرة ... واحنت قاعدين صار في طوشة مع واحد كانه سكران وما بده يدفع وكل الموظفين هجمو عليه وقلب المحل مسخرة ... كانت تجربة جدا سيئة
  • Review by أمجد of بن العميد
    قبل 7 سنوات
    قهوته لا يعلى عليها زاكية كثيير ... القهوة السادة عنده مميزة
  • Review by أمجد of لميس للسياحه والسفر
    قبل 7 سنوات
    اطلعت معهم الجمعة على رحلة البتراء ورم يوم واحد الرحلة اسمها vip ولكن للاسف غير شاملة الافطار والغذاء السعر 23 دينار ودينار دخولية رم ودينار دخولية البتراء ... المندوب اسمه اسامة محترم ومثقف الانطلاق كان الساعة 6 انطلقنا 6:15 الشوفير زاد الرحلة انه ورجانا قلعة الشوبك لما وصلنا البترا المندوب ما مشا معنا كل واحد مشا لحاله اتاخرنا للساعة 2:05 اتفاجانا انه الباص منطلق للفندق وهاي حسنة وسيئة بنفس الوقت لانه حكولنا التجمع على ال2:00 رم ممتعة وبيت علي الجو في حلو وبيخلوك على راحتك كان مفروض نطلع من رم الساعة 8:45 بس لانو المندوب شافنا مبسوطين كثييييير اطلعنا على ال10:00 والكابتن كان اسمه ابو جانتي رائع ومن الاخر اوصلنا المكتب 2:00بالزبط ... كانت رحلة اكثر من رائعة ومميزة
  • Review by أمجد of منتزه و مطعم نبع البحاث
    قبل 7 سنوات
    رحت على المتنزه مع عيلتي يوم جمعة ، موظفين الاستقبال جيدين نوعا ما الدخولية على الشخص 5 دنادنير وما في خصم حتى لو كانت عيلة كبيرة ، اجرة اصفاف السيارة دينار والنفلة بالعرباي عشان تنزل الاغراض لجوى دينار ، المكان قمة الروعة انبسطنا في لابعد الحدود وبما انه عائلات اغلب اللي في ناس راقية ورايقة
  • Review by أمجد of مجموعة ابو الحاج تاكسي المميز
    قبل 7 سنوات
    اتصلت فيهم حجزت الساعة 10 المسا انه يجي الشفير على ال3وربع يكون عند باب البيت من طبربور للجاردنز ب4 دنانير فقط ، الساعة 3 وربع رن وفصل ارجعت رنيت عليه بحكيلي أنا عند المشاغل ، احتاج ل5 دقايق لما وصل ، وطول الطريق وهو يشكيلي من الشركة وانه مش مرتاح ، وانه انضحك عليه ، وبالآخر طلب 5 دنانير ونص ، صرت أجادل في انه اتفقنا مع الشركة ب4 دنانير ، وعشان كنت مستعجل وخايف باص الرحلة يطلع أعطيته 5 وربع ، الخدمة جيدة بهالوقت بس بعض الشوفرية تبعونهم مش مزبوطين وبدهم ينصبوا
  • Review by أمجد of لميس للسياحه والسفر
    قبل 7 سنوات
    رحت معهم على جزيرة فرعون رحلة يوم واحد ب33 دينار يوم الجمعة ، كانوا معطينا جدول للرحلة التزموا فيه حرفياً ، المشرف متعاون وكريزمته مش كثير بس عمل اللي عليه ، فعلا رائعين جداً وملتزمين بالأوقات .. وما راح أطلع رحلة داخلية الا معهم
  • Review by أمجد of مستر كوشري
    قبل 8 سنوات
    ررحنا أنا وأخوي عليه ثالث يوم العيد .. ما كان في حد كثيير اللي بشتغلوا بالمحل جداً محترمين ومتعاونين في صالة فوق فقط للعائلات ما بطلعوا عليها شباب وفي قعدات تحت عنده 3 أصناف كشري وباشاميل وام علي صحن الكشري بدينار و90 قرش زاكي كتيييير وعجبنا خصوصاً مع خل الليمون المحطوط على الطاولة .. الكاتشب مع الكشري مش زاكي أم علي خيالية ثمنها دينار ... زاكية جداً وهي ساخنة مطعم يستحق الزيارة
  • Review by أمجد of مطعم مازات
    قبل 8 سنوات
    المطعم بيقدم بيتزى بمختلف أنواعها ، نزلنا بيتزى بالجبنة وباللحمة وبيتزا عادية الجبنة واللحمة زاكية كثييير اما العادية ما حبيتها ، الخدمة عندهم سريعة وممتازة والقعدة حلوة بتشوف الناس وهمي بيمشو والموظفين متعاونين ومحترمين ، ما كانوا حاطين موسيقى ، والمحل رائع جداً
  • Review by أمجد of الشركة المتحدة لنقل الركاب
    قبل 8 سنوات
    حجزت مع الشركة يوم الجمعة الساعة 7.30 صباحاً على العقبة سعر التذكرة ذهاب 6 دنانير وذهاب واياب 10 دنانير ، الانطلاق كان 7.30 تماماً من العبدلي ، الاستقبال عادي والباص مش حديث كثيير لكنه نظيف ، بس المقعد اللي قعدت عليه كان مكسور وراجع لورى شوي لكنه مريح ، صار في خلل انو الناس ما رضو يقعدو بالمقاعد المكتوبة على التذكرة بس بالآخر الكل قعد وهو مبسوط ، المضيفة تعاملها محترم وانطلقنا من الدوار السابع على ال8 تماماً ، أثناء الرحلة كل ساعة المضيفة بتيجي تسأل أي طلبات والأسعار عادية يعني البيبسي أبو الربع عندهم بنص ، وأثناء الرحلة حطو 16 أغنية وفلم سامي أكسيد الكربون والمشكلة انو الصوت ما كان واضح فعشان هيك ما ركزت بالفلم ، في استراحة وحدة للتدخين ، الحمام لا يوجد به ماء وهاي المشكلة ، بس انه نظيف ، الشركة ممتازة تعاملاً ولو صحلي تاني مرة بنزل معهم لاني ارتحت كتييير
  • Review by أمجد of التسوق الممتع
    قبل 9 سنوات
    من أفضل الأماكن التسوقية اللي بروحها أول شي لانه جنب بيتي ، بعدين المعاملة في كثيير ممتازة وفي اغلب الأصناف وبأقل الأسعار ، العروض فيه كثييرة والأسعار عند العروض بتكون أقل من سعر السوق ، وفي قدامه سوق خضرة والأسعار في ممتازة كثيير ، وقدامه كمان كشك بن العميد وفي مصف سيارات وتقريباً بتلاقي عنده كل شي
  • Review by أمجد of الدكتور جميل ناصر
    قبل 9 سنوات
    رحت على الدكتور جميل عشان أفحص نظر وكانت عيني ملتهبة ، البنت اللي بالاستقبال كثيير جفصة بالتعامل وأول ما قعدت حكيت بعقلي انو يا ريتني ما جيت ، بس لما دخلت على الدكتور الدكتور كبير وعندو خبرة ومحترم جداً وراقي بالتعامل وبيحكي للواحد الصافي يعني مش همو المصاري
  • Review by أمجد of مطاعم غزال
    قبل 9 سنوات
    مطعم غني عن التعريف ذو سمعة طيبة في أكله وبالفعل هو كذلك الأكل زاكي كثيير والخدمة سريعة جداً والعمال مرتبين واحب أن أطلب وجبة ايطالي شاورما جاج جربوها وعلى مسئوليتي والسعر 3 دنانير
  • Review by أمجد of مدينة الجبيهة الترويحية
    قبل 9 سنوات
    ثاني يوم العيد رحت عليها ، وبصراحة كنت خايف كثيير لأني قرات نصائح جيراني عليها ، ورحت شبه مجازفة ، بس هناك شفت انو الوضع جميل وحلو ، المكان في ناس كثيير واللعبة بتحتاج 20 دقيقة عشان تلعبها ، في ألعاب حبوة مثل الجبل الروسي وأبواللو وفي ألعاب زتخة كثيير زي الأشباح ، وعجبتني فكرة القطار اللي بلف بس من كثر الناس بطلوا يركبوا عليه ، الأسعار نوعاً ما غالية اللعبة بدينار ونص بس حلوة وممتعة ، النظافة عادية جداً ، بس نصيحة مهمة المكان لا يصلح للعائلات وخصوصاً لبنات لحالهن بيوم الأعياد لأنو ما راح يعجبهن الوضع أبداً ... المكان بالنسبة لشباب لحالهم ممتاز
  • Review by أمجد of مطاعم الوزان
    قبل 9 سنوات
    أنا رحت لما كنت بجدة عليه ، أكلت من عندهم مشاوي مرره طيبة اطيب مشاوي أكلتها بحياتي ، وعندهم كوكتيل يسببلك رجه ، عندهم حمص باللحم طيب ، أسعاره صراحة متوسطة ، والجلسة تهبل مرره
  • Review by أمجد of مسجد الجامعة
    قبل 9 سنوات
    صليت فيه لأول مرة الجمعة الماضية ، البناء رائع جداً والخطبة كانت مميزة وبيحكي الشيخ فيها عن أمور بتجري بالحياة ، وصار يحكي عن وجود محاضرات شرعية ودينيةكليوم لشيخ معروف زي أحمد نوفل ، بعد الصلاة حسيت حالي طالع على سوق في كل شي من أصحاب البسطات اللي ببسطوا بعد الصلاة ، دورات المياه نظيفة ولكن بحاجة الى اهتمام أكبر من المصلين أنفسهم
  • Review by أمجد of اكاديمية الثريا للتنمية البشرية والتدريب
    قبل 9 سنوات
    حضرت فيها أكثر من محاضرة ، الأكاديمية ممتازة والقاعات فيها منيحة، بس لازم يزبطوا الصوت بالقاعة الكبيرة ، وبيقدروا يحدثوا الداتا شو بالقاعة لانو النظام الداتاشو اللي عندهم قديم جداً ولازمه تحسين ، موقع الأكاديمية جيد بالقرب من المستشفى الاسلامي
  • Review by أمجد of كوشنز لاونج
    قبل 9 سنوات
    المكان رائع جداً وخصوصاً الطابق الثاني ، الطلة في حلوة والمنظر جميل ، الديكور والنارة رائعة فيها شوية رومانسية ، الكنبايات مريحة جداً والموظفين تعاملهم راقي وعلى طول بشوشين وخدومين ، بالنسبة لموقعه حسيته منعزل شوي
  • Review by أمجد of لبناني سناك
    قبل 9 سنوات
    المطعم راقي ونظيف ، الخدمة في كانت بطيئة لاني رحت بالعيد وطلبنا شاورما وخلصت فاضطرينا نغير الطلب ، أسعاره مش كثيير غالية بس الزنجر ما حبيتو من عندو ، والكوكتيل زاكي
  • Review by أمجد of برايم سينما
    قبل 9 سنوات
    سينما رائعة جداً رحتها ثالث يوم العيد الجلسة قبل ما تدخل علىالسينما فاخرة كثيير ، ومضخمات الصوت رائعة والشاشة واضحة والمقاعد مريحة جداً والكل متعاون فيها ... استمتعت لما رحت كثيير
  • Review by أمجد of محترف رمال
    قبل 9 سنوات
    المكان جميل ورائع جربتوا في نشاط مع شركة وقتك للتدريب ، المكان واسع وفي فكرة حلوة ، المشكلة كان النحل اللي بيقرص على باب المحترف ، بنصح الجميع بزيارتوا
  • Review by أمجد of مخابز جواد
    قبل 9 سنوات
    مخابز جواد من أرقى المخابز الموجودة بالمنطقة سمعتها كثيير ، والكعك من عندو غير شكل والبيتيفور رخيص وجداً لذيذ ، ما بعتقد حدا بعمان ما جربوا .. واللي ما جربوا بنصح انو يجربوا
  • Review by أمجد of سبورت لاند
    قبل 9 سنوات
    المحل مميز جداً ، وبضاعتوا ممتازة وما عليها كلام ، أسعاروا حلوة خصوصاً بوقت العروض ، وبتلاقي عندو اغلب الملابس الرياضية اللي بتحتاجها ، تعامل الموظفين راقي وبحترموك وبيضلوا واقفين معك اذا ما في أزمة
Next

أماكن أفضلها